رودي للاستشارات الهندسية

[وين^العهود]

اول شي مشكورة على الموضوع الحلوووووو والشيق...

وثاني شي انا قاعدة اعدل بشقتي ومحتارة اني احط ورق جدران او اصبغ واللون اللي ابية البنفسجي يعدني درجات البنفسجي...

حتى قعدتي بخليها بنفسجي اللون الغامج اللي صاير بيدياني...

لان غرامي اللون البنفسجي وودي ادخل معاه اللون الفستقي او اللون السماوي...

فما ادري ابي استشارتج ...

 

[rudy]

مرحبا اختي وين العهود


الوانك رقيقه ذكرتني ببطاقات دعوة العروس:eh_s(6): ودايما اشوف الون البنفسجي اوالبيدياني ايي معاه الون السلفر او السماوي.

ولو خيرتيني كلون مساعد مع البنفسجي لاخترت السمواي لما فيه من معاني حلوه.
فالسمواي يشرح المكان ويوسعه
والسمواي يهدئ الاعصاب ويريحها
والسمواي لون بارد

​

 

[وين^العهود]

تسلمين حبيبتي ...

وصح اللون السماوي هادي وحلوووووووووو...

وحلو ويا البنفسجي...

 

[rudy]

عليك بالعافية ونبي صور الغرفة بعد ما اتاثثينها

.

.


.

.اذاااااااا في مجال

 

[وين^العهود]

ولو اكيد في مجال...

انا ناويه من اخلص الصاله بحط لكم الصور...

وان شاءالله يعجبكم ذوقي...

 

[sunshine22]

هاي رودي


حبيبتي عندي استفسار<<<ياكثر استفساراتي

شتنصحيني اصبع غرفة بناتي

شوفي اهي كبيره ويمكن احمل الحين اذا الله كتب ودي بلون غرفه محايد عشان احط اذا الله كتب البيبي الثالث فيه يمكن يكون ولد فمو حلو الوردي,,,

وترا سويت الباركيه يجنن ابشوف صوره تقريبيه له وابعرضها
اساسا قالولي ما نحط باركيه الا اذا مسرمكه المكان او حاطه رخام او جرانيت مانحطه باسمنت وجذي

انا كنت فاهمه غلط



-------------------------

شفت بالصراف ورق جدران منجد غريب ابيض بذهبي لون محايد وحلو ويصلح بعد عمر طويل لاي لون اثاث

احطه بالصاله جهه وحده ...وغرفت بناتي احطها ورق جدران والا اصبغ احلى يصير الصبغ للاطفال,,,,!



واخيرا

غرفت نومي ودي احطها موكيت مشجر نفس اللي بالفنادق
بس كل من قلت بحطها موكيت قالو حسافه ع الجرانيت اللي حاطته,,,,!!
احس ارقى الموكيت حتى دومين لما رحتله حاطين موكيت لغرف النوم

شرايج روديييييييييييييييييييي

 

[fife4ever]

سن شاين

حلو الورق جدران بس انتي اعيالج اصغار خوفج يكتبون او رسمون على طوفه فشلون تنظفينه اما الصالة حلو لو تحطي سايد واحد يطلع راقي

بس سؤال انتي تجددين شقتي الاجار او انتقلتي لحمولتج

 

[rudy]

مرحبا اختي سان شاين

شوفي الونين الأصفر والأخضر محايدين يصلحون للجنسين
والصبغ لغرف الأطفال افضل من الورق مع ان الثاني احلى
انا كنت حاطه في غرفة اعيالي ورق جدران بس الله يحفظهم ما قصرو فيه
طاحو على زاوية بالدار وسحبوه وانا الزق فيه طبعا كانو حزتها اصغار
4الى5 سنوات فالصبغ اريح.

وانا اقترح قبل لاتصبغين روحي السوق واختاري قماش الستاير والتنجيد اول
وبعده اختاري لون الصبغ لأن الصبغ متوفر بجميع الدرجات والأولون
ومن حيث المبدا تشوفي درجتي الون الصفر والخضر الفاتح وانا متاكده ان بعد فرتك بالسوق راح تطلعلك الوان يديده مو على البال.


وبالنسبه لغرفة النوم انا افضل السجاد لأنه مريح ودافي بالشتاء
بس اذا انتي حاطه جرانيت حسافه اتغطينه ليش ما اتحطين سجاده ايرانية فخمه
تحت السرير وتبدي من نصفه راح تطلع حلوه
او روحي عند علي عبدالوهاب انا شاريه منهم من فترة سجاد كبيره قياسها 4x6
مثل مالت الفنادق امشيره وكها نقشات اصغيرة ومنها 3 الوان
كل من شافها عندي سالني عنها وايد وايد حلوه وقياسها عجيب
واهي صناعة بلجيية وبهالطريقه انتي حطيتي سجاد بس ما غطيتي الجرانيت.

اما بالنسبة لورق الحائط الخاص بالصالة فاعتقد الي اخترتيه حلو :eh_s(10):
قاعده اتخيله ابيض وذهبي شكله فخم بس يبيله اثاث يناسبه ومثل ما قالو البنات خليه جهة وحدة رئيسية.

والله يوفقك ​

 

[rudy]

مجموعة من الصور اهداء للعزيزة سن شاين

لو تلاحظين السجاد تحت السرير شكله راقي

 

[sunshine22]

سن شاين

حلو الورق جدران بس انتي اعيالج اصغار خوفج يكتبون او رسمون على طوفه فشلون تنظفينه اما الصالة حلو لو تحطي سايد واحد يطلع راقي

بس سؤال انتي تجددين شقتي الاجار او انتقلتي لحمولتج

هلا فايف

انا مفكره بالورق بس شكلي مستحيل اسويه عيالي شياطين درجه اولى
الصاله انشالله قررت عقب ما شفت الصراف للديكور حيل حلو تنجيدهم بورق الجدران رااااقي وجخ

لا انا الحين اجار بس قاعده اثث شقتي ببيت حمولتي
اهو دور ثاني كله لي حيل كبيره الشقه واساسا حمولتي ( خالتي وولدها بس) الحين مأجرين ببيت لان بيتهم كله انبنى من جديد شكله يهبل صار وانشالله على وشك ينتهي
وانا زوجي كله ياخذ رايي تعبت من التفكير بس ما بقى الا نوعيه الاسمنت ماخذ رايي فيها وانا اول مره مو متعوده اثث واسوي:eh_s(16):

 

[sunshine22]

لا خلا ولا عدم يارودي


شكلي بروح لعبدالوهاب ودشت ببالي السجاده

وبناتي ودي بوردي نفس الصوره اللي حاطتها ياربي حلو الوردي
لا وعلى باركيه غامج يااااااااااااااااااااااااااااي يطلع يهبل,,,,,,,,,,

او مثل هاللون حلو على باركيه

مع ان للحين ببالي سالفت الشطرنج او الالوان المعينه

 

[sunshine22]

الباركيه اللي حطيته مضرب نفس اللي اسفل هالصوره بس انه شوي غامق

 

[fife4ever]

سن شاين لا تحطيني وردي اعتيادي حطي لون ثاني
بس اذا بخاطرج حطيه

وحبيت اقولج ان الصراف غالي انا اهلي ما خذين منه
والله اختي راحت حولي لقت ارخص حييل من الصراف وحلوين

وموفقه حبيبتي

 

[sunshine22]

صح غالي

انا شفت ديكورات الروضه بالشويخ متر الورق جدران عندهم بدينارين

بس للامانه الصراف ناسيه مدري زوجي ما سال جم متره مخربطه من كثر ما فريت


فايف
شنو المحل اللي راحت له اختج لا يكون بنفس السطره قبال كناري...
واسمه شنو ترا انا على وشك

 

[fife4ever]

هلا سن شاين والله ما اعرف اسم محل بس على قولج مقابل كناري

 

[كلي تفاؤل]

السلام عليكم ....

يعطيج العافية حبيبتي صج استفدت من الموضوع لآني على وشك سكن شقه جديده ومحتااااسه حدي مو عارفه شسوي ..

عموما بغيت اسأل عن الباركية ودي احطه بغرفتي النوم وغرفه عيالى بس خايفه من شغله وهي بما انه هالأرضية خشب خايفة تجمع عليى الحشرات من تحت لآنه دافي.. مثل الزهاوية وربعهم ...انا ما خذه فكرة عن الخشب انه يسوي جذي ...شرايج ..احط سراميك احسن والا هو ؟؟؟؟؟

 

[rudy]

هلا جهراوية
يعني انتي بتقارنين السراميك بالباركيه!!!

كلش ما فيه وجه مقارنه

طبعا الباركيه

والباركيه مو مجرد خشب وبس لا معالج وفيه طبقه عازله وفيه بالوسط
فلين منعا للصوت يعني حطيه وانتي مطمئنه بس لازم تاخذين ارشادات
الي بيركبه لك طريقة تنظيفه وحركة الأثاث فوقه.... الخ​

 

[كلي تفاؤل]

مشكووورة عساج على القوة

 

[الكيكة]

ماحب الباركيه مو عملي

 

[rudy]

مرحبا بنيات

اشلونكم وشخباركم
اليوم بعرض لكم بعض المختارات من سيراميك المطابخ الي نالت اعجابي
والحين اترككم مع الصور

طبعا منقول​