November BaBies 2011 .... أحلى بيبيز

[careless 5]

ضحووووك انا بعد ودي اشتري اللي يسخن مميات
بس ابي يشتغل بدون كهرباء و يشحن ،، و بالسيارة

 

[careless 5]

بنات متى نعطي الياهل ميلوبا ؟

 

[careless 5]

ياسمين ما يشوف شر ولدج

انا اسمع وايد يمدحون الينسون

 

[ضحكت حبيبي]

جبوووور

ضيقت خلقي حسافه شنو متزاعلين

باقي ساعتين لاتخلون اليوم يخترب



انا اطلع من النفاس 1/1

 

[ضحكت حبيبي]

كيرلس

اذا لقيت جهاز زين اقولج ان شاء الله


بنات

حاطين تجمع ثاني فيه مواليد نوفمبر مع ديسمبر

موتروحون هناك وتخلونا

بروحنا قاعد ننقرض

مع انه انا اشوف المفروض هالتجمع يتم طوول عمرنا ان شاء الله

 

[careless 5]

لبى نعيييماااا


ماتلاحظون نفسياتنا تعبانه بس نتهاوش لوووووول

 

[انجبر قلبي]

اخترب اليوم و خلص يا ضحوك

الله كريم

 

[سكرة هانم]

كتبت رد شطوله وانمسسسسح 

اكثثثر شي فادني ستايين الرضاعه وبجايم النفاس وديتهم الخياط يركب سحاب حيل فادوني بالرضاعه والحين البس تريننقات لزوم الكشخه

بنات شنو احسن شفاط الكهربا والا اليدوي ؟
وشلون طريقتهم تحطونه بالممه والا بالثلاجه ؟؟
وشكثر تشربون البيبي ٣ ارقام نفس الصناعي؟

 

[ضحكت حبيبي]

سكره

الكهربائي احسن

بس الطبيعي خفيف بسرعه ايوع البيبي

وبيبي عن ثاني يختلف بالارقام ومتى يشبع


جبووور

تصدقين لمه الوحده تجهز وتكشخ وتلبس وتروح الصالون لازم يصير هوشه تخرب كلشي

وقعدي فبجامتج الله تصيرين حلوه وعجيبه

الله يعينه

انا لي كشخت لازم اتوقع انه في هوشه عشان مانصدم ويضيق خلقي

 

[انجبر قلبي]

ضحوك صح كلامج

بس آنا أصلا ما كشخت اليوم عادي شكلي مثل العادة

احنا كل يمعه ننزل عند حمولتي نتغدا .. زين قدرت أنزل اليوم صارلي يومين مو نايمه

واهو كان عازمهم عالغدا بهالمناسبة قال حق خالتي لا تطبخين

 

[تبطي عظم!]

قووه بنوتات شلوونكم

مالي خلق اقرا الي طاف '_'

ولدي توه نام وودي انام على نومته بس مافيني نوم =(

 

[تبطي عظم!]

جبوور واي تصدقين عيد زواجنا الشهر الجاي وناويه على شغلات واجد

واخاف نتهاوش من رديت شقتي وانا بس نجره معاه وكله لمن اكون كاشخه استغفر الله صايره ما اتحمل حرف

والسبب الارهاق وهو بس يعلق هذا طايح وهذا غسيله وهذا شيليه وااااي مني ولده ومني اهوو الله يكون بالعوون

 

[انجبر قلبي]

الله يعينج قولي له انا محتاجه لك مفروض تعاوني أو عالأقل اتقدر التعب اللي قاعدة أتعبه

 

[ضحكت حبيبي]

هالرياييل ماادري من قالهم تدلعوو

 

[careless 5]

ضحووووك ما راح نغير تجمعنا ان شاءالله

عاد بما اني اخر وحدة ولدت بتطلعون من الاربعين قبلي ان شاءالله ربي يتمم عليكم

عااااد موووووو تخلوووووووني و تقاااااطعون

 

[yasmeen_q8]

ههههههههههاااي اي والله ضحوك دعوله رياييلنا احنا باليالله ندلع هالصغار
واااي احس الايام تركض
صارلي شهر اجهز لطلعتي واشري هدوم ولويه
اصدقون لبست كل شي
شلون مادري !!!!
كل ما اطلع اروح بيت خالتي البس شي !!
ورديت امس تبضعت
قالي ريلي عندج ١٠٠ صرفيها ما صدقت خبر الله وكيلكم كل شي خذيت
لما قضيت عليها رديت البيت ولا اختي شاريه تريننغ يهبل زاغ قلبي عليه
اقووله بلييييز ابي بعد
ابي اشتريه
كسرت خاطره

بنااات شنسوي بعيون رياييلنا ودي ابطهم بصراحه
يعني اهو خوش ريال
بس يبط جبدي ملقوف
لي مرت بنيه ولا شي يطالع وبس الف عليه القاه مسوي نفسه يطالع شي ثاني
يطفرني يحرق دمي تصدقون ولا كلمته يحلف ما طالع ولا يدري عن منو اتكلم
ولا انتبه !!!!

 

[ضحكت حبيبي]

وي ياسمين

انا بعد اللي عندي خوش واحد

بس والله هالبني يلبسون اشياء انتي بنيه نفسهم تشوفينها

من حلاتهم والترصص والشعر ودي ارقمها لوووووول

والله مره بالمرينا وحده لابسه نفنوف قصير وضيج جان ريلي يقولي شوفي هاذي لابسه بجامتج

اشوفها والا صج

انا عندي نفسها بجامه من زارا بعد واهي لابسته حق طلعه

ماقامو يفرقون

بس انا اذا شفته ملتفت اقوله حلوه البنيه صح ينحرج

بس ماطنقر ولا عصب اكمل طلعتي استانس

مره قلتله شوف بلوزه الصبي وايد حلوه

جان يعطيني نظره

قلتله كا انا ماازعل ليش بتزعل

يمشي السالفه لووووول عشان يحسووون

وحده بوحده

بس موعشان تحرينه تقطين كلمه شكبرها وتتوهجين تطلعين انتي مو زينه

ديروبالكم

 

[ضحكت حبيبي]

والا لمه اشوف بنات بيمرون علينا

اقوله غظ النظر يا ولد

يبط ظحك ومايشوف

والا لمه نكون طالعين علبحر

ونشوف صبيان مليون سياره كلهم لاحقين بنيه وحده

يصير عندنا فظول نبي نشوف شلون صايره هاللي مبهذله الشارع

ومره طلينا والا كلهم قاعد يشوفون جنس مالت عليه وعليهم

ويييع يلوع الجبد اثاريهم قاعد يطفرونه ويضحكون عليه ويمشون

لووووول

 

[تبطي عظم!]

جبوور اخاف اقول هالجمله يعرضلي انجازاته الي سواها بالشقه لمن كنت عند اهلي

اهو معدل فيها يعني مسويلي سبرابز ههههه بس ذلني بهالسبرايز ماسوت علي كل ماقلت شيء قال

وانا بعد ٤٠ يوم بدل ما اسافر واستانس عدلت لج الشقه وحطيت وشلت وسويت يصدع راسي لين اقووله حبيبي ماقصرت وعلى راسي

وخيرك مغرقني وانت مافي مثلك وتشوفين الكشره صارت من الاذن للاذن بس علشان يسكت


ضحوك + ياسمين

انا زوجي مايطالع انا اطالع ههههههههه كل شوي نزلني عيونج لا ابططهم طبعا انا اطالع البنات البزع ماباقي شيء ماطلع من جسمها بعدد ليش لابسه

والمشكله صغاار مراهقات بس للاسف مافي رقابه على ملابسهم ولا ضحكتهم ولا مشيتهم الله يهديهم ياارب

ولا عاد تجيج الطامه شلة بنات يطالعون زوجج انا اهني احس ودي انتحر هههه ماحب احد يطالع زوجي عاد مو من زينه ههههه

لا اهو يشابه احمد حسين بس كله اكسر فيه خليته يشوف نفسه جيكر لوووووول وربي صار مايثق بنفسه هههههههه

انتبهو تمدحون رياجيلكم علشان مايشوف نفسه الرجل الوسيم

 

[انجبر قلبي]

كل الرياييل جذي الصالح والطالح لا مرت بنيه شافوها و يسوون روحهم ما يطالعون لأن اذا بنات يلفتون حتى احنا البنات بنلتفت شلون اهما طبعا هذا مو عذر حقهم انا ريلي لا سوا هالحركة ودي أشنقه بس ما أعلق

انا نفس ضحوك اذا مثلا بالتلفزيون شاف وحدة وقال حلوة انا معاه اقول ماشالله اتينن

يقول بس انتي احلى منها لووول

لو قايله وع تلوع الجبد جان دور محاسنها و يقولي اياهم يحبون العناد بس لمه اقول حلوة واتهبل يقولي العكس وع جيكره انتي احلى


فعادي عارفتله الخزاز .. انا اكرهه لمه يطالع و يبحلق ..