November BaBies 2011 .... أحلى بيبيز

[careless 5]

مرحبااااااا بنات


تبطي ما تفقدين غالي يا حياتي

انا لاهية مع الياهل و على قوله جبور اشبك من فوني وقت اللي ارضع بس لووول

احس بتعب مو طبيعي و السبة قله النوم و احس اصير حساسه حييييييييييل و السبة اني ما انام
مادري متى ابلش اجهز لطلعتي ؟!

اشوه في اشياء مجهزتها من قبل لا اولد بس ابي ساعه و جنطة سنعين و احتمال اطلب من النت
شرااايكم ؟؟

 

[انجبر قلبي]

اتعوذو من ابليس

انا جذي النفسية صفر و بجي بس حرام اللي حواليني شذنبهم حاولو انكم ما تنفسون على أحد واللي متضايقة ابجي طلعي اللي بقلبج ترتاحين

تبطي صح لمه احنا نكشخ النفسية تتجدد لوول

نجوم لا اتحسفين على شي حاولي تكشخين المهم تطلعين حلوة مو مهم تتغيرين

انا ما صبغت بخلي الصبغه حق الظروف الصعبه لوول

تونا أول سنة ما مداه يمل الريال بخلي التغيير حق وقت اللي أحس بدا يمل على طول أغير اهنيه التغيير بيصير له طعم

بس الله يعين اللي زوجها طبعه ملول تعالي غيرئ كل شهر

 

[انجبر قلبي]

كيرلس طلبي اذا شي مميز و يسوى

بس ارامكس صايرين يطولون بتوصيل الطلب

 

[careless 5]

جبور مادري مو في بالي شي


عندج اقتراحات حق ماركات جناط و ساعات ؟

 

[yasmeen_q8]

اعا جبوور يعني مو بس انا صايره معاي سالفة ارامكس اللي يطولون سنه على ما يوصلون
بنات انا اللي نفسيتي تعبت
ولدي علمته خالتي عالشييل
ما تهده تقعد شايلته صبح وليل
ناااايم مو نااايم كله شايلته تصدقون انا استغرب اقول بقلبي ما تبي حمام شي
امس عندي عرس رحت ورديت وللحين بحضنها وبالشقه لش ما يسكت بجي بجي بجي وصراخ ويشرق الا اشيله من امس ولا ثانيه نمت ولا لحظه غمضت عيني
وخالتي كلها شهر وبتسافر ترجع مصر
مابي اكسر بخاطرها اهي يايه عشاني
والله احترت مادري شسوي ؟!!!!!

 

[تبطي عظم!]

كيرلس اهلا بهالطله

بخصوص الساعه انا طلبتها من النت من موقع ماركه في اي بي

ماركة روبرتو كافالي وصلت بعد شهر طلبتها لمن كنت بالثامن اول الثامن جذي ووصلت لي قبل لا اولد باسبوع تقريبا

الجنطه على حسب تبين بحدود جم !!!

انا زايغ قلبي ع الكولكشن الجديد من فندي جيل حلوين بس ما اعرف بالكويت وين احصلهم وهل لهم محل لان انا كلش مو حيل مع الماركات اي شي يعجبني

اخذه بس صدفه شفت كولكشنهم بالنت وزاغ قلبي بس اذا متوفرين عندنا او لا ماعندي فكره

وبخصوص الجنطه الي شريتها بطلاعتي. انا ميزانيتي كانت محدوده فخذيت من ريفر ايلاند جناطه حلووه وذربه واسعاره معقوله خذيتها بـ 55

الحين ماشفت شنو منزلين يوم السبت بروح اشووف اذا عندهم شي حلوو باخذ مريهم

وعندج rb عندهم شغلات حلوه مريهم وامممممم بعد وين وين اذا تذكرت بقوولج ~


ياسمين

عادي قوليلها مافيها زعل قولي خالتي عودتيه ع الشيل يوم رحت شقتي بس يبيني اشييله شسوي معاه

ماعندي احد يشيله هناك ما اظن بتضايق عادي انا اذا شفته بحضن امي خذيته وحطيته ع القاع اشوا مو اذيه حيييل بس مرات يبجي مايسكت الا بالشيل

ومرات لا اشوا يطخ

 

[ضحكت حبيبي]

السلام عليكم

شلونكم

امس كنت حدي مشغوله

لهيت مع اليهال

وبنت اختي موعارفه تحفظ قران بروحها ويت عندي احفظها

 

[yasmeen_q8]

ضحووك
والله على بالي منساع قلت بدش اشوفج كاتبه شي ولا غاطه

 

[سكرة هانم]

ياسمين

نفس الحاله بالضبط مع خالتي ..وانا اقط نغزات اقول حق ريلي شوف مو قاعد يبجي ليش نشيله خله يلعب
وماكو فايده المشكله يليت بس تشيله لا تخضه حيييل وتهز فيه لمه يرجع كله مره جذي

وامس واليوم بدع بالصراخ تخيلي سوينا شفت انا ابوه كل شوي واحد يجابله والثاني ينام  اخر شي ريلي قال خليه يبجي لما يمل
ظل ساعه كامله والله بدون مبالغه ساعه بس يبجي واخر شي صار احمر وتشنج بس شلته سكت جنه جذاب


واليوم قطيتها بويه حماتي قتلها انا ما اشيله بس من انزل من ايد لي ايد وقلت حق ريلي يكلمهم مو حاله ..عاد انشالله يفهمووون

 

[yasmeen_q8]

سكووور بالضبط انا جذي يتشنج ويسوي مناحه بس اشيله يسكت انا خالتي ام ريلي ما صرت اوديلهم اياه واايد تدرين ليش ولجج خوان وخوات ريلي مجرميييين يعورون قلبي والله ماقدر اتحجى ولا اقدر اقول شي بعدين عقب ما اطلع اصك. هوشه مع ريلي تخيلوا يمسكون راسه يخضوونه يمسكونه جنه سمجه راسه مدندل يخضونه خخخضضض احس راسه بينشلع والله اتألم يتعاملون معاه بطريقه خاايسه صج اقدر انهم يحبونه بس احس بيسوون في شي يا بييبونله ارتجاج بمخه او بيكسرونلي راسه تخيلوا يطقون راسه يقرصون خدوده حييل لما تحمر خدوده وتحبب ويناقزونه لي فووق تحسين ظهره بينمصع وراسه بتنقطع وتطيح
وابلع الموس واسكت المشكله ريلي يتضاايق بس يقولي ما اقدر اتكلم اخاف يحسبوني ما ابيهم يجيسونه ولا شي

 

[ضحكت حبيبي]

ياسمين

من صجج والله لو يسوون جذي مااسكت

هذا بيبي ليلحين عظامه ليينه

شنو يايبته فبلاش

تعبانه فيه 9 اشهر وولادة وتربيه

أنا ليلحين ماطلعتها

وحتى لو اخل الأنفاس الاسبوع الياي

قايله حق زوجي ماراح اوديها زوارات لين تصير اربع اشهر

خل يخف البرد

اصلا محد دق سال لووووول

حتى خالتي راده من السفر يايبه صوغه حق عيالي

بس مويايبه حق بنتي الصغيره

الظاهر ناسين أني عندي بيبي يديد

احسن لووووول

مريحه راسي

 

[ضحكت حبيبي]

ضحووك
والله على بالي منساع قلت بدش اشوفج كاتبه شي ولا غاطه

فديت اللي فاقدتني

 

[yasmeen_q8]

ضحووك
انا استحي حييل وخاصه خالتي من النوع اللي واايد تنتقد واللي بسرعه تشيش عادي الحين حبيبة قلبها شوي واصير كخ

المشكله ريلي ينغز ويقولهم بس على ضحك ماكو فايده احسهم يعاندونه
وانا بس اطلع اتهاوش معاه واقوله شنو منو بيعوضني عنه و صار شي فيه انت بتعوضني عنه ؟! بتييبلي سليمان ثاني ؟!

اهم حرام فرحانين فيه بس فرحتهم اجراااااام فرحتهم دففففشه والمشكله كلهم عندهم عيال مااا اصق احد يسوي جذي بولده !!!

قبل لا اطلع من اربعيني حماي كان مريض حييل
مسخن وبلاعيمه وانفلونزا ونزله معويه
قالت خالتي حق ريلي لا تييبه لان اهو حماي نفسه قالها لا اييبونه حرام
تخيلي دقت يوم اليمعه ييبه عفيه ابيه واليهال يبونه ييبه >>> محسسيني لعبه
يقولها ريلي لا يمه اخاف يتعادى ويمرض تقوله لا ما يتعادى مو الا يشيله فلان
ويقولها لا يمه اخاف عليه تقوله مصيره بيمرض

قتله ولما ياهل مبر هذا ترتفع حرارته ويحطونه بالمستشفى وماله ادويه ولا يقدر ياخذ مضادات منو بيقعط فيه اهي ؟!
والله انقهر وما ودي اتكلم لان مابي تصير بيني وبينهم حزازه
ولا ابيهم يحسون اني لئيمه مابيهم يجيسون ولدي وافكار الحريم عااد
يعني لو تكلمت بيقولون ما تبينا نشيله ولا ولا

بس معاكم ومع ريلي اطلع حرتي اتكلم لووول تعرفون نظام ما تقدر عليهم بس مشتطه ومسويه نفسها كلش البنت حمقيه اوي وجدامهم ماكو خرررمس ما انطق ولا حرف واضحك واسوي نفسهم باااارده ومن داخلي اطالع ولدي جذي @@
لا وذاك اليوم تقولي شكل ولدج ممصوع
بغيت اقولها منكم خااالتي تناقزونه تقلونه فوق وتمسكونه وتخضونه وتخضون راسه واهو طري بس تشوف وني نفس الخبله اتبوسم اي ان شاء الله خالتي اوديه الطبيب

 

[ضحكت حبيبي]

ياسمين

ًالزواره اليايه لاتروحون

خل يقولهم سهرانين وتوهم نائمين

خليكبر شوي

يمكن هالبجي مومن خالتج معودته على الشيل

يمكن ممصوع صج

 

[تبطي عظم!]

ياسمين

واي شنو هذاا

مدام خالتج قالت لج شكله ممصوع اجل لا تودينه وقوليلهم ولدي ممصوع والدكتور قال لحد يشيله

وروحي لهم بروحج بدونه نزليه عند امج واذا ماتقدرين اخذيه ومعاج سلة البيبي وحطيه فيها وقولي لحد يشيله الدكتور منبه علي

لانه ممصوع اسم الله عليه بس خوفيهم

 

[careless 5]

ياسمين
حبيبتي الله يعينج ، مو خوش سالفة هذي بعد


ضحووووك
صج لج وحشه



سكره
وينج غااااطة ؟ ما تبينين ؟ شلونج و شلون العملية الحين ؟



تصدقون بنات هالصفحة طولت موراضية تخلص
محد قام يدش نفس قبل هههههههه

 

[careless 5]

ضحوك
انتي تطلعين الاسبوع الياي باذن الله
شنو استعداداتج ؟؟؟

 

[3awaasha]

واااااي ياسمين@@بصراحه شي يقههههر
الله يعينج

 

[ضحكت حبيبي]

ضحوك
انتي تطلعين الاسبوع الياي باذن الله
شنو استعداداتج ؟؟؟

ماتفقدين غالي حبيبتي

واستعداداتي ولاشي لوووول

اصلا يوم طلعتي زوجي بالخفاره

ويوم راس السنه مسويه حفله صغيره بشقتي

بس بنات مافي حريم ويهال

بس مومسويتها عشان راس السنه

بنات خالاتي بيزوروني فقلتلهم أيون الأحد عشان زوجي موبالبيت

وصادف راس السنه

وقلنا بدال نقعد نسولف

بيون يتغدون عندي بعدين بنلعب مسابقات ونتعشى لوووول

أنا بس رحت سويت تنظيف بشره ومنيكير وبديكير

وعندي موعد شهر واحد ليزر

وسويت مساج ماعجبني كلش

وشعري بصبغه وأضبطه شهر واحد عشان عرس ولد خالي مابي اصبغه من الحين

ورحت شريت هدوم وميك اب وهالسوالف بس بصراحه موخابه نفسي

 

[yasmeen_q8]

ضحوك وبطبط المشكله ريلي ما يرضى يقول ان عندهم ما يصير نتعذر حتن لو تعبان لازم نوديه ولا على قولته يرجعونا البيت نييبه ونرجع