تجمع اولياء امور مدرسة الخليج الانجليزية في السالمية

[عزيزتى]

صباح الخير
اشلونكم
امس وزعو ريبورت الكي حي ويوم السبت meetingلاتنسون

 

[ملكة بيتها]

شلونكم أمهات وشخباركم
شفتوا الجو شلون قلب ؟؟

 

[الفرسان الثلاثة]

ايه حده برررددد فجأه بدون مقدمات هذي الكويت صل على النبي اهيا ديرتنا وفيها اللي نبي

 

[ملكة بيتها]

هههه الفرسان صاجه هذي الكويت يا حلوها ويا حلو جوها
شخباركم أمهات طمنونا عليكم

 

[طيبة الكويتية]

سلام بنات شخباركم
رحت الاسبوع اللي طاف مدرستكم, و للأسف الظاهر انهم كانوا بادين التسجيل من زمان و قالت لي انه ما عندهم اماكن و كل الطلبات اللي ياخذونها للمراحل اللي ابيهم على الويتنج لست. احس مت من القهر. و اللي باط جبدي زود انهم قالوا ما يسوون مقابلات الحين.
فهمتهم اني مو قاعده بالكويت و لازم يسوون استثناء نفس باجي المدارس اللي رحت لها. قالت الموظفه ما يصير و المقابلات تبدي شهر 4.
الله كريم يارب و احصل لهم مدرسه زينه.

 

[الفرسان الثلاثة]

هلا طيبه شخبارج طولتي الغيبه عساج ان شاء الله مرتاحه
التسجيل بدا نهاية الاسبوع اللي طاف بس اشدعوه مامداهم! يمكن يقولون جذي عشان لاتعتمدين عليهم لان إعادة تسجيل المستمرين ماخلص عندنا واحتمال مافي مكان في بعض المراحل واخوانهم اللي يبون يسجلون هم لهم الأولويه
تفائلي خير ان شاء الله
انت عندج الله يحفظهم أي مراحل؟

 

[mr000]

سلام أمهات الخليج اشلونكم.. طيبه يلا ميخالف يمكن خيره ان شاءالله تحصلين لهم مدرسه زينه ..شوفي مدرسة الكويت الانجليزيه بسلوى...عاد اشرايج آنا قبل سنتين وديت ولدي الخليج بشهر 10كنت متضايقه من مدرسته وقلت خلاص بنقله ورحت لهم تصدقين الوكيل قابلني وسواله اختبار ثاني يوم بس وديته مبجر قبل الدوام ونجح وانقبل حتى قالتلي السكرتيره بسرعه دفعي الرسوم وييبي ملفه من مدرسته لأن موعد النقل راح ينتهي هالأسبوع..بس حسافه ولدي هون خاف أنه مايمشي معاهم لأنهم نظام انجليزي وآنا هم غلطتي إني ماشجعته يعني هم ترددت وهونت خليته بمدرسته..تالي اشكثر تحسفت!! حاولي تكلمين الوكيل أو الناظر وتشرحين له ظروفكم يمكن يساعدج!!

 

[طيبة الكويتية]

هلا طيبه شخبارج طولتي الغيبه عساج ان شاء الله مرتاحه
التسجيل بدا نهاية الاسبوع اللي طاف بس اشدعوه مامداهم! يمكن يقولون جذي عشان لاتعتمدين عليهم لان إعادة تسجيل المستمرين ماخلص عندنا واحتمال مافي مكان في بعض المراحل واخوانهم اللي يبون يسجلون هم لهم الأولويه
تفائلي خير ان شاء الله
انت عندج الله يحفظهم أي مراحل؟

اهلين و الله الفرسان الثلاثه
الحمدلله كل شي تمام بس والله سالفه المدارس تخلي الآدمي مو طبيعي من كثر المحاتات.
ماشاءالله الظاهر انه المدرسه عليهم وايد اقبال الله يوفق الجميع يارب.
عيالي راح يكونون بيير 1 و 2. و يمكن عندهم اكتفاء بالمرحلتين هذول.
اذا المدارس اللي ابيها ما ردوا علي شهر 3 في الغالب راح ارجع الكويت شهر 4 علشان المقابله و الله كريم يارب

 

[طيبة الكويتية]

سلام أمهات الخليج اشلونكم.. طيبه يلا ميخالف يمكن خيره ان شاءالله تحصلين لهم مدرسه زينه ..شوفي مدرسة الكويت الانجليزيه بسلوى...عاد اشرايج آنا قبل سنتين وديت ولدي الخليج بشهر 10كنت متضايقه من مدرسته وقلت خلاص بنقله ورحت لهم تصدقين الوكيل قابلني وسواله اختبار ثاني يوم بس وديته مبجر قبل الدوام ونجح وانقبل حتى قالتلي السكرتيره بسرعه دفعي الرسوم وييبي ملفه من مدرسته لأن موعد النقل راح ينتهي هالأسبوع..بس حسافه ولدي هون خاف أنه مايمشي معاهم لأنهم نظام انجليزي وآنا هم غلطتي إني ماشجعته يعني هم ترددت وهونت خليته بمدرسته..تالي اشكثر تحسفت!! حاولي تكلمين الوكيل أو الناظر وتشرحين له ظروفكم يمكن يساعدج!!

والله يا ميرو رحت كل المدارس.
و الكويت الانجليزيه اللي بسلوى كانت اول مدرسه رحت لها و امتحنوهم و الحمدلله نجحوا بالامتحان و انقبلوا لكن على
الويتنج لست.
رحت البريطانية اللي بسلوى قبلوا ولدي الصغير و الكبير رفضوه الله يسامحهم.
رحت الانجليزيه الحديثه اللي بالجابريه و امتحنوا و ننطر النتيجه شهر 3 على خير.
و رحت بعد مدرسة الكويت الوطنية الانجليزيه و الحمدلله امتحنوهم و اقبلوهم و بروح ادفع الفلوس شهر 3 لين يردون علي المدارس اللي ابيهم.
و اليوم رحت اللانجليزيه اللي بفحيحيل و امتحنوا عيالي و الحمدلله بعد انقبلوا و قالوا لي يلا روحي دفعي الفلوس. و قلت حق ابو العيال قالي احنا ادم ناطرين المدارس الزينه دفعي لللأقرب اللي بحولي و استبعدي اللي بفحيحيل. و متى ما ردوا علينا اللي بسلوى او الجابريه ذيج الساعه نختار الأحسن لهم بس الحين نضمن لهم مكان بمدارس الكويت.

انتي اشرايج مرو. الوطنيه اللي بحولي قديمه تقريبا 19 سنه مو سامعه عنها شي؟؟؟؟

 

[ملكة بيتها]

سلام أمهات شلونكم
طيبه الكويتيه ..الله يكتب اللي فيه الخير لعيالج وين ما كان وإنتي زين سويتي وقدمتيلهم في كذا مدرسه

 

[mr000]

هلا والله لا ماعندي فكره عن الوطنيه بس ماشاءالله زين انقبلوا بمدرسة الكويت الانجليزيه لأن مستواها قوي وإذا دقوا عليج سجليهم فيها ترى وايد يمدحونها

 

[mr000]

النيو انجلش سكول بالجابريه هم زينه بس القبول فيها صعب !

 

[ملكة بيتها]

شلونكم أمهات ولهت عليكم طمنوننا عليكم حبايبي

 

[mr000]

سلام أمهات الخليج..ملكه اشلونج

 

[ملكة بيتها]

هلا مروو شلونج حياتي ..الحمد الله أنا بخير حبيبتي

 

[روحي تحب]

سلام امهات شلونكم عساكم بخير يارب بشروني عنكم يارب دوم اسمع اخبار طيبه عنكم

 

[عزيزتى]

طيبة انشاالله يقبلونهم في احسن المدارس يارب

 

[ملكة بيتها]

سلام أمهات
روحي تحب ...شلونج حبيبتي وشخبارج إنتي بشري عنج ومشكرره على الدعوه والسؤال
عزيزتي ...شلونج حبيبتي بشري عنج ؟

 

[ملكة بيتها]

شلونكم أمهات

 

[اثمان]

بنات تنصحونى انقل ولدى لمدرسه بريطانيه ؟

لانه حاليا باولى ابتدائى بمدرسه ثنائيه اللغه