تجمع اولياء امور مدرسة الخليج الانجليزية في السالمية

[USA-Girl]

سلام أمهات شلونكم حبايبي
روحي تحب ...ما تشوفين شر حبيبتي
usa-girl ..حياج الله بالتجمع وحبيبتي بالنسبه للمدرسه عن تجربتي المتواضعه أنا بنتي أول سنه لها وتوه ما صارلنا إلا ثلاث شهور والله لحد الحين أنا شايفه إنها ممتازه وبنتي استفادت وايد ...وبالنسبه للعمر أنا بنتي مواليد شهر 3 سنه 2004 وهي نظام بريطاني يقبلون لحد 15\3 لليير ون وبالنسبه لإختياري لها لأن لها سمعه قويه ومنهج بريطاني وأنا من الأول أفضل النظام البريطاني وإن شاء الله البنات يفيدونج أكثر

مشكووره على الرد يعني نفس نظام الحكوومه ؟؟؟ ولا يدخلونهم ابكر؟؟

يعني ولدي مواليد 2005 شهر ٤ اي صف لازم يكون ؟؟ اهني اب امريكا اهوا اوله روضه ..

 

[ملكة بيتها]

العفو حبيبتي أعتقد إذا هو مواليده قبل 15\3 راح يكون بيير ون السنه اليايه يعني لو كنتي هني بالكويت حاليا بيكون هو كي جي 2

 

[Lemona]

السلااااااااااااااام بنوتات
اشلونكم ؟

حبيبتي mr000
شوفي انا بنتي يغيرون لها و يغسلونها بالصابون اللي انا عطيتهم اياه عشان لا يصير لها حساسيه + بودر
بس انا عقب ما كملت 2 و نص غيبتها اسبوعين علمتها على الحمام و انتي و السامع بكرامه
و الله يقولون لج حطي لها ملابس احتياط اذا احتاج الامر يغيرون لها حتى ملابسها
انا ايامها احط لها 5 او 6 حفاضات
اهم يغيرون لها 3- 5 مرات يعني على حسب

على فكره عندهم يهال بالاشهر (توهم نتاتيف)
طبعا هذيل بروح

الانجليزي , انا بالنسبه لي اوكي
احرف و ارقام و اشكال و الوان و اعضاء الجسم والحيوانات و الفواكه والخضرا اممممممم
بعد اسامي بعض انواع الزهور
و كانت تقول جمل قصيره
يعني مو بلبل بس زين على وحده امها مو مجابلتها
انا اعترف اني كنت اشوي مقصره , بس اللي يعطونها الحضانه
لانه كان هدفي تقضي وقت في مكان اوثق فيه


واااااااي كله اقرق
الاسعار 100 فتح ملف
90 او 95 شهري هذا اللي اذكره (اول ما فتحو 75 دينار بس بعدين زادو اسعارهم مع زياده الاسعار )
بس اهم عندهم صار نظام الكورسات (يعني تختارين اللي يريحج)

 

[mr000]

ليمونه مشكوره حبيبتي عالمعلومات تصدقين أول مره أسمع فيها! آنا شايفه اللي بالسالميه بس مادري أن عندهم بعد في بيان! بس لو تقولين لي أي قطعه من بيان علشان أروح أشوفها!

 

[ملكة بيتها]

شلونكم أمهات عساكم بخير
روحي تحب شلونج حبيبتي بشري عنج ؟؟؟
ليمون ..شكلها خوش حضانه

 

[روحي تحب]

شلونكم امهات شخباركم حبايبي

ملكه ....حبيبتي الشر ما اييج الحمد الله احسن وايد بفضل الله ومشكوره ياقلبي على السؤال الدايم انتي بشريني عنج وشلون بنيتج

وبالنسبه للدوام بتودونهم لغاية الاسبوع الياي لانه دايما بآخر اسبوع يبتدئ الغياب خصوصا قبل الريبورت


مروو ....شلونج والله يخلي حفيدج و يحفظها... بعلق شوي بالنسبه لحضانه معرفي الكل يمدحها وإحنا نعرف اصحابها اهتمامهم فيها قوي ما شاء الله حتى ليه قبل جم السنه كانت الوجبات اللي يعطونها اليهال مثل الغداء وجذيه تيي من بيتهم وطباخ امهم بعد وكل عيال بناتهم كانوا فيها بس ايام فرع السالميه اما الافرع الباجي ماعندي فكره عنهم بصراحه

والحين آنا بنتي الصغيره عمرها سنتين ونص بوديها حضانه بس مبتلشه فيها ماني قادره اوديها لانها معصقله وياي بسالفة وانتي بكرامه
( التعليم على الحمام ) ووايد مأذيتني مو راضيه تتعلم وهم كنت وايد خايفه من سالفة انهم يغيرون لهم بعنايه ولا لأ وتوني سائله البلاي جروب قالوا ناخذها اللي برميثيه وهم معرفي اللي بالسالميه قالولي نستقبلها بس بصراحه مارحت ولا خذيت فكره لاني قلت بعد عطله الكريسمس وانشاء الله تتعلم وتريحني علشان ما اقعد احاتي النظافه وقالولي المنتوسوري اللي بالجابريه لو كنتي تعلمينها على الحمام مكرم السامع نسقي ويانا واحنا نعلمها بعد وهذي شغله حلوه بعد بس كنت ويتنج واكتفوا بالعدد بعدها .. وآنا ليلحين محتاره والله يسهل عليج وعلي ونحصل الحضانه الثقه الممتازه حق عيالنا

اختي usa ....حياج الله وملكه الغاليه ماقصرت بالرد

حبوبه آنا عيالي مواليد شهر 4 وآخره بعد يعني ولدج ماراح يتاثر نهائيا راح يكون بنفس مرحلته يكمل عادي يعني ارقدي وآمني

 

[Lemona]

صباح الخير يا امهات

انا شابكه من الدوااااااااااااام ههههههه الحين راح يطقوني

بس حبيت اسلم عليكم كلكم ( ملكه بيتها - عزيزتي - mr000 ) و كلكم :*

يلا باااااااااي

 

[ملكة بيتها]

صباح النور أنا بعد في الدوام وشابكه مع فنجان قهوه صباحي

 

[Lemona]

اقولكم بنات انا احبكم ..... اليوم راح اتفنش

روحي تحب ..... انا احبج هاهاهاهاهاها
ترى انا اللي شجعني ادخل بنتي هذي الحضانه , بنت اختي كانت في فرع السالميه اول ما افتحو
من جذي انا وديتها , قلت نفس الاداره و انشالله زينه , حتى اول شي قالولي خليها اهني اسبوع عشان اذا ما حابت المكان حرام تدفعين (يعني نفس التجربه) اول شي تدرين مكان يديد .. كانت تبجي و تعور قلبي بس بعدين لا تعودت على المكان
و الحمد الله الحين كبرت و صارت كي جي

mr000
الله يخلي لج بنتج , اهي اول حفيده ؟؟
عندهم فرع السالميه و بيان و في حديقة الشعب .... ما ادري اذا افتحو افرع ثانيه
بس اللي في الشعب يقولون واااايد حلو

عالعموم انا كان يهمني رعايتهم حق بنتي اكثر من تعليمهم ؛ حسيتها بيت ثاني مو حضانه عرفتي شنو قصدي !!
يعني حتى اكلهم مو خرابيط ( عيش و مرق او معكرونه او همبرجر) و العصير و الحليب كله مال كي دي دي ... هذا اللي هامني , صج ما استحي , و كان في غرفه حق النوم (سراير)

يعني انتي الله يخليج لها , اذا تبين تدخلينها شي حق تعليم ( ممكن في اماكن احسن منها)

 

[Lemona]

نسيت اقولكم
الحمدالله , شريت حق بنتي جاكيت شتوي مقاس 0
بس شريته الا صار حر !!! خرعت البرد

طرشت معاها الفلوس ,و انا كنت مكلمه البنت اللي في الستور
و الله ما قصرت, راحت لها الصف و عطتها الجاكيت
الحمدالله

الحين ظلت مشكله الابله ....... لازم اشوف لها يوم اروح اكلمها

 

[mr000]

ليمونه حبيبتي مشكوره وايد عالمعلومات عاد تدرين الفرع اللي بحديقة الشعب أقربلي لأنه أودي ولدي مدرسته العالميه بحولي وتكون الحضانه قريبه علي آنا شفتها وآنا ماره بالشارع! المهم هذي الله يسلمج أول حفيده ومخترعين فيها جنه محد ياب عيال ألا أحنا... أمس شريتلها من مكتبة مشرف بطاقات فيها الأحرف والأرقام والألوان والأشكال طبعا كله بالأنجليزي راح ابتدي معاها شوي شوي بالأضافه للسي ديات اللي شريتهم من مذركير من كثر ماتسمعهم قامت تعرف 1234 بالأنجليزي والأحرفabcd!عموما مشكوووووره وماقصرتي أذيتج معاي!!

 

[Lemona]

mr00
وناسه الله يخليها لكم ,
اهو دايما اول حفيد , الام تستانس فيه , و سبحان الله كل واحد من الاحفاد له معزه خاصة
و تكون معزته و غلاته من غلاة الولد او البنت

لمن تتكلمين جنج امي ايام اول حفيده يعني كل الامهات نفس الشي
بس احسج "تو يونج" على انج تصيرين جدة ...... احساسي يقولي جذي

الله يخليها و يرزقكم الكريم معاها اخوان و خوات يترسون البيت ,
و يبلغج انشالله تشوفين الذريه الصالحه حق عيالج
اللي ايننونج و تقولين حق اعيالج اخذو اعيالكم تراهم طفروني... (اتغشمر)

 

[mr000]

حبيبتي ليمونه مشكوره عالدعوه الحلوه بس تبين الصج مابي يهال وايد تالي كل واحد بيقول خل نهدهم عندج شويه هذي وحده وغصب انحاش أطلع عنها و بالسفر أقعد أحاتيها ويضيق خلقي وجني فاتن حمامه بأفلام قبل دموعي عالمخده ++++روحي تحب شخبارج حبيبتي اشرايج فيني فاتن حمامه!ساعات أقولهم توني كنت بالجامعه قبل كم سنه متى صرت يده؟؟؟

 

[ملكة بيتها]

فاتن حمامه قصدي مروو شلونج صج ترى حتى أنا أحسج تو ينج على إن يكون عندج حفيده ، يا إنتي متزوجه مبجر ولا ولدج الله يحفظه متزوج مبجر وكبرج ..

 

[زوزو الحلوه]

شلونكم امهات يعطيكم العافيه شخباركم
شلونج؟
روحي تحب
وعزيزتي
mroo
وكل الامهات عساكم بخير
وقول حق lemona حياج الله :68_asmilies-com: ولا تحاتين ترى الأمهات مايقصرون يعطيهم الف عافيه انا لو ما اشارك والله استفيد من خبراتهم لاني انا ام توني بأول الطريق يعني للحين تقريبا ماشفت شي والله يوفقكم انشالله... :gathering:

 

[mr000]

سلام أمهات الخليج اشلونكم!

 

[الفرسان الثلاثة]

الحمد لله رب العالمين .. انا بخير و حايسين مع العيال بس لازم اخذلي طله على تجمعكم و مرات ماعندي وقت أكتب رد بس جو تجمعنا وايد حلو وخفيف الله يوفق عيالكم يارب ... باقي الامهات شخباركم

 

[ملكة بيتها]

السلام عليكم
أمهات الجريد 1\2\3 في رحله لليهال بيودونهم سينما ليلى جاليري يوم الأربعاء 16 \12 وباجر حطوا 2 دينار بظرف وكتبوا اسم عيالكم عليه حق الرحله ...الرحله لفلم آيس إيج 3 وتشمل بوب كورن وبيبسي

 

[lyale]

وااااو وناسه
فكره حلوه ان يودون اليهال سينما

 

[ملكة بيتها]

هلا ليال ..إي صح تغيير حق اليهال