شرآيكم بشكل المنقبه اللي تلبس نظآره شمسيه ؟؟

[Flower20]

عادي حبيبتي لبسي مو عيب ولا حرام

والي اشكالهم تضحك صج اهم اللي يلبسون ضيق وتفخة فوق قمة الراس .. الخ

الي بيعيب عليج ما عنده سالفة مع احترامي

 

[جوري!]

يعطيكم العافيه على تفاعلكم الحلو واختلاف آرائكم ....
مآخآب من استشار ...

 

[الزهر الابيض]

موووو شي كلش

 

[كويتيه مذهله 87]

سوري

بس الصراحه شكلها غلط

 

[اسوووره]

ممكن انج تستبدلينها بالبوشيه اللي يحطونها فوق النقاب راح يكون شكله وااايد اذرب ... وبالاول و الاخير القرار قرارج حبيبتي ...

 

[rayare]

عادى لبسيها شنو يعنى امنقبه

 

[Mrs P!NK]

لبسي اللي يريحج
الناس ما يعجبهم العجب

 

[* بنت المطر *]

انا بعرف شالمنطق الغريب ؟؟ يعني ليش الناس تضحك لم منقبه تلبس نظاره!!! وليش ماتضحك على غيرها ؟؟؟

ممكن يستغربون بس ليش يضحكون ؟؟ انا اقدر البس نظاره وانا منقبه وتكون ماركه بعد ونقابي ماركه بعد !! شالسالفه ؟؟

حبيبتي انا منقبه واسوق سياره والبس نظاره شمسيه _ لان عيوني من اطلع بالشمس تصب وتحكني وماارتاح الا بالنظاره ..

يعني باجر لاانعميت لاسمح الله منو من هالناس اللي ضحك علي بينفعني ؟؟؟؟؟

حبيبتي سويها وباجر بتشوفينها منتشره لانها لاعيب ولاحرام ومن نظري حتى استر وعن الفتنه وباجر الناس بتتعود واللي يضحك بيسكت .

تعالوا شوفوا الاجانب محد له شغل بحد الكل يلبس ع كيفه اللي بيتفصخ واللي بيتستر !! والحياه ماشيه لايخزون احد ولايضحكون على

احد ودايما مبتسمين _ استغفرالله احس الاسلام عندهم مو عندنا .

تحيــــــــــــــــــــــــــــــــــــاتي

 

[^_^ حوراء ^_^]

امبيه والله شكل المنقبه بالنظاره الشمسه جنها سلاحف النينجا هههههههه


عشان جذي لا تعرضين نفسج للسخريه

^_^

 

[مشتاقة لأمي]

في السعودية مثل الرياض عادي .

مرة صديقتي سعودية منقبة وتلبس نظارة شمسية كانت زايرتني ووديتها الافينيوز ومن دخلت المجمع رفعت النظارة فوق راسها والناس يمشون ويخزون>>> ادري ان يخزون الملفت وغير الملفت بس طوفو.

ولا تقول شالسالفه كل من يخز قلت عارفين انك سعودية ويرحبون فيك ماانتبهت الا لمن ردينا البيت قلت لها.
انصدمت !!! قالت وانا حاسدتكم على الحرية المنقبه ماخذه راحتها والسفور والمبرقعة والمحجبة كل من يلبس على كيفه طلعتوا تنقدون.

عني بالكويت مستحيل اسويها يمكن مستقبلا عادي بس من اروح السعودية البسها وثقه. صراحه اريح لعيوني.

 

[عــاشــقــه]

حبيبتي بآلعكس مآ أشوف فيهآ شي أهم شي عيونج مآلج شغل بآلنآس مآرآح ينفعونج إذآ صآر بعينج شي بعييد آلشر عنج يآرب

 

[الآنسة الشحرورة]

صلحي الي يعجبك ويريحك وعلى الدنيا السسسسسسسسسسسسسسسسلام

 

[بحر هادي]

والله قريت الردود اللي بالصفحه الاولى كله يقولون نضحك على شكلها ؟؟!!
وش اللي يضحك لابسه قناع مهرج وانا مادري؟؟

والا صار لفت الانتباه والبرستيج الحلو اهم من الستر؟؟

عادي وش فيها.. وبعدين البسي فوق النقاب طرحه ونزليها شوي..ماراح تبين النظاراه..والجزء اللي يبين بيكون بالعكس شكله مرره ناايس..بس لاتكون النظاره كبيره..
واهم شي راحتك وعيونك ياقلبي..وخلي اللي بيضحك يضحك على روحه اول..الحمدلله والله مدري وش هالناس اللي بتضحك على شي عاادي..

 

[+ Galb F +]

مرات تحسين شكلها غلط مع النقاب جايز لكن لو لبستي نظاره شمسيه ذربه مو كبيره تغطي عيونج بس حلووو صراحه ..

وانا بالنسبه لي مو مهم الناس صراحه المهم شي ذرب وبسيط وحلال ..


تكفين هالناس شنو بينفعوني فيه واللي يعافيج واللي قالوا اشكالهم تضحك في بعض المنقبات يلبسون نظاره كبيره حيل وتلفت وتخلي الشكل مو شي لكن مثل ماقلت لبسي نظاره شمسيه صغيره وذربه وتحمي اعيونج ..

وماعليج من اي احد دامها لا عيب ولا حرام ..

 

[Ga6wa_7elwa]

قوة


شوفي اذا طبيه عادي كلش ومافيها شي،،، بس السوده تحت النقاب ماجري اشلون تضحك الطبيه عادي
وسوي اللي تبينه مالج شغل باحد مو الا تنزلن من السياره محد يعرفج وانتي بسيارتج بس بره لا تمشين بالشمسيه

 

[دموع حارقه]

والله حبيبتي اهو عادي بس شكلج بيطلع غلط واهم شئ شوفي الي يريحج سويه
عالاقل انتي احس من الي شفتها منقبه وعباية راس ورافعه جمومها لي كوعها عيل ليش متحجبه ومتنقبه مادري؟؟؟؟

 

[حكستار]

اذا مضايقتج الشمس شتسوين؟؟؟؟؟؟؟؟؟؟؟
ما عليج من الناس...انتي ما تدورين الكشخه بهالحركه...انتي مضطرة

 

[نونه111]

انا سعوديه اختي تلبس نظاره شمسيه وه طالعه من دوام وهي منقبه بلعكس اكيد الناس عاذرتك وهذا شي طبيعي لا عيب ولا حرام الي ريحك سويه

 

[نمله معصبه]

نونه
يخرب بيت الصوره اللي بتوقيعج يمااااااا تجنن ..عذااااب .. يارب جسمي يصير مثلها يااارب ..وخشتي تصير مثل خشتها يااارب ..

 

[انصاريه قمره]

قطيعه يا شين جليلات الحيا اللي ردودهم تفشل مثل شيفهم عمى