تجمع امهات العالمية الامريكية

[N0oNa]

مشكوره حبيبتي و ما قصرت و الله حلوه المقابله و صج على عمرها يعني ما اتعمقت وايد بالانجليزي

شلون تركيزهم على العربي و الاسلاميه يعني يوميا ولا مرا بالاسبوع؟؟؟
و دراستهم كله بالانجليزي بالنسبه للروضه و لا في عربي؟؟
سوري اذيتكم بالاساله بس لازم استفسر عن هالامور

 

[Fouz]

العفو نونا و حياج الله ويانا

العربي كل يوم نص ساعة حسب جدولهم و الله بنتي تعلمت لانها قبل ما تعرف ولا حرف عربي، و الاسلامية مرة بالاسبوع هم نص ساعة

ودراستهم بالانجليزي و العربي يعني الحين بالاجازة معطينا أوراق يحلونهم اليهال بالعربي و الانجليزي بس أكيد الانجليزي أكثر

و بالعكس اذا عندج اي سؤال لا تترددين، كلنا كنا مثلج و نبي احد يفيدنا

 

[bella bambina]

مساء الخير أمهات
مروو والله حتى آنا فيني نقص كالسيوم ومغنيسيوم وما أحب الحليب بس على اللبن والروب وعلى طاري حليب الككاو رفيجتي يابت حق عيالها حليب ككاو كي دي دي من البحرين

 

[N0oNa]

مشكوره صج كنت احاتي وايد و المشكله اني مسافره و ما راح ارد الا نص شهر واحد عسى الحق على التسجيل و بركز على الانجليزي هاليومين

 

[mr000]

سلام أمهات اشلونكم..أي والله ريمان خوش جو تونا رادين من الطلعه... اشدعوه شفنا الشمس كله داخل مجمعات.. ريمان اشدعوه ولدي مقطع الكتب من الدراسه اليوم قعدت شويه متأخر سألته اشدرست قالي 3 دروس عربي .. بس وتعيشين وتسلمين وباقي اليوم بلي ستيشن وطلعه!كراميلا شخباركم اليوم... ماراح تطلعون بره لندن وألا حدكم السوق؟ عاد استعدي حق باجر طق بوكسات المحلات.. اذا صارلج فرصه تشترين هذا البوت ال uggلاتفوتينه لأن آنا سألت قالوا يطلبونه بالأنترنت بحدود ال70 وال80 وفوق على حسب الموديل وفي دكتوره مع ولدي شاريته من الصالحيه ب160... والله آنا ماأشوفه يستاهل هالسعر بس بعد بنات الكويت لي هبوا بشي صار لازم...

 

[mr000]

أهلين بيلا أقولج آنا شكلي بطرش ولدي الخبر اييبلنا بس خل يصير عنده يوم أوف من الدوام!!

 

[Fouz]

تروحين و تردين بالسلامة نونا و ان شاءالله تلحقين لأن وزعوا علينا اوراق اذا نبي نسجل عيالنا السنة الياية او اذا عندهم اخوان عندنا مجال الى نهاية يناير فأعتقد على اخر شهر واحد او اول فبراير يستقبلون الطلبات اليديدة

شلونج بيلا
حليب الكاكاو هذا محبوب الجميع، العايلة كلها تموت فيه، بس خوش فكرة سالفة البحرين و الخبر بشوف منو رايح علشان اييب حق بنتي على الاقل انا عادي انطر بس اذا بدت المدرسة شحط لها المخزون اللي عندي خلص من يومين

 

[mr000]

تصدقين فوز آنا ولدي يقول ماعطوهم الورقه اللي اذا بندفع حق السنه اليايه يمكن بس الكي جي معطينهم! عموما آنا من بداية شهر 2 أدفع له حق السنه اليايه علشان أفتك قبل لاأصرفهم!

 

[bella bambina]

هاي أمهات
هلا والله مروو وفوز آنا عيالي أذوني لما انقطع عصير المانجا من الجمعيات جم يوم بس بعدين حصلته بالشركه ومن يومها أشتري 6 كراتين احتياط لأن اذا دلول ما لقت عصير يصير عندنا استنفار بالبيت

 

[mr000]

سلام أمهات توه ريلي يقولي أن اليوم راح شركة الألبان kdd وقاله بعد المصنه ليلحين قاعد يصلحون الجزء اللي احترق قبل كم شهر وليلحين موقاعد ينتجون حليب كاكاو!! خلاص ماكو ألا الخبر وألا البحرين!!

 

[mr000]

سووووري عالبدليه المصنه = المصنع

 

[mr000]

سلام أمهات أشلونكم! وين برنامجكم اليوم حق العيال؟!

 

[Fouz]

السلام عليكم
شخباركم أمهات

مرو شلونج، اكيد رتح يعطونهم الورقة اول ما يداومون و زين تسوين تحجزين و تفتكين، انا بعد اول يوم دوان ان شاءالله ادفع و افتك قبل لا انسى و أثقل، و الرياييل ماشاءالله وايد يبردون القلب كل يوم بيقولي نسيت والا ما اقدر اطلع من الدوام
على طاري البوت صااااجة كل شي بالكويت هبة، عاد انا من ايام الجامعة الشي اللي يهبون فيه حتى لو عاجبنب يطيب خاطري منه، و هذي فرصة السوق الشي اللي يدرون الناس ميتة عليه يرفعون بالسعر و الناس تشتري محد منقرد الا الاهالي مساكين ما ودهم يكسرون بخاطر عيالهم، اعرف وحدة عندها 5 بنات الله يحفظهم و كلهم طقة الثانوي و الجامعة، هذي اذا بتشتري حق كل وحدة بوت طار نص المعاش
بس كلش مو بشارة سالفة مصنع كي دي دي و المشكلة هاليهال ماشاءالله عليهم يميزون الطعم

هلا بيلا، الله يخلي لج دلال و اخوانها، عصير المنجا اشوة موجود بس هالكاكاو ابتلشنا

اليوم ما طلعنا، بروح بيت أهلي بعد شوي لان كلهم صايمين فبروح عقب الفطور

نشوفكم على خير

 

[mr000]

! فوز على طاري حليب الكاكاو إحنا الصبح كلنا حق الدوامات محد يقعد عالريوق إلا زوجي والباقي كل واحد ياخذله حليب كاكاو ويمشي تشوفين الخدامه مسطرتهم عالطاوله حتى ولدي العود ومرته حاسبينهم معانا

 

[المحامية لطوفة]

محتاجة استشارتكم
ولدى انشاءاللة بسجلة شهر 1 kg1
ابى شنو رايكم بالمدرسة؟من جميع النواحى
ابى ملاحظاتكم على المدرسة
وشنو تنصحونى ؟
ان اهم شى عندى ان المدسين امريكان علشان اللغة والاكسنت
بنتى بالاكادمية الامريكية للبنات g3
واللغة والاكسنت عندها قوية
ممكن الرد على الخاص
ويعطيكم العافية

بليييييز فيدونى:yaaaaaarb:

 

[ReeMaN]

سلااام امهات العالميه شخباركم حبيباتى انشالله بخير شلونكم مع اجازة الويك اند انشالله مستانسين ؟؟؟

مروو انا شريت حق ولدي كرتون حليب كاكاو abc حسبت نفس الكي دي دي ماهقيت ان طعمه مو حلو وماراح يشربه طاح بجبدنا

وجربت له المراعي والكي دي كاو كلش ماااعجبه ........

 

[bella bambina]

مساء الخير أمهات اشلونكم واشلون عيالكم ؟
الحمدلله عيالي ما يحبون حليب الككاو عاد لقيت علبة بالثلاجة شكلي بسوي عليها مزاد
مروو اليوم وديتهم الأفنيوز لعبو بماجيك بلانيت متى يداومون مصرف كل يوم يبون يطلعون
فوز آنا بصوم باجر وعقبه لأني قمت الفجر حق الصلاة ميته من العطش بس هم تفطرت اليوم مع أهلي

 

[mr000]

السلام أمهات اشلونكم...أي والله مثل ماقلتي بيلا اسم عليهم العيال طلعاتهم يبيلها ميزانيه لعب ومطاعم هذا غير ولدي لما يشتري ألعاب بلي ستيشن كل لعبه ب15 و18 دينار!عاد أول أمس بمركز سلطان تذكرت ولدج لما شفت يايبين سانتا حق اليهال يصورون معاه ويعطيهم ألعاب بس كان فيه واحد ثاني هم لابس لبس سانتا ويدور يسلم عاليهال بس اليهال كلش مو متقبلينه لأن يبين هندي ومولابس لحيه بيضا ولانظاره يعني شكله مو مقنع!!

 

[mr000]

ريمان أقولج آنا شريت من كل نوع ماحبوا ولانوع حتى الجلاكسي اللي العلبه بربع دينار قلت أذا عجبهم مومشكله بس والله آنا لاعت جبدي حسيته ثقيل!بعد كم يوم بتشوفون تحت أسمي سيدة أعمال وحاطه بضاعتي كراتين حليب كاكاو!!

 

[bella bambina]

مادري ليش قسم المواضيع العامه بالمنتدى صار له كم يوم ما ينفتح معاي ؟