ضحوك
ماشالله حلوة تربيتج ثواب وعقاب
انا ودي اكون جذي مع ولدي
مابي ادلعه حيل عشان يعتمد ع نفسه
بس احس انا حجي قلبي عصفور ههههههه
ان شاءالله تصيرين احسن مني بعد
عاد الولد صعب مو نفس البنيه
أنا والله مدلعه عيالي وكل شي عندهم
بس بحدود
يعني بنتي معلمتها اذا بتشتري شي تسال عن سعره وتشوف اذا غالي وايد ماتاخذه
تسالني ماما هذا بفلوس واايد والا شويه:eh_s(15):
واذا بشتريلها هدوم اخليها تحوس تدورلها ماافرض عليها اللبس
حتى بوجود الخدامه ماخليها تعتمد عليها
معلمتها تسوي صمونه تحط فيها لبنه وزيتون وزعتر عشان اذا كنت أنا نايمه ماتخلي الخدامه تمسك اكلها
قطيعه تمشي وتحكك مايندرا ايدها نظيفه ولا لا تمسك الاكل
بس ولدي ليلحين صغير مااقدر أعاقبه
علمته اذا قط الألعاب وخلص لعب ايمعهم مره ثانيه
يأكل بعض الاشياء بروحه
اذا شرب حليب يقط القوطي بالزبائن وانتي بكرامه
بس وايد عصبي ويزف
خل يكبر عشان اعرف اضبطه
تدرين شنو اهم شي
ماتخلين احد يتدخل بتربيتج
يعني اذا كنه بالزواره وقلتلها يالله نروح وتقول خالتي لا خليها تقعد<< تكسر كلمتي
اقولها لا خالتي أنا معلمتها اذا طلعت تطلع معاي واذا قعدت تقعد معاي بس عشان محد يتدخل
حتى أمي امس يت لي عندي عشان تطلع بنتي من دارها
قلتلها مايصير أنا معاقبتها أنا اطلعها لانه اذا أمي طلعتها بتحس انه أنا شريره وفي احد احسن مني
وفي وايد سوالف بس ولدي نام بروح أنام قبل لا تقعد النتفه
