تجمع اولياء امور مدرسة الخليج الانجليزية في السالمية

[mr000]

ليمونه شنو كانت حضانة بنتج؟ تحسين إنها استفادت منها وايد؟ إن شاءالله الأمهات يجاوبون على أسئلتج آنا مومن مدرستكم!سوووري

 

[عزيزتى]

ليمونة === حياج الله معانا اسفرت وانورت
لاتحاتين كل شي يدزونة لج الجدول واالمنهج - الحين عطونا ورقة لمدة 4 اسابيع منهجهم عن فصل الشتاء اتوقع وصلتج واذا ماعندج لا تحاتين ادزلج نسخة
الpeماعطزنا جدول بس انا سالت المدرسة قالت لي اي يوم واتصدقين حسافة ماتقدرين تاخذينها جان تسالين المدرسة كل يوم عنها لا
بس في اجتماع يعطونا ورقة علشان الموعد واذا ماتقدرين غيري وقت الاجنماع
== احاول اسالج متى peلاني كل يوم اروح وانشاالله اعطيج خبر

والجاكيت عادي وايد طلبة موملتزمين وكتبي رسالة حق مدرستها ان مافي جاكيت قياسها انا من اول يوم بنتي ضيعت الجاكيت مع اني كاتبة علية اسمها وخليتها تداوم بجاكيت ملون واكتبولي ورقة بس قلت حق المس دوروة مابي اشتري غيرة واليوم لقتة

 

[عزيزتى]

:dddds::dddds::dddds:ملكة == حبيبتي اهما يعطونا جدول في موعد التصوير حق كل صف والاسعار اعتقد 6دنانير

الي يوصلها قبل تقولنا لان مرة ولدي مايابة وكنا لاهين بالبر ومو مودينا الحلاق يرتب شعرة الله لا يوريج صورته تفشل

 

[عزيزتى]

علاية == kg1سعره===1299

kg2سعره===1910 ونفس السعر اولى وثانية

 

[عزيزتى]

علايه --- نست اقولج حياج الله معانا ونورتينا

 

[عزيزتى]

ريمان === وانتي بخير وصحة وسلامه

وينعاد عليكم كلكم بالصحة والعافية يارب

 

[Lemona]

عزيزتي ...... مشكوووووره ع الرد السريع
والله انج ما قصرتي ,,, انا ادري اني راح اكلف عليج بس ابي اعرف هال pe امتى ؟؟
و عندي جم سؤال في بالي اذا ممكن تفيديني
1- الحين اذا صار عندهم رحله , اكيد يعطونج خبر , صح ؟
2-انزين شنو احط في جنطتها غير الاكل ؟؟؟
اول يوم راحت سالت الابله اذا تحتاج احط الوان او اي شي قالت لي لا!!! بس انا مومقتنعه مادري ليش
3- انزين يصير و له ما يصير : اني احط دفتر صغير في جنطه بنتي حق ملاحظات الابله؟؟ يصير عادي
يعني تتوقعين بحكم خبرتج هالفكره مسوينها من قبل , او ممكن تتقبلها الابله ؟؟؟
4- اهو في سايت شغال حقهم ؟؟ عشان يصير في تواصل !!!!

ادري كثرت بالاسئله , بس لا تتوقعين اني خلصت
لانه عندي مليون سؤال و سؤال بس راح اعطيج اياهم بالتقسيط المريح

 

[ملكة بيتها]

ليمونه حياج الله معانا بالتجمع وللأسف أنا ما عندي بالكي جي بس هم دايما يبعثون ورقه فيها خطه الأسبوع وبعد أي حدث أو فعاليه يدزون ورقه مع الطالب وبالنسبه للجاكتات أنا أخذت حق بنتي مقاس صفر وهو كبير عليها وهي بيير ون بس قلت حق اللي تبيع في الستور إنه كبير ويبيله تعديل قالتلي يييبيه وإحنا نصلحه ...
عزيزتي ..أشوه يدزون ورقه وإن شاء الله أول ما أستلمها راح أسوي إعلان هني في التجمع ولا يصورون عيالنا أي شي ..
علايه ..بشري شنو قررتي بتنقلين عندنا ؟؟؟وإذا ما تبين تلقين لا تتركين تجمعنا مرينا حبيبتي
روحي تحب .... يالغاليه وينج إشتقنالج ؟؟؟
مروو ...يا حلو طلاتج علينا الله لا يحرمنا منج

 

[Lemona]

ملكة بيتها ...... يا بعد عمري مشكووووووره
و الله انكم ما قصرتو
انا مشكلتي معاهم هالاوراق ما توصلني , و صلتني و رقتين وحده حق التاريخ الصحي للطالب , و الثانيه حق تحديث بيانات الطالب
و عقبها ما شفت منهم شي
و كل ما ادق يردون علي الريسبشن , يحولوني على مره الكاشير و مره على الستووور و مره على الباص ... لوعو جبدي
و لمن قلت لهم عطوني الداخلي حق الكي جي .... قالولي 101 او 102
101 كله يدق محد يرد , 102 ترد علي الريسبشن مره ثانيه

قرقت على راسج سامحيني

 

[ملكة بيتها]

لا عادي حبيبتي شوفي إنتي كلمي الريسبشن وقوليلها إنج تبين تكلمين أبله بنتج بالتلفون شوفي أنا مره كلمتهم وحولوني للسكرتيره وكنت أبي مقابله مع مدرسه بنتي العربي فدقت علي وقالتلي إن المدرسه راح تتصل فيني وفعلا إتصلت علي ...وترى فكره الأجنده وايد مفيده إنتي كتبي فيها كل شي تبينه وخلي بنتج تعطيها للمس وأعتقد راح ترد عليج ..

 

[Lemona]

mr000

ثانكيو على ردج

انا دخلت بنتي حضانة معرفي اللي في بيان

الصراحه , انا في البدايه كنت مدخلتها و هدفي لا تقعد مع الخدامه مده طويله (عشان لا تسوي فيها شي كنت اخاف من كثر الفيديوات اللي شفتها الله لا يواريكم شي يعور القلب , اتوقع الكل شايف هذي ااشغلات)
المهم انا اخترت هذي الحضانه للاسباب التاليه .... حلوة اللغه العربيه صح ؟
1- كانت بنت اختي في فرع السالميه اول ما افتحوها , و اختي كانت ايامها مستانسه منهم
2- كان فرعهم في بيان , و انا في مشرف
صج كانو في حضانات اقرب لي في مشرف بس انا اخترتها عشان في اسباب ثانيه
3-كانو يفتحون بابهم من الساعه 6 و نص الصبح لين الساعه 3 العصر
يعني مناسب جدا جدا اذا كنتي موظفة (انا اوديها الصبح \ ابوها ياخذها العصر)
4- انا دخلت بنتي كلش صغيرونه مع حفاظات (يوم عيد ميلادها كملت سنتين اهي راحت الحضانه)
في حضانات ما ياخذون اعمار صغيره و لايرضون البيبي يلبس حفاض
ع فكره اهم يقولون لج اذا تبين تقطعينها عن الحفاض يساعدونج (بس انا بنتي عقب 6 اشهر غيبتها و انا عودتها على الحمام و انتو بكرامه)
5- و المهم اهي فاتحه كل الاشهر اي شهر تدفعين الرسوم , و الشهر اللي ما تبين ما تدفعين
6- فيها حضانه بالعصر اذا انتي حابه ...... بس انا عمري ما جربت اوديها العصر (انا يالله اشوفها)
7- يعطون اليهال (ريوق + غدا + وجبه خفيفة)
8- الحضانه كلها كاميرات - اول ما تروحين تشوفين شاشات مراقبه في الريسبشن - و في تلفزيون تحط كلاس ولدج عشان تشوفينه شنو قاعد يسوي وناسه


امبيه قرقت وايد
ودي اكمل , بس اخاف تروحين تموتين نفسج او تموتيني
راح اختصر .....
ترى بنتي استفادت الحمدالله , و الحين حسيت انها خطوه صح 100%
يعني مو الا هذي الحضانه , اي حضانه توثقين فيها
المهم يتعود البيبي على شي اسمه نظام مدرسي و ياخذ فكرة , عشان لا يتفاجأ لمن يروح الكي جي مره وحده

ميخالف بعدين اكمل اخليج ترتاحين

 

[Lemona]

امبيه توني الاحظ اني قرقيه !!!!!
يلا ميخالف تحملوني بس اول الايام اقرق , لمن يبرد قلبي , اصير انسانه طبيعية

ملكة بيتها انا نسيت اعطيج ....:tek:

و انتي بعد يا mr000
لا تزعلين اخذي :aha:

يلا تصبحون على خير :*

 

[ملكة بيتها]

وإنتي من أهل الخير ليمون .... وكلنا شذي إذا كنا نحاتي بشغله نصير قرقه لحد ما نحصل إجابات وحبيبتي إخذي راحتج وإذا تبين أي شي أنا حاضره حبيبتي ...

 

[روحي تحب]

امهات شلونكم وشخباركم .....اشتقتلكم .....عساه عامر التجمع ماشاء الله احس وايد اللي طافني بس ماعليه ملحوقه

ملكه ... الله يغليج يا بعد قلبي تشتاقلج العافيه وآنا اشتقتلكم والله بس ياربي شنسوي بعيد الشر عنكم انتكسنا شوي بهالبرد وردينا آنا وبنيتي استمرضنا والحمد الله الحين شوي احسن

مروو ....شلونج يالغاليه سامحيني توني اشوف مشاركتج لاني قاعده اقرى اللي طافني الله يحفظ وليدج ويطمنج عليه دايما ولايحر قلبج عليه يارب ( ايه شفتي ذيك الليله كنت سهرانه بس بعد ماشاركت فصلت على طول ولو ادري جان ظليت علشان اسولف معاج يالغاليه )

ريمان ....ينعاد عليج بالصحه والعافيه يارب

عزيزتي .....بشرينا عنج ها بدى الجد مابقى شئ الله يسهل على عيالنا انشاء الله

وباجي المهات شلونكم سامحوني علشان ما ذكرت اساميكم وحده وحده

والامهات اليدد علايه وليمونه حياكم الله ويانا والله يوفق عيالكم انشاء الله

 

[USA-Girl]

السلام عليكم

وايد حابه اعرف عن المدرسه .. هل زينه و ليش اخترتووها لعيالكم ؟؟ و هل تعتبرونها افضل من الكويت انجلش و النيو انجلش ؟؟

يعني بصراحه كل شي


و شغله ثانيه انا ولدي عمره ٥ سنوات في امريكا الحين يروح كي جي ٢ و يعني اولا ابتدائي بكون ٦ سنوات و نص

هل راح يكون متأخر عن اللي بعمره بالنظام البريطاني؟ لأنه مابي يتأخر ابيه مع اللي كبره

بليز شرحوولي ؟ اشلون الطريقه
و مشكورررين

 

[عزيزتى]

ليمونة حسافة طافتي قرقتج جان ساعدتج وقرقت معاج
يعطونج ورقة حق الرحلة وتحطين الاكل العادي مال كل يوم وطبعا الماي واذا يحتاجزن الوان او اي شى للرحلة يودون لهم الابلات وفي مدرسات يصورونهم بالرحلة ويعطونج صور عيالج بس انا فيل كنت اروح مكان الرحلة واصور عيالي

واي شي تبينة كتبية حتى لو في ورقة يردون عليج المدرسات بس من الصف الاول يعطونج دفر فية الواجبات واي ملاحضات هذا يصير وسيلة اتصال بينج وبين المدرسة
ولو تحاولين يوم تروحين تاخذين بنتج اذا قدرتي بتشوفين المدرسة وتسالينها عن كل شي في نهاية الدوام

وهاالله هاالله بالقرقة معانا لاتطولين

 

[عزيزتى]

روحي تحب === اي بدا الجد انا وايد احاتي الماث جان زين يعطونا اوراق مراجعة

 

[روحي تحب]

عزيزتي ....ايه والله جان زين عاد وبذات الماث والساينس مخليته يحل المذكره كلها من الحين علشان اذا في شئ مو فاهمه عندنا وقت نسال المدرسه و آنا زوجي بسافر اسبوع الامتحانات ومن الحين مخليته يعطي محاضرات اخاف ما اقدر اسيطر على الوضع بغيابه من غير شر
والله يسهل على عيالنا كلهم يارب

وتكون اجازه سعيده علينا والله الحماس ذابحنا من الحين اخطط للعطله

 

[ملكة بيتها]

سلام أمهات شلونكم حبايبي
روحي تحب ...ما تشوفين شر حبيبتي
USA-Girl ..حياج الله بالتجمع وحبيبتي بالنسبه للمدرسه عن تجربتي المتواضعه أنا بنتي أول سنه لها وتوه ما صارلنا إلا ثلاث شهور والله لحد الحين أنا شايفه إنها ممتازه وبنتي استفادت وايد ...وبالنسبه للعمر أنا بنتي مواليد شهر 3 سنه 2004 وهي نظام بريطاني يقبلون لحد 15\3 لليير ون وبالنسبه لإختياري لها لأن لها سمعه قويه ومنهج بريطاني وأنا من الأول أفضل النظام البريطاني وإن شاء الله البنات يفيدونج أكثر

 

[mr000]

سلام أمهات الخليج اشلونكم شخباركم آنا هالأيام صايره أدش عندكم أكثر مما أدش بتجمع مدرستنا..,ميخالف دعاله تحملوني!ليمونه والله اذا تشوفينها أحسن من غيرها خل أجربها حق بنت ولدي بس مادري ليش أمها حابه الأنجلش بلي قروب بالرميثيه! انزين اشلونهم بالأنجليزي حسيتي أنها تعلمت منهم انجليزي كافي؟عموما آنا فكرة الحضانه وايد أأيدها وأنصح فيها عيالي كلهم دخلتهم حضانات لما كانوا صغار وألحين بنت ولدي أبيها تتعود علشان لاتبجي بالروضه وهم أبيها تتعلم انجليزي علشان المدرسه يقبلونها!انزين بعد سؤال ..عاد آنا ماكو أحد ينافسني بالقرقه.. كم رسومهم؟ واشلونهم من ناحية النظافه؟؟وأذا تلبس حفاضه يغيرون لها وايد وألا يهدونها لي الظهر؟؟شكلي بداوم معاها!!