شرآيكم بشكل المنقبه اللي تلبس نظآره شمسيه ؟؟

[~..MiMiNi..~]

شكليا ً بيكون مو حلو ..

بس ما عليج من الناس صحتج اهم ..

و خل يضحكون مني لي باجر .. عادي ما يعرفونج

 

[![ حــنين ]!]

..

آنــا وحده ( مو منقبة ) ومآ أعرف أدآوم ولا أطلع الصبح
ولا حتى أسوق الا بــ نظارتي الشمسية ..!
فــ شلووون حآل اللي ( متنقبه ) ..
..
كلنا عندنا عيوون ونتأثر ..
يعني الكل عآرف انهـ الشمس ح ــــاااااره والطريج حده عذآب وقت الظهر والبنت مسكينة عندها دوام ..
أنا أشوفها عــــادي ومافيها شي أهم شي صحتها ..
حبيبتي والله دآم الشي فيه رآحتج سويه وأنتي مغمضة ولا تهتمين ..



/
..

وأستغرب من كل وحده قالت رآح ( تضحكـ ) لو شآفت منقبة لابسه نظآرة شمسية .. !!
دآم أنتي ما ترضين أحد يضحكـ عليج خ ــــــــــــــــلاص لا ترضينها على غ ــــــيرج ..
اوووكي .. أنــا مع كل وحده قالت انه رآح يكون ( المنظر والشكل غريب ) بس ما يستاهل إنهـ نضحكـ ..!
ياما شفنا أشكآل وألوان ومناااظر .. وع ــــــااادي طوفنآا هذي (حرية شخصية ) ولازم نحترمها ..

/​

 

[قـہۈه فـرنسيـہ™]

بناااااااااااات انتوا تضحكووون على الحريم وماتدرووون شنو السبب ,,, أنا أمي منقبه وقال لها الدكتوووور لازم الشمس ماتحوووش عينج إلبسي نظاره شمسيه لأنها كانت مسويه عمليه ,,, ولبست أمي بس لمدة شهرين تقريبا ,,,بعدييين معاد لبستها ,,, لأنها مولايقه على النقاب ,,,
غير هذا بعضهم في عيونهم أمراض يكفينا الشر,,,

 

[DLOOOO3a]

حبيبتي ما عليج من الناس مدام النظاره تريحج

و اذا بتسمعين للناس هذا يضحك و الثاني بيتطنز رح تتعقدين

سمعي من هني و طلعي من هني و لا عليج من احد

و ترى الناس ما يعجبهم العجب

 

[برونزيه نعومه كتكوته]

انا عندي فكرة ليش ما تلبسيين بووشية ؟؟ ترى تظلل عليج وتوخر الشمس وشكلج يكوون ارتب وما تحتااجين نظااارة

انا معاها 100%

 

[رقي]

ترا عادي لاتكبرونها
تلبسين نظتره شمسه تحمين عيونج
مو عشان الفرجه

 

[(كويتيه عسل)]

شكلج بيكون غلط وموصج

 

[sweet cake]

متابعه للموضوع .. بعرف ردود البنات .. البسي واهم شي عيونج .. >> لو انه موضوعي ما تابعته جذي

 

[!! شوق !!]

نسيت اقووولج الاولى البنات اللي يضحكون

يضحكون على اللي نافخين روسهم اللهم يا كافي
لا ام حواجب جاينييييز
ولاااا اللي لابسين بدون ملابس .. دامني ماشيه بستر الله خلاص

 

[AL-BaNDry]

عادي انا منقبه والبس نظاره شمسيه واغلب الابلات اللي معاي يسوون جذي
الدنيا تغيرت وصار شي عادي والشخص يدور راحته وماحطو الناظرات الشمسيه عشان الشكل !!
حطوه عشان يفيدنا ويحمينا

 

[*أبلة*]

يعني الناس ناطرة المنقبة تلبس نظارة علشان تضحك؟؟

خل يضحكون على امهات ركب جلحة ملحة مطلعيها جدام الله وخلقه

خل يضحكون على هالمرصصات بالهدوم اللي لو تقزينها بدبوس انشقت هدومها عليها

خل يضحكون على الحجاب الوارم

خل يضحكون على مكياج الساحرات اللي يحطونه بعز النهار

يبا لبسي نظارة واللي مو عاجبه خل يصد

والله سالفة هذي .. الشمس مضايقتج وانتي تحاتين الناس شتقول !!

ما عطاج ما عطاني .. اسوي اللي ابيه دامه ما يخدش الحياء ولا هو عيب ولا حرام​

 

[Dreamy G!rl]

8
8

يبتيها رااااايت
و لا عليج من احد و الي بيتكلم مصيره بسد حلجه
ما سويتي شي عيب و لا في حرام .. عيل لما الوحده تمشي و صدرها اللهم يا كافي
و الي ورا ابداع و اشياء غريبة ما يستحون و انتي المتسترة تستحين و مفتشله من الحلال؟؟
ليش يبا امشي و انتي واثقه و لبسيها و ظحكي و خلي الي حولج يسدون حلجهم غصب طيب
بثقتج ان مو امسويه شي عيب و لا غلط !!

 

[Preity]

تبين الصج شكلهم كلش مو حلو

 

[نوفمبريه]

انا سعوديه منقبه

بس مالبس نظارات الا برا

اصلا ماتنفع بالسعوديييييه ابدددد كلن بيطالعني لان ماعندنا شمس >>> خخخ اييه هيييين يابنت العبي غيرها

>>> هياط هع

 

[ام هلال]

عادي لبسيها والله لاتضحك ولا شي اهنيه بالسعوديه يلبسون
لثام او نقاب وفوقها النظاره والله لايضحك ولا شي

 

[*أم*خالد*]

لبسي غطوه الظهر ونقاب بالليل
وبس انحلت المشكله !

 

[تفـاحهـ]

لا لا لا لا نصييييحهـ من أخت الشكل بيكوووون اكس انا منقبه واستحاااله البس نظااارهـ شكلهاااا أي شي


اوكي لو انتي ملفع او سفووور ممكن اما مع النقااااب شكلهااا كلللش مو حلو

 

[kunooz]

مادري شنو اللي يضحك بالموضوع؟
اهم شئ عيونج ياقلبي و مالج شغل بغيرج يمكن بس علشان احنا مو متعودين على هالشئ

 

[hello!]

انا كذا مره اشوف منقبه لابسه نظاره شمسيه
شفيها يعني؟ مرتكبه جريمه ولا صايره مهرج.. استغفرالله بعض البنات ردودهم تنرقز شالي يضحك يعني؟

لبسيها حبيبتي مافيها شي.. وضربي الناس بالحيط

 

[Om_RayooMa]

لا الصج الصج؟؟

شكلها يضحك

هذا رايي