November BaBies 2011 .... أحلى بيبيز

[انجبر قلبي]

الله كريم تبطي آنا بلبس كورسيه مع ان جرح القيصري للحين يعورني و بشرب زنجبيل و بستمر على المساج وكريم شد البطن
و تمرين شفطي بطنج و رخيه انشالله يروح

 

[ذهــب]

بطبط روحي خلي احد يوديه للمستوصف يشوفه الدكتور واعتقد راح يعطونه كمام واطلبي يعطونه بخاخ للنشله..

جبوور
انتي نفسي الالم صج صج كان يعور اخر شي عرفت ان طريقة الرضاعة عندي غلط فهو اللي كان يعورني كانت تمص الحلمة بس هذا غلط لازم تمص الحلمة مع جزء من الهالة انتي امسكي صدرج واضغطي وخلي يمص تعلمت الطريقة من النت والله ماااكو اي الم لما سويتها الطريقه...

 

[انجبر قلبي]

ذهب علموني هالطريقة المستشفى واسويها اصلن سبحان الله البيبي من نفسه يمصها جذي بس فيني عوار ممن داخل الحلمة مو بره يذبح يا ربي

 

[ذهــب]

اي مو الالم صاير داخلي عند الهالة وهم الم بالحلمه ؟؟

 

[انجبر قلبي]

اي داخليي بالنص بالضبط نغزات اتعور نفس الأبر

 

[سكرة هانم]

انا ولدت تاريخ 13/11 قيصري
ادويتي خفيفه مو كل شي اقدر اخذه..اعتمد عالاكل الصحي والعصاير وانطر دورة النفاس عشان اعوض انشالله
النوم طبعا نسيته بس الحين من اهو ينام انام معاه ارتحت شوي

ارضع طبيعي ومن امس بلشت اعطيه بيبيلاك امس ممه واليوم ممه
اشربه مرات ماي مع نبات واليوم عطيناه اعشاب مادري شنو اهيا لوووول << خوش ام
الحفاضات مادري شسمها غاليه عالفاضي تسرب وايد بغيرهم اذا خلصو

 

[سكرة هانم]

تبطي

انتي نفسي ماكو حلمه ..اهواش انا وياه وبجي اول الايام بس الحمدلله الحين تعود صرت بين الطبيعي ومره باليوم صناعي

سميلاك الكل يشتكي منه ،، انا سوه حساسيه حق ولدي طلعله حبوب بفخوذه جنها عضت بقه



جبور وتبطي بما انكم سابقيني بالقيصري بخصوص الكرشه خخخخخخ

مته بديتو تربطون ؟؟ خفت والا لا ؟؟؟ امبيه انا لي 10 ايام وللحينها بالخامس
جبور حزام الصيدليه يسوي شغل والا مامنه فايده ؟؟؟


الحين اشرب قشر قهوه يقولون يخفف الكرش واليوم ربطته بالحزام الاندونيسي عورني بطني وبطلته خفت مادري شسوي فيها

وبالنسبه للسواد اشوه بده يخف بس تحت عند الخياط اسود شلون يروح ؟؟ مابي افرك فوق الخياط اخاف

 

[انجبر قلبي]

سكوره
منو قالج مو كل شي تقدرين تاخذينه من الأدوية كلها خرابيط
اقولج آنا حتى زنجبيل اشرب مالها شغل بالعكس ادوية ألنفاس زينه للقيصري و عشان الجرح يلتأم

حزام القيصري سكور للأمانه يسوي شغل بس انا اتضايق لمه البسه مو عملي احس بحكة و ينجفس بروحه مرات بس اول ما لبسته اكو كرشة كانت مدندله تحت ارتفعت اهو يرفعها الزام ما يخليها اتطيح

انتي توج عشر ايام لا تحزين على بطنج لا كورسيه ولا الاندونيسي ... اخذي الحزام الخاص بالعملية اذا ودج و لمه تعدين العشرين يوم لبسي غيره

 

[انجبر قلبي]

سكوره عند الخياط أسود من قبل العملية والا قصدج من العمليه صار اسود.؟ آنا مو اسود ما يبين كلس ؟ ماشالله دكتورة روبينا صج شاطرة خياطها مو مبين ما جنه أكو شق صراحة اذا ولادة ثانيه مابي اغيرلها انشالله تكون موجودة

 

[انجبر قلبي]

لا تفركينه بس دهني السواد بزيت السمسم كل يوم إيفتح
بنات آنا قاعدة استخدم حبوب تفتح الجسم من أمريكا أطلبهم عباره عن مادة الجلوتاثيون
كنت استخدمهم قبل زواجي ولمه حملت وقفتهم والحين رديت عليهم
اهو.مو تبييض بس نسبة التفتيح حلوة تحسين بالفرق من يصيرلج شهر وفوق على حسب لونج

 

[سكرة هانم]

صج حته زنجبيل تشربين ؟؟

يدتي مو راضيه تقول لا تلعبين بعمرج ...نفاسي يلوع الجبد اصلا بس شسوي ..احاتي رجعتي لريلي الله يستر ما اتفشل
مادري لان بطني كله مساود خف بس تحت للحين يبيله ..انا تجميلي بس مبين خط العمليه اهو مو مشوه بس مبين

وباجر بوصي ريلي ايب الحزام خل اتلاحق عمري واحتمال ابلش بالادويه لان ما ينزل علي دم كلللللش
انا سالت الدكتورة قالت بعد شهر كل شي تقدرين تسوين حته نادي ورياضه عادي

 

[3awaasha]

جبور الحبوب يصير تاخذينهم وانتي ترضعين؟؟

 

[زوجة مقهورة]

مبروك التجمع

انا ولدت ١١/٣ قيصري للاسف

اذويتي من ام خالد

نفسج جبوووور اعشاب التمر و خلطة القهوة مو بالبال

بس بنات بليز قولولي

الحين بنتي ويهها كله محبب عادي؟ من الادوية؟ يروح؟

وغير هذا الجرح متبطل نص سانتي ويطلع منه ريحه و صديد؟ شسوي؟ *

 

[رنووون]

السلام عليكم بنات مبروك إلي ولدوا والحمدالله عَِـَلْےّ سلامتهم ويتربون بعزهم .... أبشركم ولدت. يوم الخميس باليل وجبت بنوتة مثل القمر ((ميار )) ••??•????وْ?للّـًِھْ •????•??• يهون عَِـَلْےّ الباجي ويقومون بالسلامه ..... وأنا معاكم بالتجمع بس ادش قبل قليل وتسلمين عَِـَلْےّ التجمع ....

 

[ذهــب]

زوجة تلاحقي عمرج شنو ما تستخدمين مطهر بيتادين ترا موزين ديري بالج لا يلتهب وراجعي الدكتور او الطوارئ خل يشوفون الفتح عندج يمكن يخيطونه احسن من انه يكون مفتوح...

 

[ذهــب]

رنوون
الف مبرووووك والحمدلله على سلامة ميورة
حيااااج الله بتجمعنا

 

[لبى خشتك]

الف مبرووووووووك
افتتاح التجمع
لي عودة بعد ماينام ولدي
خلاص صار الوقت مو ملكي 

 

[انجبر قلبي]

سكرة
الله يخليلج يدتج يا رب .. كل اليدات بقولون جذي
بس كلامهم وايد فيه أغلاط وماله أساس من الصحة
المهم انتي سوي اللي يريحج.. بس قلت لج القيصري المفروض تهتم بأدوية النفاس اكثر من الطبيعي
حتى سألي أم خالد اهي برنامحدها اساسا للقيصري احنا خلال العملية يدشنا وايد هوا

وآنا دكتورتي قالت لي نفس الكلام بعد شهر ونص اسوي اللي أبيه بس مو ملتزمة لأني اصلن برجع حق ريلي بعد شهر ونص
فمابي ارجع له جذي مو مسوية ولا شي صراحة بستغل انفاسي عند امي لا رديت شقتي ماراح أقدر اسوي اي شي



عواشه
اهو مكتوب على العلبة المرضع والحامل يستشيرون الطبيب بس انا سألت ااموقع قالولي الحبوب آمنه وآنا كنت استخدمهم فترة طويله ما أثرو علي فصدقتهم و قاعدة آخذهم و أرضع انشالله ماكو الا العافيه



زوجة
يا حسرتي صديد يعني الجرح التهب روحئ راجعي دكتورتج حرام لا يزيد عليج


رنون
مبروك حبيبتي



و يا هلا بكل اللي طلوووو

 

[kitty eyes]

صباح قلة النوم


شلونكم يا احلى امهات

 

[ضحكت حبيبي]

صباح الخير

مبروووك التجمع اليديد

أعرفكم بنفسي

اسمي ضحوووووووك
:krkrkr:

ولدت ب23/11/2011

يبت بنوته وليلحين مالقيتلها اسم :eh_s(1):

احب بنات تجمع نوفمبر 2011

وان شاءالله ماافقد صدااااقتهم طوووول عمري

أمي امس تسألني بيزورونج صديقاتج اللي بالقروب

قلتلها يمه ترا كلهم بالنفاس شلون يزوروني :eh_s(10):

وللحديث بقيه .........