رودي للاستشارات الهندسية

[الكيكة]

,تسلمين رودي .. وايد حلوين

انا الحين بسوي مطبخ التحظير اللي فوق ... بسويه المنيوم بس لونه خشبي لونه يشابه لون المطبخ بآخر صوره ( اللي فوق ردي على طول) لاني شريت طاولة اكل و كراسيها من فوق خشب غامج و ريولهم فاتح نفس اللي بالصوره .. و قاعده افكر بلون البرسلان اللي بركبة عالطوفة ( عندج اقتراحات؟ ) مفكره اركب برسلان اخضر
و اشتري للمعيشه قنفات مشيرين ورود و فيهم اخضر ( شرح و فرايحي)
ها اشرايج؟

ايي على فكره ... شريت غرف نوم لعيالي كلهم من ميداس ( كوين بيد )

 

[rudy]

مرحبا كيكه

والله الأخضر حلو وجريئ

اظاهر انتي اجرأ مني باختيار الألوان

وذكرني الون الأخضر بالمطبخ الي سواه "نيت" مهندس الديكور في برنامج اوبرا لوحده من هالممثلات الي كانت متينه واضعفت ذكرتيها وايد اتمثل مع جون ترافولتا... المهم

سوالها مطبخ عجيب وكان لون السيراميك اخضرحشيشي وايد وايد حلو
الي لما شافته قامت تصيح طلع روعها
توكلي على الله وسويه​

 

[الكيكة]

لا جريئه ولا شي ( من الخوف صبغت بيتي كله لون واحد مشمشي فاتح و السقف كله ابيض )

و شريت ثريات للاستقبال وايد كباااااااااااار و فخمين و طلع شكلهم شي شي حتى والله خايفه من العين اذا الناس شافوهم.

عموما رودي تسلمين عالتشجيع .. و انا متخيلة شكل البرسلان الاخضر.. ان شاء الله بيطلع حلو.

 

[rudy]

مرحبا بنيات
كويتيات
وغير كويتيات

اليوم حبيت ايبلكم بعض الصور الي اعجبتني ويارب يااااارب ترزق بنات المنتدي
مطبخ مثل الي بعرضهم ولو اتلاحظون السقف والأرضيات والسراميك
عجيبين فيهم تناسق يعني الصورة ما تطلع حلوه الا لما تكتمل جميع العناصر فيها.

والحين اتركم مع الصور

اول واحد عجبني فيه السقف والدرايش الصغيره الى فوق الخزائن:

لو تلاحظون ان سراميك الحوائط يوضع فقط بين الخزائن والباقي صبغ

لو احد قالك صبغي المطبخ بني !!! اطيعينه!
شوفي البني اشلون طالع بالصوره وايد حلو

الي ناويه اتسوي مطبخ وحجم الغرفة كبير ارجوكم سوو جزيرة ترا وايد عملية لا اطوفونها

وهذا مطبخ مودرن

احلى شي مكينة النفيش

هذا المطبخ عجيب وسراميك الرضيات ياي رايت مع التصميم العام للغرفة

​

وسلامتكم
والصور طبع منقوله مو من كامرتي

 

[rudy]

ترا الصور نازله في مجلة اسمها فرندا عدد ابريل 2007

 

[DoOoOoha]

يعطيج العافيه اختي رودي

وبجد موضوعج بوقته

لاني ابي احدث طرق للستاير ابي افكار حلوه وغريبه

والوان القعدات الدارجه هالوقت

واكووووووون شااااكره لج

 

[rudy]

هلا فيك الجازي لنتي تصفحتي كل الموضوع؟

لأني عارضه فيه تشكيله من الستاير
فإذا ابالك شي معين مو موجود خبريني عنه ومن اعيوني ابحثلك طلبك

 

[bnt q8 in usa]

شلونج رودي:حبيبه ابي تشورين علي انا بعد شهرين تقريبا راده انشالله
وباثث طبعا من يد ويديد ابي تشورين علي ابي اخذ حق عيالي طبعا ماترس اوكي حق كل واحد فيهم ................وطبعا اذا الدور الي باخذه في كبتات بالطوف زين علي زين اذا مافي شنو تشورين علي اسوي نجاره والا اخذ جاهز واذا جاهز من وين؟؟؟لاتقولين ميداس محد يمدح شغلهم ككد ومد

غير جذي ...................ابي افكار يديده حق غرف النوم والصاله شي يكون موديل هالسنه يعني الدارج سواء بالالوان والاصباغ وغيره

ونفس الشي شنو تنصحيني اخذ ادوات كهربائيه اي ماركه؟؟؟ابي شي كد ومد
انا مسويه قعده ارضيه من امريكا شغلها اسبشل وراقي والالوان عجيبه بني ويا ازرق مشير...............
وشرايج بالبيت الفرنسي والمكان؟؟للحين شغلهم حلو مثل قبل ولا لاا؟؟
واذا عندج اسامي محلات شي راقي وذرب سواء قعدات وغرف نوم ياريت تعطيني ياهم

ف انتظر منج حبيبه المساعده والف شكر
مقدمــــــــــــــــــــــــــــــــــــــــــــــــــــــااااا

 

[bnt q8 in usa]

شلونج رودي:حبيبه ابي تشورين علي انا بعد شهرين تقريبا راده انشالله
وباثث طبعا من يد ويديد ابي تشورين علي ابي اخذ حق عيالي طبعا ماترس اوكي حق كل واحد فيهم ................وطبعا اذا الدور الي باخذه في كبتات بالطوف زين علي زين اذا مافي شنو تشورين علي اسوي نجاره والا اخذ جاهز واذا جاهز من وين؟؟؟لاتقولين ميداس محد يمدح شغلهم ككد ومد

غير جذي ...................ابي افكار يديده حق غرف النوم والصاله شي يكون موديل هالسنه يعني الدارج سواء بالالوان والاصباغ وغيره

ونفس الشي شنو تنصحيني اخذ ادوات كهربائيه اي ماركه؟؟؟ابي شي كد ومد
انا مسويه قعده ارضيه من امريكا شغلها اسبشل وراقي والالوان عجيبه بني ويا ازرق مشير...............
وشرايج بالبيت الفرنسي والمكان؟؟للحين شغلهم حلو مثل قبل ولا لاا؟؟
واذا عندج اسامي محلات شي راقي وذرب سواء قعدات وغرف نوم ياريت تعطيني ياهم

ف انتظر منج حبيبه المساعده والف شكر
مقدمــــــــــــــــــــــــــــــــــــــــــــــــــــــااااا

 

[nanah]

أختي رودي ياليت تساعديني
عندي غرفة نوم ملبستها ورق جدران عنابي بذهبي بسيط والاثاث (سرير-كبت-تواليت)خشبي غامق والفرشة ذهبية-والحين أنا محتارة بلون الستارة والكفر أي لون أختار؟ ياليت تردين علي بسرعة

 

[rudy]

أختي رودي ياليت تساعديني
عندي غرفة نوم ملبستها ورق جدران عنابي بذهبي بسيط والاثاث (سرير-كبت-تواليت)خشبي غامق والفرشة ذهبية-والحين أنا محتارة بلون الستارة والكفر أي لون أختار؟ ياليت تردين علي بسرعة

بس ما قلتي شنو لون الارضية

على العموم الستارة لازم تكون ساده وتاخذين نفس لون درجة احد الألوان الي بورق الجدران سواء العنابي او الذهبي وانا افضل الذهبي يفتح الغرفة اشوي

​

 

[سيدة الكويت]

شلونج رودى شخبارج

رودى ابى محل يسوى لى ديكورات مثلا على الطوفه او مداخن وين؟؟

رحت حولى يم محلات ورق الحائط ما عندهم

 

[rudy]

هلا bnt q8 in usa

الحين اناس اتعنون امريكا ايبون اثاث بنص القيمه وانتي تبين تشترين من الكويت
لو انا منك ايب كل شغلي من اهناك

بس تدرين كل واحد وظروفه
المهم نبتدي بالموضوع:

1- بالنسبة للماترس انا اعيالي شاريتلهم ماترس صج حلو ومريح ومرتب بس مادري الواحد وده باماكن للتخزين تحت السرير
مثل اسرة اول ام اريول تلقينهم عند ايكيا.
2- انا مو من ربع ميداس لأني ما احب اتقيد بالغرفة الكاملة احب اشتري القطع الى احتاجها. بس على طاري ميداس ترا البنات
يمدحونه وخاصه مع افتتاح فرعه الجديد بالضجيج يمكن تغير .
وبما انك في امريكا تعرفي على المحلات الزينه الي عندكم وتعالي ميداس وشوفي هالماركات ترا ساعات ايب قطع اثاث مثل الي ايبهم كوتمك والبيت الامريكي يعني نفس الماركه مع فرق السعر.
3- والله الريف الفرنسي والمكان حلوين ساعات تلقين عندهم اشياء
حلوه بس من زمان علمي فيهم.

4- بالنسبة للخزاين النجارة افضل من الجاهز واذا تبين شي مؤقت عندك الضجيج تلقين عندهم اشياء معقوله
واذا عندك غرفة تبديل (وك ان كلوزت):eh_s(8): لايطوفك مال ايكيا عجيب انا استعمله الحين
الي هو عباره عن اعمدة وارفف وعلا ليق بدون بيبان سهل للملابس اليومية
وبعد ايكيا عندهم خزاين وايد حلوه تختارين احجم والموديل الي يناسبك.

5- اما بالنسبة للأجهزة عندك ماركات وايد زينه مثل كينوود وفيلبس وباناسونيك يعتمد على الجهاز يعني اذا تلفزيون مثلا اخذي بناسونك،
واذا خلاط للمطبخ اخذي كينوودر .
اما بالنسبة للاثاث فهذا السؤال يبيله قعدة
لأن والوحده منا وقت الصجية تحتار تختار
مودرن ولا كلاسك ولا ايطالي ولا فرنسي او امريكى ... انجليزي اسلامي ابيه الواحد ما يخلص...الخ​

 

[rudy]

شلونج رودى شخبارج

رودى ابى محل يسوى لى ديكورات مثلا على الطوفه او مداخن وين؟؟

رحت حولى يم محلات ورق الحائط ما عندهم

والله خليني اسالك انا لما الحين ما وصلت هالمرحلة من بيتي
واذا تبين مداخن روحي عن الي يبيعون ارخام مري الآسيوية او روما تلقينهم يم تروفاليو طلي عليهم خابره عندهم

اشرايك في هالرسمه
وايد حلوه

 

[الكيكة]

خرعتوني من غرف نوم ميداس ... لا تقولون محد يمدحهم .. توني شاريه منهم ثلاث غرف نوم لعيالي .... الله يستر

 

[الكيكة]

رودي حلوين المطابخ اللي حطيتيهم شكلهم ملوت ايكيا لاني شفت مثلهم حتى الثريات اللي جنهم ورده مادري بالونه بيضا معفسه شفتهم عند ايكيا

 

[bnt q8 in usa]

مشكوره حياتي انتي انا اقولج شغله اخذتلي قعده ارضيه عجيبه من امريكا شي مميز وغريب هذي حق قعدتنااا .................اخذتلي طاولة طعام كامله
ليش مااخذت قعدات ............قلت مستواهم نفس الكويت تقريباا وعجبني بصراحه شغل اشلي لورا اشلي عجيب ...............غرفة النوم لقيت شغلات حلوه بس تدرين شنو المشكله انه اول شي يراراتهم مافيها رول مثل الكويت يعني سهل تبطلينه بصعوبه يتسكر مافي مثل الكويت غير جذي مافي كبتات
مابي اتوهق بالكويت ...............واسعار غرف النوم هنام من 25000 دولار وانتي رايحه ...............طبعا اكسسوارات وشموع وحركات ماخذه شغلات زوغه ............حتي اطقم بوفيه اخذت وكسسوارات هم اخذت للمطبخ يعني بس هالشغلات الي قتلج ياهم ناقصتني وطبعا قطع الزل

ومشكوره حبيبه واذا لقيتي شي مميز وافكار حلوه لاتنسينااا

 

[سيدة الكويت]

رحت روما شغلهم غالى

حتى اهوا قالى بره ارخص

انزين هذى الرسمه وين احطها تهقين ؟

 

[rudy]

انتي مرة سالتيني تبين اتسوين درايش وهمية
يتروالي تقدرين اتسوين هالرسمه مكانهم او عند مدخل السرداب

 

[سيدة الكويت]

ما شاء الله عليج رودى شوفى بمرج باجر يوديج بيتى مالى شغل

ههههههههههههههههههه