November BaBies 2011 .... أحلى بيبيز

[انجبر قلبي]

وي جبوووور

لا يصير فيج ما صار فيني

والله مع الحبوب هم للحين ينزل وصخ

الظاهر خربطة هرمونات

ليش انج ما كملتي حبوب المانع فصارت خربطة

اي والله الظاهر عشان جذي

 

[تبطي عظم!]

بنات انا معاانده زوجي تهاوشنا على موضوع السفر بيسافر برووحه

وزعلت وطنقرت وقلت له رجلي على رجلك دام البيبي صغير وللحين مافطن لي ولا لك اخليه عند امي ونسافر

المهم. بالموت رضا انا ودي اروح ماليزيا وقال لا اوديج دبي بنات مابي دبي ابي ماليزيا قال يادبي يا انسي السفره

هذي السفره الي من وراه خشمه لوووول بيطلعها من عيني المهم انا ولا مره رحت دبي بس مو بخاطري اروح لها

بس شسوي حدني عليها امانه تستاهل الروحه احس انها بس مجمعات ومطاعم انا مابي تسوق ابي العب لوووووول ابي العااب العااب وااجد

ههههههههه

 

[انجبر قلبي]

ضحوك

ماشالله عليج تبارك الرحمن..ربي يجعلهم من البارين


تبطي

انا جربت بامبرز يابووووي عالريحه قاتله وانصلخ حبيبي ..ليبرو وايد اريح



جبووووووره ندااااء

عفيه قوليلي بالضبط شنو صار فيج عقب حبوب المنع وليش قطعتيهم ؟؟؟ وشنو ماركتهم ؟

لان انا عطتني سليسليت مادري شسمها شي جذي خخخخخ اللي اهمه للرضاعه وثاني يوم نزلت نقط الدوره ووقفت عقب ما نزل شي :/ رحت الطبيب اليوم قالت الحبوب تسوي جذي تنزل نقط دم حسيت كرهتها ودي اقطعها واخاف تاثرعلىهرموناتي توهقت :/

عاد سالتها غن اللولب قالت بس تنظفين تعالي نسويلج تحاليل و عينات وعقب تركبيه

اي حده تكرهينها تخيلي عند زوجج وكل شوي نازل دم

آنا ما جربتهم فترة طويله ماعندي خبره فيهم عشان أفيدج بس انا ما كنت ناوية اقطهم انا يوم رحت شقتي والا ناسية الحبوب عند أمي وما كنت حزتها أقدر أييبهم زوجي كان بالدوام ف بنفس اليوم اللي ماخذيتهم نزل علي وايد دم فحسيت ويع انشالله كلما أنسى حبة بيمزل علي موووو شي

 

[انجبر قلبي]

تبطي دبي ولا لندن .. لا تحاتين ونيسه حيل بس سألوا عن أشهر اماكن السياحه

 

[yasmeen_q8]

بطبط انا استخدمت ليبرو كان يسرب معاي مادري ليش دارلينج حلوين ومشوا معاه انا مذتاحه وايد عليهم وما احس في ربحه ولا شي

هم انا تهاوشت مع ريلي عشان بيسافر للدوره وعشان خذ قراره بروحه بدون لا يسألني حطني جدام الامر الواقع لما قالي باخذج معاي حسيته يستعبط قتله شلون بالله ولدي وين اهده وبعدين بنات امي وقتها بتكون مسافره وخالتي ام ريلي مالها مزاج تجابل يهال صج عزمت علي بس انا اعرفها ما تحب تجابل يهال ما ارتاح اذا ولدي عندها اخاف تتضايق لانها واايد تتشكى (راسي يعورني - مادري منو ما خلاني انام - فلانه تنادي خدامتي وتصارخ عليها وكلمت ابوها - ولد فلان متعلم تعلومه مو حلوة ياكل شوي من الاكل ويقط الباجي انا ما احب جذي ..... والخ )
فاخاف احاتي واايد لما ريلي يوديلهم البيبي
وخالتي اخت امي بترجع مصر لان زيارتها بتخلص
فما ادري وين اخلي ولدي لما اروح الجامعه ابوه مسافر واهلي مسافرين والله وهقني بدورته ان شاء الله يارب تتأجل عشان امي تكون ردت
الحين يوم قتله عن امه الحجي اللي كتبته فوق قالي صح امي مالها مقاقه وبسرعه تعصب ومالها خلق وتبي تطلع وتغير جو دايماً
الحين يقول تعالي انتي وياه معاي وافقت وارجع قبل الجامعه بس هم بتوهق برجع وين بهد ولدي وقت الدوام !!!!!!!

 

[ضحكت حبيبي]

كيتي

عاش من قال يالغاليه

سكره

امين
ويخليلج الكتكوت ان شاء الله
وتشوفينه نعرس بس عزميني انا احب اكشخ وارقص لووول

تبطي

انا استخدم حفاضات بامبي قطن حلو وسعرهم زين ارخص من ليبرو

بنات

دربالكم لمه تسكرون الحفاضه صوب الفخوذ سكروها عدل لانه في مكان مال اللزقه يكون حاد يحز الفخذ

موعارفه اشرح اتمنى تكونون فهمتوني

جبور

انا بس اول مره ولدت خذيت حبوب منع حمل وكانو ينزلون علي نقط دم كل يوم

ماادري شالفايده

قطعتهم على طول ولي هاليوم مااستخدم شي

مخليتها على الله

 

[نجمة فجر]

خخخ انا بعد تهاوشت مع ريلي والسبه السفره
ابي اروح البحرين انا وبنتي اهو مو راضي اوديها معاي هههههههه متجمعين بكل شي


وحشتوني كلكم


من يومين بلشت اخذ تحاميل البتادين بالليل نزل علي دم
ثاني يوم الصبح بحر من الدماء
مع عوار بطني وضهري اعتقد ذي الدورة وللحين ينزل تكرمون
انا ارضع عدل عدل بنتي ماتاخذ صناعي
كنت احسب مابتجيني الدورة
وقفت التحاميل مقدرت اخذهم والدم جذي ينزل علي
اختي تقول احتمال الدم هاي كان بالرحم والتحميله اهي اللي نزلته لان طول نفاسي مانزل علي دم الا نتفه نتفه

 

[ضحكت حبيبي]

تبطي

ذكرتيني اول سفره بعد النفاس رحت ماليزيا

بس والله حتى دبي حلوه

انا مااحب اتسوق بالسفر نفسج احب العب
بس الحين اتلانتس مسكره عشان الشتا

بس القريه العالميه مفتوحه وفيها العاب وعندج النافوره بس تشتغل ودي اصرخ من الوناسه

عندج البحيره اللي جنج بفينسيا حلوه وسكاي دبي

انتي بس عزمي وقوليلي جم يوم وانا اسريلج احلى جدول

ترى انا المرشد السياحي مال العايله اي مكان يسافرون اسوي سيرج واسويلهم جدول

حتى ربع زوجي مع ويهم اسويلهم


ياسمين

لو انا منج اسافرواخذ ولدي بعد وانا ارقص من الوناسه لووووول

لاتحاتين والامور تمشي

والله اذا رديتي وتبين تحطين ولدج عندي وتداومين ماعندي مانع من عيوني

 

[ضحكت حبيبي]

نجووم

ليش بتروحين البخرين يقولون ليلحين فيها مشاكل

والا بتروحين العرين

 

[ضحكت حبيبي]

اعتذر على البدليات

لووووووول

 

[ضحكت حبيبي]

تبطي

وين كان بيسافر زوجج

 

[انجبر قلبي]

واي ضحكت شسالفه كل يوم دم ويع الحبوب كلش مو شي متحسفه عالاسبوع اللي استخدمتهم فيه :'(

 

[ضحكت حبيبي]

سكره

أنا كنت اشرب mother milk

بس جربت الرجيم مع الرضاعة حييل خف الحليب

 

[انجبر قلبي]

ضحكت انا من قلب الوضع متخسبق خخخخ نزل علي اليوم تكرمون دم أسود أول مرة بحياتي أشوف جي واي استغفرالله هذي ولادة وحدة وجي عيل بالسادس و العاشر شلون لوووول.

 

[ضحكت حبيبي]

بنات

زوجه مقهورة اختفت

ودونت بعد وينها

وفيولت من صجها عطتنا طاف

وعقوود بعد

 

[ضحكت حبيبي]

قولي الحمدالله يابنيه

 

[انجبر قلبي]

الحمدالله والشكر لك يا رب على كل شي

 

[تبطي عظم!]

ضحووك كان بيروح تايلند وللحين بروح هذي السفره تسكيته لي يعني من نرجع بيسافر مع ربعه تايلند حاولت يمين

يسار مايروح وعيا قال مسافر مساافر وربي منقهره حييل ياخي ديره وصخه وقذره شتبي فيها !!


عاد واله اهو مو راعي خرابيط شكييت فيه قمت وفتشت تلفونه وهذي مو عوايدي بس قلت اخاف انه من جدامي زين ومن وراي يلعب

المهم فتشت تلفونه ماكو شيء حتن بالوتس اب كله ادعيه لقطات مضحكه كوره اشعار قران ماكو شيء يثبت انه يخربط

زين ليش رايح راد على تايلند !!


اول ما ملجنا راح تايلند والحين بيروح بعد

قهرني

وقلت له ابي ماليزيا انا رايحه لها من قبل شهر العسل تونس وحيييل استانست اصلا ولعبت لووووول طلع من خشمي العب لووول

وودي فيها بس عيا قال اروح معاج وبعدين ارجع واروح تايلند !! كانه يبي يوديني على ظهره مو على الطياره بس قال لا تعب دبي اقرب

ودي اتهاوش معاه على سالفة تايلند مو مرتاحه حق هالسفره بس اخاف يعاندني ويروح ومايرد علي حزتها راح يطيح من عيني

وراح اكرهه اعرف نفسي اذا خذيت موقف من احد خلاص تتغير نظرتي له

 

[تبطي عظم!]

جبوور واضح خربطت هرمونات لانج كليتي الحبوب اسبوع وهديتيها

انصحج بالمانع الطبيعي دام ماتقدرين ع الحبوب معاي بالدوام وحده قعدت ع الملنع الطبيعي سنه وسبع شهور

 

[yasmeen_q8]

تايلاند عااد !!!

بنات اليوم نزل علي دم
باقيلي يومين واخلص ال٤٠
هذي اهي الدورهاللي بعدال٤٠ ولا في بعدغيرها؟!
وعقبها اروح اركب لولب ؟! ولا للحين في شي ثاني بينزل ؟!
وبنات انا مااخذ حبوب منع حمل ولاشي بحط لولب
شلون يوم ال٤٠ اسوي شي مع ريلي ولا ننطرعقب اللولب لان لوبنطر بنطر اسبوع بعد
ولو ريلي اصر شسوي عشان لا احمل ؟!