اولياء امور مدرسة التكامل( صباح السالم )

[رفرف]

نواره ..


انا ماعندي خبر .. اسلم المكرفون لامهات الصبيان



تايقر ..

لا تقولين كبييير !! البنفسجي ماغيره ؟
امبيه لونه حده ...... بدون تعليق
خل اشوف لي رديت واي عاد مو وقته اي خياط يرضى ياخذه برمضان ؟
المفروض يكون في مقاسات صغيرة حق النتف .. عاد بنتي مو نتفه بس قمت احاتي ..

 

[Miss_Tiger79]

رفرف
مشكوره على انج عطيتيني المكروفون صج مدرسه
اي هذا اللون ما تشوفين اليهال يقولولها خدامه
لا بس راح تلاقين مقاس لانه بنتي خذيتلها 3 بس اتوقع مقاس2 زين وانتي اخذي مقاس1

نواره
صاجه الي يكون سير اريح من الزرار
شكلي بسوي مثلج واخذ من ماركس سبنسر

 

[manarah]

السلام عليكم ..
نواره الحلوه ... مممم والله جنه شكلنا كلنا على ماركس سبنسر يعني ملاحظتج صج بمحلهاا بس هم انا اقول انشالله المدرسه امغيرين باللبس شوي ..
رفرف ومس تايقر لونكم وموديلكم للحضانه ... لا تعليق نفس رفرف انا اعيال اخوي كلهم فيها وهم كنت امر الحضانه مرات اييبهم بس اهم بالفرع القديم اللي يصير بمجمع مريم بس هالسنه خلاص تسكرت هالحضانه وصارت بس الثانيه اللي بقطعه 5 ... رسومها نفس الشي والا زادوا ؟

 

[داريني]

بنات ادري ييت بوقت متاخر
بس بسالكم سؤال وساعدوني ولو عندكم واسطه وسطوني خخخ

انا كنت بسجل ولدي بالتكامل بس كنت على اساس ناطره رد من مدرسه ثانيه وعمه بيعنهم علقوني اسبوع وما عطوني رد
رحت التكامل والله رحت اول اسبوع تسجيل ولا قالولي فل

حديييييييي اندقرت
ترجيتهم قالو ماكو مجال

انزين فيه مجال اروح لهم مره ثانيه على شهر 9 واشوف يمكن احد سحب ولا يمكن اكسر خاطرهم وياخذون ولدي

فيه مجال ولا اغسل ايدي

 

[Miss_Tiger79]

داريني
انتي روحي وشوفي يمكن
بس هم اتوقع فل

مناره
رسومها 65 وصاجه لون الملابس مو ذاك الزود لو مسويينه بنفسجي غامج وايد احلى

 

[كويتيه ذربه]

اشلونكم
انا للحين مابديت بالشباصات وبس ابدي بسويلها جم موديل واكيد اسوي حق بناتكم
وبالنسبه حق ملابس المدرسه انا مااحاتي الملابس احاتي لبس البدنيه جان زين يغيرونه كلش مو حلوه الخامه
بغيت اسال الدوام 6\9 ؟؟؟

 

[ورد وردي]

شلونكم بنات

ادري رازة ويهي عندكم بس تحملوني

انا بسألكم صج العربي والانجليزي عندكم اقوا من المدارس البريطانية مثل مدرسة الخليج والا نفس الشي؟

لان سمعت ان مدرسة الخليج يعطون عربي واسلامية يعني نفس الشي شنو الي يميز المدارس ثنائية اللغة؟؟؟؟؟؟؟؟

وشالفرق بين التكامل والرؤية؟؟؟؟؟؟؟؟؟؟

وسامحوني عالازعاج بس والله لان ودي اعرف انا ولدي صغير حضانة بس من الحين احب اجمع معلومات

 

[رفرف]

شلونكم بنات ؟؟

اول شي سامحوني اللي مارديت عليهم لأن حدي مستعيلة بطلع

ذربة ..
اهم شي الشبابيص مو اقولج انا ادمان ..
داشة سايت جيمبوري وعيني تتلاقط على شبابيصهم وانا قايلة ماني شارية شي منهم لي شهر 10 لأن كل الكولكشنات او اغلبها عندي ولأن عندي كوبونات خصم بستعملها يالله شهر 10 .. وريلي يقولي تعوذي من ابليس بسنا شبابيص ..
اللي يسمع يقول بناتي شعورهم طوال وحرير خخخ .. كلها فلفولتين ..
بس حق المدرسة اخذت اكثر شي تيجان لأن ادري فيها بنتي بتحذف الشبابيص وماتعرف تردهم .. التاج اسهل ..

ورد ..
اول شي التكامل امريكية .. والرؤية ثنائية ..
ثاني شي .. التكامل وااايد اقوى بالانجليزي من الرؤية ..
ثالث شي .. الفرق .. ان المدارس الامريكية ومنها التكامل مناهجها كلها بالانجلش .. ماعدا طبعا العربي والدين منهج الحكومة ..
كل المدارس امريكية او انجليزية او باكستانيه او ثنائية .. الكل .. منهج العربي والاسلامية اهو منهج الحكومة ..
اللي اعرفه ان التكامل كان عندهم منهج عربي اضافي اللي اهوه مال مكتبة عالمي الممتع .. مادري اذا ليلحينه ولا لا الصراحة ما سألت .. ولا يهمني وايد يعني لأني أأسس بنتي عربي بطريقتي ..
المدارس الثنائية يدرسون باقي مناهجهم مثل الرياضيات والساينس بالعربي والانجلش بأول المراحل .. تالي بس انجلش .. عموما نسبة العربي عندهم اكبر هذا الفرق ..

 

[شانيل نمبر 5]

انا اخواني وعيال اختي وعيال اخوي درسين بالتكامل اكثر من 10 سنين..
وعيالي راح يكونون معهم ان شاءالله..

وسألت عن ملابس الكل قال لا تشترين من المدرسه..اول غسله تروح اللالوان وتصير كانها مغسول 1000000 مره :eh_s(1):

وانا عندي بنت اسم الله عليها شويه بطوطه...تر بس شششششششويه مو وايد بطه :dddds:
البنطرون يسوي معها مشكله ماتقدر تقعد وماترتح..

ولقيت عند غاب هالبنطرون وايد مريحه وبلبس روعه




وتر بالنت ماكو قياسات....بس الكويت توه منزلينهم

وبنتي لازم جاكيت خفيف وووايد متأثر من الاجانب يعني تلبسه صيف وشتاء :krkrkr:
والمشكله انهم كل اللي بالبيت نفس الطريقه

 

[شانيل نمبر 5]

..............وعلي فكره تر الجاكيت والبنطرون علي جنب قلب شوارفسكي_03ba:

 

[كويتيه ذربه]

مشكوره شانيل

بالنسبه حق ملابس المدرسه والله خامتهم زينه مافيها شي بس خامه لبس الرياضه اللي موزينه

 

[شانيل نمبر 5]

مشكوره شانيل

بالنسبه حق ملابس المدرسه والله خامتهم زينه مافيها شي بس خامه لبس الرياضه اللي موزينه

اهلين والله...
البخب اللي علي الجوانب دايم تخرب من الغسيل.....
والكل نصحني بملابس من بره المدرسه.......وامدحوني ملابس ماركس سبنسر

 

[رفرف]

شانيل شفته التراينينغ اللي قلتي عنه بغاب .. حليو بس انا ماعندي مشكلة مع لبس الرياضة ..
عالاقل اهون من القديم العنابي اللي من غسله وحدة تنث الوانه ..

بس انا مشكلتي مع البولو شيرت مالت المدرسة اللي فيها خط كحلي ياربي بنتي كل يوم كاته عليها شي يا عصير يا الوان من الصف عاد هاذي الكارثة ما تروح .. طول السنة وانا كل شوي اروح اشتري يدد من المدرسة ..
بس كانت مشكلتي مع التنانير وقمت اشتريلها من بره والبسها شورت رياضة تحتهم ..

 

[ورد وردي]

مشكوووووووووووووووووووووورة رفرف حبيبتي جزاج الله خير

بس شلون الثنائية يدرسون المنهج عربي وانجليزي بعدين بس انجليزي؟؟؟؟ نفس المادة والمعلومات مرة عربي ومرة انجليزي مايتخربطون

 

[الميهاف]

السلام عليكم شلونكم انشالله بخييير ............... حبيباتي بسال عن الدوام متى بالضبط 6-9 و لا ورا رمضااان والله يعينا على لوية المدارس

 

[شانيل نمبر 5]

شانيل شفته التراينينغ اللي قلتي عنه بغاب .. حليو بس انا ماعندي مشكلة مع لبس الرياضة ..
عالاقل اهون من القديم العنابي اللي من غسله وحدة تنث الوانه ..

بس انا مشكلتي مع البولو شيرت مالت المدرسة اللي فيها خط كحلي ياربي بنتي كل يوم كاته عليها شي يا عصير يا الوان من الصف عاد هاذي الكارثة ما تروح .. طول السنة وانا كل شوي اروح اشتري يدد من المدرسة ..
بس كانت مشكلتي مع التنانير وقمت اشتريلها من بره والبسها شورت رياضة تحتهم ..

بس لبسها بنطرون احسن لج..
وخصوصا لما تروح الحمام وانتم بكرماء يكون صعب عليه وخصوصا لما تغسل يحوش الماى النتوره..
وبولو شيرت اشتريها من بكره احسن...واذا وسخت علي طول خلي الشغاله تغسلها

 

[رفرف]

شانيل ..

الآنسة ماترضى بنطرون .. تقول ابي ملابس بنات مو اولااااااد !! مزاج هالبنية ..
وهالسنة خذيت لها بنطرون واحد قلت حق الشتا أدفى مو بكيفها ..

 

[Miss_Tiger79]

مبارك عليكم الشهر يا بنات
وعساكم من عواده

 

[Miss_Tiger79]

مبارك عليكم الشهر يا بنات
وعساكم من عواده

 

[كويتيه ذربه]

وعلينا وعليج مس تايجر