اذا بيوم انتهى حبي لك...> تأكد انه يوم موتي< (قصة كويتية)

[الغزلان]

وين التكمله يا قلبي

 

[KaBsOlA eM9Rg3a]

توووووووومه متى تكملينها؟؟

 

[♥ الــزيــن ♥]

ويييييييين التكمله

 

[ღ TőOőma ღ]

ناصر: اذا ودج ازنطج قوليلها
دانه: نصور سارة تقول مروني اذا بتطلعون
ناصر:ليش فصول ماراح ايي
دانه: توه نايم كان مواصل
ناصر: اها اوكي
حصة: متى كلمتج
دانه قاعده اكلمها بالمسن
..............
فطوم بالسيارة دقت رنة على عيسى لن ما عندها رصيد
عيسى: هلا حبيبتي وينج
فطوم: انا بالسيارة الحين
عيسى: اوكي عيل سمعي هالإهداء
حط عيسى اغنية ماجد المهندس (انسى) وكان معلي حده الكل يسمع الصوت
انسى كل الناس خليني احضنك.. غمض عيونك وانسى بحضني نفسك..
انسى عمرك وانسى عمري.. امتزج بيا وصير عطري..
ليش وانا وياك احس بالوقت يجريييي..
عيسى يقصر: هاا حبيبتي شلون الاهداء
فطوم: يهبل مثلك تدري اني احب هالاغنية
عيسى: اي عشان جذي حطيتها يلا سمعي برجع اعلي
فطوم: اوكي حياتي
رجع عيسى علا على صوت الاغنية وكان حاطه سبيكر ويغني معاها وحددده مستانس فطوم كانت تسمعه وكانت حاسة بوناسته قامت تقول بقلبها (يا حياتي يا عيسى فدييتك كل هالوناسة عشان بتشوفني)
وصلو البحر نزلت فطوم
فطوم تكلم السايق: بعد ساعه تعال هني اوكي مو تتأخر
السايق: اوكي
راحت فطوم حق عيسى المكان الي كل مرة يقعدون فيه لما يشوفون بعض لما وصلت عنده اثنينهم ظلو ساكتين ويطالعون بعض ما يدرون شقولون
عيسى رجع يغني بس بصوت خفيف: هذي اول مرة احس كلي عشق انطيني فرصة اتنفسك اخاف اختنق وياك انت تأكدت اني قبلك ما عشت وعلى كل لحظة بدونك يا حبيبي تندمت
فطوم تطالعه وعيونها غرفت دموع: بس ترى ابجي
عيسى: حيااااتي مادري شسوي حدي مشتاقلج مو مصدق انج جدامي
فطوم: ههههههههه
عيسى: فديت هالضحكة والله اشتقتلها
فطوم: حياتي تدوم دقات قلبك
عيسى: مادري شسوي شكلي بقط روحي بالبحر الحين
فطوم تسوي صوتها مثل اليهال: وتخليني بروحي
عيسى: وانا اقدر تعالي فطوم هني
فطوم راحتله مسك ايدها ووقفو اثنينهم يطالعون البحر
عيسى: فطوم
فطوم: عيونها
عيسى: احبج
فطوم: اموت فيك
عيسى: لا تخليني ابيج علطول معاي
فطوم قامت تطالعه كانت عيون عيسى متروسه دموع بس كان قاعد يطالع البحر
عيسى لف ويها على فطوم ومسك ايدها بيده الثنتين: فطوم اوعدج اني احبج وما افكر بوحده غيرج
فطوم ودها تلمه كانت نظراته حييل رومانسية: .....
عيسى: فطوم ابيج توعديني انج ما تكونين حق احد غيري
فطوم: اوعدك يا عيسى اني ما اكون حق احد غيرك مهما صار
عيسى رجع التفت عالبحر ويفكر
فطوم: الله لا يفرقنا عن بعض
عيسى: انشالله الله يسمع منج
قعدو بعدين يسولفون .........................
عيسى: اهااا يعني نصور الي ما احبه اهو الي ساعدج وخلاج تيين هني
فطوم: هههه اي اهم شي انك ما تحبه
عيسى: لا خلاص حبيته تدرين ليش
فطوم: ليش
عيسى: لنه يابلي احلى هدية
فطوم: فديييتك شصار على دراستك
عيسى: خلاص هالكورس راح اداوم بس انتي تعرفين نظامهم
فطوم: لا ليش شفيه نظامهم
عيسى: اروح الجمعه بليل واظل هناك لي الخميس الصبح يطلعونا وماكو تلفونات ولا طلعه ولاشي كللش
فطوم ضاق خلقها: اووف وليش كل هذا يعني
عيسى: النظام هناك جذي وبعدين جيش وضباط شرايج اكيد بسوون جذي
فطوم سكتت وتطالع البحر
عيسى: راح اشتاقلج وايد بس كل هذا عشان ابوج يوافق عليي مستعد اسوي اي شي يبونه
فطوم: راح انطر يوم الخميس على نار
عيسى: انشالله كل خميس اييلج المدرسة
فطوم نزلت راسها شوي وتبجي
عيسى: شفيج
فطوم: تعودت كل ما اطلع من المدرسة القاك والحين بس الخميس راح اشوفك
عيسى: حياتي ما عليه كلهم جم شهر ويعدون وانشالله عقبها بنظل مع بعض علطول
فطوم: انشالله
عيسى بغير الموضوع: جسوم دق عليي كان بيطلع معاي بس قلتله اليوم كله حق فطوم
فطوم: ههه فدييتك شلونه جاسم شمسوي
عيسى: والله تمام
فطوم: ما حب ليلحين
عيسى: هههههه لا اهو الصامد بينا
فطوم: هالولد حيل طيب صج يدش القلب
عيسى يرفع حاجبه: بسج تمدح فيه ترى اغار
فطوم: طالع من منو يغار يبا جسوم اخووي شفيك انت


عيسى: انا حتى من ابوج اغار ومن خدامتكم بعد اذا مو عاجبج


فطوم ماتت ضحك عليه وعيسى قام يضحك بعد


ورجعو يسولفون ويضحكون ....


..........................................


سارة تكلم دانه بالمسن: دانو خل يمرني السايق الحين زهقة


دانه: السايق مو هني راح يودي فطوم


سارة: فطوم! وين


دانه: مادري ما قالت


سارة: غريبة العادة كل شي تقولج


دانه: مادري يمكن عشان حصة كانت قاعدة بس شكله نصور يدري


سارة: اهم شي ان نصور يدري ومو قايلتلنا احنا


دانه: اي لنه اهو الي ضبطلها كل شي


سارة: اهاا تهقين وين راحت


دانه: والله مادري


سارة:يمكن مواعده عيسى


دانه: شلوون من وين بتكلمه بالله


سارة: اي صح مادري عيل وين


دانه: بعدين لما تيي بنسألها شدعوه بخليها


سارة: انزين وين اتفقتو تروحون ترى ملينا من الافنيوز


دانه: اي افف حده


سارة: اي صج دانو انا فكرت بكلامج انتي وفطوم


دانه :اي كلام؟


سارة: عن عدول وفهود


دانه: اهاا انزين..


سارة: وقررت اني اهد عادل واكلم فهد لن عادل صاير غثيث هالفترة


دانه: ومتأكده من قرارج


سارة: اي


دانه: زين الي الله هداج


سارة: ههههه ليش مينونه طول هالمدة


حصة يت يم دانه.. دانه ضيعت السالفة بسرعه


دانه: سارو هاج كلمي حصو انا بروح المطبخ


سارة قامت تضحك فهمت حركة دانه


دانه سوت روحها سكرت المحادثة بالغلط عشان حصة ما تشوف الكلام


حصة: لييش


دانه: اووو بالغلط


حصة: انزين يبيلي ماي معاج


دانه: زييين وين نصور


حصة: فوق يلعب سوني


ناصر قاعد فوق يطالع ساعته (عسى ما تتاخر بس)


............


فطوم: هههههه حرام عليكم ليش جذي سويتو فيه


عيسى: ههه عاد بانشيه كان يديد لو صج مبيوق جان وقف قلبه


فطوم طالعت ساعتها: حياتي لازم ارجع ما اقدر اتاخر


عيسى: بسرعه مر الوقت


فطوم ضاق خلقها: ايي


عيسى: انزين خلاص لا يضيق خلقج خلينا جذي مستانسين


فطوم: اوكي


عيسى سكت ويطالع فطوم: احبج


فطوم: احبك


عيسى: طمنيني عليج اوكي


فطوم: انشالله من عيوني


عيسى: تسلم عيونج ديريبالج على روحج وقولي حق نصور اخوج مشكور


فطوم: ههه واخيرا اقتنعت انه اخوي خلاص بقوله


عيسى: هيي من صجج شبتقوليله


فطوم: ههههه بقوله بس بطريقة غير مباشرة


عيسى: يإنتي.. يلا روحي لا تتأخرين


فطوم: اوكي بااااااي حياتي


عيسى: باي يادنيتي كلها


مشت فطوم وعيسى ظل يطالعها لين بعدت شوي راح اهو وراها كان السايق ناطرها ركبت السيارة وظل عيسى لاحقهم بس من بعيد


فطوم سرحانه تفكر بعيسى وحدها مستانسة تحس انها بتطير من وناستها (احبببببببببببه ودي اصرخ)


وصلت بيت خالتها نزلت شافت عيسى مر بسرعه بالفريج وراح ابتسمت وطقت الجرس


ناصر سمع صوت الجرس نزل اهو يفتح الباب وحصة ودانه يضحكون عليه


فطوم: هاااااي


ناصر: هايات ماشالله ضبط بالموعد


فطوم: افاا عليك اعجبك رفيجتي تقولك ثنكيو وايد


ناصر: هههه ليكون قايلتلها عن الخطة


فطوم : اي قلتلها حبتك البنية عقب الي سويته


ناصر: صج جم رقمها عيل


فطوم تطقه على جتفه: استح على ويهك ما صدقت


ناصر: هههههه


حصة: نصور قول حق السايق خل يروح حق سارو


ناصر: بعدين واحنا طالعين نمرها شنو جم مرة يروح ويرد


دانه: اشوف حق فطوم عادي


فطوم : انا غييير


ناصر: اي اهيا غير


حصة: والله لو انا ما سويتلي جذي


فطوم بصوت دلع بايخ: شسوي يعني اذا محد يرفضلي طلب


دانه: عشتو عشتو لا يطيح نصج بس


ناصر مات ضحك


فطوم صعدت تبدل واهيا صاعده تغني (انسى كل الناس....) ودانه لاحظت انها مستانسة


دانه بقلبها (عمري ما شفتج مستانسة لهدرجة)


حصة: هييي وين وصلتي


دانه: هاا هني معاج دقيقة بروح حق فطوم


حصة: بيي معاج


دانه: لا خلاص هونت


حصة: شنو يعني اشكره ما تبيني ايي


دانه: هههه لا مو قصدي كنت بقولها شي بس خلاص طاف .. بقلبها (خل اشوف تقولي من نفسها ولا لا)


حصة: انزين امشي نروحلها


**************************************



فطوم بالغرفة تبدل وتطالع روحها بالمنظرة وطايرة من الوناسة دخلو دانه وحصة مرة وحده
فطوم اخترعت: بسم الله ما تعرفون تطقون الباب
حصة: والله محد قالج تسرحين وما تدرين عن الدنيا
فطوم: قطييعه دفاشة بالله مولابسة
دانه: عادي شنو يعني
فطوم: صج ما تستحون نعم شتبون
حصة: طالع هذي يبا ترى انتي ابيتنا يعني ما تقدرين تطردينا
ناصر سمعهم: لا انا راضي تطردكم غرفتي غرفتها
فطوم: فديييت الحب انا
ناصر استانس بس هم انحرج وقام يلعب بشعره
دانه: طالع هذا صدق روحه
حصة: انزين اطلع شوي نبي فطوم بموضوع
ناصر: اممم سوالف بنات يعني
حصة: اي بتقط ويهك بعد
ناصر: انزييين بلا قلة ادب لا كف
فطوم: تكفون كملو هواشكم بعدين
طلع ناصر راح يكمل لعبه... حصة سكرت الباب
فطوم: ها شتبون
دانه: مادري عنها
حصة: وين كنتي؟
فطوم: مو ضروري تعرفون
دانه ساكته لنها تدري ان فطوم بتقولها بعدين
حصة: سمعتج تقولين حق نصور ان رفيجتج تسلم عليه
فطوم: خلاص يعني تدرين وين كنت ليش تسإلين
حصة: ابي اعرف شسالفتها وليش جذي مستانسة من رديتي
دانه: شفيج حاسدة اختي انشالله دوم جذي مستانسة
فطوم: اي والله شفيج عليي
حصة: يالحمير مو قصدي بس بعرف
فطوم: ولاشي بس كنت مشتاقتلها من زمان مو شايفتها
حصة: اهاا
فطوم: خلص التحقيق
حصة: ههههه اي خلص انزين وين بنروح اليوم
فطوم: اكو غير الافنيوز
دانه: لااا عفية بس لاعت جبدنا اتوقع الي يشتغلون هناك حفظونا
فطوم: كيفكم عيل انا مزاجي اليوم اوكي وما عندي مانع اروح اي مكان
حصة: اممم
دانه: ايي عرفت وين نروح
حصة وفطوم: وين؟
دانه: خنروح سنتر بوينت من زمان مو رايحين
فطوم: بس ماراح تصير طلعه راح تصير تسوق واكيد نصور راح يقول مابي اروح
حصة: ما عليكم نتفق معاه اول شي نروح سنتر بوينت بعدين نتمشى عالبحر ونتعشى بمطعم عشان ما يقول الطلعه كلها لكم
فطوم: امشو نقوله نشوف يقتنع ولا لا
راحو الصالة وقالوله خطتهم
ناصر: امممم اوكي بس على شرط
البنات: شنو
ناصر: ما نطول هناك عشان ما يضيع الوقت
دانه وحصة وفطوم: اوكيييي
ناصر: يلا عيل روحو لبسو
فطوم: خل ادق على سارو
سارة: هاااي يلا زهقة متى تيون
فطوم: هههههه بسم الله خل اتكلم
سارة: اوو فطوم عبالي حصو متى ييتي
فطوم: مادري قبل شوي
سارة: وين كنتي
فطوم: بعدين اقولج المهم انتي لبسي الحين عشان نمرج اوكي
سارة: اوكي بس وين بنروح
فطوم: بنروح سنتر بوينت وبعدين نتمشى عالبحر ونتعشى وين ما تبون اوكيك
سارة: اوكيي بس امي طلعت وما خذيت منها فلوس
فطوم: افااا عليج وانا وين رحت ما عليج اخذي الي تبين وكله على حسابي اوكي يلا بااااي
سارة منصدمة: باي .... سارة بقلبها (فطوم مستانسة حيل اموت وعرف شنو السر)
قامت سارة لبست والبنات بعد بدلو خذو سارة وراحو سنتر بوينت
فطوم تفتر عند ملابس النوم ومعاها سارة .. دانه وحصة عند الجينزات.. وناصر بروحه يفتر عند الملابس الرياضية
سارة: يلا قوليلي وين كنتي
فطوم: امممم شرايج بهالبجامة
سارة: حلوة بس لا تضيعين السالفة
فطوم تساسر سارة: رحت اشوف عيسى
سارة ما حست بروحها وردت بصوت عالي: شنوو شلون
فطوم انحرجت لن الكل التفت: اشش فضحتينا شنو شلون دقيت عليه وضبطت السالفة مع نصور علبو بروح حق رفيجتي ورحتله
سارة تغمزلها: اهاا وشلون كانت الطلعة
فطوم: سكتي يريتني ليلحين معاه
سارة: بيييه بيييه لا تسيحين علينا وانا اقول مستانسة
فطوم: اي احس اني حدي فرش عقب المشاكل الي مريت فيها والامتحانات واللوية
سارة: الحمدلله انشالله دوم جذي دانو قالتلج
فطوم: لا عن شنو
سارة: اني قررت اختار واحد منهم
فطوم: واخيييرا
سارة: بس محتارة
فطوم: فكري عدل عشان ما تندمين
سارة: وهذا الي بصير انزين انتي جم معاج اخاف نتوهق عند الكاشير
فطوم: افاا عليج الكرت معاي قلتلج اخذي الي تبينه
سارة: اوكييك بس اكيد امي راح تعطيج الفلوس بعدين
فطوم: اهم شي اني باخذ فلوس من اختي جب جب امشي لا اعلقج بدال هالقميص
سارة: ههههه انا شكو اقولج امي اميي
..........
دانه: بس جن الاسود احلى
حصة: لا ويع جنه مال شباب هذا احلى
دانه: خلاص اوكي شرايج ناخذ بديات نفس بعض
حصة: اي اي شوفي هذا الابيض الي هناك عاجبني
فطوم وسارة وصلو عندهم
فطوم: ها شخذيتو
حصة: شرايكم بالجينزات
سارة: حلويين
دانه: انزين انا وحصو بناخذ هالبدي شرايكم تاخذون نفسنا ونلبسهم لما نطلع
فطوم: اي اي وناسة
خذو كلهم نفس البدي وافترو وشرو جم قطعة وبعدين راحو عند الاكسسوارات والميك اب كان في واحد لاحق فطوم من لما كانو عند الملابس ولما شافها تتمشى بروحها حاول يقرب منها
...: هااي
فطوم عطته نظرة وحقرته ومشت
....: شدعوه كل هالجمال ونفسية
فطوم: .......
كملت فطوم واهيا تمشي شافته راح (افف قطيعه افتكيت منه) جان يطلع مره وحده بويها وكان وراه ناصر ياي حق فطوم .. فطوم توهقت تطالعه وتطالع ناصر وراه الولد التفت وراه وشاف ناصر
الولد يغمز حق فطوم: منو؟
فطوم تطالع ناصر الي سمعه: ..
ناصر: عندك كلام حاج الرياييل مو تكلم البنت
....: ومنو حضرتك عشان تدخل
ناصر: اخوها
الولد توهق: هااا آسف بس كنت مشبه عليها
(طبعا ناصر صج ان عمره صغير بس ماشالله شكله كبير يعني الي يشوفه ما يتوقع هذا عمره)
ناصر حقره وراح حق فطوم الي كانت واقفة تطالعهم ما تدري شتسوي
ناصر: شقالج
سارة يت وقطعت كلامهم: هاا شفيكم واقفين هني
فطوم: ......
ناصر:...
سارة: شفيكم شصار نصور جنك معصب
ناصر: لا مافيني شي بس وينهم ما خلصتو
سارة: امبله خالصين
ناصر: يلا عيل ناديهم وتعالو عند الكاشير
سارة: اوكي ..راحت سارة تناديهم
فطوم: مشكور نصور
ناصر: من صجج تشكريني بالله اكو اخت تشكر اختها
فطوم بقلبها (واخيييرا استوعبت اني اختك): هههه انا
ناصر بقلبه (بس ليلحين اقول يريتج ما كنتي اختي): ههههه


راحو عند الكاشير حاسبو وطلعو راحو البحر يتمشون
دانه: شرايكم نطب نتسبح
حصة: ينيتي
ناصر وسارة وفطوم: ههههههههه
دانه:والله شفيكم طالعو شكل الماي ينن
ناصر: فيج خير روحي طبي بهالبرد
فطوم: اي يالله مو شاده حليج
دانه: هههه لا هونت يوعانه
سارة التفتت على ناصر: هاااا نصور وين بتعشينا
ناصر: شقصدج يعني
فطوم: تقصد وين بتعزمنا
ناصر: نعععم! العشى قطيه محد راح يعزم
سارة: ههههه شكلها الحالة كسيفة جنا فلسنا
فطوم:هههههه اي اظاهر
دانه: يبا قطيه قطيه بس المهم آكل
ناصر: انا عازم وحده بس
كلهم: اكيد انا
ناصر يطالع فطوم: طبعا انتي
حصة: ملييق
دانه: حددده
سارة: امشو خلوهم يولون
فطوم: هههه تعالو يالميانين انزين انا شكو
البنات سكب.... فطوم: ليش قلتلهم جذي
ناصر: كيفي مو عاجبهم بالطقاق
فطوم: هههههه حرام عليك انزين امش نلحقهم
ناصر: ههههه امشي
عقب الهواش والنجرة والضحك قررو انهم يتعشون بشيليز وكالعادة نصور الي عزمهم خلصو العشا تمشو شوي وبعدين وصلو سارة البيت
(بيت بوناصر)
فطوم دخلت اول وحده: سلاام
بوناصر: وعليكم هااا شلون الطلعه
دانه: وناااسة صج اليوم وناسة ومو برد وايد
ام ناصر: اووو شالجياس تعالو وروني شنو شريتو
راحو البنات عند ام ناصر وكل وحده توريها ملابسها واغراضها
ناصر: يبا ترى فلست ماكو بمخباتي الا نص دينار
بوناصر: انت تاكل الفلوس
ناصر: شسوي كل ما طلعنا قصو عليي وخلوني اعزمهم
بوناصر: هههههه زين يسوون فيك
ناصر: لااا انزين ابي فلوس
بوناصر: انزين بعطيك باجر شتبي فيهم الحين
ناصر: لا شنو باجر ابي اشتريلي كرت
بوناصر: ذبحتنا بكروتك انت هاك هذا الكرت شريته وما عبيته
ناصر: شنو هذا بس 3 دنانير الناس تعبي بعشرة بخمسة عالاقل
بوناصر: ايا الهيس ييب ييب صج مو كفو
ناصر: هههههههه شفيه الوالد عصب ههههه لا لا خلاص باخذه شنو يقولون يما
ام ناصر: على شنو
ناصر: مادري في جملة انتي تقولينها
ام ناصر: اي قصدك العوض ولا القطيعة
ناصر واهو يضحك: اي اي هذي الي قالتها امي
بوناصر: يلا طس بطالع الاخبار
ناصر: انزين بطس بس مو تنسى الفلوس
بوناصر: انزيين بس روح هناك
ناصر: هههه انزين
.....................
صار الفير كانو كلهم (حصو ودانه وناصر وفطوم) قاعدين بالصالة فوق مسكرين كل الليتات ويطالعون (بريزن بريك) فطوم شافتهم مندمجين قالت فرصة اروح اكلم عيسى قامت فطوم بتروح شافتها حصة
حصة: وين
فطوم: بروح انام
ناصر: ما تبين تطالعين
فطوم: لا ما اقدر بنااام
ناصر: اوكي بس طلعي كنبلي عشان ما اتلحف بالبشت نفس امس
فطوم: هههه اوكي وانتو وين بتنامون
دانه: هني
فطوم: بعد مرة ثانية
دانه: اي ييبنا الاسفنجات وكل شي بعد شودينا الغرفة
فطوم بقلبها (احسن بعد): اوكي كيفكم يلا تصبحون على خير
كلهم: وانتي من اهله
دخلت فطوم الدار طلعت كنبل ناصر برا وقفلت الباب طلعت التلفون لقت 3 مسجات طبعا كلهم من عيسى
الاول (احبج .. اموت فيج.. اصلن هالكلام شويه عليج مادري شقول مادري بس هم احبج)
الثاني (حياتي اشتقتلج يريتج طول اليوم معاي)
الثالث (اوعدك ما اتخلى عنك ابد.. وقلبي عمره ما يسكنه غيرك احد.. انت حياتي..عمري..روحي.. وببقى لك للأبد.. واذا غبت عنك يوم لا تظن ينسيني حبك احد.. وإن مر يوم وما سألت لا تقول: خانني وخان العهد.. قول: مات وما حبني كثره احد)​

 

[ღ TőOőma ღ]

دقت رنه عليه لن ما عندها رصيد جان يدق علطول



فطوم ردت بس ما تكلمت كانت ميته ضحك



عيسى: ههه شفيج حياتي



فطوم: ما امداني اسكره دقيت



عيسى: شسوي ناطرج مجابل الفون ناطره يرن



فطوم: فديييتك انا ثانكس عالمسجات الحلوة



عيسى: حبيبتي انتي اصلن هالكلام شويه بحقج



فطوم: تدري حياتي



عيسى: شنو



فطوم: بعض المرات احس انك تحبني اكثر من ما انا احبك بواااايد



عيسى: اممم شلون يعني



فطوم: مادري يعني مثل اليوم كنت حدي مشتاقتلك ومستانسة اني بشوفك بس لما شفتك وشفت استقبالك لي وكلامك حسيت ان مشاعري ولا شي عند مشاعرك



عيسى: بالعكس حبيبتي انا حتى بنظراتج اشوف حبج لي



فطوم: يقلبي انت اليوم كنت حدي مستانسة وكلهم يسإلوني ليش كل هالوناسة



عيسى: انشالله دوم مستانسة



فطوم: طول ما انا معاك راح اكون مستانسة



عيسى: حياتي انتي فطوم غمضى عيونج



فطوم: غمضت



عيسى: تخيلي ان احنا ليلحينا مع بعض وانا ليلحين ماسك ايدج وواقفين نطالع البحر شنو ودج تقوليلي



فطوم: احبك خلك معاي علطول



عيسى: اموووت فيج فطوم ولايمكن اتركج لحظة صدقيني مهما كنتي بعيده عني تكونين ابالي علطول



ظلو يسولفون .................



فطوم: متى بتروح المخيم



عيسى: يمكن باجر بس شكلي ماراح اقوم مبجر وبسفلون فيني



فطوم: ما عاش اصلن ما انولد الي يسفل فيك



عيسى: ههههه لني مواعدهم اتغدى معاهم



فطوم: حبيبي عيل نام اصلن انت دايخ مبين من صوتك



عيسى: اي اليوم قاعد مبجر



فطوم: خلاص عيل نام اهم شي راحتك



عيسى: وانتي اخليج بروحج؟



فطوم: عادي حياتي قلتلك اهم شي راحتك



عيسى: انزين شبتسوين شرايج تنامين



فطوم: اي بنام تبيني اروح اجابلهم عقب ما سمعت هالصوت



عيسى: فديييييتج والله



فطوم: يلاقلبي تصبح على خير ونوم العوافي



عيسى: وانتي من اهله الله يعافيج ويخليج لي



فطوم: ولا يحرمني منك



عيسى: احبج



فطوم: احبك



عيسى: اموت فيج



فطوم: انا الي اموت فيك



عيسى: انا اعشقج



فطوم: وااااي فدييتك



عيسى: مابي اسكره خلينا شوي



فطوم: اوكي



عيسى: احبج



فطوم: اموت فيك



عيسى كان دايخ وواصل حده بس يحاول ما ينام:....



فطوم تدري انه دايخ سكتت:...



عيسى:...



فطوم بصوت خفيف: حياتي



عيسى:...



فطوم: حبي



عيسى يسمعها بس مو قادر يرد غصب تكلم: عـ..يـ..و..ن..ه



فطوم: خلاص بسكره عشان تنام اوكي



عيسى: او..كـ..ي



فطوم: باي حياتي



عيسى: باي



سكرت فطوم التلفون ولمته وكانت حيل مستانسة (واخيرا رجعت اكلمك كنت حيل فاقدتك احببك)



عيسى قال باي ونام علطول حتى التلفون كان بيده وطاح منه





مرت الايام ورجعت ام فواز من السفر وردو فطوم ودانه بيتهم
دانه وفطوم قاعدين بالغرفة بالليل والكل نايم
دانه: يعني انتي خذيتي خطج من بيبي
فطوم: اي وقلتلها متى ما تبي تدق تقولي
دانه: والله طلعتي مو هينه انزين ديريبالج تكفين ما نبي سالفة يديدة
فطوم: اكييد من صجج
.....................
سارة تكلم عادل بالفون
عادل: انا كنت حاس انج تكلمين غيري بس ظليت ساكت قلت يمكن تحس على دمها
سارة تنرفزت من كلامه بس ظلت عادية جدامه: عادل سوري انا لما فكرت فيها شفت انه يصلحلي اكثر منك عالاقل اهو كويتي
عادل: سارة مابي اسمع شي خلاص ولا ابي اي اعذار ومشكورة على كل شي بس تدرين شنو الي باط جبدي
سارة بنفسية: شنو
عادل: اني مع كل الي سويتيه والي قلتيه ليلحين احبج والله يوفقج معاه
سارة: حتى انا اعزك صدقني
عادل: خلاص سارة مثل ما قلتي الي بينا انتهى يلا اخليج
سارة تتصنع انها زعلانه: بس بلييز لا تزعل
عادل: الله كريم تبين شي
سارة: سلامتك بس ديربالك على نفسك
عادل: الله يسلمج باي
سارة: باي
سكره عادل علطول وكان حيل متضايق قال بقلبه (كسرتي قلبي يا سارة وحسستيني اني ولاشي.. كل هالمدة انتي تلعبين وانا مادري.. الغلط مني انا.. انا الي سكت عنج من البداية وما حطيتلج حد.. بس الحين هالكلام ما يفيد)
..................................................
عقب اسبوع بيت بوفواز
ام فواز واهيا تضحك وتطالع البنات: الاحد مدارس
فطوم: قطييعه لا تذكريني
بوفواز: وراكم وراكم لو شنو تسوون
دانه: وييع بنرجع نجابل الابلات وكل وحدة تتفلسف على راسنا
فطوم: وسارو بترجع الخميس ويييع ملل
ام فواز: هههههه شفيكم قلبتوها عزا
فطوم: لن لاعت جبدنا من هالطاري غيرو الموضوع
ظلو يسولفون لين صار بليل ام فواز وبوفواز صعدو ينامون ودانه وفطوم قعدوا يطالعون فلم
سارة تكلم عادل بالفون اهيا قطعت علاقتها فيه بس لن اليوم عيد ميلاده دقت عليه
عادل: وانتي بخير مشكورة سارة
سارة: العفو ولو انت تستاهل اكثر
عادل: تسلمين
عادل كان متضايق منها بس ضغط على نفسه عشان ما يبينلها انه متضايق يبي يحسسها انها هانت عليه مثل ما اهو هان عليها
سارة: بتسوي بارتي
عادل: هههه لا يبا انا وين وهالسوالف وين
واهم يتكلمون دق فهد على سارة وسارة ما حبت تسكره من عادل سولفت معاه شوي
فهد لما شاف ويتنق عند سارة دق على فطوم
فطوم شافت فونها: هذا فهد قاعد يدق دانو بروح غرفتي
دانه: اوكي
صعدت فطوم بسرعه وردت عليه
فهد: سوري داق عليج هالوقت
فطوم: لا عادي بس شفيك صاير شي
فهد: سارة
فطوم: شفيها
فهد: صارلي مدة كل ما ادق عليها القى ويتنق وقفت مدة والحين لما رجعت دقيت عليها هم ويتنق
فطوم: انزين ما سألتها منو قاعده تكلم
فهد: لا ما حبيت اسالها
فطوم بقلبها (اها عشان جذي دايما تقول عنك ياهل عبالها انك ما تدري عن شي): اها ليش
فهد: مابيها تظن اني مو واثق فيها
فطوم: بس لازم تحط حد اذا هالموضوع قاعد يضايقك
فهد: بس انا مابي اضايقها مابيها تظن اني اشك فيها
فطوم (مسكين يفهد): ما عليه بس حاول تكلمها بهالموضوع عشان ترتاح
فهد: ما اقدر انتي تدرين شكثر انا احبها وما اقدر على زعلها
ظلو يسولفون وسارة تسولف مع عادل... سارة سكرته من عادل دقت على فطوم علطول
فطوم: لحظة فهد سارة قاعده تدق
فهد: اوكي انا اسكره عيل سوري اذيتج
فطوم: لا عادي شدعوه
فهد: مشكورة فطوم باي
فطوم: العفو باي ... (ردت على سارة).. هلا سارو
سارة: هلا فطوم بلييز اذا دق عليج فهود قوليله اني كنت اكلمج اوكي باي
فطوم: لحظة...
سارة سكرته وما سمعت فطوم ودقت على فهد
فهد: هلا حبيبتي
سارة: هلا فيك
فهد: حياتي منو ويتنق
سارة: فطوم
فهد سكت لنه توه كان يكلم فطوم: اهاا بس طولتي كنت ناطرج زين ما نمت
سارة: اي شسوي بعد تدري مابقى الا جم يوم وارجع البحرين خذتنا السوالف
فهد تضايق حيل: اها متأكدة من كلامج
سارة: شقصدك يعني
فهد: لا ولاشي سلامتج
سارة: اذا مو مصدقني دق عليها
فهد سرح يفكر (طبعا لنج اتفقتي معاها بس شلون فطوم ما قالتلها انها كلمتني)
سارة: الوو وينك
فهد: معاج اسمعج
سارة: اوكي فهد انا اخليك مدام بدينا بالشك انا استأذن
فهد: اعتقد ان انا الي المفروض استأذن مو انتي
سارة: نعم! وليش..
فهد قطع كلامها: سارة لحظة شوي
سارة بعصبية: اوكي
فهد دق على فطوم وشبكها معاهم
فهد: هاي فطوم
فطوم: هايات
سارة: وبعد شابكها معانا
فهد عطاها سكب: فطوم سارة كانت تكلمج قبل شوي؟
فطوم سكتت ما تدري شترد
سارة: اهم شي يعني مو واثق بكلامي
فهد: لا طبعا لني كنت قاعد اكلم فطوم وقالتلي انج قاعده تدقين عليها واكيد اتفقتي معاها
سارة ماتدري شتقول: وشقصدك يعني لحظة دقيقة بنزل اسويلي شي آكله ميتة من اليوع
فهد: سارة لاتحاولين تتهربين ممكن اعرف ليش تسوين جذي
سارة: شسويت
فطوم ودها تطق سارة لنها حطتها بموقف بايخ
فهد: اعتقد انج تدرين شسويتي
سارة: لا ما ادري
فهد: سارة انا ما عندي كلام معاج بس بقولج انسي كل شي بينا ومابي اكلمج بعد
سارة كانت ماسكة جدر بيدها قامت تطبل عالجدر: كلووولوووووش
فهد: شفتي فطوم عشان تعرفين
فطوم: سارة عيب شالحركات
سارة: شسوي مستانسة
فهد: تدرين عاد انا محترمج ليلحين عشان فطوم بس جذي كافي يلا باي
سارة تضحك باستهزاء: هههه اوكي باي
سكره فهد وحده متحطم من الي صار (انا صج مينون كنت يان عليها وناطر متى اشوفها واكلمها بس طلعت حمار وما اعرف افكر عدل)



فطوم دقت على سارة علطول
فطوم: شنو هذا الي سويتيه مستانسة الحين
سارة: خيولي كافي هديت عادل عشانه قاعد يتفلسف بعد
فطوم: انتي مادري لي مته بتظلين جذي المشكلة ان ولاشي هامج
سارة: وليش يهمني
فطوم: انزين منو كنتي تكلمين
سارة: عادل
فطوم: مو تقولين هديتيه
سارة: اليوم عيد ميلاده دقيت عليه
فطوم: لا والله ولج عين كافي الي سويتيه فيهم
سارة: اذا كاسرين خاطرج كلميهم
فطوم: سارة ينيتي وتلومين عيسى لما يقول ما احب بنت خالتج لنه يدري عن سوالفج
سارة: خل يدري قلتلج محد يهمني وبعدين زين الي يت من فهد مو مني
فطوم: اوكي سارة سوي الي تبينه ورجاء لا تدخليني بسوالفج مرة ثانية
سارة: بتذليني يعني ولاشنو
فطوم: لا اذلج ولا شي بس سوالفج تبط الجبد وتحرج الواحد وانا ما احب انحط بهالمواقف
سارة: اوكي مو لازم
فطوم: يلا باي
سارة: باي
فطوم سكرته ودقت على فهد
فهد: هلا فطوم
فطوم: فهد انا وايد منحرجة ادري الي سوته سارو يفشل بس انا داقة اعتذر بدالها
فهد: ماله داعي خلاص انا الغبي الي حبيتها من اول شي
فطوم: لا تقول عن روحك جذي
فهد: انزين مدام كل شي انتهى فطوم جاوبيني بصراحة سارة جم واحد تكلم غيري
فطوم: وليش تهتم مو تقول كل شي انتهى
فهد: فطوم جاوبيني بصراحة بلييز
فطوم: ..........
فهد: قولي فطوم خلاص عادي ما قامت تهمني عقب الي صار
فطوم:سارة كانت تكلم واحد قبلك وبعدين كلمتك انت
فهد: وكانت تكلمنا احنا الاثنين
فطوم: اي
فهد: وليش اهيا تسوي جذي
فطوم: اهيا انجرحت من واحد كانت تحبه وكان اول حب بحياتها ومن عقبها صارت جذي
فهد: انزين وانا شذنبي اعتقد تدرين شكثر حبيتها بس حسافة طلعت ما تستاهل
فطوم: صج انها بنت خالتي بس صدقني عمري ما كنت راضية على تصرفاتها وكنت دايما اكلمها وانصحها بس تعصب وتقولي مالج شغل
فهد: انتي اصلن وايد غير عنها وحتى عيسى كان يقولي من اول شي بس مادري ليش ما شفت الي يشوفه عيسى
فطوم: اكيد ماراح تشوف هالشي لنك حبيتها من كل قلبك
فهد: والحين انا ندمان قد شعر راسي
فطوم: انشالله بتلقى الي احسن منها
فهد: وتتوقعين اني بفكر بالحب مرة ثانية
فطوم: وليش لأ مو كل البنات مثل سارة بس عاد مو تصير نفسها
فهد: تهقين انا افكر جذي
فطوم: اكيد لأ بس اقولك
فهد سكت مده وفطوم ظلت ساكته حاسة بلي فيه
فطوم: خلاص لا تضيق خلقك وحاول تنسى اعتبرها مرحلة بحياتك وانتهت
فهد: بحاول بس مو سهل عليي
فطوم: اكييد مو سهل بس صدقني مع الايام راح تنسى وتضحك على روحك بعد
فهد: انشالله الله يسمع منج
فطوم: انشالله
فهد: اوكي فطوم انا ابي اقعد بروحي شوي
فطوم: اوكي بس شوي مو وايد لن القعده بروحك بتضايقك اكثر
فهد: انشالله مشكورة وايد بصراحة ماني عارف شلون اشكرج لو اي وحده مكانج جان وقفت مع بنت خالتها وما سوت الي سويتيه
فطوم: قلتلك انا مو راضية على تصرفاتها من زمان وانت اكيد ما تستاهل الي سوته سارة
فهد: تسلمين والله يوفقج مع عويس ونشوفكم معاريس انشالله
فطوم انحرجت وسكتت
فهد: هههه احرجتج.. خلاص اخليج تصبحين على خير وسامحيني ازعجتج
فطوم: لا بالعكس عادي وحياك بأي وقت
فهد: تسلمين يالغالية
فطوم: الله يسلمك
فهد: باي
فطوم: باي
نزلت فطوم تحت وقالت حق دانه كل الي صار
دانه: اووووف امبييي والله فشلة
فطوم: اذا انتي تقولين جذي عيل انا شقول الي كنت معاهم
دانه: انزين راح تكلمين سارو
فطوم: مادري مالي خلقها كلش عقب الي سوته
دانه: احسن خلج بعيده عن مشاكلها
فطوم: والله عيسى معاه حق وانا كنت اعصب لما يقولي لا تطلعين معاها
دانه: اي والله بس شنسوي هم مهما يكون اهيا بنت خالاتنا
فطوم: انزين دانو انا بروح انام
دانه: وييين تو الناس قعدي معاي
فطوم: مالي خلق كلش بروح انام احسلي
دانه: اوكي كيفج
..............................
سارة تفكر (شدعوه عليها معصبه عليي عشان فهود وايد هامها هالياهل... اووو انا فاضية معورة راسي تزعل اليوم ترضى باجر ماراح تقدر تستغنى عني)
فتحت سارة لابها ودخلت عالجات بنفس النك الي تدخل فيه كل مرة (الحب جذبة) وقعدت تسولف مع الكل
.....................................
اليوم الثاني فطوم بغرفة دانه الي كانت نايمه
فطوم: دااانو دااانو
دانه: شتبين خليني انام
فطوم: دانو قومي بيبي تقول ابوي تعب وودوه المستشفى
دانه قامت بسرعه: صججج
فطوم: ايي دانو انا خايفة قومي بدلي بسرعه خنروحله




دانه: يلا يلا الحين اقوم شوفي شمس الدين على ما اخلص
بدلو البنات بسرعه وراحوله المستشفى لما دخلو كان نايم طلعو برا الغرفه عشان يسولفون على راحتهم
فطوم: يما شفيه ابوي شصارله
ام فواز: قام من النوم وكان حيل تعبان ييبته بسرعه المستشفى والدكتور يقول لازم يظل عندهم
دانه: انزين خليسوي العملية عيل
ام فواز: العملية خطرة مايبي يسويها هني انا قاعده اسوي اوراقه عشان يروح امريكا بس عسى ما يطولون
فطوم: اكيد بطولون اخاف يتعب اكثر
ام فواز: لا انشالله قولو انشالله يعطونا النتايج بسرعه
دانه وفطوم: انشالله
..............................
بيت (ام سارة)
فيصل: ها يما وين بتروحين
ام سارة: بروح حق خالتك المستشفى عمك بوفواز نوموه بالمستشفى
فيصل: انزين وسارو وينها
ام سارة: نايمه انا مستعيله بروح
فيصل: اوكي انا امركم بعد شوي
............................
ام فواز تكلم ام سارة بالفون: الدور الخامس جناح 11 غرفة 103
فطوم درت ان خالتها بتيي نزلت تحت ماتبي تشوف سارة
ام فواز: وين بتروحين
فطوم: بروح اشتريلي شي آكله
ام فواز: انزين بس مو تطولين
وصلت ام سارة سلمت عليهم
دانه: عيل وين سارو
ام سارة: بالبيت نايمة
دانه: انا بروح اشوف فطوم
ام فواز: اوكي
نزلت دانه شافت فطوم بمحل الككاو
دانه: مو يايه معاها امشي نصعد
فطوم: غريبة يعني مالها وي ولا شنو
دانه: لا يبا من صجج بهمها بس خالتي تقول انها نايمه
فطوم: اهاا احسن مابي اشوفها
دانه: انزين لا تحرين روحج يلا امشي
صعدو الغرفة صار شوي قعد بوفواز فطوم ودانه قاموله بسرعه
ام فواز: شوي شوي عليه
فطوم: سلامتك يبا
دانه: ما تشوف شر
بوفواز غصب يتكلم: اللـ..ـه ..يـ..سلـ..مـكم
فطوم: شلونك الحين احسن
بوفواز: اي.. الـحـ..مد..لله
فطوم: عيل بسك دلع
دانه: اي نبيك ترجع البيت بسرعه ما يسوى بدونك
بوفواز يضحك غصب
ام فواز: بس وخرو عنه لا تأذونه
..............................
صار العصر سارة قامت من النوم ما لقت احد بالبيت دقت على امها
سارة: يما وينكم
ام سارة طلعت برا تكلمها: انا بالمستشفى عند عمج بوفواز
سارة: ليش شفيه
ام سارة: يعني شفيه تعبان ويابوه المستشفى
سارة: اهااا انزين عيل خل اروح اشوفلي شي آكله
ام سارة: انزين استحي على ويهج وتعالي زوريه
سارة: منو اييبني مريني انتي
ام سارة: الحين ادق على فيصل اخليه يقطج عندنا اهو توه طلع من المستشفى
سارة: اوكي كلميه وقوليلي عشان ابدل
ام سارة: يلا عيل اشوفه واقولج باي
سارة: باي
دقت ام سارة على فيصل وقالتله وبعدين دقت على سارة بدلت سارة ويالها فيصل المستشفى نزلت سارة دخلت محل الورد خذت بوكيه راحت بتحاسبه بس كان الممر ضيج وكان في واحد واقف
الصبي الي معاه: عبود وخر البنت بتمر
عبدالله التفت شاف سارة: سوري تفضلي
سارة بقلبها (امبييي يهبل): لا عادي
حاسبت سارة البوكيه واهيا تحاسب كان عبدالله يطالعها لما يت بتطلع التفتت عليه بس ما شافها دقت على امها دلتها الغرفه وصعدت واهيا باللفت (الاصنصير) كانت تقول بقلبها (امبيي مو صج مادري لبش هالصبي حسيته غير عن الكل ودي ارجع اشوفه مرة ثانية) انفتح اللفت وطلعت سارة راحت الغرفه لما دخلت كانت فطوم بويها طالعو بعض ثنتينهم بس ظلو ساكتين
سارة راحت عند بوفواز: الحمدلله على السلامة عمي ما تشوف شر
بوفواز: الله يسلمج سارونه
سلمت سارة على خالتها وعلى دانه وسلمت على فطوم بس من بعيد وقعدت عند امها
سارة: ما قال الدكتور شي
ام سارة: امبله يقول لازم يظل بالمستشفى براقبون حالته
سارة: اهاا
رجعو يسولفون بس فطوم ظلت ساكته من دخلت سارة.. وسارة كانت تفكر بعبدالله الي شافته بمحل الورد.. ودانه تحاول تلطف الجو عشان محد يحس .. وبعدين يت ام ناصر وعيالها
ام سارة: يلا انا اخليكم بعد اكيد بوفواز بيرتاح كلنا عنده يتأذى
بوفواز: لا شدعوه بالعكس احسن من القعده بروحي
ام سارة: اي والله صاج قعده المستشفى تمرض زيادة يلا ما تشوفون شر وخطاكم السو
ام فواز: تسلمين حبيبتي
ام سارة: انشالله امركم باجر بعد
ام فواز: انشالله
سلمو وطلعو
ام سارة: شفيكم انتي وفطوم
سارة: مافينا شي ليش
ام سارة: شنو ليش كل وحده قاعده بصوب وحتى ما سولفوتو مثل كل مرة
سارة: مادري عادي ما..(سارة شافت عبدالله طالع من غرفة بنفس الجناح الي فيه غرفه بوفواز)
ام سارة: شفييج
سارة: هااا لا ولاشي بس تذكرت اني ما دقيت على دلول
ام سارة: انزين اكيد مو صاير بينكم شي
سارة: اي اكيد شفيج يما



صار بليل رجعو ام فواز والبنات البيت صعدو بدلو ملابسهم وراحو عند امهم بغرفتها
فطوم: فواز يدري عن ابوي
ام فواز: المرة الي طافت ما قلتله
دانه: بس لازم نقوله الحين بعدين يقول ما قلتولي
ام فواز: انا اخاف يقعد يفكر وما يجابل دراسته
فطوم: اي بس لازم نقوله
ام فواز: انزين انتو لا تييبوله طاري لما تكلمونه انا اقوله
فطوم: اوكي
دانه: شنو عشاكم يوعانه ودايخه
ام فواز: انا ما اشتهي شوفو شنو تبون وقولو حق بيبي تسويلكم
فطوم: انا بعد مابي
دانه: كيفكم انا يوعانه بروح اقولها
فطوم راحت غرفتها ودقت على عيسى كان يدري ان بوفواز بالمستشفى فطوم دزتله مسج وكان قاعد يحاتي فرد عليها علطول
عيسى: هلا حياتي وينج ما طمنتيني
فطوم: شسوي تدري طول الوقت عند ابوي وما اقدر اطلع الفون
عيسى: انزين بشري شلون ابوج الحين
فطوم: تمام احسن بس لازم يسوي العملية بس مايبي يسويها هني
عيسى: بيي عاد الحين سالفة على ما يدزونه برا
فطوم: اي تقول امي مسكينة قاعده تسوي كل شي بروحها فواز اخوي مو هني بعد
عيسى: الله يعينها مسكينه والله يشافي ابوج انشالله
فطوم: انشالله
عيسى: انزين لا تضايقين روحج مو تطمنتي عليه
فطوم: اي تطمنت عليه
عيسى: عيل ليش جذي متضايقة ما تعودت عليج جذي
فطوم: فهد ما قالك شي
عيسى: لا شنو شصاير بعد
فطوم: فهد وسارة هدو بعض
عيسى: شنوو من صجج انتي لييش؟
فطوم قالتله عن كل شي صار
عيسى: عرفتي كلامي الحين
فطوم: اي عرفت والحين اقتنعت فيه
عيسى: انزين ولي متى ماراح تكلمون بعض
فطوم: مادري انا كلش مالي خلقها الحين
عيسى: بس انا الي اعرفه انج حيل تعزينها معقوله هالشي بأثر على علاقتكم
فطوم: وانت شايف الي صار هين
عيسى: ادري مو هين بس مهما يكون هذي بنت خالتج
فطوم: بس انت كنت تحذرني منها شفيك غيرت رايك الحين
عيسى: انا ما غيرت رايي بس هم ماله داعي تخسرون بعض عشان فهد والي صار معاه
فطوم: اوكي عيسى سكر هالموضوع الحين مالي خلق اتكلم فيه
عيسى: اوكي حياتي ادري فيج تعبانه وسوري اذا ضغطت عليج
فطوم: لا حبيبي عادي اذيتك بمشاكلي
عيسى: افااا انا اتأذى منج اصلن عسل على قلبي
فطوم: فديتك انا
عيسى: انزين فطوم بيي المستشفى باجر
فطوم: لاا اخاف ابوي يشوفك
عيسى: شنو بقعد بحظنه انا بس ابي اشوفج من بعيد عاد لا ترديني
فطوم: اوكي خلاص بس من بعيد لن ريل خالتي راح يكون موجود
عيسى: اوكيي من عيوني
فطوم: فديت عيونك انا
عيسى: تعشيتي
فطوم: لا ما كليت ما اشتهي
عيسى: نعم شنو يعني ما اشتهي الحين تروحين تاكلين ولا ازعل ترى
فطوم: حياتي والله ما اشتهي
عيسى: يعني ازعل
فطوم: لا لا خلاص باكل عشانك بس
عيسى: لا مو عشاني عشان صحتج
فطوم: انزين بس لا تزعل
عيسى:وانا اقدر ازعل من روحي
فطوم: فديييتك انا
عيسى: يلا روحي اكلي وكلميني اوكي
فطوم: اوكي يلا باي
عيسى: باي
نزلت فطوم تاكل كانت دانه صاعده
فطوم: هاا كليتي
دانه: اي بروح انام
فطوم: الحين؟؟ ترى الساعه 9
دانه: ادري بس تعبانه حدي
فطوم: اي حتى انا شكلي بسوي مثلج انزين مري على امي شوفيها تبي شي
دانه: اوكي
نزلت فطوم كلت وصعدت بعدين دقت على عيسى سولفو ساعه
عيسى: يلا حياتي انا بروح الدوانية
فطوم: اوكي
عيسى: شبتسوين
فطوم: مادري والله امي ودانو نامو
عيسى: مساكين من التعب خلاص عيل انتي نامي بعد
فطوم: اشوف
عيسى: اوكي انا لما ارجع ادق رنة اذا قاعده دقي عليي
فطومك اوكي ديربالك على نفسك حبيبي
عيسى: انشالله وانتي بعد
فطوم: وسوق شوي شوي الدوانية ماراح تطير
عيسى: هههه اوكي من عنوني
فطوم: فدييت عنونك انا
عيسى: يلا الحب جسوم قاعد يدق باي حياتي
فطوم: باي وسلمي على جسوم
سكرت فطوم الفون قعدت شوي تفكر وتطالع تلفزيون خذت شاور داخت انسدحت بالسرير نطرت عيسى يدق بس نامت من التعب
سارة دخلت الجات مرة ثانية وقعدت تسولف بس كانت طول الوقت تفكر بعبدالله الي شافته (واااي متى يصير باجر ابي اشوفه)
................
اليوم الثاني (بيت ام سارة) كلهم قاعدين يتغدون
فيصل: انا بطلع تبون شي
ام سارة: سلامتك يما ديربالك
فيصل: انشالله مع السلامة
ام سارة: مع السلامة
راح فيصل يبدل ملابسه ويطلع
سارة: منتي رايحة المستشفى
ام سارة: امبله العصر بروح بتيين؟
سارة طبعا ناطرة متى يروحون: اي اي بيي
ام سارة: انزين ساعه اربع ونص بطلع خلج جاهزة
سارة: اوكي ​

 

[dlo3t^baba]

ثانكيو على البارت حبيبتي تسلمين ^_^

 

[اسيرة احزاني]

تسلمين عالبارت

 

[Findy Girl]

Ambaaaaaaaaay ambaaaaaaaaaaaaaaaaaay saro tb6 ilchabd gowat 3ain wallah Wdy anatefha :S

Ou thanks bs wraaby rowaytech a7laaaaa bwayed

y36each il 3afya toma

 

[KaBsOlA eM9Rg3a]

thnxxxxxxxxxxxxxx tomaaa el bart 3geeb yalla la ywagef Oo embarak 3lech el shahar

 

[MeeMeeYoo_2]

ثنكيووو

 

[noni riot]

ثانكيووو حياااااااااتي =)
ناطريين

 

[ღ TőOőma ღ]

يسلمووووووو حوبي كلكم امموااح

 

[رووان]

بليز كملي القصة
البارت اللي طاف مافيه شي يعني القصة باقي لها وتخلص

 

[ღ TőOőma ღ]

حبيبتي سوري الكاتبه مانزلت للحين اول ماتنزل احطلكم اووكي

 

[Miss^_^CoOoL]

مشكووووره

الله يعطييج العاافيه ^_^

 

[Findy Girl]

Tooooomaaaaaaaaaaaaaaaaa

where are you ??

 

[cat .]

مع احترامي قصه فاشله ومالها اي معنى او هدف او فكره .. اسفه هذا رايي الشخصي .. بس كلمت عيسى وعيسى كلمها وبعدين .. فاااااااااااشله .. وتقبلي مروري اختى . مع السلامه

 

[مطيريه88]

cat اما ان تقل خيرا او تصمت
البنيه ماقصرت ونقلت القصه عشان تونسنا واذا انتي مايعجبج هالنوع من القصص مو مجبورة تقرينها
اهيا ماطلبت راينا بس تبي تونسنا

 

[gold girl]

مطيريه 88 ::

shd3wa 3adi albnya galt rayha oo kl wa7ed laa wjht n'9raa oo ehya galt wjhat n'9rha bl89aa 3adi klna ga3den nktb rayna bl89a oo hatha rayha .. y3ni 9ij al89a mafeha a7dath kl wa7ed oo raya mala da3i t39ben 7boba

 

[مطيريه88]

goliden girl​

lool la 7bebty shda3wa mu m3asbaa bs lbnaya mskena kasra kha6ree klmn ygolha elqe9a mu 7lwa w sakhefa w madre shnu y3ni mskena ga3da tbthl mjhood 3shan tsm3 hal 7ache??
ana wayd fe mwathe3 ma 3jbnty bl muntada bs ma a7rj lbnaya eli t3bana 3l mwtho3 w 7ata law bntqd bslob raqe w bdon ma ajra7haa
b3den ehya tgdr ma tgra el qe9a y3ni mu shy mfroth 3liha frth
so, 3rftai qa9de?