OoOoO تجمـع قسـايـم صبــاح الاحمــد OoOoO / تم دمج المواضيع

[eman12]

اشرايكم حبايبي بموضوع الشتر في ناس تقول ضروره وناس تقول مامنه فايده

 

[كارلوفي فاري]

الله يجزاج خييير. معناته ١٦٠ ان شالله تكفي. وبالنسبه للشتر توني اسولف مع رفيجتي توها مخلصه قسيمتها. ومكلف فوق ٣٠٠٠ تقول مهم حييل خصوصا ان جونا على طول غبار. وتقول لما تسافرين يفكج من التراب

 

[كارلوفي فاري]

الله يجزاج خييير. معناته 160 ان شالله تكفي. وبالنسبه للشتر توني اسولف مع رفيجتي توها مخلصه قسيمتها. ومكلف فوق 3000 تقول مهم حييل خصوصا ان جونا على طول غبار. وتقول لما تسافرين يفكج من التراب

 

[eman12]

حبيبتي اساليها ما عليج امر 3000 الكهرائي والا العادي وين الشركه اللي مسويه عندها

 

[كارلوفي فاري]

رفيجتي قسيمتها فابو فطيره. فاتوقع تختلف عن صباح الاحمد واسال لج. واتوقع الكهربائ. هي اطلعت اللحين. عن قريب ارد لج الخبر. بس خلونا متواصليين

 

[تواقه للجنه]

احنا للحين بالخريطه نعدل ماسوينا سرداب لان المساحه تكفي امس رحت المنطقه والله ماشاءالله ناسوا خلصوا شغلهم وبيوت الحكومه خلصت بمدارسها ومساجدها بس بقي التوزيع

 

[eman12]

انشالله حبيبتي والله انا اشبك بس بالدوام فاذا شفتوني اصبح عليكم عرفوا اني مداومه
ماشالله عليهم حريم سكان مدينه جابر مسوين لهم قروب بالواتساب و جمعه شهريه ومتكفله فيها وحده ومجمعه الجارات والله اني اسمع عنها واقول الله يبارك لها مجمعه الجارات من فرجان مو بس فريجها وعسا مايقصر احد شي الا تواصلوا مثل مدرسين خصوصين حق عيالهم و العمال لي اخترب شي عندهم فمو حاسين بنقص في منطقتهم مع انها لازالت تنقصها الخدمات
ياريت يكون عندنا نفسهم حتي نتعاون خاصه ان منطقتنا قريبه انشالله ربنا يسر امورنا ومانحتاج شي وتكون منطقتنا متكامله

 

[كارلوفي فاري]

الله كريم ربي يتمم على خيير. بس مايمعتوا بالحسبات التقريبه للبنيان. وكم تقريبا زدتوا فوق الحسبه

 

[eman12]

هلا فيج حبيبتي تواقه
انتي اي قطاع
وصاجه بيوت الحكومه شبه خالصين حتي خدماتهم والمساجد والجمعيه ماشالله خالصه

 

[كارلوفي فاري]

انا صراحه ماعندي مانع نسوي قروب بالواتس اب. بس المهم نفيد ونستفيد. وياليت اغلى حبيبه وصديقات التجمع الباقيات يفيدوونا

 

[eman12]

اي والله ياليت

 

[تواقه للجنه]

انا قطاع بي 2 او 1 وماعندي مانع قروب واتس اب

 

[تواقه للجنه]

انا متفاأل بالمدينه وحتى شكثر من ربعنا معانا في المنطقه والله يكتب الي فيه الخير لنا

 

[أغلى حبيبه]

مساكم الله بالخير والنور

شلونكم عساكم بخير

مبرووك للي صبت الاعمده واللي بعدها بالخريطه الله يسهل امورها

حلوه فكره الواتساب اللي تبي اطرشلي رساله اطرش لها رقمي

واي سؤال انا بالخدمه

 

[روان_الكويت]

صباح الخير جميعا
واخيرا رديتو للتجمع لي ظاق خلقي قريت تجمعكم من بدايته فعارفتكم وحده وحده
زوجي راح بالويك اند الي طاف لمدينه صباح ماشالله اكثرو زادو واحد حاط خيمته بقطاعنا بيحفر كل ما اكثروا شجعونا لان ماودنا نكون من اول الناس
وبيوت الحكومه الحين يعدلون الي خلصو في بيت حوشه الظاهر خرب شالو الطابوق ودفنوه ويدكونه بالسياره عشان يركبونه مره ثانيه وقطعه سيارات التنظيف داخلها قاعدين يجهزونهم عشان الاستلام قرب

 

[روان_الكويت]

اذا بتسوون قروب انا معاكم
اتوقع فايده القروب بتكون افيد وقت التشطيبات والتاثيث

كاروفولي ما نصحج بالسرداب اذا ما عندكم ميزانيه السرداب بروحه ٤٥ الف اذا عندج ميزانيه عليكم بالعافيه انا شخصيا لغيت فكرته وحطيت حوش ٤ بعرض اكثر من نص البيت لانه صاله بطلعها عالسور عشان تكون كبيره
وبشوف اذا يصير احطه ٤ ونص بعد احسن يعني صار عرس عزيمه حق البوفيه

 

[روان_الكويت]

تواقه انا نفسج حيل متفائله بالمنطقه الله يرزقنا البيت المبارك
ومن يسكنون الحكومه بتحيا المنطقه والكهربا تشب

 

[eman12]

صبحكم الله بالخير
اشلونكم الجارات العزيزات

 

[تواقه للجنه]

ياهلا بجاراتنا في صباح الاحمد

 

[تواقه للجنه]

انا ماسويت سرداب بس حطيت حوش 6ونص بعشرين علشان بيتي يطل ان شاء الله على حوش ويكون شرح بس كبرت حجم الدرايش علشان تكون الاطلاله حلوه لما احط زرع وقعده خارجيه وسويت استقبالي منعزل من البيت وفتحت كل الصالات ان شاء الله يطلع مثل ماابيه