Yes We Can Do It " Lets Go Girls ( part 2)

[شوكولاته&فانيلا]

مالحقت اقرأ كل اللي طاف بعلق عاللي قريته​

اول شئ ضيون حبيبتي عالبركة الحمال الله يثبته لج يارب ويهون عليج ويرزقج بالضنا السليم المعافى ويجعله من اهل الخير​

والصلاح اللهم آمين..​

مزمز سلامات يالغالي سلامات ماتشوفين شر حبيبتي وطمنينا عسى صرتي احسن اخذي ملح فارسي(خشن) وحطيه على الماي ​

ودفي الماي وسوي كمادات على مكان الرضوض وان شاء الله بتصيرين احسن اجر وعافيه ..​

بروت الحمد لله على سلامتج وشدي الحيل ​

عروب الله يآخذلج حقج من اللي ظلمج ورددي حسبي الله ونعم الوكيل ولاتضيقين خلقج يالغالية على ناس ماتسوى حاولي تنسين..​

لولو صوصه كتون كوكو بزبز نونه عطوفه والكل وحشتوني والله..​

 

[Lady <3 A]

السلام عليكم

:eh_s(7):

شلونكم بنات إن شاء الله بخير

:eh_s(7):

.

هاليومين مو ملتزمه 100% بس ما فليتها ع الآخر مسويه كنترول شوي

.

يومياتي :

الريوق : صمون أسمر مع 3 تشيز وسن درايد توميتو من ستاربكس + كابتشينو

غداي : كاروت كيك أكلت نصها مع ربيعتي وانجلش بريك فاست تي

العصر : أكلت حبة بفك من ايد بنت اختي فديتها

وعشاي : سلطة + كفتة لحم ومشرووم بالفرن

بحاول أشرب ماي لأني ما شربت إلا نص لتر تقريباً أو أقل اليوم

وبشرب قرفة بالزنجبيل وشاي أخضر قبل النوم إن شاء الله

اليوم وقفت ع الميزان ولا وزني 62 :eh_s(16): قبل يومين 60.2 . . يعني almost 2 kilos بس الظاهر عشان الحلوه قربت :eh_s(16): قلبي يعورني والله هالكيلو وشوي نزلتهم بعد معاناه إن شاء الله يارب ينزل وزني يرد نفس ما كان هالأسبوع

.

امتحان أمس خبصت فيه والله يستر الأحد عندي امتحان صعب صعب صعب حيل :eh_s(2): أصعب مادة درستها والله ييسر

وبيبقى لي امتحان ثاني غيره يوم الأربعاء . . و برزنتيشنين و3 ريبورتات وبخلص الأسبوع الياي إن شاء الله

دعواتكم لي بالتوفيق والله ييسر أموري مضغوطه حيل وبالي مشغول ووقتي ضيق والله يسهل ​

 

[Lady <3 A]

والله يابنات مااا افضى عشان ادش واكلمكم

بس دشيت الحين مخصووص عشان ابشركم اني حللت والحمدالله حاامل ماشاءالله لاااا اله الا الله

الله يثبته لي ياررررب


والله يرزق مزمز وبيشو وبروت وصبوره يارررب

ويرزق صوصه الولد اللي تبيه ياررب

امانه ادعووولي بنات الله يثبت لي حملي

احبكم

ما شاء الله . . لا إله إلا الله
الله يثبت حملج ويتمم حملج على خير ويجعله من الذرية الصالحة يارب
ويارب تقر عينج بشوفته بصحه وعافيه
استااانست لج وايد ضيون الله يفرحج بشوفته بين ايديج ان شاء الله

:eh_s(7):

ديري بالج على نفسج ضيون واهتمي بأكلج ولا تحرمين نفسج
وأنا رايي من راي البنات وأشجعج تروحين أخصائي تغديه عشان تحافظين على وزنج
ولا تتركينا :eh_s(2): خلج معانا

.

والله يرزق باقي البنات إن شاء الله

هاي بنات
شلونكم؟ شخباركم؟ شلون الرجيم؟
آنا أمس وصلت بريطانيا يعني رادة للرجيم وبكل قوة!! يا من باجر أو من عقب باجر

قريت آخر صفحة وشفت خبر حمل ضيون، واااي حبيبتي ألف ألف مبروك وايد فرحت لج خبر وايد حلو بس محزن بنفس الوقت لأنج راح تتركين التجمع راح أشتاقلج، حسافة منو راح تقرق وياي بالليل

المهم، قبل لا أكمل قراءة الصفحات اللي طافتني، خل أقولكم عن موعدنا، كان حده وناسه، أول ما وصلت جوكليت بار الويتر استقبلني عند الباب وقالي عن مكان الطاولة، شفت لولو ماشالله عرفتها من ابتسامتها، حدها بشوشة إن شاء الله دايماً مبتسمة، وتدش القلب ومعاها عيالها التوأم حدهم يهبلون ماشالله، بنتها نسخة منها
وبعدين ضيون ومزمز وصلوا، ضيون نفس ما اهيا واهيا صغيرة، بس حسيتها تشبهني شوي لول وماشالله ولدها حده كيوت، أما مزمز شكلها حدها هاديه، بس أحس نوعها فصلة إذا بين ربعها اي ووايد تشابه بنت عمتي عبالي تصيرلها
وآخر شي يت بيشووو، توقعت إني أكثر وحده تستحي بس اكتشفت إن بيشو أكثر مني تستحي وحدها هادية
وماشالله كلهم حلوات ويهبلون ويدشون القلب، وإن شاء الله تتكرر التجربة
أقرا اللي طافني وأرجعلكم

الحمدلله على سلامة الوصوول بروووت :eh_s(7):

ويالله شدي حيلج وجابلينا ليل نهار عوضينا عما مضى لووول

وإن شاء الله يارب توصلين الهدف :eh_s(9):

وبالنسبه للموعد . . وناسة والله . . الله يجمعكم ع الخير دوم إن شاء الله ويارب تييني فرصه وألتقي بهالويووه الحلوه :eh_s(7): وأشوفكم كلكم إن شاء الله

ممكن بزبز لاكن صغيررره يبيلي وحد بعمري بس تعجبني شخصيتها و مشاالله واعيه و تفكيرها اكبر من عمرها ​

استااانست على ردج كتوون عللتي كل وحده فينا لوول

والله فرحني كلامج :eh_s(22): استانست يوم كتبتي عني واعيه وتفكيري كبير :eh_s(22):

لأن طول عمري محد حسسني بهالشي ويعاملوني على اني ما زلت طفله وعلى كل شي لا بعدج صغيره لوول

مع إن عندي خوات واخو اصغر مني الله يخليهم

صحيح كوتن وباجي البنات لو كان هناك بيت يجمعنا كلنا نفس الرابح الاكبر

وكان النظام كل اثنين بغرفه منو تختارين شريكه غرفتج

من اللي تحسين انها قريبه منج وطبعا لا هانوا باجي البنات ومن غير زعل

بس الارواح جنود مجنده

يلا منو راح تختارين شريكه والسؤال لباجي البنات منو تختارون شريكه

صوصه انا ما شفت برنامج الرابح الأكبر بس فهمت فكرته من ردودكم

:eh_s(9)::eh_s(9):

أحس وناسه والله ودي أجرب كل أسبوع أقعد مع وحده واكتشف شخصيتها أكثر وأكثر لوووول

​

 

[Lady <3 A]

السلام شلوووونكم

السموحه عالقطاعه

بس يا بنات صارلي موقف الله لا يوريكم اسم الله عليكم


امس وانا بالنادي مستانسه مخلصه رياضه ومريت من عند حوض السباحه

كنت لابسه جوتي الرياضه تكرمون


مادري شاللي خلاني امر من هالمكان ما وعيت الا انا زاااالقه على ظهري

ااااااااااخ يا بنات تكسرررت عدل

من الخوف خفت راسي ينبط رفعته بسرعه

شالوني الشغالات اللي هناك وقعدت عالكرسي وطلعت المدربه من الحوض وحطت على كوعي ثلج لان انجرح وورم

وظهري وخلفيتي جهة اليمين صار فيهم رضوض الييييمه


نمت وقعدت الصبح وطلع لي عوار بأماكن ثانيه

طبعا سيقاني من ورا شادين علي ويعوروني

واصبع ريلي مجرووح ورقبتي جهة اليسار مشدوده ماقدر احركها بسهوله

بس اللي مضااايقني صج صج صج









راااااس المال ( خلفيتي )

مو قادره اقعد عليها براحتي مادري شلون اقعد مثل الناس



تدرون شنو سبب هالزلقه




شفت وحده كانت معاي بالمعهد وصارلها فتره مو شايفتني


سلمت عليها وحسيتها كلتني بعيونها

قالتلي ضعفااانه ومتغيره واااايد محلوه

الله وكيلكم بس قلت لها اشووفج على خير وطلعت عند الحوض خلال دقيقتين تكسررررت او اقل بعد

ما هقيت في ناس عينها حاره جذي

الحمدلله ع السلامه مزمز :eh_s(2): ما تشوفين شر إن شاء الله

مزمز ديري بالج على نفسج وحصني نفسج على طول والله الحافظ

سويلج مطارة ماي حار بس وين بتحطينا ولا وين الله يعينج والله حاولي تقعدين في البانيو بماي دافي وإن شاء الله يخف الألم وتخف الرضوض

والله يكفينا شر كل حاقد وحاسد وعين

والله مافي أخف من ذكر الله ع اللسان

هلابكم اكثر يالغوالي.....

واه من اللي ظلمني وهو ما عرفني.....

حسبي الله ونعم الوكيل على كل من تسبب بدمعه من عيني الله يحرمهم لذيذ النوم زي ما حرقو قلبي وانا غافله.....


حسبي الله ونعم الوكيل


وخلاص انا بانسى مو لاني عاجزه ارد... لا لاني اكبر من اني ارد على حثاله...
ولاني ادري وين ماراحو راح نلتقي عند رب العالمين وباخذ حقي منهم...

الله ينصرج وينصرنا على كل ظالم ياااارب والله ياخذ حقنا منهم ويرد كيدهم في نحرهم

على فكره اليوم عيد ميلاد ولدي كمل 5 سنين الله يخليه لي ويطول بعمره ويهديه ويوفقه ويعقله بعد خخخخخ اهم شي الاخيره
بنروح اليوم نشتري له هديه ونونسه شوي وباجر بنوديه السينما ان شاء الله في فلم للاطفال وايد حلو باجر بينعرض وبس

يالله اخليكم الحين مع السلامه

كل عام وولدج بخير كوكو :eh_s(9): العمر كله إن شاء الله

أمس رحت السينما وشفت Hang over 2 عجيب ويموت من الضحك لوووول وفي البدايه كانو حاطين تريلر Kung Fu Panda 2 وايد عجبني بينزل خلال هالسنه عندنا بس مادري متى بالضبط ! و have fun :eh_s(9):

السلام عليكم

ياترى حد فاقدني والا لا

شخباركم بنات وحشتوني وحشتوني حشتوني <<شوشو الجزائرية لوووول

سامحوني ماقدرت ادش الفتره الماضيه نفسيتي كانت في الحضيض

سويت دشتي اربع ايام اسويه وواتعب واخرب اسويه وارجع اخرب الين خلاص نفسيتي صارت زيرو:eh_s(16):

جربت اسبوع يومين قطع نشويات يومين نشويات يوم تمر يومين سوائل وبرض وزني محلك سر

شالحل يعني اروح عند اقرب مطعم واخلي راعي الشاورما يشيل مني هالثلاث كيلو مني ويسويهم شاورما مثلا:eh_s(10):

تهقون من شنو هل يبيلي اراجع اخصائي تغذية والا شسوي

بنات اللي عندها ايميل اخصائي ا اخصائية تغذية تعطيني اياه ابي اوجه هالسؤال لهم جود ألأقى اجابة:eh_s(2):​

شوشو وانتي لج وحشه والله فقدناج صارلج اسبوعين ما طليتي علينا ولا طمنتينا عليج

لا تضغطين على نفسج شوشو انتي الحمدلله سويتي الي عليج ووصلتي لحلمج ولا تعبين نفسج عشان 3 كيلوات وخلج ع التخفيف إن نزلتي خير وبركة وإن ما نزلتي قولي الحمدلله على كل حال أهم شي إنج تحت الخط الأحمر :eh_s(9):

.

عروب . . عيون ساره . . بروت . . ضيون . . شوشو .. وأنا . . ولكم باك :eh_s(9):

 

[شوكولاته&فانيلا]

هلا وغلا بزبز ماتفقدين غالي يالغالية الله يوفقج بالامتحانات والبريزنتيشنات انتي قدها وقدود

وعلى نزول وزني انا خلاص رفعت الراية البيضاء مابقى شئ ماجربته الظاهر صاج ريلي يقول مافيج شئ ينزل غصب بتنزلين

هههههههه يالله مثل ماقلتي بحاول كثر ماقدر نزل نزل مانزل الحمد لله تحت الخط الاحمر ع قولتج

انا شاريه كاجوو قريت انا جم حبة باليوم تزيد معدل الحرق

وشريت زيت بذرة الكتان برضو يحرق واضيفه للروب والسلطة والله كريم

قاع احاول اخذ الاشياء اللي تحرق وبحاول ارجع لرياضة نط الحبل الوحيده اللي اقدر عليها حاليا وربي يقدرنا..

وبسوي بحث اذا الاقي موقع لاخصائي تغذية عشان استشيره لأن حاليا

ماقدر اراجع طبيب بنات امانة اللي بتروح هالفتره عند اخصائي

خل تسأله تقوله اذا الشخص له سنه ونص مسوي رجيم او سنتين

ووصل مرحلة خلاص ماقام ينزل الوزن شيسوي؟؟؟؟

​

 

[om l3yal]

شوشو والله الطيب عند ذكره
اليوم اكلم نفسي اقول هالبنية ويييين اختفت بدون مقدمات والله لج وحشة يالغالية والله مو بس انتي اللي قاعدة تفكرين بالشاورما بس انا كان تفكيري انا اللي اخذ سكينة الشاورما واقصقص علا راحتي فشلة اروح حق الريال

 

[om l3yal]

بزبز ربي يوفقج دنيا واخرة ان شاالله ويوفق عيالي وعيال المسلمين اجمعين ان شاالله
والله انا عايشة بعذاب متا يخلصون اعد الايام عد

 

[om l3yal]

اكلي اليوم
شربت بطلين ماي بعدين اعشابي
الغدا سلطة خس وخيار وعليهم قفشة رانش صوص
شربت بطل ماي
العصر شربت نسكافيه
بطل ماي
العشا ترددت بين حمسة مشروم وبورجر بس تعييزت وقلعتي
طلبت لي بورجر اللو كارب من هارديز بدون طماط ولا بصل ولا كاتشب ولا مايو بعني طرق الخس والبورجر والجبن وانا حطيت فيها قفشة صغيرة مايو في واحد كارب قصيتها بالنص عطيت ولدي نص والنص الثاني قصيته بالنص يعني عطيت ربع لبنتي وربع لي وماقدرت اكمله هالكلام من الساعة ثمان والحين عشر وربع احس صخرة قاعدة علا معدتي بموووووت

 

[عيون سارة]

الحمدلله ع السلامه مزمز :eh_s(2): ما تشوفين شر إن شاء الله

مزمز ديري بالج على نفسج وحصني نفسج على طول والله الحافظ

سويلج مطارة ماي حار بس وين بتحطينا ولا وين الله يعينج والله حاولي تقعدين في البانيو بماي دافي وإن شاء الله يخف الألم وتخف الرضوض

والله يكفينا شر كل حاقد وحاسد وعين

والله مافي أخف من ذكر الله ع اللسان



الله ينصرج وينصرنا على كل ظالم ياااارب والله ياخذ حقنا منهم ويرد كيدهم في نحرهم



كل عام وولدج بخير كوكو :eh_s(9): العمر كله إن شاء الله

أمس رحت السينما وشفت hang over 2 عجيب ويموت من الضحك لوووول وفي البدايه كانو حاطين تريلر kung fu panda 2 وايد عجبني بينزل خلال هالسنه عندنا بس مادري متى بالضبط ! و have fun :eh_s(9):



شوشو وانتي لج وحشه والله فقدناج صارلج اسبوعين ما طليتي علينا ولا طمنتينا عليج

لا تضغطين على نفسج شوشو انتي الحمدلله سويتي الي عليج ووصلتي لحلمج ولا تعبين نفسج عشان 3 كيلوات وخلج ع التخفيف إن نزلتي خير وبركة وإن ما نزلتي قولي الحمدلله على كل حال أهم شي إنج تحت الخط الأحمر :eh_s(9):

.

عروب . . عيون ساره . . بروت . . ضيون . . شوشو .. وأنا . . ولكم باك :eh_s(9):

الله يسلمج
موجوده واقرا سوالفكم الحلوة بس ما ادري شفني ما لي خلق اكتب رد
يبي لي طق

 

[شوكولاته&فانيلا]

هلا لولو حبيبتي تسلمين الله والله يعين صج صج تعبنا مع هالوزن عسى الله لايخسر تعبنا اللهم آمين والله يوفق العيال

وتأجزون وترتاحون ​

 

[شوكولاته&فانيلا]

هلا لولو حبيبتي تسلمين الله والله يعين صج صج تعبنا مع هالوزن عسى الله لايخسر تعبنا اللهم آمين والله يوفق العيال

وتأجزون وترتاحون ​

 

[Lady <3 A]

هلا وغلا بزبز ماتفقدين غالي يالغالية الله يوفقج بالامتحانات والبريزنتيشنات انتي قدها وقدود

آمين ياااارب :eh_s(7): تسلمين يالغالية

وعلى نزول وزني انا خلاص رفعت الراية البيضاء مابقى شئ ماجربته الظاهر صاج ريلي يقول مافيج شئ ينزل غصب بتنزلين

هههههههه يالله مثل ماقلتي بحاول كثر ماقدر نزل نزل مانزل الحمد لله تحت الخط الاحمر ع قولتج
​

ههههههههههههههه الظاهر هذي حوبته

وحاولي تسوين تمارين أنا لاحظت مع المشي أو التمارين وزني ينزل لو ببطىء بس بعد أسرع من دونها

وإن شاء الله يارب يوصل وزنج للرقم الي تحبينه :eh_s(9):

وبالنسبه لنط الحبل .. هالرياضه وااااااااايد تضعف أذكر خالتي قبل عرسها من كم سنه ضعفت عليها وايد

وكل ما اخذلي حبل ما اسويها غرفتي ضيقه أخاف الحبل يعلق مكان واطيح لوووووووول استحي العب برا الغرفه حتى لو جدام خواتي :eh_s(22):

بزبز ربي يوفقج دنيا واخرة ان شاالله ويوفق عيالي وعيال المسلمين اجمعين ان شاالله
والله انا عايشة بعذاب متا يخلصون اعد الايام عد

آمين يارب :eh_s(7): تسلمين لولو

ههههههههه أحس الأمهات شايلين هم أكثر من العيال نفسهم والله وامي نفس الحاله كل يوم تعد باقي هالكثر وتخلصون وكل يومين تسألني متى آخر يوم لج لوول

الله يوفقنا ويوفق عيالج لولو وتفرحين بدرجاتهم ومعدلاتهم إن شاء الله :eh_s(7): وابشركم بمعدلي وإن شاء الله يارب يبيض الويه

الله يسلمج
موجوده واقرا سوالفكم الحلوة بس ما ادري شفني ما لي خلق اكتب رد
يبي لي طق

لوول مادري شو الحل ويا الكسل
أمس من التعب والإرهاق دشيت التجمع وقريت بس ما قدرت أرد لأني منسدحه واقرا وبس احرك اصبعي واطقطق عشان اتصفح لووووووول بس كتابه ومادري شو ماكنت اقدر

​

 

[شوكولاته&فانيلا]

هلا عيون ساره اشلونج حبيبتي

لولو شربي سفن اب وعلى طول راح تحسين انه انهضم وماتشوفين شر وبالعافية عليج باجي اليوم..​

 

[شوكولاته&فانيلا]

بزبز ايه حتى انا قبل كنت ملتزمة بنط الحبل وصارلي فتره عيزانه عنها لكن بحيل الله برجع لها شئ احسن من لاشئ

والله كريم​

 

[شوكولاته&فانيلا]

اليوم انا سوائل

تريقت برتقالتين

والغداء كوبين شوربة خضار بدون دهن ولا شعيرية ولاكريمة+كوب سلطة بدون زيت ((الزيوت تخرب السوائل))

العصر شربت عصير جوافه

المغرب شربت عصير تفاح

العشاء سلطة فاكهه ((قطعت تفاحه خضرا+برتقاله+صبيت عصير جوافه فوقهم))

وبجذيه خلص يوم السوائل حبي هالنظام حيل كلش مايحسسني بيوع

​

 

[ضي]

السلااام

شلونكم حبايبي؟؟


انا موعدي الاثنين بس شكلي باجله لي الثلاثا او الاربعا لانه ذكرت لازم اودي معاي فحص دم اكون توني مسويته فمايمديني اسويه

 

[LadY BuG 80]

هلا وغلا بزبز ماتفقدين غالي يالغالية الله يوفقج بالامتحانات والبريزنتيشنات انتي قدها وقدود​

وعلى نزول وزني انا خلاص رفعت الراية البيضاء مابقى شئ ماجربته الظاهر صاج ريلي يقول مافيج شئ ينزل غصب بتنزلين ​

هههههههه يالله مثل ماقلتي بحاول كثر ماقدر نزل نزل مانزل الحمد لله تحت الخط الاحمر ع قولتج ​

انا شاريه كاجوو قريت انا جم حبة باليوم تزيد معدل الحرق​

وشريت زيت بذرة الكتان برضو يحرق واضيفه للروب والسلطة والله كريم​

قاع احاول اخذ الاشياء اللي تحرق وبحاول ارجع لرياضة نط الحبل الوحيده اللي اقدر عليها حاليا وربي يقدرنا..​

وبسوي بحث اذا الاقي موقع لاخصائي تغذية عشان استشيره لأن حاليا​

ماقدر اراجع طبيب بنات امانة اللي بتروح هالفتره عند اخصائي​

خل تسأله تقوله اذا الشخص له سنه ونص مسوي رجيم او سنتين​

ووصل مرحلة خلاص ماقام ينزل الوزن شيسوي؟؟؟؟​

هلا ولله شوشو من طول الغيبات جاب الغنايم

:eh_s(7):

اليوم من اطفش رجعت اول اتجمع اقرى من اول صفحه نسينا بنات واجد كاتو معانه

ام منوره ,, طبعي خجوله و شفت مشاركاتك و قلت وينها طاسه فيه

و بنات كثييير اختفوا ,,,

اقول ليش ما تجربين اتمر و البن ,,,, مع اني كرهته لمن سويته بس لاني على ادشتي اصير اشتهي اتمر يم يم ,,, لمن اثبت راح ادخل تمر بعض الوجبات احببببه

اليوم رحت الجم و حسيت المدربات يتلفتون علي ,,, قلت يمكن لاني ضعفت عن اخر مره شافوني ,, بس لمحت نفسي على مرايه النادي و انا اتمرن :eh_s(2): وجهييي ضعيف و شكلي تعبانه

اتمني الكريم يعطي نتيجه ,,, بينت كبيره :eh_s(16): شكل بوقف على ال 57 خلاص ,,, ولله بين علي اني داخله الاربعين ,,, بذات من عند عيوني و خدودي الي فشو و عضمت الخد برزت ...

بسوي ماسك الحلبه و الخميره اتمني يربرب وجهي حتى لو شويه :eh_s(11):​

 

[LadY BuG 80]

اليوم الجمعه 27 - 5 - 2011


2 كوب ماء على اريق


فطرت راب خس مسحت داخله نص كيري و 1 ملعقه فتا تشيز مفتت رشه زعتر نص معلقه صغيره زيت زيتون 5 شرايح خيار و شريحتين طماط
+ شاي احمر بلقرفه

غداي اليوم نص صينيه دجاج مع باذنجان طريقه من وحده عاى ادشتي من تجمع صبوره

لذييييييييييييييذه


اول طبقه شرايح باذنجان محمر

ثاني طبقه حمسة دجاج

اخر شي اصلصه البيضه ( ا م قشطه 1 جبنه سائله 2 م مايونيز ) ​

قبل اتحمير
​

يمييي

بعد اتحمير

لحظت الهجوم

​

تغديت نص اصينيه
​

و هاذا الي خليته

بعد الغدا بساعتين و نص رحت النادي

سويت سترتشينج

مشيت نص ساعه ( ورم اب اليوم بس )

و تجديف 5 دقايق

و تمارين رجول و افخاذ و بطن نص ساعه

و ختمتها سترتشينج ( عشان بكره ما يجيني شد عضلي مالي خلق امشي مثل البطريق على قولت مزمز )

عشاي كوب كوفي هاف هاف

و الحمدلله تم يومي :eh_s(7):
​

 

[LadY BuG 80]

فروحه فتحت التجمع

http://www.q8yat.com/showthread.php?p=24569937&posted=1#post24569937​

 

[BiiShOoO]

السلاااام عليكم

شلونكم شخباركم

ولكمو ابنات الي ردوا

لولو و مزمز سلااامات ما تشوووفوون شر