November BaBies 2011 .... أحلى بيبيز

[انجبر قلبي]

لول تبطي والله صاجه حدي مشتاقه حق هاللبس بيني وبينج وآنا حامل لي التاسع ما استغنيت عادي ألبس مرصرص سكتي يا حلو كرشه الحمل تهبل مشدودة و شكلا مرتب الحين حسيت بقيمتها يوم صارت كرشتي إحم مادري شسميها واي جبتيها عالجرح وآنا أختج .. انشالله بعد كل حمل جذي معاناه و ( تق متاقق على قولة رولا دشتي ) عشان انشيل الكرش يا ربي والله معاناه

 

[انجبر قلبي]

إي قولولي بنات بعد الأربعين انشالله شنو ناوين تستخدمون المانع لولب والا حبوب والا مانع طبيعي ...؟

آنا سألت دكتورتي تقول اللولب والحبوب نفس الشي بس الحبوب اسهل لأن متى ما تبين تحملين مجرد ما توقفين الحبوب أما اللولب يحتاج فحص داخلي و حاله ... آنا ما ارتحت للولب قلت لها تكتب لي حبوب مع اني كنت ناوية طبيعي بس لاني قيصري خفت لازم شوي راحة عشان الجرح يلتأم و أقدر أولد طبيعي للمره الثانيه ان الله كتب لي انشالله

بس للب مجربين حبوب المانع شلونهم صج يطيحون الشعر و جذي والا إشاعه لأن مو ناقصين انعابل بعمرنا

دكتورتي وصفت لي حبوب خاصه للرضاعه يعني ما ينشفون الحليب .. أشوة لأني قاعدة أرضع طبيعي

 

[om_3azoz]

انا 3 ايام بس خذيت حسو وبس ههههه خوش نفاس
قعدت لي 10 بيت ابوي ورديت شقتي والحين انا ماعتبر نفسي نفاس كلش

والحين قاعده اجهز حق طلعتي من النفاس ,,

 

[om_3azoz]

انجبر
انا استخدم حبوب 10 شهور خذيتهم لا متنوني ولا طيحو شعري ,,


الحين ناطره يصير لي 30 يوم عشان ابلش فيهم الدكتوره قالت لي ترضعين قتلها اي قالت اخذي حبوب منع الحمل مال الرضاعه قتلها لا مابي خفاف ومايطيحون علي قالت خلاص اخذي اي حبوب سالتني شنو كنت استخدم قتلها جنيرا قالت خلاص بلشي من يوم 30

 

[انجبر قلبي]

انزين أم عزوز شلون انتي الحين طلعتي من الأربعين والا بعد اذا طلعتي شلون الوضع عادي مو مأثر عليج انج ما التزمتي بالنفاس؟ اف انا خايفه اكون متوسعه بعد الولادة و الطلق و الفحص ويع اخرتها قيصري فشادة حيلي بتمارين كيجل ههه و النفاس ... بس مو مرتاحة احس اني متوسعه انا من التاسع كنت احس جذي من ضغط البيبي كانت حييييل نازلة الله يستر

 

[kitty eyes]

واي الحريم ليش ما اتيمعونهم يوم واحد والله الوحدة بالنفاس شتسوي و شتخلي والله حتى النوم ماكو وقت له الله يعين

كيتي ضيقتي خلقي ع اخت النفاس واي لا تقوليييين


شخبار الكرشة ههههه

الكرش

لووووووووووووووعة

صج خفت والتشققات هم خفت

بس صايرة رخوة جنها دلاغ فيه تراب <<<<<<<<<<<< خوش وصف

وما تقدرين تشدين علشان العملية

الا نسيت اقولكم قيصريات

ديرو بالكم تشيلون شيرة المكان

انا سالت الدكتورة قالت تو الناس على الشيرة

فشلت بشمع على خفيف والمكان اللي تحت كملته بشيرة

 

[kitty eyes]

انزين أم عزوز شلون انتي الحين طلعتي من الأربعين والا بعد اذا طلعتي شلون الوضع عادي مو مأثر عليج انج ما التزمتي بالنفاس؟ اف انا خايفه اكون متوسعه بعد الولادة و الطلق و الفحص ويع اخرتها قيصري فشادة حيلي بتمارين كيجل ههه و النفاس ... بس مو مرتاحة احس اني متوسعه انا من التاسع كنت احس جذي من ضغط البيبي كانت حييييل نازلة الله يستر

جبور انا قيصري

وما التزمت باكل النفاس كلش ملش

وضعفت حيل ويقولون مو زين الوحدة تضعف بالنفاس

وكاني شزيني عند زوجي

ولا جني والدة

اهم شي اخر خمس ايام استخدمي تحاميل بيتادين

تنظف وتنشف

فظيييييييييييييييييييييعة

 

[kitty eyes]

بنات قدمتو على خدم اللي ما عندهم

لا تستهينون

باجر شغل البيت مع البيبي والدوام


اخر تعب

 

[انجبر قلبي]

ههههههههه كيتي الوصف مو صج

وي يا ربي نبي حل مو معقوله البطن جذي يضيق الخلق

آنا أستخدم كريم شد البطن كلما أحطه اسوي مساج... حزام القيصري لبسته جم يوم و بس ما عجبني مادري وايد يضايق و ينجفس

انشالله بلبس كورسيه على طووووول من شاف هالكرش لا خلاص الكورسيه صديقي

بنات كثرو من الزنجبيل يحرق سعرات .....

 

[انجبر قلبي]

بعد عمري كيتي طمنتيني

بس آنا ليش أحاتي لاني رحت المستشفى على اني طبيعي حطولي طلق صناعي و توسعت لي 4 سانتي وكل شوي داعسين ايدهم بالفحص قطع استغفرالله

فمرات جذي وآنا قاعدة احس جنه المكان وسيع يقولولي يمكن عشان الدم بس انا الدم ينزل نقط كلش مو وايد لأن تدرين قيصري منظفينا بالولادة

يعني ما أحاتي ؟ من وين آخذ التحاميل والله فكرت بس قريت عنهم خفت وحدة تقول ما ذابت مادري شنووو

شجعتيني ودي أجرب

 

[انجبر قلبي]

كيتي
آنا بشيل بطني بالمكينه

 

[kitty eyes]

البيتادين وصفتهم الدكتورة لي

تلقينهم بالصيدليات

بخصوص الشيرة

ما اقصد البطن

على المكان اللي تحت العملية بالضبط

 

[انجبر قلبي]

انزين كتكوته شلون طريقة استخدام التحاميل و جم مرة استحي اسأل الصيدلي d:

 

[3awaasha]

تحاميل البيتادين روووووووعه موصج طلعوا الهوايل بحملي الأول وألحين وصفتهم لي الدكتوره الي أذكره أنهم مرتين باليوم يعني كل 12 ساعه لمدة 5أيام
ولاتنسون تمرين كيجل الدكتوره قالت من ألحين بلشوا علشان يضيق

 

[انجبر قلبي]

عواشه
آنا قلت حق دكتورتي ما احتاج استخدم شي للتضييق قالت لي لا
you are like a girl

بس ضاقؤخلقي لول لان كنت ابيها توصفلي شي ما وصفت
قالت لي استمري بتمرين كيجل خمس مرات باليوم

زين قلتولي بجرب التحاميل يعني ابلش من يوم 35

 

[kitty eyes]

نفس ما قالت عواش

مرتين

بس انا الدكتورة قالت لي مرة باليوم قبل لا تنامين

لان ما ادري اذا انتي نفسي

راح تحسين معاها بحرارة وماي حيل ينزل

اخر خمس ايام

حتى بعد الدورة اخر يوم حطي وحدة ونامي

تقومين ثاني يوم تلقين بلاوي نازلة

يالله ان شاء الله تطلعين بالسلامة

لا تحاتين الوسع والعذر على الكلمة

الوحدة تتوسع اذا شقوها من تحت

مو من الفحص والطلق

هذا ما له تاثير

كل البلا يجي مع طلعة الراس يعني لما يشقون الوحدة من تحت

علشان جذي تتوسع الوحدة

لاااااااااااااا تحاتين

ما عليه سامحوني الكلام شوي قوي

بس لازم الواحد يوضح

 

[انجبر قلبي]

مشكورة كيتي يا قلبي ما قصرتي ..

خلاص بطلبهم من الصيدلية أكو صيدلية توصل بالبيرق

و بجرب انشالله خير و ينظف عدل لان مليت مادري متى أنظف كله بواقي احس اني محتاجتهم

 

[ذهــب]

الف الف مبرووووووك فتحتوا التجمع قلللووووليش

انا ذبحني الامساااااااااااك ذبحني الم مو طبيعي يووووه<<<بديناااا تحلطم وشكاااوي هههههههه

 

[انجبر قلبي]

الله يبارك فيج ذهب و هلا فيييييج

اخذي ملين شراب من الصيدلية مفعوله سريع

 

[ذهــب]

توني طلبت من الصيدليه مرهم وغسول كلمت الدكتور اللي عندهم وصفلي هذا..