November BaBies 2011 .... أحلى بيبيز

[ضحكت حبيبي]

جبور ياتفكيري نفس تفكيرج

او تفكيرج نفس تفكيري

اختاري

لوووووول


تبطي

عرض الانجازات لابد منه

 

[انجبر قلبي]

باقيلي يومين و اتخرج

ادموع الفرح :"(

 

[تبطي عظم!]

جبور مبرووووك الف مبروووك

ضايق خلقي بنات لي متى موجت الخناق هذي ودي اخذلي فترة نقاهه من زوجي صايرين واجد نتهاوش قبل شحلاتنا مانعرف الهواش

الحين من طلعت من الاربعين هواشنا صار ماصخ كل يوم نزعل من بعض الحين اهو مايكلمني وهو غلطان يعني وبعدين

 

[ضحكت حبيبي]

جبور مبروووك

تبطي

لازم تيي هالفتره بس لاتساليني ليش لازم

انتي تعبانه نفسيه وجسديا وارهاق والاخ موعارف يقدر على شويه تفلسف على اسلوب وكلام سلبي

تلقين اقل كلمه تعصبين


ذكرتيني اول زواجنا

لي زعلت وبجيت مايدري شنو يسوي عشان يسكتني

وبعد سنتين يمكن

لي بجيت يمكن اكسر خاطرهويمكن لا

وبعد سنتين

اذا بجيت يقولي بسرعه تفتحين الحنفيه لووووول

الحين

صار عندي مناعه ليش ابجي مامنه فايده هالبجي غير الشيخوخه المتقدمه لووووول
وتجاعيد وعيون متفخه

 

[careless 5]

جبوووووووووووور الف مبروك التخرج

 

[انجبر قلبي]

الله يبارك فيكم حبايبي

تبطي انتي صج محتاجة تقعدين بروحج شوي
سويلج مساج بسبا تايم لول والله انا حدي أبي مساج محتأجته من قلب
بس ماكوووووو وقت راح أحجزلي بأقرب فرصة

أنصحج فيه تطلعين منه افررش

 

[3awaasha]

إي والله بنات مساج سبا تايم روعه
كنت باخذ موعد اليمعه الي طافت بس ماقدرت
حييييل محتاجه مساج وخصوصا مع الرضاعه

ضحووووووك نداء عاااااجل:eh_s(1):

 

[ام نجـــلاء]

مرحبا


شحالكم بنااات

ترا حتي انا كله متهاوشه مع ريلي هههههههه

يمكن من تعب الحمل والبيبي لازم نحط حرتنا فيه

 

[ضحكت حبيبي]

هلا عواااشه

عسى ماشر


ام نجلا

شحالج الغاليه << تقولون شحالج مثل الامارات والا شلونج مثلنا


جبور

أنا حجزت مساج حق بأجر اذا عجبني اقولكم

بمكان اسمه الشي سبا بجربه

اول كنت اروح سبا تايم

بعدين هونت صرت اروح ليلى جاليري سبا

 

[ضحكت حبيبي]

واااي الحمدالله والشكر

ماادري أبجي والا اضحك على غبائي

الحين ام نجلا كاتبه شحالكم

أنا قريتها شلونكم

لا واسالها شنو تقولون

 

[3awaasha]

هههههه ضحوك ماننلام والله مع هالتعب واللويه
زين ماننسى أسامينا

بصراحه أبي مساعدتج أبيج تفيديني من خبرتج باليهال
وبما أن ولدي كبر ولدج :bbbiu:
الله يسلمج ولدي الحمدلله كان مسااالم والكل يحبه
وحنوووون علي بس من ولدت وخصووووصا عقب ماقعدت الأربعين عند أهلي واختلط بعيال خواني حيييل أثروا عليه
من رجعنا البيت واهو من يشوفني بس يبي يطققققني ويعاااااند عكس قبل
مني والطريج إيي فجأه يطقني يطقني بس أنا مطلع حرته كلللها فيني الحمدلله أن مايطق أخوه
مرات بالغلط بيمد إيذه عليه بعدين يوقف يتذكر ويحولها علي:eh_s(16):
ماااادري شسوي أبي حل حبيبي عقب مايطق ويشبع بعدين يقوم يحببني
شسوي جربت كل الطرق مانفع شي؟!!

 

[3awaasha]

جبووره حبيبتي مبرووك التخرج
ياحلو التخرج والله والبطاليه صج رااااااحه

 

[انجبر قلبي]

الله يبارك فيج يا قلبي باجر عندي امتحان الله يعديها على خير
الله يعينج كسرتي خاطري على ولدج لازم حل قبل لا يتمادى ويتعود على الطق

 

[انجبر قلبي]

ياسمين

بسألج عن تنظيف البشرة من الشركة الكويتية للتجميل

اهو ليش غالي شنو يسوون ؟وجم دقيقة ؟

عندهم نوعين تنظيف واحد 55 والثاني 75 اي واحد جربتي فيهم

 

[yasmeen_q8]

جبور تخرجتي من وين انا وحده موقفه قيدي وبتأخر كورس
عواش الله يعينج
بس زعلي منه لا تردين عليه ولو كلمج سةي نفسج متجاهله حتن آي لا تقولين ولا بويهج لا تبينين انج متأثره كلش
اهو قاعد يحاول يلفت انتباهج لان شايفج مشغوله عنه
ضحوك لوووووووووووول

 

[ضحكت حبيبي]

عواااشه

والله كانج تسولفين عن ولدي

نفس الحركات بالضبط

بعد انا بس اكون اشربها حليب والا ابدلها يحذف علينا تلفون والا ريمونت والعاب

وانا صايره جولتشي بس قاعده واصد

والمشكله عمره صغير

يعني ازفه وساعات امسك ايده عشان مابتحرك فتره يقعد يضحك

مايعرف العقاب

بس حاولي تلهينه خليه يلعب او طلعي اكثر اهتمي فيه

انا شوي يلعب مع اخته الاكبر ويحب يشوف بارني وافلام يهال

بس لي انتبه علي مايخليني ويقعد يبوسها حييييل

اذا شفتيه يقرب يم اخوه لا تمنعينه عشان مايسويله شي وانتي مويمهم

انا اول مره يصير عندي غيره

بنتي ماكانت تغار من اخوها لانه كبيره تفهم بالعكس تساعدني

جربي خلي ولدج يساعدج قوليله ييب حفاضه حق البيبي جذي

واذا لقيتلي طريقه اقولج

 

[تبطي عظم!]

اي والله محتاجه سبا تايم

يمكن هو ماتغير انا الي صايره حساسه وما اتحمل شيء

المهم قلت بغير من هالمود

اخذت شور دلع لووووول خلطات وسنفرات وطلعت الق لق ههههه وبودي لوشن وسبراي حسيت بانتعااش

وكشخت كشخه كأني طالعه عرس وهذا انا مرتزه بالصاله وناطره ردت الفعل جود يطيح الحطب وترجع المياه لمجاريها =(

 

[ضحكت حبيبي]

لا ياسمين احس غلط تحجره وتطنشه

اهو بروحه فيه غيره ويبي يلفت الانتباه وتعطيه طاف بعد

يتعب ترا يسوي حركات اكثر يمكن ياذي نفسه بعد

وحده من اهلنا جذي بنتها من كثر مطنشينها تدش على امها ماسكه مقص مبطلته يم السانها تقول حق امها شوفي شوفي

بالعكس لازم تقوله غلط وكل فتره تشوف انها فاضيه تلمه تحطه بحظنها

ولدي لمه يشوفني اغيرلها الحفاضه يروح ايب حفاضه يعني غيريلي اغيرله حتى لو مافيه شي

 

[تبطي عظم!]

عوااشه سوي مثل ماقالت ياسمين احقريه ولدج

نفس ولد بنت خالتي قامت تتحاهل حركااته يوم شاف ماتعطيه وجه ولا تزفه ولا تكلمه

قام يلعب ورد لطبيعته

 

[تبطي عظم!]

ضحوك صح كلامج مو طول الوقت تحقره لا القصد تحقره اذا طقها

يعني عقابه ماتكلمه ولا تزفه ولا شيء هو من كيفه راح يصد عن هالحركه علشان يعرف انه اذا مد ايده راح تحقره

وطنشه