Yes We Can Do It " Lets Go Girls ( part 2)

[فواصل]

مساء الخير


شخباركم


العشا


كنت معزومة بس مسكت نفسي فما كثرت من الاكل



اليوم

الريوق =كورن فليكس


السناك

ماي + كابتشينو بدون سكر

الغداء

سلطة دجاج مشوي و شوربة كويكر بالخضار


السناك


حبة كنافة مبرومة (ميني)


عصير جريب فروت

 

[شوكولاته&فانيلا]

السلام عليكم بناات

بروووووت نورتي الكويت والتجمع صج صج كان مكانج خالي خاصه تالي الليل واحنا نايمين وانتي تسولفين مع ضيونه

غاب هلا وغلا حياج الله معانا وشدي الحيل موفقه خير يارب

ام عامر اشلونج اليوم شخبارج

لولو انا ماراح اتجرأ اخمن اخاف تقطين علي كم كيلو لوووووووووووول

بزبز سلامتج ياقلبي وان شاء الله ري يشافيج ويعافيج انتبهي لنفسج وخليج مداومة عالعلاج عشان تصيرين زينة..

سمبل حياج معنا وشدي حيلج حبيبتي وان شاء الله بتضعفين بصحة وعافية ياقلبي..
​

صبوره بالعافية حبيبتي

زيونه وينج مختفيه؟؟؟وعطوفه بعد ومزمز وينكم؟؟



​

 

[شوكولاته&فانيلا]

امس ماكتبت شنو اكلت:​

ريوقي كان ربع خبز ايراني+جبن ورشة زعتر​

الغداء آش​

والسناك ويفر ابو نجوم اذا تذكرونه<<شخباااااري لوووووووول احبه لأنه صغير وخفيف ولذيذ ,,​

العشاء كورن فلكس بدال كوب اكلت بس نص كوب +حليب واكلت بسكوتتين غطستهم بالحليب وهو حاار..​

.........​

اليوم تريقت صمونه هوت دوق بجبن ورشة زعتر وخيار وطماط​

الغداء سمك +تفاحه​

السناك ميني ككاو شاريه جيس فيه كذا نوع في حال اشتهيت ككاو والكالوري في كل واحد اقل من 90 كالوري ويمكن آكل بسكوت للحين مااخترت على حسب شنو مشتهية عقب​

العشاء روب +حبتين تمر+تفاحه ​

 

[ALMZa^_^JeYa]

اليوم اليوم السبت 23 - 4 - 2011​

2 كوب ماء على اريق ​

فطرت ا توست دايت نص م جبنه فلادلفيا فات فري و نص م بلو بيري جام لدايت و شاي حليب كل شس فيه دايت و منزوع ​

​

اكلت وراه 3 حبات بلاك بيري ( يغسل الجسم من اسموم )​

​

قعدت اتلوى من بطني و رحت اتكرمشت على الكنبه و نمت ساعتين و نص ​

قمت جوعانه و بردانه و اكلت سيريل شوفان بلقرقه و اتفاح ( نفس نكهة الابل باي ) لذيذ الكميه الي في الاكياس نتيفه ام 120 سعره حراريه ​

​

بطني ارتاح شوي بعد ساعتين قمت اتلوى من الالم , فاكتشفت انه كل ما فضت المعده اتألم يعني لازم يكون شي في بطني كل ساعتين :eh_s(16): لو قسمت وجباتي كان بيهدا , مع اني ماكله 5 مرات يعني المفروض امشي و اكل و اشياء صغيره يعني نتف ما تشبع لاني لو اشبع كل مره راح امتن :eh_s(11):​

​

و بعد ساعه و نص
تلويت الم و لمن زاد قمت بسرعه اكل كوكي مع شاي حليب ( بسكويت الياف ملينه ) ​

​

و قعدت ساعه و اضايقت من الالم رحت اتكرمش على الكنبه و نمت ثاني ساعه و نص ​

قمت من انوم اسوي غساله و بطني عصرررررررررررررني بس هلمره اقوى شي قمت ابكييييي اشرب مويه و ابكيييي و ابلع شابوره ولله الاكل ما له نفسسسس مع الالم حالي يصعب على اليهود ​

طفحت 4 من هذيلا ​

​

و الحين انزل يومياتي و توني مخلصه اكل لو اصبر ساعه ما راح اقدر اكتب حرف ​

مجموع اليوم = 727 كالوري ​

تصبحون على خيييييييييييييييييير :eh_s(17):​

علييج بالعافيه حبيبتي

وعسى ربي يشفيج ويهون عليج ياااارب

بالنسبه لي


انا اليوم تغديت مله كاااااامله مرقة عدس مع ليموووووون يممممي

و3 قفشات عيش عن خاطري

والمغرب يعت كليت سبااااااال وابشررركم خللللللص وماراح اشتري بعد


بعدها بشوي حسيت ابي شي حلو جان اكل كيك بس خفيف ----- 100 سعره اهوا للرجيم

وطبعا جاي وماي وسلاااامتكم

عوااافي حبيبتي

يوومج تماااام

هاي بنات شلونكم؟ شخباركم؟

حدي حدي ولهاااااانه عليكم، قبل لا أقرا ال٤٠ صفحة اللي طافتني قلت خل أسلم عليكم

يوم السفرة، وصلت دبي الساعة ١ الفير وكان على طيارتي تأخير كالعادة، فتأخرت عالطيارة اللي رادة الكويت، اهما عادةً ينطرون اللي يايين من رحلة ثانية، بس هالمرة على حظي ما نطروا، جان يغيرون لي الرحلة، (طبعاً عقب ما مشيت مشي سريع جداً نص ساعة من طيارتي لي الgate!!) ورحلتي الثانية كانت الساعة ٧:٤٥ -.- وانا كنت ناويه أرجع أنام، أروح الصالون الصبح بس باءت خططي بالفشل، ورحت يمعة بيت أهلي أمي موتتني من الصحك كانت حدها مصدومة، رجعت البيت لأني كنت سهرانه يوم كامل وحدي دايخه ونمت عشان جذي ما مداني أطل عليكم

وأمس قعدت من النوم تريقت ويا زوجي بعدين رحت الصالون ورجعت العصر وخذيت شاور وبغينا نطلع آنا وزوجي بس أمي دقت قالت إن خالاتي يايين عندنا بيسلمون علي ورحت ورجعت متأخر فهم ما مداني أطل عليكم

وإن شاء الله من اليوم راح أقرق عليكم

يالله خل أقرا سوالفكم :*

الحمدلله على سلاااامتج

ونورتي الكويت والتجمع حبيبتي

والله لج وحشه يا وحشه

السلام عليكم ورحمة الله وبركاته ... صبحكم الله بالخير والسرور ...
تريقت 3 تمرات- وشربت ماي والله يصبرني لي الغدا ادعولي ما اكل شي ان شاء الله ... ولها بالدوام ...

بنات الحين شلون الطريقة مجموعات ولا بس اندز الوزن يوم الميزان ... واي حسيت يوم الميزان جنه يوم القيامه ...

وعليكم السلام

بالعافيه ما كليتي حبوبه

لاا حبيبتي مو مجموعات كل وحده بروحها

وتطرشين الوزن كل اربعا حق كوتون

الله يسلمج ضيون

لوووول ليش تحرجيني؟

الصراحة ما كنت ملتزمة، لما رحت المطار كليت من برجر كنج مع إني ماحب الفاست الفود، بس من التعب إذا تذكرين كان عندي شغل من الصبح ورحت لندن وما رجعت إلا الساعة ١٢، رجعت أنظف وأرتب وأسوي جنطتي ورحت المطار... << يعني برقع حق روحي لوول

طلبت فش ميل، بس ما عجبتني الساندوج كليت ربعها وطبعاً كليت البطاط وشربت سفن آب
اي طبعاً حسيت بالذنب ولا أشوف بالمطار المحل اللي يبيع أكل أورجانك وشريت منه المشروب اللي يحرق ٢٠٠ سعرة (مع إني ما أصدق، بس أحاول لوول) وبالطيارة ما كنت يوعانه بس كليت فواكه (فراولة، شمام، كيوي، أناناس، عنب...) اي وبعدين شربت عصير تفاح وكليت الثلج يومها مادري شفيني عالثلج
بمطار دبي من كثر ما كنت محترة إن الطيارة مشت عني، رحت كليت بنك بيري ميديوم أوريجينال بدون ولا شي
وعقب ما تمشيت كليت دارك جوكليت كنت يايبته معاي في حال إن وبعدين قبل الرحلة هم رحت شربت ماي وقلاص ثلج شكبره وقعدت آكل ثلج

لما وصلت الكويت ريلي كل شوي يسألني شنو تبين تتريقين قلتله مابي شي جان يقولي شربي حليب ككاو لووول (أدري كثرتها سويتز)

وباليمعة كانوا مسوين باربيكيو، كليت تبولة وقلوب وسيخ واحد دياي وعرايس وحمص
أما الحلو بس قفشة صغيرة كيك

وعقبها قهوة عربية وبس

أما أمس تريقت توست أسمر وتيركي فات فري، ما تغديت، وتعشيت سلطة وصمونه شاورما دياي وصمونه فلافل وبيديان وشربت شاني

توني وزنت ولا وزني ١٠٢.٩، مابي أخرب، من أمس قاعده أحن علي ريلي يالله ودني فليكس خل أشترك وطبعاً برد أسوي رجيم
وقاعد يقولي طولي بالجم وشوفي إذا عندهم personal trainers خل يجابلونج ساعة كل يوم، بشوف أسألهم بجم الساعة، اهوا مشترك بفليكس وقالي إن طبقوا هالنظام عندهم فمادري إذا الجم النسائي طبقوه بعد

احنا قلنا اكيد عافسه الدنيا

بس خلاص اعتبري هاليوم اووف وبلشي جد من اليوم

وبالعافيه ما كليتي

بوبو حبيبتي التزمي لا تننسين الوزن اللي نزلتيه حرام تردينه

ولا تنسين انج معطيتنا كلمة رياييل يعني انتي قدها وقدود

 

[om l3yal]

مزمز شلونج
وينج امس مابينتي

 

[ALMZa^_^JeYa]

مرحباااا يا رشيقات

وحشتووووني


امس ما دخلت لاني كنت بزي واصلا مزاجي متعكر من هالحلوه لاعبه بأعصابي لعب استغفر الله


المهم امس يومي كان تمام


امس يمعة حمولتي وكان الغدا مجبوس لحم وفقع

كليت قفشتين عيش و4 حبات فقع صغااار وقطعة لحم قد صبعين تقريبا وسلطه


طبعا بعد الغدا على طوول بطني قام يعورني بسبة العيش يمكن

وتكرمون على طووول عالحمام وجني ما كليت شي

وشربت ماي بعد الغدا


المغرب حسيت بيوع بس طنشت روحي

وعال11 يمكن ما تحملت اليوع لاني معدتي فااااضيه

سويتلي توستتين سمر مع جبن سلايس لايت وحبة مرتديلا وبيضه مقلية بمسحة زيت زيتون


وبعدها هم حسيت ودي اكل والله شعوري كان سخيف ناحية الاكل

قمت سويتلي كابشينو لايت والحمدلله سد نفسي





واليوم قعدت متأخره حييل

كان الغدا ملفوف طبعا كليت حبه وما عجبني بعد الله يزيد النعمه

والحين سويتلي كورن فلكس فتنيس وحليب نص دسم

والحمدلله رب العالمين

 

[ALMZa^_^JeYa]

هلااا لولو حبيبتي والله كنت لاهيه شووي


شوشو حبيبتي

فديت اللي فاقدني

 

[شوكولاته&فانيلا]

بالعافية مزمز والله يعينا احنا الحريم عالدورة حتى انا ناطرتها وجنها بدت تلعب بأعصابي وتنكد علي..​

 

[شوكولاته&فانيلا]

فديت روحج والله:eh_s(7):​

 

[ALMZa^_^JeYa]

الله يعافيج شوشو حبيبتي

اي والله الدوره مرات تييب الاعصاب

بس هالشهر صايره معاي بزود

كل مره اول يوم ولا يومين وخلاص اطخ

هالشهر مسببتلي ازمه

كله معصبه ومالي خلق واحس بخمول وكسل

ونفسي بطرف خشمي <<< زين ما اطق اللي جدامي

لووووووووووول

 

[ALMZa^_^JeYa]

اي صح لولو نسيت اباركلج على بنطروونج

ما شاء الله لا اله الا الله محمد رسول

اسم الله عليج الرحمن الرحيم

اسم الله حوولج وحواليج

مبروووووك حبيبتي وعقبال ما تشوفين المقاس الاصغر منه

والله صج شعور حلوو

انا بنطروناتي وسعت علي صج بس ما يوصلون اني امدهم جذي

بس اسمي اني ما اقدر البسهم بدون حزام لانهم يخقوون

وانا اغلب بنطروناتي من فوق سيور << من حملت تعودت عليهم وقمت اسوي كل بنطروناتي بسيور

والله عندي بنطرون من فوق سير والله ان حتى اهوه صار يخق مني

حتى امي تقولي شكله من ورا يضحك شلون مدندل من تحت

قلت لها اي متعمده اوريكم ياه عشان تحسون اني ضعفانه صج

لووووووووووووووووول

 

[فواصل]

السناك


كوب اميركان كوفي بدون سكر ولا حليب

حبة معمول بر بالتمر

 

[فواصل]

وانا بعد انطر هالدورة

:$

الله يعين

 

[ALMZa^_^JeYa]

فواصل

بالعاافيه حبيبتي

والله يعينج عالدوره

 

[شوكولاته&فانيلا]

فواصل بالعافية عليج

كتونه اشوفج تحت طلي علينا طلي اشلونج طمنينا عليج اليوم ان شاء الله احسن؟​

 

[LadY BuG 80]

هاي بنات شلونكم؟ شخباركم؟

حدي حدي ولهاااااانه عليكم، قبل لا أقرا ال٤٠ صفحة اللي طافتني قلت خل أسلم عليكم

يوم السفرة، وصلت دبي الساعة ١ الفير وكان على طيارتي تأخير كالعادة، فتأخرت عالطيارة اللي رادة الكويت، اهما عادةً ينطرون اللي يايين من رحلة ثانية، بس هالمرة على حظي ما نطروا، جان يغيرون لي الرحلة، (طبعاً عقب ما مشيت مشي سريع جداً نص ساعة من طيارتي لي الgate!!) ورحلتي الثانية كانت الساعة ٧:٤٥ -.- وانا كنت ناويه أرجع أنام، أروح الصالون الصبح بس باءت خططي بالفشل، ورحت يمعة بيت أهلي أمي موتتني من الصحك كانت حدها مصدومة، رجعت البيت لأني كنت سهرانه يوم كامل وحدي دايخه ونمت عشان جذي ما مداني أطل عليكم

وأمس قعدت من النوم تريقت ويا زوجي بعدين رحت الصالون ورجعت العصر وخذيت شاور وبغينا نطلع آنا وزوجي بس أمي دقت قالت إن خالاتي يايين عندنا بيسلمون علي ورحت ورجعت متأخر فهم ما مداني أطل عليكم

وإن شاء الله من اليوم راح أقرق عليكم

يالله خل أقرا سوالفكم :*

برااااااااااااااااااااااااااااااااااااااااااااااااااااااااات حبيبتيييييييي

الف حمدلله على اسلامه نورتي الكويت شارع شارع زنقه زنقه

الحمدلله قرت عيونهم بشوفتك :eh_s(7): اقرى الي طافني و جايتكم ,,, و الحمدلله اليوم احسن من امس

ولله ما اخبص ثاني توبه دفعت اثمن

من انهرده مافيشششش تخبيص

من انهرده مافيش بلعات

محشي ....

مافيش دا كماااااان

عورتي بطنيييي :eh_s(16):.. جرح الكروش غاااااااااااااااااااااااااااااااللللي ​

 

[rymyy]

برااااااااات نورتي الكويت وحمد الله على السلامه


وكوووووووووووووووتن:eh_s(14): الحين انتي ليش قاعده تتلوين بالبيت ليش ماتروحين المستشفى؟؟؟؟؟؟؟
ولا تبيني اجي ووديج؟:eh_s(10):

 

[شوكولاته&فانيلا]

الحمد لله كتون انج صرتي احسن اليوم اجر وعافية حبيبتي​

 

[ALMZa^_^JeYa]

كتوون حبيبتي

اذا حسيتي بعوار معدتج حاولي تشربين حليب بااارد بدون شكر

والله ترتاح معدتج واايد

والله يصبرج لي موعد المنظار

 

[Lady <3 A]

مرحباااا :eh_s(7):

شلونكم شخباركم :eh_s(7):

بالعافيه عليكم ما كلتو :eh_s(7):

.

اليوم الصبح شربت كوب حليب قليل الدسم وكلت قطعتين صغار ماربل كيك
والضحى شربت كابتشينو
والظهر اكلت بسكوتة دايجستف لايت

وقبل شوي



شاي + قطعة صمون تبع باباروتي مادري اذا عندكم هالكافيه ولا لا
لذيييييييذ شويه عليه كل مشروب تطلبونه تكون معاه هالصمونه فيها شكر وداخلها جبن بس خفيفه
(حسيت بتأنيب الضمير بس احبه وثاني مره اجربه وميته من اليوع قلت مابي اخربط وباكله وع العشا ان شاء الله بحاول امسك نفسي وما بكثر :\)
وعلى فكره مو انا الي شاريته رديت البيت شفته على سريري اختي يايبته لي لووووووول

​