Yes We Can Do It " Lets Go Girls ( part 2)

[simple.girly]

125.5

 

[B7rainia]

ان شاء الله تنزلين وكلنا ننزل بس انا استانس اذا نزل بطيء لانه قالولي اذا نزل بطيء مايرجع بسرعة هع

 

[فواصل]

بنات عندي سؤال.. الحين انا اذا رحت كوستا او ستاربكس او كاريبو او سينابون او واحد من هالمحلات يعني شطلب؟ طبعا اقصد شرب مو اكل

اكيد مابحط شكر او اذا كلش كلش بحط شوي بس شنو اطلب؟ يعني شنو الشي الي مايمتن؟ خخخخخخخخخخخخخخخخ

انا احب الموكا بس يتراوالي يمتن؟ اطلب كبتشينو احسن؟؟

وابتعد عن الاشيه الباردة صح؟ لان اوردي يحطون فيها شكر

انا دايما اطلب كابتشينو بس بحليب خالي الدسم و بدون كريمة نهائيا

وعدد السعرات يكون 50 سعرة حرارية

 

[فواصل]

طبعا الحجم الصغير من ستاربكس

 

[فواصل]

السناك


عبارة عن 3 حبات معمول بحجم الميني بالتمر


ونسكافيه بسكر خفيف و ماي

 

[عيون سارة]

ضي شفت

لا تتطلعين
بنات انا حايشني اكتئاب ما تشوفوني ما صرت ادش وايد

ابي انزل وزني حتى لو انا حامل ساعدوني تكفون
ومثل ما ام عامر خل نصور الاكل اصحي

الى ناكله
امس وانا ارتب اغراضي لقيت سي دي رياضه حوامل
ببدا فيه

يله بنات
تشجيع وخصوصا حقي حق ام كرشه

 

[B7rainia]

اي حلوة فكرة التصوير

فواصل جنه فشلة اقولهم حليب خالي الدسم بيقولون شتبي ذي خخخخخخخخخخخ بس بعد في سبيل الرشاقة عااادي

غداي شوربة دياي بس حطيت لي تقريبا وايد وحطيت فوقه ليمون + عصير ندى ليمون وكيوي + قطعتين صغااار يح مادري تسمونه يح ولا شي ثاني بس اهوا اختراع كبير من برع اخضر ومن داخل احمر

 

[شوكولاته&فانيلا]

السلام عليكم اشلونكم بنات​

بالنسبة حق الصور والقرقه البنات ماشاء الله كل وحده قالت رد ​

انا بصراحة أحس عادي اشدعوه.. كلنا نشتهي شغلات سواء احد حط صور او محد حط صور​

والصور والمغريات حوالينا مثل ماقلتي ياكوتن اعلانات مطاعم تي في وكل شئ فيه اغراءات يعني اوقفت عالتجمع وبعدين​

البنات نادرا يحطون صور وهذاك اليوم حطوها من باب الغشمره كل وحده مشتهية شنو والثانيه تلبيه لها بالصور فقط لاغير يعني​

محد فيهم خربطت وجت تورينا وش كلت بخربطتها بالصور ! ​

يابنات احنا لازم نتعلم انه يكون عندنا عادي نشوف الاكل لازم نكون عادات اتجاه الأكل نشتهي شئ معين ونحدد له يوم معين نآكله​

ونطفي هالشهوة وخلاص احد حط صورة تشوق لازم نتعلم اشلون ماتأثر فينا هالصورة احنا خلاص نبي نكون غير مثل مانزلنا​

وزننا نبي نحافظ عليه ونبي نتغير ..​

زمان واحنا بطااات كنا نضعف لأدنى سبب ونبلع ونبلع الين صرنا بطات بس الحين دام نحفنا​

او البنات اللي توهم ببداية الطريق بعد لازم من الحين تغيير عاداتها سواء في الاكل او في التعامل مع مايخص الأكل من صور​

وغيره تصدقون يابنات انا بس تجي اعلانات حق مطاعم اللي مع الجرايد اذا شئ شوقني احتفظ بالقصاصه عشان لما اخذ فري​

اشتري من هالمطعم بتقولون ليش التعذيب وخاشه هالمطعم بالعكس الواحد يتشوق انه يستمر ويحقق شئ عقب يآخذ نفس ​

من الرجيم ويآكل شئ بخاطره عقب يكمل بكل نشاط وهمة​

انا مابي اتفلسف على حد لأن انا ساعات برضو تحوشني نفس حالتكم وأخس بعد كوني اصلا نزلت وزن كثير ومستمره بالرجيم ​

لي زمااان فخلاص نفسي لاعت من الرجيم بس شنسوي هذا مكتوب علينا اننا بطات ونعاني عشان ننزل الكيلو والكيلوين فلازم​

الجهاد في حياتنا ..​

وسالفه القرقه لازم قرقه وعلى قوله مزمز اسمه تجمع لازم الوحده تقرق مع الثانيه لأن خلال سطور القرقه يكمن التشجيع​

فاللي مو فاضيه عادي طاف لاتقرأ انا يوم مرضت من الرجيم الاخير مادشيت وطافتني صفحات وايد ماقدرت اقرأ كل شئ فعادي​

ومثل ماقلتي ياكوتن اي شئ مهم يطوف الوحده اكيد الثانيه بتدزه لها عالخاص عشان تكون ضمن الاحداث ..​

وسامحوني اذا زليت بكلمة بس كلام بقلبي وطلعته وابيكم تستفيدون..​

خلونا كلنا نكون اقوياء ومايهزنا لاصور الاكل ولا سوالف الاكل​

اي شئ بخاطرنا واشتهيناه نحدد له يوم معين ونطفي هالشهوة ونرجع للرجيم بسلام​

حسينا روحنا وصلنا لمرحلة الملل مو قادرين نكمل نآخذ نظام تثبيت عندي لعبد الله المطوع على هالرابط هو طبيب وعارف اشلون​

الواحد تحوشه حاله ملل ويخربط فحط هالنظام عشان نآخذ بور ونكمل بكل همة ونشاط :

http://www.q8yat.com/t540318.html#post14404481​

كل وحده تحط في بالها انه هي تبي شئ مالها شغل باللي تتشهوى ولا تحط صور على قولة مزمز كل وحده عقلها براسها وتعرف​

خلاصها احنا بشر نعب من الحرمان ايه بس لازم نقنع نفسنا انه مو حرمان انه صحة وعافية صدقوني احساس الوحده بالحرمان​

وانها غير عن الباقين يخليها تكسر خاطر نفسها وهالاحساس قاتل فنصيحة لاتكسرين خاطر نفسج ابد خليج طبيعية عشان ترتاحين​

طبعا كلامي كله موجه للكل وأولكم أنا كلام ان شاء الله نستفيد منه ونجاهد كلنا ونساعد بعض والله ويانا

وعلى فكرة ترى انا اشتهيت الفرايز اللي من شيليز لووووول عادي حاطه في بالي بستمر بالرجيم

ولتعبت بأخذ فري اكلها وارجع للرجيم ان شاء الله جذي لازم نتعامل مع الموضوع ونأخذها ببساطة

عشان مانتعب في درب الرجيم والحياة حلوة :eh_s(7):

وسامحوني اذا زليت بكلمة بس والله حبيت نستفيد كلنا

وانا أعاني قبل ماانتوا تعانون بس بنحاول نتغير للأفضل

والله ادعي لكم جميعا من كل قلبي لما ادعي حق نفسي

والله يشهد على كلامي

موفقين يارب واحبكم والله لايحرمني منكم:33_1185028183:​

 

[om l3yal]

شلونكم يا حلوات
ام عمووووور كلامج عجبني يالغالية بس ها مو تردين بكلمتج جلج معاي لييي 69 مفهوم
بحرينية طلبي سكم لاتيه دي كاف واااايد حلو وخفيف وحطي كيس واحد سويت اند لو
سارونة ربي يتمم عليج يالغالية

 

[فواصل]

بحرينية


عادي انا كله اطلبه في ستاربكس ولا كوستا ولا يقولون لي شي


الحين بقية يومياتي


الغداء


سلطة خضراء و مجبوس دياي بس مغرفة وحدة


السناك

قهوة


معمول تمر بالبر

=مادري شفيني على المعمول اليوم @@

 

[om l3yal]

شوشو شلونج
كلامج 100٪100 صح
ووجهة نظر كوتن هم صح خصوصا انها تعاني من الام ومرض ربي يشفيها
يمكن اهي قالت كلمة سوبر ليدي تصدقين حسيت نفسي سوبر ليدي فعلا لاني اشتهي الشي واروح لين عنده بس من تصير الصجية واوصل او احطه بصحني ابد ماقرب منه يمكن انا تكون لي ظروفي الخاصة عنكم مادري بس حتا الكاكاو والله امس مسكت قطعة كاكاو فريرو روشيه اطالعها وقعدت اكلمها جنها تسمعني او تفهمنتي اقولها اكلج بعدين اوخرها بنتي تقولي ليش اكليها حرام تحرمين نفسج اقولها لا حرام مسكينه خليها عايشة علا قيد الحياة والله اني ما اكلتها لان ابالي بطلع مع عيالي عشا رحنا فرايديز طلبنا ناتشوز وبافلو جكن وتويستر وربيان بالبقصماط ودياي بالمشروم
والله اللي اكلته قطعة ناتشوز قعد اكلها علا اقل من مهلي علشان اشبع بسرعة لان سرعة الاكل تودي الي البطء في الشبع يعني ما تشبعين بسرعة بعدها اكلت قطعة دياية اصغر من حجم الاصبع وقطعة بطاط وربيانة وحدة اكلتها علا ثلاث دفعات وشبعت الحمدلله عيالي طلبوا حلوا مجرد ذقته وشبعت رغبتي في الاكل
نفس ماقلتي سنين اربي بشحومي شنو استفدت غير الامراض ولا شي طبعا قبل العشا شربت اعشاب ام عامر علشان اسد يوعي واشبع من الاكل بسرعة

 

[om l3yal]

يومياتي امس شربت ثلاث بطول ماي علا الريج
سكم لاتيه
الغدا حطيت لي قفشتين سلطة شمندر بالذرة وحبتين ميت بولز وقفشين خضار
اكلت السلطة ونص الخضار وماقدرت اكمل حبة ميت بول
المغرب شربت اعشاب صوصة وتعشيت بفرايديز وعقب كملت علا الاعشاب

 

[om l3yal]

يومياتي اليوم
شربت ثلاث بطول ماي
بعدين شربت اعشاب صوصة والغدا كان قفشة ونص حمسة سبانخ طريقة الغالية كوتن بس بدون لحم مع نص قفشة عيش شبنت وقفشتين سلطة روب بالخيار
المغرب راح اخذ سكم لاتيه من ستاربكس والعشا مادري شكله حبة فاكهة والحمد لله الذي اطعمنا وسقانا وجعلنا مسلمين

 

[صبرت ومل الصبر]

مرحبا شلونكم بنات

 

[الحراير]

مرحبــــــــــــــــــا بنات شلووووووونكم


ادري اني مقصره ولي يومين مادخل التجمع بس كنت تعبانه وعيوني فيها فايروس واتعب اذا قعدت عالابتوب

بس الحمدلله للحين علي الرجيم وماخربط والله يثبت ارادتنا ونضعف بصحه وعافيه يارب

 

[صبرت ومل الصبر]

هلا حروره شلونج ماتشوفين شر حبيبتى

 

[الحراير]

هلا حروره شلونج ماتشوفين شر حبيبتى

هلا ياحياتي

والشر مايجيج ياحياتي انتي شلووووووونج

 

[صبرت ومل الصبر]

يومياتى حق ثلاث الايام

الفطور لبنه --------توست 1--------------خيار

الغداء صدر دجاجه مشوي -----------صحن سلطه

العشاء عصير برتقال ---------- روب خالى الدسم

والى عجبها النضام تبدا فيه بدون تخريط

 

[صبرت ومل الصبر]

هلا ياحياتي

والشر مايجيج ياحياتي انتي شلووووووونج

انا بخير الله يسلمك :rerrerek:

 

[شوكولاته&فانيلا]

صبوره بالعافية حبيبتي

حروره سلامات يالغالية ماتشوفين شر..
​