شرآيكم بشكل المنقبه اللي تلبس نظآره شمسيه ؟؟

[جنـــا]

اهو الشكل غريب

بس دام لصحه عيونج لبسيها

انا بنظري عادي

وبصراحه النظارات مهمه خصوصا وقت السواقه

 

[اميره بضحكتي]

هههههههههههههههه لا لا ماانصحج يصير الشكل غلط بغلط

والله لو انا اشوف وحدة لابسة نقاب ونظارات شمسية بصراحة مااقدر امسك نفسي من الضحك

سوري حبيبتي بس موشي والله

 

[«قطـــر موطــني»]

بصراحه انتو في الكويت تعلقون على كل شي

في قطر طلعت هذي الحركه اول شي ماحبيتها احسها مو راكبه بس الحين خلاص تعودنا

بس مدري النقاب عندكم شنو لثام والا برقع لان اللثام احس ماتركب عليه النضاارة لان فتحته وسيعه بس النقاب العاادي يطلع شكله ارتب

 

[غصن الغلا]

ااااااااااااااااااااااااااااااااااااااااااااااااااااااااا

 

[vi-lady]

لالالالا حبيبتي مالج شغل انا شفت بنات الرياض يلبسونها وماشالله والله روعه واللي يضحك هذا متخلف وناقص عقل ,ولا شوفي بدول اوروبا والله لو يمرهم واحد مفصخ ومايطالعونه واهني يخزون الواحد خز الحمد الله والشكر مافي احترام الخصوصيه وبعدين لبسيها بيضحكون ويشبعون ولايهمج والله باجر تلقينهم يلبسونها وتصير موضة وانا عن نفسي البسها عالنقاب ولايهزك ريح ,,تصدقين مرات لمن اسافر واشوف تعامل الغرب مع انهم مو مسلمين ويكون راقي وارجع واشوف تعامل العرب المسلمين استغرب الحمد الله والشكر,يهتمون بالاشياء السخيفة التطنزوحدث ولاحرج وهناك ماعندهم هالامور موفاضين لها ,ومع انها مو من عادات دينا الاسلامي بس شتقولين قلة الوازع الديني والتربية السيئة انا ما أقول الجميع لا والله في البعض ماشالله والحمدلله ولوخليت خربت,,,,
وعلى فكره مديرة رفيجتي تلبسها او وايد حلوة او انا ورفيجتي اذا طلعنا نلبسها وروعه ,,,
البسيها وترى ارضاء الناس غاية لاتدرك...
واعتقد تعرفين قصة جحا والحمار عزكم الله ,,,​

:aha:

:e3:

 

[شمعة*البيت]

لبسيها ولا يهمج كلام الناس والكويتين لو شنو بينتقدون مالهم الا الطنازه توكلي على الله ولبسيها ونصيحه نقي اللي حجمها صغير

 

[Twafeej]

انا من رايي لبسي نظاره شمسيه عادي مافيها شي ومادري شللي يضحك بالموضوع بصراحه ؟
اذا بتلتفتين لكلام الناس ماراح تخلصين ترا

 

[أحبه موت]

هههههههههههههههههههههههههههههه ذكرتيني بأمي الله يخليها لنا أمي متعوده قبل النقاب لازم نظارة شمسية ماتقدر تطلع بدونها وتنقبت ومصرررررة تلبسها وااااي والله ما أبالغ لج شكلها يضحححححححك انا من تلبسها مااقدر أمسك نفسي أقولها يمه والله شكلج غلط وموحلو ما أبي أحد يضحك عليج تقولي ويييييه من راقب الناس مات هما بس والله صج شكلها غلللللط ما أقص عليج وانتي حرة برايج

 

[جوري!]

جزاكم الله خير ماقصرتو يابنات ^_^

 

[المـــــها]

حبيبتي شكثر بنات منقبات يلبسون نظارات طبية عادي شفرقت بالنقاب يعني ؟؟


بعدين أهم شي سلامة عيونج البسي نظارات شمسية ولا يهمج و أنا اختج

شالفايدة تأذيج الشمس و تنظرين منها على حساب نظرج ؟؟؟

 

[مليومه]

يبه لبسي اهم شي عيونج

 

[the white]

الناس ماهمها هالشي حرام والا لا,

كل همها نظرة الناس ,

حبيبتي لا تضيقين على نفسج

اهم شي رضى ربج والناس بكيفهم يتكلمون , يتمسخرون , خل يقولون الي يقولونه

اهم شي انتي تكونين مرتاحه , لا تخلين الناس ترسم حدود لج

مادام ماتسوين غلط , امشي وانتي مرتاحه

 

[جان دارك]

أنا منقبة
وأحيانا لي صارت الشمس حامية
ألبس شمسية
بس مو اي شمسية
نظارتي ضعيفه لونها خفيف مو داكن
ماركة سعرها تسعين دينار
مو ابو دينارين ثلاثة اللي يتطنزون

أنا نقابي سير انزله شوي
وأخلي شكلها مرتب
وألف ملفعي بطريقة حلوة
ومايهمني راي أحد
أنا مو لابستها عشان الفت انتباه
انا لابستها لضرورة صحية
نصيحتي
لاتهتمي للناس
لان ارضاء الناس غاية لاتدرك
شوفي اللي يريحج ويناسبج
وخليج واثقة من نفسج
سبحان الله صار اللي يرضي ربه بالستر
مدعاة للسخرية
واللي لابسة ستريتش مع حجاب عادي حضارة
ترى اغلب اللي يتطنزون على هالمنظر قصدهم
الشكل مو المضمون
واحنا يهمنا المضمون والفائدة
مو لفت الانتباه وترزز

 

[.. روحي تحبه ..]

أنا منقبة وألبس نظارة شمسية شفافة يعني جنها نظارة طبية وتكون صغيرة وقت ما اسوق سيارة لأن الشمس حيل قوية وأخاف على عيوني بصراحة :wqedqw:

وبعض الاحيان أخليها علي لمن اروح مشاوير صغيرة مثل الجمعية والبنك عادي تعودت عليها والكل عباله إنها نظارة طبية ..

إذا مستحية كلش سوي نفس طريقتي منها تتفادين النظرات الساخرة :lololoe: ومنها تحمين عيونج :sfg:

 

[om al ghaleen]

كشكل مو حلو اكيد "
بس دامج منقبه ومحد يعرفج شعليج من كلام الناس
سوي اللي انتي مقتنعه فيه

\\

 

[Stylista_Q8]

والله المنقبه اللي تلبس نظارات شمسيه كااااااااااااااااااااك
شكله يكون مثل الحصان اللي ايام قبل بيوم البحار كااااااااااااااااااااااااااك
والله انا ماشفت وحده لابسه نظارات الا بسعوديه وربي كل ماشوفهم اتذكر الاحصان كاااااااااااااااااااااااااك
مو اي احصان الاحصان الشايب اللي كلش خلاص وصل عمره 70 كاااااااااااااااااااااااااااااااااك

عسى ما شر ؟ شاللي يضحك بالموضوع ؟!


وحبيبتي انا الوالده الله يخليهاا تبي تلبس نظاارة عشان عيونها تعورها الصبح

اول شي استغربت الوضع وحسيته مادري شلون بس بعدين تعودناااا

فـ ألزم ما عليج من صحتج واللي يضحك شرات اللي كاتبه الرد اللي فووق حقريهم وماعليج منهـم .!

سووووي اللي يريحج هالناس مابيفيدونج لي باجر الله لا يقوله صار بعيونج شي ^^

 

[غريبه بلا وطن]

حبيبتي انا اشوف عادي بس تكون بسيطه ومو لازم يكون الشكل حلو لانك منقبه ومغطيه وجهك والحجاب عمره ماكان زينه وهذي ضروره وفي الاخير حريه شخصيه واختلاف الراي لايفسد للود قضيه.

 

[manhattan girl]

مادري و الله شقولج حبيبتي بس العين كثر ما تتعرض للشمس و تضايق تسبب جفاف للعين و ليش شالله حادني اني اخسر عيوني الناس تضحك بس انا بصحتي ولله الحمد الحاجه ام الاختراع مثل ما يقولون

 

[hello.kitty_85]

واااااي شكو الشكل يضحك ماكو شي يضحك لبسي ولا همج راي احد وبصراحه بعض الردود اتفشل

بصراحه شوفي انا مو منقبه ولا متحجبه اصلا بس ما اشوف هالشي يضحك وسوري على الحجي بس اللي قالوا شكلها يضحك ماعندهم سالفة وفيهم نقص مو طبيعي لانهم يطالعون الانسان على شكله

 

[صاحبة معرض]

على حسب النظاره فيه نظاره شكلها حلو على النقاب ومتناسقه وحلوه وفيه نظاره صج شكلها وحجمها غلط لما تلبسينها

بس نصيحتي لو فيه عدسات لاصقه بس شمسيه يكون افضل ههههههههه