November BaBies 2011 .... أحلى بيبيز

[ضحكت حبيبي]

عاشت تبطي

ايوااا

اي راويه السنع

عشان اذا راضاج اوكي

واذا بيتم زعلان يتحسف

يشوف كل هالسنع والحلاه ومايقدر يسوي شي

امبييه ساعات احس نفسي شريره نياهاها

بس ان شاء الله تتصافه القلوب ويرجع كل شي مثل اول واحسن

 

[انجبر قلبي]

جبور تخرجتي من وين انا وحده موقفه قيدي وبتأخر كورس
عواش الله يعينج
بس زعلي منه لا تردين عليه ولو كلمج سةي نفسج متجاهله حتن آي لا تقولين ولا بويهج لا تبينين انج متأثره كلش
اهو قاعد يحاول يلفت انتباهج لان شايفج مشغوله عنه
ضحوك لوووووووووووول

من كلية التكنولوجيا تخصصي كيميا .. ريلي كان يحن علي أوقف قيدي هالكورس لأن يصادف ولادتي والله ما رضيت قلت كورس تخرج حرام اتأخر

اذا المسئول شافني حامل على وشك ولادة أكيد بيراعي وهذا أللي صار اشوة اني ما وقفت قيدي

إنا حسبتها ان عندي اجازة من الكلية اسبوعين .. و اجازة العيد اسبوع يعني الحمدالله هذي الايام طارت اسهل لي من الكورس الياي

 

[انجبر قلبي]

تبطي نعيما حبيبتي انشالله يا رب يحن قلبه عليج وانتي بعد مع هالسنع قوليله كلمة كلمتين حلوين تدلعي عليه لا تعصبين و تتنرفزين عشان لا تخربين هالحلاوة والله يتمم عليكم

 

[انجبر قلبي]

عواشه آوضحوك آنا رفيجتي تستخدم اسلوب العقاب مع عيالها مع انهم صغار ماشالله نافع وياهم

اللي يغلط تخليه يوقف ويهه مجابل الطوفه ورافع ايدينه هههه والله قبل اضحك عليها بس لمه عاقبتهم جدامي ماشالله صج انعجبت بطريقتها

بنتها رافع ايدينها وويها عند الطوفه وطول الوقت تبجي تقول ماما بس ما تنزل ايدينها يعني تدري انها معاقبه تنطر امها اتقولها خلاص نزلي ايدينج

 

[ضحكت حبيبي]

وي جبوور موتيني من الظحك

ماتخيل ولدي واقف اصلا ماراح يرضى

يسوي شطانه ويضحك

مااستحمل اشوف ويهه شكله يضحك

رفيجتج جم عمر عيالها

ولدي ووهابي توهم كملو سنتين

أنا مرت عمي قالتلي سمعي دروس واحد ماادري شنو سمته بس عايلته الحبيب يمكن

عن التربيه تقولي شي عجيب

ان شاءالله بسالها واسمع

واقولكم تلخيص كل درس

 

[انجبر قلبي]

اي بنتها من عمر سنتين جذي معاها

الحين عمرها 3

بس اهيا فارضه شخصيتها كأم تعجبني شخصيتها

يعني اعيالها يستجيبون للعقاب لأنها معودتهم من البدايه

 

[انجبر قلبي]

ضحوك منو هذا خل نسمع له نستفيد

 

[3awaasha]

مشكوووريييين حبايبي على الردود
أنا هالأيام قاعده أستخدم طريقة التجاهل بس المشكله طقته تعووووور ماشاالله
ضحوك
والله مسكين هالنتفه ملوع جبده لأن مجابل ويهه مجابل بس يحبه حتى لما أغيرله حفاظته يسحب كرسي ويركب عليه علشان يلعب بشعره خخخخخخخخخ
وأنا أخليه يساعدني حتى لما يصيح يركض قبلي يقوله شفيك أحوي>>>يعني أخوي
تبي حليبه هههههه بس علي شرييييير الله يعينا يارب

 

[careless 5]

مساكين الياهال مع الغيرة صراحة يكسرون خاطري


بنات ابي كلونيا اطفال ريحتها حلوة غير ملوت جونسون ؟؟

 

[ضحكت حبيبي]

فديت اللي يقول احووي


جبور

اشوف شنو اسمه واقولج ان شاء الله

 

[انجبر قلبي]

ضحوك اسمه طارق الحبيب

 

[انجبر قلبي]

مساكين الياهال مع الغيرة صراحة يكسرون خاطري


بنات ابي كلونيا اطفال ريحتها حلوة غير ملوت جونسون ؟؟

آنا احط لبنتي مسك.اليهال من أطياب المرشود وايد حلوة

 

[تبطي عظم!]

ضحوك اسم الدكتور طارق الحبيب اعتقد اذا ماخانتني الذاكره قابلوه مره فبرنامج نظره شرعيه ع الوطن

بنات انصحكم بكتاب اسمه في بيتنا مكار لووول حق تربية الابناء انا ماقريته بس حماتي قاريته وتمدحه حييل وماشاء الله تعجبني تربيتها لعيالها

انا ناويه اشتريه بدوره بمكتبة جرير الاسبوع الجاي بروح ان شاء الله

 

[تبطي عظم!]

اي وابشركم طاح الحطب والحديد لووووول

اي ضحوك تذكرت شيء بقولج اياه لووول

قبل بتجمع مواليد نوفمبر تجمعنا القديم كنت بالبدايه اكتب معاكم بعدين قطعت فتره لين السابع ورديت

بالفتره الي قطعت طليت مره ع التجمع ولقيتج كاتبه وصفه اكلة الكساديا عد انا ذايقتها بفرايديز واحبها

عاد سويتها اليوم ع العشا ماطلعت نفسها بس حلوه يمي يمي

يعطيج العافيه ^_^

 

[ضحكت حبيبي]

عليكم بالعافيه تبطي الكاساديا

ومبروووك على المصالحة

قلتلج بيشوف السنع والحلاه

بينسى كل شي

يالله وسعي سدرج وطولي بالج

ولاتدققون على كل شي

الكتاب اللي قلتي عنه منو مالفه

 

[3awaasha]

أنا من أول ماولدت بجري وأنا أقول بقرا كتب بالتربيه
طلللل بعيني ماقريت ولاااا شي ولاحتى أشرطه ماسمعت
وألحين توهقت لأن موقفي مع ولدي يبيلي حسن تصرف وأنا خايفه أتصرف معاه غلط وبعدين أتحسف
وألحين طالعلي بسالفه يديده
سالفه الخدامه الي صايرلي ذيلها ويلحقها ملااااحق هاذي أنا متعجججبه منها
والله كل شي علي أنا الي أوديه الحمام وأنا الي أوكله وأنا ألبسه ماأخليها تسويله شي مغير تغسل ملابسه وبسسسس
تخيلوا تونا قاعدين كلنا بالغرفه وأبوه مسكين شاريله ألعاب فجججأه فتح باب الغرفه واختفى ولا أثاري فاتح باب الشقه وصاعد فوووووووق عند غرفة الخدم ينادي الخدامه:eh_s(16):
ريلي راح ركض إييبه مصدووووم تخيلوا طالعتله من الغرفه نعم وهابي مستاااانسه الأخت :rgewrg:
على لازق فيها مااااااااادري شالحل تكفووووون فشلني عند حمولتي

 

[تبطي عظم!]

ضحوك

للكاتب الدكتور ابراهيم الخليفي

 

[تبطي عظم!]

عوااشه

ولدج غريب انتي توج جايبتها صح!!


مايمدي تعود عليها يمكن تلعب معاه حاولي تسخرين وقتج كله له لعب وكل شيء شدي انتباهه باي شيء يحببه اذا فكر يروح لها

 

[yasmeen_q8]

ما يندرى عواش
اخاف اهو يعاندكم
كل شي ما تبونه يسويه

 

[ضحكت حبيبي]

تبطي

ابراهيم الخليفي رفيج أبوي

كلامه حلو محد قادر يضبط عيال اختي غيره