تجمع امهات العالمية الامريكية

[mr000]

والله تحسفت ليش ماضبطت لي سفره بهالإجازه حسافه بس جذي قاعدين بالبيت! فوز وبيلا اشلونكم شخباركم!

 

[caramella]

هلا والله مروو
والله صراحه الجو ما يساعد كلش إهني فلا تتحسفين إنج ما يتي إهني لندن بس اللي يستاهل العنوه إهني سيل الكرسمس ولا اغلب الأماكن الترفيهيه المفتوحه مثل المدينه الترفيهيه وهالسوالف مسكره بالشتا تفتح بالإيستر
وعلى ال ugg boots بشتري لي واحد ريلي مو مقتنع فيه ذاك اليوم بوست فيلد رحتالبوتيك مالهم بشتريلي واحد ولا طابور عند الباب وما وده آخذ واحد إستثقل الطابور و مشينا
آنا من إلعام ودي آخذ لي واحد بس مو راضيه تضبط السالفه إنشالله بمر هاليومين آخذ لي واحد أسأل لج بس في وايد أنواع تبي قصير طويل شمواه من برا ولا صوف ؟؟؟

 

[mr000]

هلا والله كراميلا اعتقد تقصد الشامواه وطوله وسط موقصير كلش ولا طويل لي الركبه! والله حتى آنا مومقتنعه فيه أحس غالي ماله داعي!

 

[mr000]

نصيحه أخذيلج من السنفره اللي بويستفيلد مول ماركة soap‎&co‏ مكانهم بالدور الأرضي!

 

[mr000]

والعطور إنتي أخبر ترى مونفس اللي عندنا يعني ريحتهم غير استغلي التنزيلات وماكو إلا تقسمين يومج بين سيلفريجز وهارودز

 

[bella bambina]

السلام أمهات اشلونكم ؟
الحمدلله مروو مفتكة من التوصيل والتدريس أمس واليوم الصبح ما كان يفتح المنتدى معاي انتي اشلونج مع الحنة ؟ آنا لما أرجع من الدوام بس ودي أقعد بالبيت وأتسدح وأطالع التلفزيون واليهال مالين يبون أطلعهم
فوز اشلونج واشلون بنيتج ؟ دلول ملت وتقول لي ليش ما توديني السكول آي وونت تو ستي ذير أول ذ تايم ملت من البيت
كراميلا آنا لما قريت كلامج مت من البرد الله يعينكم أهل زوجي هناك للعلاج صج يقولون ما يقدرون يطلعون من البرد

 

[mr000]

هلا والله بيلا اشلونج أي والله بيلا افتكينا من التوصيل بس عالحظ عندي كم موعد طبيب هاليومين فلازم أطلع مبكر مثل الدوام بس آنا عادة بال11 أخذ ولدي وحفيدتي أطلعهم كل يوم مكان لأن ولدي مل من البيت بس هم يحاتي أن العطله قصيره وبيرجع حق الدراسه وعندهم امتحان العربي والدين مال الفصل الأول كله تقريبا بعد أسبوعين من دوامهم!

 

[mr000]

كراميلا آنا فتحت السايت مال المحل وشفت الموديلات كلها بس موحاطين الأسعار عاد تصدقين آنا ماانتبهت له العام لما رحت المول حسافه رحتله مره وحده وكان زحمه علشان الأيستر فماشفته كله!!

 

[Fouz]

شلونكم أمهات شخباركم
كاراميلا شخبارج الله يعينج على البرد ، أمس مكلمة أخوي و زوجته يقولون البرد مو طبيعي، ان شاءالله يمديج تتسوقين بهارودز و سيلفريدجز و الله يعينج على الزحمة

مرو و بيلا شخباركم ويا العطلة؟
بنتي من أول أمس سخونة و ترجيع و كحة مسكينة، اليوم جنها أحسن عقب العلاج
راجعت الدكتور و عطاني دوا حق الحارج بس قالي الاسيتون وايد عالي و السكر نازل حده، جان أقوله شسوي انا قطعت الكاكاو من اخر مراجعة جان يطلع لي كاكاو من درجه و قالي اكليه جدامي و الحين ناطرتهم يدقون يعطوني نتايج التحاليل لان طلب مني تحاليل زيادة
بس تبون الصج انا مرتاحة من فزعة الصبح و شكلي بتعود على الربادة الله يستر اذا بدت المدرسة شكلي بشغل أختي تودي و تييب

 

[sweet lady]

اشلووونكم امهات واشلووون العطله معاكم ...........
شلووونج مرووو بكل تجمع تلقيني انا كنت اتابع تجمع الابداع والحين انتقلت عندكم انشالله استفيييد من خبراتكم
مرووو شالفرق بين الابداع والعالميه من خلال تواجدج الدائم مع امهاات الابداع ولنا والله احترت وااايد مع ولدي ماادري وين ادخله فكرت بالابداع وقالوا العالميه مستواها قوي فاحترت ابي الفرق بين كل مدرسه واشلووون تدريس العالميه وشنوو مستواهم بالعربي والدين لاني اعرف الابداع زينه بالعربي ومن الساعه جم يداومووون ال كي جي ومتى يطلعووون وثقيله دراستهم وواجباتهم ولا خفيفه علر الطالب
واخر شي الرسوووم <<<<<<< اهم سؤال
ادري قرقرت وااايد تحملووني

 

[sweet lady]

اي نسيييت متى تبدا عطلهم في عندهم عطله الربيع ولا لأ ابي اعرف عطلهم من بدايه السنه جم عطله تكوون عندهم

 

[N0oNa]

السلام عليكم
شلونكم بنات بقيت ادخل ولدي المدرسه العالميه الامريكيه انشالله شهر اثنين يكمل 3 سنوات يعني عمره زين حق السنه اليايه بس للحين ما قطع البامبرز انشالله لي الدوام يكون قاطع بقيت اسال اخر يوم التسجيل متى لاني مسافره وما راح ارد الا نص واحد و بقيت اسال عن المقابله شلون طريقتها شنو يسالونه يعني ودي اخذ فكره لان بجري و ما اعرف بسوالف المقابلات؟؟؟

 

[المحامية لطوفة]

الاخت نونا انا دقيت على المدرسة قبل العطلة وسالتهم عن التسجيل يبدى شهر 1 وينتهى ليما يكتمل العدد
اذا مسافرة وصى خواتك يسجلونة

 

[mr000]

سلام أمهات اشلونكم... فوز سلامتها بنتج ماتشوف شر بس ديري بالج لاتعديج... من شنو الأسيتون يرتفع آنا الحمدلله ماقط صار معاي بس أذكر مرت حماي كان يصير معاها وقت النساة... ويلا ألحين عطوج الأذن تاكلين ككاو.. الله يهون عليج بالسلامه!هلا فيج سويت ليدي وحياج الله معانا .. بس والله ماعندي فكره عن الأبداع أسمع أنها قويه ويمدحونها بس مادري عن فرق المستوى بينها وبين العالميه.. وشوفي راح تسمعين كلام وايد عن مستوى المدارس آنا مثلج لما بقيت أنقل ولدي قبل سنتين احترت ناس تقولي الدوليه الأمريكيه أقوى وناس تقولي البيان وآنا حطيت المدارس الثلاث هذي في بالي ( البيان والدوليه والعالميه) وهم قدمت له بالخليج الأنجليزيه أول شي ماانقبل بالدوليه يبون لغه قويه وبعدين قدمت له بالعالميه والبيان بنفس الوقت بس لما نجح باختبار العالميه وانقبل خلاص استقريت عليها وكنسلت الباقي من ناحية العربي لا مااعتبرها قويه يعني منهج الحكومه بس هي المشكله مو أن تدريسهم مو قوي لأ الضعف ايي من أن الطالب بصراحه ماعنده وقت حق دراسة العربي يعني آنا ولدي حده يكتب الواجب واذا عنده حفظ يحفظ وبس وباقي الوقت كله حق دراسة المواد الثانيه لأنه امتحانات وايد والدراسه كلمالها وتصعب !

 

[mr000]

سويت ليدي عذريني آنا موتخصص كي جي لأنه ولدي بالميدل سكول وماعرف عن دوامهم ورسومهم بس بالنسبه حق العطلات أحنا ألحين عندنا عطله من 17/12 لي 4/1 طبعا العام كانت شهر حسافه مادري ليش قصروها بس ماكو بعد اجازة الربيع في بشهر 4 عطلة الأيستر من 2/4 لي 10/4 تقريبا وقبلها عطلة العيد الوطني والأعياد نفس الحكومه وبس!

 

[ReeMaN]

السلااااااااااام عليكم صديقاتي امهات العالميه

اولا بقولكم وحشتوووووووووووني وايد وايد وايد وبعااااااااااااد عوووووووووووومري والله كل من سالت عني عساها ماتفقد غالي
وثانيا سامحوووني من زمان خبري فيكم لان صارت لي ظروف قاهره وخارجه عن ارادتي خلتنى مادش هالاسبوعين ....
وحاولت قبل امس وامس اشبك كله يطلع ايرور وملاحظه اكثر هالايرور المليق يصير فوق الساعه 12 منتصف الليل
وبصراحه احلى خبر سفر كاراميلا عساها اتغير جو وتستانس بعاااد عمري عمرها وانشالله السنه الجديده اتكون سنه خير عليها وعليكم وعلى المسلمين ياااارب ...
ومروو شخبارج حياتي عساج بخير مبروك نتيجه تقرير وليدج انشالله المره اليايه ايب احسن من هالمره وتفرحين فيه يارب واتصدقين توقعتج مساااافره مع كاراميلا لان هالاجازه صج قصيره بس فرصه حلوه حق سفره ...
فوز اشلونج الحين مع الحمال انشالله احسن جنيييييييييييي شفتج من جم يوم طالعه من صف كي جي 1-6 قلت هذي جنها فوووز اسلم والا ماسلم ياربي اخاف انحرج وماتطلع اهيييي وين اودي ويهي بعدين هههههههههه
وبيلا وملكه مامات وليالي شخباااااااااااااااركم بعد عمري والله صج من زمان عنكم
الحين برجع جم صفحه اكمل اللي طافني وارد لكم
احبكم احبكم احبكم

 

[ReeMaN]

الامهات اللي يسالون عن الفرق بين العالميه والابداع بصراحه كل وحده احسن من الثانيه بس الفرق ان العالميه اختلاط الى صف التخرج والعطل مع عطل مدارس امريكا ... يعنى الحين العالميه عندهم عطله الكريسماس مدتها تقريبا ثلاث اسابيع وطبعا في عطله الاستر اتوقع بشهر اربعه وموقع المدرسه بحولي قبال القادسيه
والابداع قويه بصراحه واسلاميه ويعطلون مع الحكومه ويفصلون البنات عن البنين من اولى ابتدائي وموقع المدرسه هم في حولي بس قبال الجابريه واذا تبون معلومات اكثر في رابط مدرسه الابداع باداره مشرفتنا حلوومه حلم الطفوله الله ياني ولهااانه على سواليفها المرحه

 

[mr000]

أهلييييييييييين ريمان وينج من زمان .. ماصدقنا تدشين ونتطمن عليج ...كنت أحاتيج وايد بس الحمدلله أن تطمنا عليج! ولاتقاطعينا جذي مره ثانيه!

 

[ReeMaN]

هلا حبيبتي مروو والله اسمحيلي ماقدر اتكلم على هالظروف وعساكم ماتمرووون فيها يارب .... بس ماطلبتي شي انشاءالله مايتكرر هالغياب مره ثانيه واصلا ماكو فكه مني مااقدر افارق هالتجمع ولا هالمنتدى وايد متعلقه فيكم مو شوي

 

[caramella]

السلام عليكم
مروو ما ادري والله جم سعر هالبوت ولا حتى بأي حروه بس أبي لغرض أتدفى من البرد لأن أهم شي الأطراف تدفى
خو الغلوفز حدث ولا حرج أشتري لي غالي و أفصخه وأنساه بالتاكسي
هذا ثالث غلوفز وما ينفع بو رخيص ما يدفي
لازم جلد أو شمواه و داخله فرو يالله تدفى إيدي
بيلا يا حلوها بنتج ملت من البيت تبي تروح المدرسه لاقية لها يهالو تتمرد عليهم
بيلا ما يشوفون شر أهل ريلج إنشالله
اليوم الحمدلله الجو أحسن كله مطر بس زادت درجة الحراره لي 5 ونص
فوز ما تشوف شر بنتج وايد صايره تتعب هالأيام وعليه
حاولي تهوين دارها و غيري مخدتها و حطي الدوشغ بالشمس أشوي خل تنقتل هالجراثيم ألأف لا باس عليها و ديري بالج على نفسج
إنشالله التحاليل تطلع زينه والله يقومج بالسلامه
فوز وبيلا بغيت أسإالكم آنا ولدي خذيته الخميس قبل لا إييهم سانتا إشعطوهم هدايا ؟؟؟
ريمممممممممممممممماااااااااااااااااااااااااااااااااااان
صيادة الكروش
وينج فقدناج يالعياره
يا حبيبتي والله تمنيت مرووو معاي بهالسفره وتمنيتكم كلكم معاي يا أحلى تجمع
عسى الله يهدي سرك و إنشالله يا ربي إسهل أمورج بس والله لج وحشه يالغاليه
الأمهات اللي يسألون عن المقارنه بين مدرستين الإبداع والعالميه
أنا إلأعام دخلت ولدي نيرسري بالإبداع يوم واحد وطلعته لأني كنت بسافر سفره طويله
وكنت مو متطمنه ما أدري ليش
بس الحمدلله بالعالميه وايد مرتاحه وكافي إن ولدي إسمالله عليه حب المدرسه
بالنسبه لرسوم الكيجي 1630 دينار والبنات ما قصروا