اذا بيوم انتهى حبي لك...> تأكد انه يوم موتي< (قصة كويتية)

[Findy Girl]

Waitinggggggggg

 

[MeeMeeYoo_2]

يسلمووووووووو حبيبتي

 

[Miss^_^CoOoL]

yslmoooooooooooooooooooooo :')

 

[رووان]

تسلمين
تكفين وينج نزلي القصة بسرعة تكفين قوليلنا مت تنزلين القصة ناطرينج

 

[dlo3t^baba]

waiting toma ^_^

 

[ღ TőOőma ღ]

اليوم الثاني الظهر قامت فطوم من النوم لقت التلفون طايح يمها
فطوم بقلبها (امبيي انا شلون نمت جذي ولا حسيت زين محد شافه) خذت فطوم التلفون وحطته بمخباتها واهيا تحطه دخل ناصر
ناصر: مساء الخير
فطوم: ما تعرف تطق الباب
ناصر: غرفتي هذي تبيني اطق الباب قبل لا ادخل
فطوم: صج هذي غرفتك
ناصر: اي والكنبل الي نايمه عليه كنبلي امس ييت باخذه بس كستري خاطري ما قعدتج
فطوم: وي سوري كنت دايخه.. عيل بشنو تلحفت
ناصر: ابشت ابوي مال البر
فطوم: هههههه والله تدبر روحك
ناصر: افاا عليج
فطوم: وهذيلاك وينهم وين نامو
ناصر: الميانين نايمين بالصالة
فطوم: صج ميانين انزين ممكن تطلع ببدل
ناصر: عادي بدلي جدامي
فطوم: لااا والله
ناصر: هههههه اتغشمر ..طلع وصكر الباب
فطوم (ليكون شاف التلفون بس ما قال) بدلت فطوم ملابسها وحطت الفون بجنطتها وراحت بالصالة.....
كانو دانة وحصة قاعدين يتريقون
حصة: تنامين قبلنا وتقعدين عقبنا
فطوم: والله فاضية انتي دني دني يوعانه
دانه: يبا دني لا تاكلنا
فطوم: عطيني توست وين نصور عيل
حصة: جن نزل تحت
فطوم: ههه امس نمت على كنبله ومادري مسكين تلحف ابشت عمي
دانه: ههههه احسن
ناصر واهو صاعد سمعهم: احسن هاا ان ما بقت كنبلج اليوم هين
فطوم: زين لج جذي خليتيه يعصب
دانه: خيولي كلش عاد خرعني
ناصر: لاااااااا اوكي مااشي
خلصو تريقو راحو قعدو بالحديقة
.......
سارة قاعده بالصالة تفكر بكلام فطوم ودانه عن عادل وفهد نزل فيصل وشافها سرحانه
فيصل: سارو
سارة:.......
فيصل: سوير
سارة:.....
فيصل يصرخ: الوو
سارة: هاا شفيك تصرخ
فيصل: انتي الي شفيج وين وصلتي ساعه اناديج
سارة: شتبي قول
فيصل: شدعوه شالنفسية شفيج
سارة: ولاشي بس زهقة ملييت
فيصل: افاا سارونه زهقانه وانا موجود والي بغديكم برا وعلى حسابه
سارة نقزت: صج
فيصل: اي صج يلا روحي لبسي وقولي حق امي تلبس بعد
سارة ركضت ولمته: فدييتك يا احلى اخوو
فيصل: بيييي شدعوه لو مو مطلعج جان صرت اخيس اخو
سارة: هههههه خل اروح البس
فيصل: انزين شوي شوي لا تطيحين
سارة عالدري: مااا اطييح
فيصل ميت ضحك على شكلها (يربي هالبنت كل يوم تطلع وهم تقول زهقانه)
..........
صار العصر كلهم قاعدين بالصالة
بوناصر ياي من غرفته: انا بطلع تامروني على شي
ام ناصر: سلامتك
بوناصر: الله يسلمج مع السلامة
ام ناصر: خل اقوم البس
حصة: يما وين بتروحين؟
ام ناصر: بروح عند رفيجتي
حصة: بتطلعون اليوم
دانه: اكيييد هههههه
فطوم: انا بروح آخذ شاور
صعدت فطوم طلعت التلفون ودقت على عيسى
عيسى: هلا حياتي
فطوم: هلا فيك عويس خالتي وريلها طلعو انا باخذ شاور وبعدين بحاول اطلع عشان اشوفك
عيسى: صج حبيبتي عيل روحي خلصي بسرعه انطرج
فطوم: اوكي احبك
عيسى: اموت فيج
فطوم: يلا باي حياتي
عيسى: بايات يالحب كله
فطوم ضحكت وسكرته حطت الفون بالجنطة ودخلت تسبح وتغني حدها مستانسة
...........
ام سارة وعيالها توهم رادين البيت وحدهم ميتين ضحك على سوالف فيصل
ام سارة: بس بس ذبحتنا طول الطريج نضحك
فيصل: خلاص يتفتكون مني بروح انام
سارة: الحين عاد
فيصل: إي مواصل من امس
سارة: لا عفية لا تنام نبيك تطلع معانا بليل
فيصل: اقولج مواصل يسير خير لي بليل
ام سارة: ترى ما اقدر اقطج بيت خالتج عندي شغل
سارة: قطيني على طريجج
ام سارة: مو على طريجي وما يمدي
سارة: بس احنا متواعدين بنطلع اليوم
ام سارة: خل يمرونج
سارة: انزين اشوف
........
جاسم دق على عيسى: قووة
عيسى: هلا والله هلا بهصوت
جاسم: اووو مستانس
عيسى: افااا حاسدني
جاسم: ههه لا شدعوه دوم انشالله بس بعرف ليش




عيسى: بشوف فطوم
جاسم: صج! متى؟
عيسى: مادري يمكن اليوم
جاسم: زين يمعوده لحقت عليك قبل ما يصير فيك شي
عيسى: تطنز هاا
جاسم: ههاااي لا لا ما عاش من يتطنز على عويس
عيسى: انزين شبغيت ليش داق
جاسم: لا خلاص ماكو فايدة كنت بطلع معاك
عيسى: لا اليوم بس حق فطوم
جاسم :اي يبا من لقى احبابه نسى اصحابه
عيسى: ههه طالع هذا قام يغار منها
جاسم : روح زين ماكو شغل
عيسى: هههه
جاسم: خلاص عيل اشوفك بالدوانية ولا منت ياي
عيسى: مادري والله اعطيكم خبر
جاسم :اوكي حبيبي باي
عيسى: باي
................
فطوم طلعت من احلمام لبست وراحت الصالة
فطوم تصرخ من فوق: حصو ابي ستشوار وين حاطته
حصة تصرخ: بغرفتي عالطاولة
راحت فطوم غرفه حصة كان ناصر داخل والباب مطرف فطوم سمعته يتكلم بالتلفون جان تدخل وتقوله بصوت عالي: حبي نصور
ناصر يضحك ويرد عليها: حيات نصور آمري
فطوم: ما يامر عليك عدو ابيك بموضوع لما تخلص تعالي الغرفة
ناصر: انشالله تامرين امر
خذت فطوم الستشوار وطلعت
ليال (الي قاعد يكلمها ناصر عمرها 14 بس اسلوبها حده اسلوب يهال): منو هذي
ناصر: بنت خالتي
ليال: وشكو تكلمك جذي
ناصر: ليش عادي ما قالت شي البنت
ليال: لا والله كل هذا وما قالت شي وانت بعد شنو حيات نصور
ناصر يطفرها: اي شنو يعني عادي
ليال: ويقول عادي بعد انا اغار لا تكلمها
ناصر: واذا اهيا كلمتني
ليال: قولها لا تكلميني رجاء
ناصر: انا مالي شغل كلميها انتي
ليال: لا تدافع عنها بعد
ناصر: طبعا مو بنت خالتي
ليال: وانا مو حبيبتك
ناصر ضحك بس خش الضحكة ما يبيها تسمع
ليال: الوو قاعده اكلمك
ناصر: هاا اي امبله
ليال: خلاص عيل سو الي قلتلك
................
سارة: حياتي فهود خلاص لا تزعل باجر اشوفك اوكي
فهد: وليش مو اليوم
سارة: فصول اخوي يمكن ايي معانا خلها باجر احسن
فهد: اوكي بس وعد؟
سارة: وعد
فهد: عيل احبج
سارة: حياتي اموت فيك يعني مو زعلان
فهد: وانا اقدر ازعل منج
سارة: فديتك انا
..........
فطوم بالغرفة تسوي شعرها دخل ناصر
ناصر: هههه تقولج رجاءا لا تكلمين نصور
فطوم: منو اهيا
ناصر: الي كنت اكلمها مساع
فطوم: ههههه عشتو يعني تغار
ناصر: طبعا طبعا لنها تموت فيني
فطوم ماتت ضحك
ناصر: انزين انتي صج كنتي تبيني ولا تأليف
فطوم: امبله ابيك
ناصر: آمري
فطوم: خالتي طلعت
ناصر: اي ليش؟
فطوم: بروح بيت رفيجتي
ناصر: الحين
فطوم: اي
ناصر: انزين جان قلتي حق امي قبل ما تطلع
فطوم: ماراح تخليني تدري ان ابوي ما يرضى
ناصر: اهاا انزين ضروري تروحين يعني
فطوم: اي عندها مشكله مسكينه وابي اتطمن عليها
ناصرك خلاص اوكي بس لا تتاخرين
فطوم: لا ماراح اتأخر حدي ساعه ونص لن بيتهم بعيد
ناصر: خلاص اوكي ساعه ونص مو اكثر اخاف تيي امي وما تلقاج
فطوم: اوكي من عيوني
ناصر: بدلي على ما اشوفلج السايق
فطوم: اوكي
دقت فطوم على عيسى علطول
عيسى: هاا بشري
فطوم :الحين ببدل واطلع اشوفك بالبحر اوكي
عيسى: اوكي حياتي ديريبالج وانتي يايه
فطوم: انشالله وانت بعد
عيسى: من عيوني يلا انا بطلع الحين انطرج اوكي
فطوم: اوكي باي
عيسى: باي
بدلت فطوم وطلعت لقت ناصر ناطرها بالصالة فوق
ناصر: ايي معاج
فطوم: لا عادي اروح بروحي
ناصر: اوكي بس مثل ما اتفقنا
فطوم :اوكيك لا تحاتي
نزلو تحت شافوهم حصة ودانه
دانه: ويين كل هالكشخة
فطوم: واتو شكو
حصة: طالع هذي
ناصر: روحي ما عليج منهم السايق ناطرج بره
فطوم: اوكي ثنكس حبي باي
ناصر: باي
حصة: وين راحت
ناصر: مالج شغل
حصة: ان ما علمت امي نطرو


ناصر: اذا ودج ازنطج قوليلها
دانه: نصور سارة تقول مروني اذا بتطلعون
ناصر:ليش فصول ماراح ايي
دانه: توه نايم كان مواصل
ناصر: اها اوكي
حصة: متى كلمتج
دانه قاعده اكلمها بالمسن
..............
فطوم بالسيارة دقت رنة على عيسى لن ما عندها رصيد
عيسى: هلا حبيبتي وينج
فطوم: انا بالسيارة الحين
عيسى: اوكي عيل سمعي هالإهداء
حط عيسى اغنية ماجد المهندس (انسى) وكان معلي حده الكل يسمع الصوت
انسى كل الناس خليني احضنك.. غمض عيونك وانسى بحضني نفسك..
انسى عمرك وانسى عمري.. امتزج بيا وصير عطري..
ليش وانا وياك احس بالوقت يجريييي..
عيسى يقصر: هاا حبيبتي شلون الاهداء
فطوم: يهبل مثلك تدري اني احب هالاغنية
عيسى: اي عشان جذي حطيتها يلا سمعي برجع اعلي
فطوم: اوكي حياتي
رجع عيسى علا على صوت الاغنية وكان حاطه سبيكر ويغني معاها وحددده مستانس فطوم كانت تسمعه وكانت حاسة بوناسته قامت تقول بقلبها (يا حياتي يا عيسى فدييتك كل هالوناسة عشان بتشوفني)
وصلو البحر نزلت فطوم
فطوم تكلم السايق: بعد ساعه تعال هني اوكي مو تتأخر
السايق: اوكي
راحت فطوم حق عيسى المكان الي كل مرة يقعدون فيه لما يشوفون بعض لما وصلت عنده اثنينهم ظلو ساكتين ويطالعون بعض ما يدرون شقولون
عيسى رجع يغني بس بصوت خفيف: هذي اول مرة احس كلي عشق انطيني فرصة اتنفسك اخاف اختنق وياك انت تأكدت اني قبلك ما عشت وعلى كل لحظة بدونك يا حبيبي تندمت
فطوم تطالعه وعيونها غرفت دموع: بس ترى ابجي
عيسى: حيااااتي مادري شسوي حدي مشتاقلج مو مصدق انج جدامي
فطوم: ههههههههه
عيسى: فديت هالضحكة والله اشتقتلها
فطوم: حياتي تدوم دقات قلبك
عيسى: مادري شسوي شكلي بقط روحي بالبحر الحين
فطوم تسوي صوتها مثل اليهال: وتخليني بروحي
عيسى: وانا اقدر تعالي فطوم هني
فطوم راحتله مسك ايدها ووقفو اثنينهم يطالعون البحر
عيسى: فطوم
فطوم: عيونها
عيسى: احبج
فطوم: اموت فيك
عيسى: لا تخليني ابيج علطول معاي
فطوم قامت تطالعه كانت عيون عيسى متروسه دموع بس كان قاعد يطالع البحر
عيسى لف ويها على فطوم ومسك ايدها بيده الثنتين: فطوم اوعدج اني احبج وما افكر بوحده غيرج
فطوم ودها تلمه كانت نظراته حييل رومانسية: .....
عيسى: فطوم ابيج توعديني انج ما تكونين حق احد غيري
فطوم: اوعدك يا عيسى اني ما اكون حق احد غيرك مهما صار
عيسى رجع التفت عالبحر ويفكر
فطوم: الله لا يفرقنا عن بعض
عيسى: انشالله الله يسمع منج
قعدو بعدين يسولفون .........................
عيسى: اهااا يعني نصور الي ما احبه اهو الي ساعدج وخلاج تيين هني
فطوم: هههه اي اهم شي انك ما تحبه
عيسى: لا خلاص حبيته تدرين ليش
فطوم: ليش
عيسى: لنه يابلي احلى هدية
فطوم: فديييتك شصار على دراستك
عيسى: خلاص هالكورس راح اداوم بس انتي تعرفين نظامهم
فطوم: لا ليش شفيه نظامهم
عيسى: اروح الجمعه بليل واظل هناك لي الخميس الصبح يطلعونا وماكو تلفونات ولا طلعه ولاشي كللش
فطوم ضاق خلقها: اووف وليش كل هذا يعني
عيسى: النظام هناك جذي وبعدين جيش وضباط شرايج اكيد بسوون جذي
فطوم سكتت وتطالع البحر
عيسى: راح اشتاقلج وايد بس كل هذا عشان ابوج يوافق عليي مستعد اسوي اي شي يبونه
فطوم: راح انطر يوم الخميس على نار
عيسى: انشالله كل خميس اييلج المدرسة
فطوم نزلت راسها شوي وتبجي
عيسى: شفيج
فطوم: تعودت كل ما اطلع من المدرسة القاك والحين بس الخميس راح اشوفك
عيسى: حياتي ما عليه كلهم جم شهر ويعدون وانشالله عقبها بنظل مع بعض علطول
فطوم: انشالله
عيسى بغير الموضوع: جسوم دق عليي كان بيطلع معاي بس قلتله اليوم كله حق فطوم
فطوم: ههه فدييتك شلونه جاسم شمسوي
عيسى: والله تمام
فطوم: ما حب ليلحين
عيسى: هههههه لا اهو الصامد بينا
فطوم: هالولد حيل طيب صج يدش القلب
عيسى يرفع حاجبه: بسج تمدح فيه ترى اغار
فطوم: طالع من منو يغار يبا جسوم اخووي شفيك انت



عيسى: انا حتى من ابوج اغار ومن خدامتكم بعد اذا مو عاجبج


فطوم ماتت ضحك عليه وعيسى قام يضحك بعد


ورجعو يسولفون ويضحكون ....


..........................................


سارة تكلم دانه بالمسن: دانو خل يمرني السايق الحين زهقة


دانه: السايق مو هني راح يودي فطوم


سارة: فطوم! وين


دانه: مادري ما قالت


سارة: غريبة العادة كل شي تقولج


دانه: مادري يمكن عشان حصة كانت قاعدة بس شكله نصور يدري


سارة: اهم شي ان نصور يدري ومو قايلتلنا احنا


دانه: اي لنه اهو الي ضبطلها كل شي


سارة: اهاا تهقين وين راحت


دانه: والله مادري


سارة:يمكن مواعده عيسى


دانه: شلوون من وين بتكلمه بالله


سارة: اي صح مادري عيل وين


دانه: بعدين لما تيي بنسألها شدعوه بخليها


سارة: انزين وين اتفقتو تروحون ترى ملينا من الافنيوز


دانه: اي افف حده


سارة: اي صج دانو انا فكرت بكلامج انتي وفطوم


دانه :اي كلام؟


سارة: عن عدول وفهود


دانه: اهاا انزين..


سارة: وقررت اني اهد عادل واكلم فهد لن عادل صاير غثيث هالفترة


دانه: ومتأكده من قرارج


سارة: اي


دانه: زين الي الله هداج


سارة: ههههه ليش مينونه طول هالمدة


حصة يت يم دانه.. دانه ضيعت السالفة بسرعه


دانه: سارو هاج كلمي حصو انا بروح المطبخ


سارة قامت تضحك فهمت حركة دانه


دانه سوت روحها سكرت المحادثة بالغلط عشان حصة ما تشوف الكلام


حصة: لييش


دانه: اووو بالغلط


حصة: انزين يبيلي ماي معاج


دانه: زييين وين نصور


حصة: فوق يلعب سوني


ناصر قاعد فوق يطالع ساعته (عسى ما تتاخر بس)


............


فطوم: هههههه حرام عليكم ليش جذي سويتو فيه


عيسى: ههه عاد بانشيه كان يديد لو صج مبيوق جان وقف قلبه


فطوم طالعت ساعتها: حياتي لازم ارجع ما اقدر اتاخر


عيسى: بسرعه مر الوقت


فطوم ضاق خلقها: ايي


عيسى: انزين خلاص لا يضيق خلقج خلينا جذي مستانسين


فطوم: اوكي


عيسى سكت ويطالع فطوم: احبج


فطوم: احبك


عيسى: طمنيني عليج اوكي


فطوم: انشالله من عيوني


عيسى: تسلم عيونج ديريبالج على روحج وقولي حق نصور اخوج مشكور


فطوم: ههه واخيرا اقتنعت انه اخوي خلاص بقوله


عيسى: هيي من صجج شبتقوليله


فطوم: ههههه بقوله بس بطريقة غير مباشرة


عيسى: يإنتي.. يلا روحي لا تتأخرين


فطوم: اوكي بااااااي حياتي


عيسى: باي يادنيتي كلها


مشت فطوم وعيسى ظل يطالعها لين بعدت شوي راح اهو وراها كان السايق ناطرها ركبت السيارة وظل عيسى لاحقهم بس من بعيد


فطوم سرحانه تفكر بعيسى وحدها مستانسة تحس انها بتطير من وناستها (احبببببببببببه ودي اصرخ)


وصلت بيت خالتها نزلت شافت عيسى مر بسرعه بالفريج وراح ابتسمت وطقت الجرس


ناصر سمع صوت الجرس نزل اهو يفتح الباب وحصة ودانه يضحكون عليه


فطوم: هاااااي


ناصر: هايات ماشالله ضبط بالموعد


فطوم: افاا عليك اعجبك رفيجتي تقولك ثنكيو وايد


ناصر: هههه ليكون قايلتلها عن الخطة


فطوم : اي قلتلها حبتك البنية عقب الي سويته


ناصر: صج جم رقمها عيل


فطوم تطقه على جتفه: استح على ويهك ما صدقت


ناصر: هههههه


حصة: نصور قول حق السايق خل يروح حق سارو


ناصر: بعدين واحنا طالعين نمرها شنو جم مرة يروح ويرد


دانه: اشوف حق فطوم عادي


فطوم : انا غييير


ناصر: اي اهيا غير


حصة: والله لو انا ما سويتلي جذي


فطوم بصوت دلع بايخ: شسوي يعني اذا محد يرفضلي طلب


دانه: عشتو عشتو لا يطيح نصج بس


ناصر مات ضحك


فطوم صعدت تبدل واهيا صاعده تغني (انسى كل الناس....) ودانه لاحظت انها مستانسة


دانه بقلبها (عمري ما شفتج مستانسة لهدرجة)


حصة: هييي وين وصلتي


دانه: هاا هني معاج دقيقة بروح حق فطوم


حصة: بيي معاج


دانه: لا خلاص هونت


حصة: شنو يعني اشكره ما تبيني ايي


دانه: هههه لا مو قصدي كنت بقولها شي بس خلاص طاف .. بقلبها (خل اشوف تقولي من نفسها ولا لا)


حصة: انزين امشي نروحلها​

 

[pink cat]

حبيبتي هذه مو قصتج

هذه قصة و حدة بمنتدى مادري اذا مسموح لي اكتب اسمه

انا ماحب افتن بس حرام البنت الي كاتبه هالقصة تعبانة عليها

ماعتقد في احد يرضى تعبا يروح ببلاش و همن ماعتقد لو انتي كاتبتها راح ترضين احد ثاني يقول ان اهوا الي كاتب قصتج

صراحة انا وايد متضايقة لان مايصير ظلم

 

[بنت الدلال]

pink

اهيا قايله انها مو قصتها لاتخافين

ناقلتها لنا بس


وننـطر البارت اليــاي احس فهد خووش واحــد ومايبيله وحده مثل ساره ماتدري شنو تبي

 

[كادي::::]

waaaaaaitting yooooooooooo

 

[KaBsOlA eM9Rg3a]

waaaaaaaay wnasa 7dha 3geba yalla la ywagf la ywagf 3ashat tomaaaa Pp

 

[ღ TőOőma ღ]

حبيبتي هذه مو قصتج

هذه قصة و حدة بمنتدى مادري اذا مسموح لي اكتب اسمه

انا ماحب افتن بس حرام البنت الي كاتبه هالقصة تعبانة عليها

ماعتقد في احد يرضى تعبا يروح ببلاش و همن ماعتقد لو انتي كاتبتها راح ترضين احد ثاني يقول ان اهوا الي كاتب قصتج

صراحة انا وايد متضايقة لان مايصير ظلم

حبيبتي اقري بدايه القصه بعدين تفلسفي اووكي؟؟

انا كاتبه منقوول وادري ان بمنتدة كول كويتي

فلوسمحتي لاتهمين على كيفج اووكي؟

حياج الله

 

[ღ TőOőma ღ]

امبي صج تنرفزت

يعني بروحي لايعه جبدي من الروايه ومتحسفه ليش منزلتها

اي شي صج...

مشكورين بنات وبليز اللي بتقعد تقول هالكلام خل توفره حق نفسها اوكي pink??

 

[KaBsOlA eM9Rg3a]

toma 7bibty la t'9aygen ro7ch dsheshy klamhom eb athon oo 6l3e mn ethnch el thanya oo ele mo 3agba y6g rasa bl6ofa bla tfelsef zayd bnat
hatha gzatha tbe twnskooom?? @@ @@

 

[ღ TőOőma ღ]

حياااتي كبسوله فدييتج حوووبي

وانا صج مااحب التفلسف الزايد..يعني يا تردين عدل او سكتي اهي مو معينتج محاميه حقها ومو شغلج مو انتي كاتبتها عشان تضرطين اوكي حياتي؟؟

مو صج مادري جم منقول اكتب عشان تشوفين حضرتج

 

[KaBsOlA eM9Rg3a]

ولا اتحسفين تومه القصص منج احلا

 

[KaBsOlA eM9Rg3a]

كااااااااااااااااااااااااااااااااااااااااااك هدي هدي لا ننجحت كاااااااااااااااااااااااك

 

[ღ TőOőma ღ]

لوووووووووووووول شنو يعني نجحت


ايي لان شي ينرفز عاد انا طفاارتي هالحركات

 

[KaBsOlA eM9Rg3a]

لوووووووووووول يعني ننطرد لووووووووووول

عادي تومه عطيهم طاف >> الحقران يقطع المصران <<<

 

[ღ TőOőma ღ]

اهااا ننجحت خخخ عرفت

لا اهم شي لووول

 

[ღ TőOőma ღ]

فطوم بالغرفة تبدل وتطالع روحها بالمنظرة وطايرة من الوناسة دخلو دانه وحصة مرة وحده
فطوم اخترعت: بسم الله ما تعرفون تطقون الباب
حصة: والله محد قالج تسرحين وما تدرين عن الدنيا
فطوم: قطييعه دفاشة بالله مولابسة
دانه: عادي شنو يعني
فطوم: صج ما تستحون نعم شتبون
حصة: طالع هذي يبا ترى انتي ابيتنا يعني ما تقدرين تطردينا
ناصر سمعهم: لا انا راضي تطردكم غرفتي غرفتها
فطوم: فديييت الحب انا
ناصر استانس بس هم انحرج وقام يلعب بشعره
دانه: طالع هذا صدق روحه
حصة: انزين اطلع شوي نبي فطوم بموضوع
ناصر: اممم سوالف بنات يعني
حصة: اي بتقط ويهك بعد
ناصر: انزييين بلا قلة ادب لا كف
فطوم: تكفون كملو هواشكم بعدين
طلع ناصر راح يكمل لعبه... حصة سكرت الباب
فطوم: ها شتبون
دانه: مادري عنها
حصة: وين كنتي؟
فطوم: مو ضروري تعرفون
دانه ساكته لنها تدري ان فطوم بتقولها بعدين
حصة: سمعتج تقولين حق نصور ان رفيجتج تسلم عليه
فطوم: خلاص يعني تدرين وين كنت ليش تسإلين
حصة: ابي اعرف شسالفتها وليش جذي مستانسة من رديتي
دانه: شفيج حاسدة اختي انشالله دوم جذي مستانسة
فطوم: اي والله شفيج عليي
حصة: يالحمير مو قصدي بس بعرف
فطوم: ولاشي بس كنت مشتاقتلها من زمان مو شايفتها
حصة: اهاا
فطوم: خلص التحقيق
حصة: ههههه اي خلص انزين وين بنروح اليوم
فطوم: اكو غير الافنيوز
دانه: لااا عفية بس لاعت جبدنا اتوقع الي يشتغلون هناك حفظونا
فطوم: كيفكم عيل انا مزاجي اليوم اوكي وما عندي مانع اروح اي مكان
حصة: اممم
دانه: ايي عرفت وين نروح
حصة وفطوم: وين؟
دانه: خنروح سنتر بوينت من زمان مو رايحين
فطوم: بس ماراح تصير طلعه راح تصير تسوق واكيد نصور راح يقول مابي اروح
حصة: ما عليكم نتفق معاه اول شي نروح سنتر بوينت بعدين نتمشى عالبحر ونتعشى بمطعم عشان ما يقول الطلعه كلها لكم
فطوم: امشو نقوله نشوف يقتنع ولا لا
راحو الصالة وقالوله خطتهم
ناصر: امممم اوكي بس على شرط
البنات: شنو
ناصر: ما نطول هناك عشان ما يضيع الوقت
دانه وحصة وفطوم: اوكيييي
ناصر: يلا عيل روحو لبسو
فطوم: خل ادق على سارو
سارة: هاااي يلا زهقة متى تيون
فطوم: هههههه بسم الله خل اتكلم
سارة: اوو فطوم عبالي حصو متى ييتي
فطوم: مادري قبل شوي
سارة: وين كنتي
فطوم: بعدين اقولج المهم انتي لبسي الحين عشان نمرج اوكي
سارة: اوكي بس وين بنروح
فطوم: بنروح سنتر بوينت وبعدين نتمشى عالبحر ونتعشى وين ما تبون اوكيك
سارة: اوكيي بس امي طلعت وما خذيت منها فلوس
فطوم: افااا عليج وانا وين رحت ما عليج اخذي الي تبين وكله على حسابي اوكي يلا بااااي
سارة منصدمة: باي .... سارة بقلبها (فطوم مستانسة حيل اموت وعرف شنو السر)
قامت سارة لبست والبنات بعد بدلو خذو سارة وراحو سنتر بوينت
فطوم تفتر عند ملابس النوم ومعاها سارة .. دانه وحصة عند الجينزات.. وناصر بروحه يفتر عند الملابس الرياضية
سارة: يلا قوليلي وين كنتي
فطوم: امممم شرايج بهالبجامة
سارة: حلوة بس لا تضيعين السالفة
فطوم تساسر سارة: رحت اشوف عيسى
سارة ما حست بروحها وردت بصوت عالي: شنوو شلون
فطوم انحرجت لن الكل التفت: اشش فضحتينا شنو شلون دقيت عليه وضبطت السالفة مع نصور علبو بروح حق رفيجتي ورحتله
سارة تغمزلها: اهاا وشلون كانت الطلعة
فطوم: سكتي يريتني ليلحين معاه
سارة: بيييه بيييه لا تسيحين علينا وانا اقول مستانسة
فطوم: اي احس اني حدي فرش عقب المشاكل الي مريت فيها والامتحانات واللوية
سارة: الحمدلله انشالله دوم جذي دانو قالتلج
فطوم: لا عن شنو
سارة: اني قررت اختار واحد منهم
فطوم: واخيييرا
سارة: بس محتارة
فطوم: فكري عدل عشان ما تندمين
سارة: وهذا الي بصير انزين انتي جم معاج اخاف نتوهق عند الكاشير
فطوم: افاا عليج الكرت معاي قلتلج اخذي الي تبينه
سارة: اوكييك بس اكيد امي راح تعطيج الفلوس بعدين
فطوم: اهم شي اني باخذ فلوس من اختي جب جب امشي لا اعلقج بدال هالقميص
سارة: ههههه انا شكو اقولج امي اميي
..........
دانه: بس جن الاسود احلى
حصة: لا ويع جنه مال شباب هذا احلى
دانه: خلاص اوكي شرايج ناخذ بديات نفس بعض
حصة: اي اي شوفي هذا الابيض الي هناك عاجبني
فطوم وسارة وصلو عندهم
فطوم: ها شخذيتو
حصة: شرايكم بالجينزات
سارة: حلويين
دانه: انزين انا وحصو بناخذ هالبدي شرايكم تاخذون نفسنا ونلبسهم لما نطلع
فطوم: اي اي وناسة
خذو كلهم نفس البدي وافترو وشرو جم قطعة وبعدين راحو عند الاكسسوارات والميك اب كان في واحد لاحق فطوم من لما كانو عند الملابس ولما شافها تتمشى بروحها حاول يقرب منها
...: هااي
فطوم عطته نظرة وحقرته ومشت
....: شدعوه كل هالجمال ونفسية
فطوم: .......
كملت فطوم واهيا تمشي شافته راح (افف قطيعه افتكيت منه) جان يطلع مره وحده بويها وكان وراه ناصر ياي حق فطوم .. فطوم توهقت تطالعه وتطالع ناصر وراه الولد التفت وراه وشاف ناصر
الولد يغمز حق فطوم: منو؟
فطوم تطالع ناصر الي سمعه: ..
ناصر: عندك كلام حاج الرياييل مو تكلم البنت
....: ومنو حضرتك عشان تدخل
ناصر: اخوها
الولد توهق: هااا آسف بس كنت مشبه عليها
(طبعا ناصر صج ان عمره صغير بس ماشالله شكله كبير يعني الي يشوفه ما يتوقع هذا عمره)
ناصر حقره وراح حق فطوم الي كانت واقفة تطالعهم ما تدري شتسوي
ناصر: شقالج
سارة يت وقطعت كلامهم: هاا شفيكم واقفين هني
فطوم: ......
ناصر:...
سارة: شفيكم شصار نصور جنك معصب
ناصر: لا مافيني شي بس وينهم ما خلصتو
سارة: امبله خالصين
ناصر: يلا عيل ناديهم وتعالو عند الكاشير
سارة: اوكي ..راحت سارة تناديهم
فطوم: مشكور نصور
ناصر: من صجج تشكريني بالله اكو اخت تشكر اختها
فطوم بقلبها (واخيييرا استوعبت اني اختك): هههه انا
ناصر بقلبه (بس ليلحين اقول يريتج ما كنتي اختي): ههههه



راحو عند الكاشير حاسبو وطلعو راحو البحر يتمشون
دانه: شرايكم نطب نتسبح
حصة: ينيتي
ناصر وسارة وفطوم: ههههههههه
دانه:والله شفيكم طالعو شكل الماي ينن
ناصر: فيج خير روحي طبي بهالبرد
فطوم: اي يالله مو شاده حليج
دانه: هههه لا هونت يوعانه
سارة التفتت على ناصر: هاااا نصور وين بتعشينا
ناصر: شقصدج يعني
فطوم: تقصد وين بتعزمنا
ناصر: نعععم! العشى قطيه محد راح يعزم
سارة: ههههه شكلها الحالة كسيفة جنا فلسنا
فطوم:هههههه اي اظاهر
دانه: يبا قطيه قطيه بس المهم آكل
ناصر: انا عازم وحده بس
كلهم: اكيد انا
ناصر يطالع فطوم: طبعا انتي
حصة: ملييق
دانه: حددده
سارة: امشو خلوهم يولون
فطوم: هههه تعالو يالميانين انزين انا شكو
البنات سكب.... فطوم: ليش قلتلهم جذي
ناصر: كيفي مو عاجبهم بالطقاق
فطوم: هههههه حرام عليك انزين امش نلحقهم
ناصر: ههههه امشي
عقب الهواش والنجرة والضحك قررو انهم يتعشون بشيليز وكالعادة نصور الي عزمهم خلصو العشا تمشو شوي وبعدين وصلو سارة البيت
(بيت بوناصر)
فطوم دخلت اول وحده: سلاام
بوناصر: وعليكم هااا شلون الطلعه
دانه: وناااسة صج اليوم وناسة ومو برد وايد
ام ناصر: اووو شالجياس تعالو وروني شنو شريتو
راحو البنات عند ام ناصر وكل وحده توريها ملابسها واغراضها
ناصر: يبا ترى فلست ماكو بمخباتي الا نص دينار
بوناصر: انت تاكل الفلوس
ناصر: شسوي كل ما طلعنا قصو عليي وخلوني اعزمهم
بوناصر: هههههه زين يسوون فيك
ناصر: لااا انزين ابي فلوس
بوناصر: انزين بعطيك باجر شتبي فيهم الحين
ناصر: لا شنو باجر ابي اشتريلي كرت
بوناصر: ذبحتنا بكروتك انت هاك هذا الكرت شريته وما عبيته
ناصر: شنو هذا بس 3 دنانير الناس تعبي بعشرة بخمسة عالاقل
بوناصر: ايا الهيس ييب ييب صج مو كفو
ناصر: هههههههه شفيه الوالد عصب ههههه لا لا خلاص باخذه شنو يقولون يما
ام ناصر: على شنو
ناصر: مادري في جملة انتي تقولينها
ام ناصر: اي قصدك العوض ولا القطيعة
ناصر واهو يضحك: اي اي هذي الي قالتها امي
بوناصر: يلا طس بطالع الاخبار
ناصر: انزين بطس بس مو تنسى الفلوس
بوناصر: انزيين بس روح هناك
ناصر: هههه انزين
.....................
صار الفير كانو كلهم (حصو ودانه وناصر وفطوم) قاعدين بالصالة فوق مسكرين كل الليتات ويطالعون (بريزن بريك) فطوم شافتهم مندمجين قالت فرصة اروح اكلم عيسى قامت فطوم بتروح شافتها حصة
حصة: وين
فطوم: بروح انام
ناصر: ما تبين تطالعين
فطوم: لا ما اقدر بنااام
ناصر: اوكي بس طلعي كنبلي عشان ما اتلحف بالبشت نفس امس
فطوم: هههه اوكي وانتو وين بتنامون
دانه: هني
فطوم: بعد مرة ثانية
دانه: اي ييبنا الاسفنجات وكل شي بعد شودينا الغرفة
فطوم بقلبها (احسن بعد): اوكي كيفكم يلا تصبحون على خير
كلهم: وانتي من اهله
دخلت فطوم الدار طلعت كنبل ناصر برا وقفلت الباب طلعت التلفون لقت 3 مسجات طبعا كلهم من عيسى
الاول (احبج .. اموت فيج.. اصلن هالكلام شويه عليج مادري شقول مادري بس هم احبج)
الثاني (حياتي اشتقتلج يريتج طول اليوم معاي)
الثالث (اوعدك ما اتخلى عنك ابد.. وقلبي عمره ما يسكنه غيرك احد.. انت حياتي..عمري..روحي.. وببقى لك للأبد.. واذا غبت عنك يوم لا تظن ينسيني حبك احد.. وإن مر يوم وما سألت لا تقول: خانني وخان العهد.. قول: مات وما حبني كثره احد



دقت رنه عليه لن ما عندها رصيد جان يدق علطول



فطوم ردت بس ما تكلمت كانت ميته ضحك



عيسى: ههه شفيج حياتي



فطوم: ما امداني اسكره دقيت



عيسى: شسوي ناطرج مجابل الفون ناطره يرن



فطوم: فديييتك انا ثانكس عالمسجات الحلوة



عيسى: حبيبتي انتي اصلن هالكلام شويه بحقج



فطوم: تدري حياتي



عيسى: شنو



فطوم: بعض المرات احس انك تحبني اكثر من ما انا احبك بواااايد



عيسى: اممم شلون يعني



فطوم: مادري يعني مثل اليوم كنت حدي مشتاقتلك ومستانسة اني بشوفك بس لما شفتك وشفت استقبالك لي وكلامك حسيت ان مشاعري ولا شي عند مشاعرك



عيسى: بالعكس حبيبتي انا حتى بنظراتج اشوف حبج لي



فطوم: يقلبي انت اليوم كنت حدي مستانسة وكلهم يسإلوني ليش كل هالوناسة



عيسى: انشالله دوم مستانسة



فطوم: طول ما انا معاك راح اكون مستانسة



عيسى: حياتي انتي فطوم غمضى عيونج



فطوم: غمضت



عيسى: تخيلي ان احنا ليلحينا مع بعض وانا ليلحين ماسك ايدج وواقفين نطالع البحر شنو ودج تقوليلي



فطوم: احبك خلك معاي علطول



عيسى: اموووت فيج فطوم ولايمكن اتركج لحظة صدقيني مهما كنتي بعيده عني تكونين ابالي علطول



ظلو يسولفون .................



فطوم: متى بتروح المخيم



عيسى: يمكن باجر بس شكلي ماراح اقوم مبجر وبسفلون فيني



فطوم: ما عاش اصلن ما انولد الي يسفل فيك



عيسى: ههههه لني مواعدهم اتغدى معاهم



فطوم: حبيبي عيل نام اصلن انت دايخ مبين من صوتك



عيسى: اي اليوم قاعد مبجر



فطوم: خلاص عيل نام اهم شي راحتك



عيسى: وانتي اخليج بروحج؟



فطوم: عادي حياتي قلتلك اهم شي راحتك



عيسى: انزين شبتسوين شرايج تنامين



فطوم: اي بنام تبيني اروح اجابلهم عقب ما سمعت هالصوت



عيسى: فديييييتج والله



فطوم: يلاقلبي تصبح على خير ونوم العوافي



عيسى: وانتي من اهله الله يعافيج ويخليج لي



فطوم: ولا يحرمني منك



عيسى: احبج



فطوم: احبك



عيسى: اموت فيج



فطوم: انا الي اموت فيك



عيسى: انا اعشقج



فطوم: وااااي فدييتك



عيسى: مابي اسكره خلينا شوي



فطوم: اوكي



عيسى: احبج



فطوم: اموت فيك



عيسى كان دايخ وواصل حده بس يحاول ما ينام:....



فطوم تدري انه دايخ سكتت:...



عيسى:...



فطوم بصوت خفيف: حياتي



عيسى:...



فطوم: حبي



عيسى يسمعها بس مو قادر يرد غصب تكلم: عـ..يـ..و..ن..ه



فطوم: خلاص بسكره عشان تنام اوكي



عيسى: او..كـ..ي



فطوم: باي حياتي



عيسى: باي



سكرت فطوم التلفون ولمته وكانت حيل مستانسة (واخيرا رجعت اكلمك كنت حيل فاقدتك احببك)



عيسى قال باي ونام علطول حتى التلفون كان بيده وطاح منه​