شرآيكم بشكل المنقبه اللي تلبس نظآره شمسيه ؟؟

[*آحلى قمر*]

آنا مره شفت منقبه بكليتنا لابسه نظاره شمسيه فوق النقاب ومنزله الشيله يعني

مسويتها على شكل طرحه فـ مو مبين انها لابسه نظاره شمسيه ..


وعآدي حبيبتي مافيها شي وإذا منقبه لابسه نظاره شمسيه ... دام الشمس مضايقتح

لبسيها ... ولاتقولين الناس يضحكون ولا يتطنزون دام انج مو مسويه شي حرام ..لبسيها ولايهمج

أهم شي راحتج مالج شغل بالناس لاتعطينهم إهتمام... أنا بهالصيفي راح ألبسها لان أشعة الشمس

فوق البنفسجية تضر حيل للعين وتخليج تلبسين نظارة طبيه بعمر صغير... وكافي انها اشعه مسرطنه

وضربات الشمس تطيح الإنسان ....وترفع ضغط الدم


عادي يعني اللي مو منقبه تلبسها والمنقبه لا شكو أصلا النظاره الشمسيه للعين مو للوجه

ودام عيونج مبينه لبسيها ...

اوافقك الرأي

 

[nandeny]

عااااااااااااااااااااادي انا ياما شفت حريم لابسين نظاره ومتنقبين عادي ولا ضحكني ولا شي شتسوي حرام اكيد الشمس مضايقتها واحنا بسرررررررررررررررررررررررررررررررعه حق الشماته ليش !!!! حرام وبعدين مالنا شغل بالناس كل واحد حر بنفسه

 

[هايدي الجميله]

انا كان عندي مثل ذي وكنت البسها تحت النقاب

هي في الأصل شفافه بس طلبت منه يخليها شمسيه اخترت الي عيوني ترتاح عليه ولا تكون كبيره على شان ماتكون ملفته
لأن عندي حساسيه في العين
ترى فيه ناس مساكين مايتحملو ن الأنوار علشان كذا لازم يلبسون نظارات شمسيه

 

[العيون الشقيه]

عادي حيل عادي

وشكثر ناس اشوفهم لابسينها

 

[q8ia 3z]

بصراحه اضحك ,, احس شكلها غلط مو لايق كلش


سوري عالصراحه

 

[UK_Girl]

عادي لبسي ياعمري ..شنو لابسه بكيني ع النقاب!!! ....لبسي نظاره واحمي عيونج من الشمس

 

[شنكولة]

مافيها شي احسها استر

 

[رند]

حبيبتي وانتي شعليج بالناس الزم ماعليج راحتج ان حسيتي ان الشمس مضايقتج والبسي ومالج شغل باحد وفرضا وحده منقبه مسويه ليزك بعد ماتلبس تخاف من نظره الناس؟ وماراح تخاف على عينها يامعوده الزم ماعليج نفسج وخلي الناس اخر اهتمامج

 

[Mi$$ RoRo]

ليش والله بالعكس عاادي

وبعدين شعليييج من النـااااس

يولووون شعليهم علي ولا عليهم

أنا وأمي منقبات ومراااات نلبسها عااااتي

و " رضا الناس غايــــــة لآ تدرك "

مااا علييييج منهم ...

 

[@رومانسيه@]

بصراحة ماانصحج لأن شكلها يفشل

انا منقبة واسوق وعيوني تروح فيها من الشمس وماالبس لأن منظرها موشي


هذا رايي والباقي لج

فديتج


لووله

 

[مطيريه ماركه]

آنآ مرآت ألبس نظآرتي الطبية على نقآبي شعلي من آلنآس ؟

لأن عيوني مرآت مآتحمل العدسة كلللللش وتصير حمرآ ونآشفة

النآس مآخلت المنسدح كل شي يخزونه شي حلو غريب خآيس !

آذآ عيونج فيهآ جفآف ومتضررة لآ تقولون لآ آللي صج تعوره يسوي كل شي !

وشمسنآ لوآهيب

لكن آلله لآ يحدكم على النقآب والنظآرة يآللي تقولون وآلله مآنلبسهآ

فيه نظآرآت شمسة مو غآمجة حيل يعني مآيبين شمسية آشتريهآ حتى آطآرهآ مثل آطآر الطبية

 

[ستايل]

خلاص لانزعلين البسي عدسات شمسيه هههههههههههههههههههههههههههههههههههه

 

[تختوخهQ8]

بصراحه ولا مره شفت ..
مو لايقه مع النقاب بس دامج حيل متضرره من الشمس لبسيها والله يعينج عالتعليقات ..

 

[قمر الليل]

انا مستغربه من ردود بعض البنات! شاللي يضحك يعني ؟ ابنية مو لاابسه شي عيب!! شووفي انا شفت منقبات يلبسون نظارة طبية وعاادي جداا شكلهم مايضحك .. اما الشمسية ولا مرة مادري ليشش الظاهر اطلعوا يستحون من شكلهم ؟؟ حبيبتي دااامج متضااايقه من الشمس شلج بالناس! هذي صحتج ولا ترا الناس وتعليقاتهم ماراح تفيدج

انا معاج

مادري ليش تشوفونه شي يظحك

معني أشوفه عادي
وماني شايفته ملفت

بالعكس

مادري شاللي تقصدونه صراحه :eh_s(1):

بس دام الشي تبينه ومفيد لج
سويه وعطي الناس طاف شوي
بعدها بيكون هالشي عادي

لا وتلقين الكل مغلدج بعد :ggdw:

 

[قمر الليل]

خلاص لانزعلين البسي عدسات شمسيه هههههههههههههههههههههههههههههههههههه

:krkrkr:
:krkrkr:

 

[الله يخليني]

شوفي مثلي في الحياة اكل اللي يعجبك والبس اللي يعجبك فيما يرضي الله وطز بالناس ...
عيونج أولى من الناس اللي راح تنقد عليج لي صار في عيونج جفاف أو شي ...
ورضا الناس غاية لا تدرك ومنتي ملزومة ترضين الناس أهم شي ترضين ربج ثم نفسج ...
وبعدين مجتمعنا على أدناة الدون ينتقد ومو عاجبه شي أهم شي نفسج فقط إذا نفسج راضية توكلي على الله سبحانه ...
واللي يضحكون على المنقبة وتلبس نظارة أقول ترى العياب عند الباب وثقوا بالله سبحانه إن في ناس إذا شافوكم يضحكون عليكم لأن الدنيا كلها دين وكل واحد لازم يرد دينه ...

 

[نـ(المطيري)ـازكـ]

ما ادري بس يما اشوف وحدة جذي اضحك عليها ههههههههه

بس اذا مضطرة .. شتسوين لبسيها ..

 

[جوري!]

يعطيكم العافيه بنات على ارائكم ماقصرتو



ماكان ودي تصير في مشادات بينكم لكن بالنهايه كل وحده
تعبر عن رايها



واللي توصلت له اني البسها بالأماكن المشمسه مع الاهتمام انه حجمها يكون مناسب
والابتعاد عن ارتدائها بالأماكن المغلقه والمباني مراعاة للذوق العام ^_^





ماقصرتو

 

[هدولى]

اهو اكيد شي يلفت النظر << يعني ما تعودنا نشوف بنت متنقبة لابسة نظاره شمسية

بس انا دايما عندي مبدأ ان اسوي شي اللي يريحني مو اللي يريح و يعجب الناس


دامي مرتاحة مالي شغل بكلام الناس << و يمكن انتي عارفتني بره النت و عارفة شلون استايلي


فـ ان انتي مرتاحة خلج لابسة ومالج شغل بكلام الناس

انتي تبين مالج شغل ببنت تعلق او شي يلفت انتي مرتاحة خلاااص انسي الناس :*)

صح كلامج لبسسيها وشكو بالناس

 

[omyousif09]

والله احسن حل البوشيه و فكي عمرك من حجي الناس