رودي للاستشارات الهندسية

[الكيكة]

مشكوره رودي عالمعلومات اهو قال المتر اب 55 اذا ماني غلطانه .

 

[tofy]

انا قست المساحة

العرض متر و 20 سانتي والطول 3 امتار الباب صاير بنص والدري لازلق

بالطوفة مثل ملوت المطافي بس الدري موجود بممر يبعد عن المكان الي

قلت لج مساحتة متر

 

[rudy]

انا قست المساحة

العرض متر و 20 سانتي والطول 3 امتار الباب صاير بنص والدري لازلق

بالطوفة مثل ملوت المطافي بس الدري موجود بممر يبعد عن المكان الي

قلت لج مساحتة متر

صممتلك مطبخ عرضه 120 وحطيت فيه مغسله وغاز اشرايك واذا تبينه كامل ترا سعرة من ايكيا اب260 بدون الغاز
عبارة عن 4 خزاين وطاولة وكرسيين

​

 

[tofy]

مشكوره وماقصرتي

 

[tofy]

مشكوره وماقصرتي

 

[rudy]

العفو اختي

 

[الكيكة]

صبحكم الله بالخير خواتي الكويتيات
قلت لكم و لله الحمد ان مطبخي الرئيسي طلع شي عجيب و كل من يدش بيتي يفج حلجه و يقول هذا استقبال مو مطبخ

يايبتلكم اخبار مطبخ التحظير ... اهو مفتوح على المعيشه ( فصلتها عند كاكولي على شكل جلسه متصله حرف L لونها فستقي و مشير بورود عنابية و زيتي و اصفر... المطبخ ماخذ زاويه الصاله و يفصل بينه و بين الصاله كونترين (برسمه لكم) ابعاده 1.80 في 2.30

انا اوريدي شاريه طاوله اكل مربعه ام 8 كراسي من صفاة الغانم بالتنزيلات اب 169 و البوفيه اللي معاها اب 69 ( بعلق فوقه تلفزيون ال سي دي 42 بوصه) الطاوله لونها بني محروق و ريولها مثل لون السنديان الخشب اللي على برتقالي و الكراسي نفس الشي رفيعه اعلى من الكراسي العاديه و لونهم سنديان بس المقعده بني محروق ... ادري طولت عليكم بس علشان تتخيلون الشكل

رحت محل تفصيل مطابخ و اخترت المنيوم لونه سنديان نفس لون الطاوله بالضبط بالضبط ( ماشاء الله ) و اخترت الرخام بني محروق متره اب 28 دينار.. و اخترت مسكات الكبتات ناعمين لونهم بني محروق.. صار المطبخ اب 400 دينار
خذوا قياسات و قاعدين يفصلونه ... دعواتكم يطلع حلو و مرتب و مثل ما ابي

ثلاجتي اللي بابين بالطول واحد ثلاجه و واحد فريزر و برادتها منها و فيها مع الايس ميكر .. قلت لهم يفصلون حوالينها مثل الخزانه تدش اهي داخله من ورا مفتوح علشان التهويه و علشان ما تحتر لانها مو ( بلت ان) و يفصلون فوقها كبت علشان يصير ارتفاعها نفس مستوى المطبخ و راح استخدمه للتخزين .. و قلت لهم يفصلون رفوف مكشوفه من المطبخ على جنب الثلاجه يكونون مقابلين طاوله الاكل ( مثل البوفيه او الكبت) علشان استغل الكاونتر الصغير اللي يم طاوله الاكل للتوستر و الكورن فلكس و هالسوالف

لون المطبخ يشابه اللي ابهالصوره و الرخامه بدال الاسود بني محروق ( اللونين مثل طاوله الاكل )

 

[كلي تفاؤل]

السلام عليكم بنات....


الكيكه ما شاء الله تصميمج باين عليه راااقي ...

انا قاعده اجهز لشقتي ...رحت اليوم عند الشايع عشان سراميك حمام غرفتي النوم ..واااي انهبلت على سراميك حمام عندهم لونه بني ببرتقالي بس المتر ب22 دينار ..قلت حرام اقط فلوسى على مكان راح اقعد فيه مده معينه ...
انا ابي سيراميك فرايحي االوان تفتح النفس ..وبنفس الوقت سعرا مناسب ....لآن الشقة بروحها مكلفتني الشئ الفلاني ..

قالوا لى عن بسامكوو ..انتو شرايكم ؟؟..واذا انتوا مريتوا على محلات عندها نفس طلبي بسعر حلو ياليت تدلووووني عليها وجزاكم الله خير

 

[sunshine22]

جهراويه


سوي موزاييك اللي يجي مربعات صغار وااااااااااي عجيب موضه دائمه الموازييك غير عن اللي دارج اللي هو زمام بالنص او بالطول الموزاييك جميل ويدل على الذوق الرفيع

 

[rudy]

انا اخذت من ناصر الرميح
وايد حلو سراميك مستطيل بالعرض طوله 56 سم وعرضها 15 سم عجيب وبغيت اكمل منه باقي الحمامات قالولى خلص اظاهر الناس استخبرت عنه وطيروه عليهم بالعافية.
ومشكورة كيكه على مشاركتك لنا صالتك ومطبخك ونبي الصور الصججية لما يوصلا المطبخ طبع

 

[الكيكة]

مشكوره جهراويه .. دام انها شقه حرام تاخذين غالي ... اخذي البرسلان اللي مربعات صغار سعره مناسب و تفنني بالتركيب والله يطلع عجيب

ادل محل بالشويخ شارع المطافي قبل لا توصلين للحميضي ...اسمه برقان عنده المربعات الصغار كل الالوان المتر اب 1.900 فلس والله يا بلاش و الوانه فرايحي



العفو رودي انا احط اخباري علشان تقولون رايكم و اذا شي غلط تنبهوني

 

[كلي تفاؤل]

جزاكم الله خير خوااتي انا شفت الموزاييك عند الشايع وعجبتني فكرته ان شاء الله بمر الشويخ واخذ فرة على المحلات وبشوف المحل اللى قلتي عنه كيكة ...

مشكووووة

 

[لموية العسولة]

السلام عليكم


جزاج الله خير الجزاء ياردوي على تعاونج معانا ...وبغيت أستشيرج في شغلة ...عندي ممر صغير صاير على شكل مربع يفصل بين 3 غرف نوم وفيه طوفتين متجاورتين عراض شوي والطوف الباقي لا ...ودي أصبغ هالطوف بالوان او حركات تتناسب مع حجم المكان وخصوصا انه خاص بغرف النوم ...

شتنصحيني فيه اذا تكرمتي ...مع جزيل الشكر

 

[الكيكة]

ليمونه ممكن اتليقف؟ بقول رايي

اشرايج بورق الجدران؟ اخذي نقشه صغيره ناعمه .

 

[rudy]

مرحبا لموية

انا من رايي قبل الصبغ ليش ما تستغلين المكان وتحطين فيه مكتبة لقصص وكتب اعيالك
وتصبغين الحوائط بلون مناسب للمكتبة او الأرفف وعموما مكتبات الكتب دائما عمقها قليل ما يتجاوز 25 سم
وورق الجدران هم حلو وقترح بعد اتحطين بدل من المكتبه او اذا فيه مكان
يسمح مرايا طويله وايد مفيده ان الواحد ايشيك على لبسه قبل الطلعة:eh_s(3): وتعطي اتساع للمكان.
واذا ما اعجبتك الأفكار بلغيني اعصر مخي واطلع لك افكار ثانية.​

 

[لموية العسولة]

هلا بنات مشكورين على الرد

المكان مايصلح ان تنحط في مكتبة..الطوف مو عريضة حيل..وانا حاطة منظرة طويلة .. ودي بورق جدران او صبغ ...شرايج أي لون أختار ..ياليت اذا عندج صور

مع جزيل الشكر

 

[مناير العماير]

الله يعافيج صراحة .. يا حبيبتي

 

[knafa]

مااااااااااااااانتحرمممممممممممممممشششششششششششش

 

[rudy]

[

QUOTE=لموية العسولة;1407379]هلا بنات مشكورين على الرد

المكان مايصلح ان تنحط في مكتبة..الطوف مو عريضة حيل..وانا حاطة منظرة طويلة .. ودي بورق جدران او صبغ ...شرايج أي لون أختار ..ياليت اذا عندج صور

مع جزيل الشكر[/QUOTE]


اشرايك بهالتشكيله

​

 

[rudy]

مرحبا بنات
كما عودتكم ان كل ماشفت شي يعجبني احب انكم اتشاركوني فيه
فاليوم بنقل لكم فلتين يغلب على ديكورهم اللون الازرق

يالله نبتدي

​