تجمع اولياء امور مدرسة الخليج الانجليزية في السالمية

[علايه]

السلام عليكم

بنات انا ولدي kg1 في مدرسة الغانم اللي بسلوى

قاعده افكر انقله السنه اليايه حق الخليج

بغيت اسال عن رسومهم جم ؟؟

وعندهم طلبات وايد .. انا اول الكورس عطوني كود طلبات .. اشلون عنكم ؟؟

و الاكل عليهم ولا انتو اتحطون؟؟

 

[mr000]

سلام أمهات الخليج اشلونكم!!علايه خوش فكره أنج تنقلينه الخليج آنا أنصحج تنقلينه بدامه توه صغير خل يتأسس عدل من البدايه بمدرسه قويه حتى لو رسومها أكثر شوي بس هذا تعليم ومستقبل وماراح تتحسفين آنا ولدي كان بالغانم من الحضانه وكنت بوديه الخليج بس ترددت وخليته لي غريد 2 والله ليلحين متحسفه بصراحه تأسيس الغانم ضعيف وماتحسين بهالشي ألا لما تقارنينه تالي لما يكبر بيهال ثانيين من مدارس قويه مثل الخليج والأمريكيه والأنجليزيه! الله يوفق وليدج يارب وين ماكان!

 

[الفرسان الثلاثة]

سلام أمهات الخليج اشلونكم!!علايه خوش فكره أنج تنقلينه الخليج آنا أنصحج تنقلينه بدامه توه صغير خل يتأسس عدل من البدايه بمدرسه قويه حتى لو رسومها أكثر شوي بس هذا تعليم ومستقبل وماراح تتحسفين آنا ولدي كان بالغانم من الحضانه وكنت بوديه الخليج بس ترددت وخليته لي غريد 2 والله ليلحين متحسفه بصراحه تأسيس الغانم ضعيف وماتحسين بهالشي ألا لما تقارنينه تالي لما يكبر بيهال ثانيين من مدارس قويه مثل الخليج والأمريكيه والأنجليزيه! الله يوفق وليدج يارب وين ماكان!

أي انجليزيه تقصدين ال bsk او الانجليزية الحديثة؟

 

[mr000]

كلهم زينين ويعتبرون مدارس قويه الbsk والنيو انجلش سكول بالجابريه ومدرسة الكويت الأنجليزيه بسلوى بس ماأنصح بالمدارس اليديده اللي توها فاتحه من سنه وسنتين اختاروا المدارس القديمه المعروفه اللي مخرجه دفعات!!

 

[الفرسان الثلاثة]

اختي مدخله عيالها بالغانم واحد بقريد 4 والثاني بقريد 2 وموعاجبتها المدرسة ومومرتاحة فيها
اكيد الخليج احسن وايد وتأسيس انجليزي قوي خاصة الريسبشن يخلون الياهل بالنهاية يقرا قصص ويكتب جمل بصراحة انصحج فيها ماعدا ان بالصف في 26 طالب مادري مو وايد؟؟؟ احس لو يقللون العدد وايد احسن

 

[mr000]

من ناحية العدد يمكن لأنه عندهم طلبه وايد وغالبا أكثر المدارس نفس الوضع حتى لما كان ولدي بالتكامل والعام بالعالميه كانوا بحدود ال22 بس العدد مو ثابت بكل المواد يعني بالماث ينقسمون مجموعتين كل وحده تروح صف على حسب مستواهم وهم بالعربي في كم طالب اللي أمهاتهم أجنبيات واللي كانوا دارسين بره ومايعرفون عربي عدل يروحون صف غير يمكن منهجهم مخفف! بس هالسنه بغريد 8 المرحله كلها قسموا الصفوف صار الصف فيه 10 أو 11 طالب بس!

 

[الفرسان الثلاثة]

زين والله احسن يركزون عالطالب اكثر انا ولدي وايد مستانس بالخليج الحمدله رب العالمين عسى الله يتمم عليه وشي حلو ان اصدقاءه يعرفهم كانوا معاه من الكي جي فما حس بصعوبه ابدا في بداية السنه

 

[ملكة بيتها]

السلام عليكم أمهات شلونكم مع البرد
علايه .. حبيبتي أنا هالسنه نقلت بنتي للخليج هي كانت في المجموعه الإنجليزيه وطبعا حسيت بفرق والحمد الله الفرق للأفضل من الناحيه العلميه والناحيه الإجتماعيه وكان ودي أفيدج أكثر بس إن شاء الله البنات ما يقصرون
مروو ..شلونج يالغاليه شخبارج ؟؟
الفرسان الثلاثه ..شلونج حبيبتي وربي يوفق ولدج

 

[ReeMaN]

كل سنه وانتو بخير امهات مدرسه الخليج

شخبارج ملكه مامات اشلون بنيتج مع المدرسه

 

[ملكة بيتها]

وإنتي طيبه ريمان بنتي الحمد الله بخير وماشيه أمورها بالخليج

 

[mr000]

هلا والله ملكه أي اليوم عطله عندكم شمقعدج من الصبح!

 

[ملكة بيتها]

هلا مروو شلونج حبيبتي اللي مقعدني الدوام والدوام لله ....خخخخخ والقهر زوجي ماخذ إجازه وبنتي ما عندها مدرسه بس أنا اللي كاشخه وطالعه من الصبح:0bee2e8d89:

 

[ReeMaN]

ملكه مامات انا منج مااداوم اخذيه عرضي والا استاذني اشكثر ايصير معاي جذي كلهم موجودين وانا اداوم مااااااااااااالكم امل

حالي من حالهم

 

[ملكة بيتها]

ريمان ... إحنا ما نقدر ناخذ عرضي بس اليوم كان دوامي خفيف

 

[الفرسان الثلاثة]

ملكة بيتها الحمدلله انا بخير والكل يقول الدوام خفيف اليوم .. خفيف بالعدد و ثقيل الطينه بعد الاجازة

 

[ملكة بيتها]

الفرسان الثلاثه ...صج أول يوم دوام بعد الإجازه ثقيل طينه ههههههه

 

[ملكة بيتها]

سلام أمهات الخليج
بغيت أسألكم عن موضوع تصوير الطلبه ؟؟ في العالميه مبلشين تصوير الطلبه شلون طريقتهم بالخليج لأن أول سنه حق بنتي وما أعرف شلون طريقتهم ؟؟؟

 

[Lemona]

انا ويني عنكم من زمان !!!!!
صج اني دايخة

السلام عليكم يا امهات
سمحولي انضم لكم ... انا توني ام يديده , بنتي في كي جي
و محتاسه حوسه.... ماني عارف راسي من ريولي

انا بنتي في كي جي بلو
بنات اللي تعرف اي شي عن مرحلة الكي جي , الله يخليكم خل تقولي
انا لين اليوم ادق على المدرسه عشان اسالهم متى يصير يوم ال pe عشان البسها ملابس الرياضة !!!
رحت كلمت الابله قبل اسبوع العيد , قالتلي انا راح ادز الجدول و لين يومكم ما في شي و نفس اليوم رحت حق الستور عشان اشتري لها جاكيت شتوي , ما حصلت مقاسها ,قالت لي ورا العيد .... دقيت امس قالت ماوصلو !!!

و يوم ما لبستها جاكيت كحلي , و الله انه حلو و ذرب و مافي اي حركات كلش فورمل , دزولي نوتيفيكيشن "مادري شنو يسمونه بالعربي ممكن لفت نظر او اخطار "
مشكلتي دوامي في بنك , و اللي مثلكم عارف اشلون صعبه سالفه الاستئذان و الغياب
في بعد سؤال : ابي اعرف شنو يعطونها في السكول "المنهج"
عشان اعلمها اشوي اشوي : مثلا الاغاني عشان احفظها

للعام بنتي كانت في حضانه فتعرف الارقام و الاحرف و الاشكال و الالوان و الحيوانات يعني هالسوالف , و تعرف جم سوره قصيره و اشوي من الاحرف العربيه
كانت حضانتها تدز المنهج عشان نعرف شنو يعطونها و نعلمها في نفس الوقت
الحين ماكو شي !!!

بعدين ودي اعرف على اي اساس يوزعون اليهال في الكلاسات !!!

في بعد تساؤلات وايد ..... بس راح اخليكم تردون علي وشوي ترتاحون بعدين اكمل الباجي

اله يخليكم لا تكشتون

 

[Lemona]

هلا بنوتات .... اقضد امهات
عندي بعد جم سؤال مهم
امممم اشلون في اجتماع اولياء امور ولا لا؟
انزين عادي ادق من التلفون و اسال عن بنتي شنو مسويه؟
انا اللي موهقني دوامي كلش مايرحم
و ابوها بره الديره و راح يرد على شهر فبراير

و ما عندي احد اعتمد عليه, غير الله و عليكم انتو....
الله يخليكم ردو علي

في اساله وايد بس راح انطركم تردون علي بعدين اكمل الباجي

 

[Lemona]

نسيت اقولكم بنتي في باص ياخذها و يوديها
و عشان تعرفون مدى معاناتي اليوم راح نتاخر في الدواااام
الحين الساعه 3 و ربع قاعده اكتب لكم , يلا باي لا يجكوني و يطردوني