November BaBies 2011 .... أحلى بيبيز

[3awaasha]

بنات تحاميل البيتادين رووووعه أنا طلعت مني ماي شكثررررررررر
وألحين الحمدلله نشفت
نصيحه لاتطوفونها

 

[Katkota_46]

بنات انتوا من نفسكم أخذتوا التحاميل ؟ ولا وصفها لكم الدكتور ؟

 

[تبطي عظم!]

كتكوتا

انا من نفسي استخدمتهم على المدح الي شفته من البنات هني وبرا المننتدى

وسالت الصيدلي اهي العلبه فيها ١٤ تحميله

قالي كل يوم تحميلتين لمدة اسبوع تحميله الصبح وتحميله بليل

والله اليوم لي ٤ ايام ونزلت بلاوي حتن نزلت نقط دم مع انه انا موقف الدم عندي من يوم ٢٥ وكنت اصلي بس الحين وقفت اعتقد مايجوز

وافرازات وماي والله شكيت بعمري اني مو متنفسه عدل !!

 

[تبطي عظم!]

نجووم

الله يعيين وربي نفسي ولدي لعوزني اليل كله يسهرني حاطه فبالي اهتم بعمري وربي اهتميت بس اسبوع وبعدها وقفت

ما اقدر الليل اسهر ما اقدر احط كريمات كلش ماكو مزاج من كثر مايقثني ما ادري شنو يبي يحنحن واجد نبدل الحفاظه ونرضعه وهمن

يحنحن نشييله يسكت نقعد يرجع يبجي يبيني بس افتر فيه وربي امس من الحره عطيته طراق على كبر خده ههههه باصابعي الاثنين

حسيت نفسي مجرمه بس قهرني ماادري شنو يبي

 

[نجمة فجر]

تبطي
الله ايعينج
انا بعد اوصل حق حاله الهستره هذي احس بكفها حبيبه قلبي
احبها في النهار تحرني بالليل
الحين ابي انام 4 ساعات سمته وحده امنيه

 

[انجبر قلبي]

تبطي

اذا دم احمر تقطعين الصلاة واذا بني تصلين

ونفس حالتي مع بنتي بالاربعين كله حنة و اصياح بس ما يبجي الياهل الا اذافي شي أو يبي شي انا بنتي كله تبي شيل

بس كنت اتدهن واحط خلطات لمه امي أو اختي يمسكونها عني مع اني أكون بقمة التعب وودي انام بس اقول خل استغل هالفرص عند اهلي لا رحت شقتي عادي اقدر انام بس ماكو مجال للخلطات

 

[تبطي عظم!]

نجووم مااقوول غير اللهويعين صج الامومه مو شيء سهل اليوم اقوول لامي مسكيه شووي عني برتاح ويقول ابووي اخذيه

بس اخذيه تبين الامومه تحمليه امج تعبانه

وربي بغيت ابجي

جبوور

لا دم احمر بس لمن امسح بالكلينكس وولدي نفس بنتج يبي الشيل ~

وربي متحسفه اني ما اهتميت بعمري بس وربي كلش ماكو وقت ولايعه جبدي بس انا الحمد لله

زوجي دوامه شفتات فبتدهن بيوم دوامه وارتب الشقه وجذي ع الاقل بشقتي راح القى وقت هني فبيت اهلي ماكو ياحريم داخلين

يااخواني مقابليني يا طالعه اجهز يا اطقطق رووس ابي النوم وبليل اقابل زبوط النقعه ومااعرف امسكه وانا متدهنه ولا امسك المميه

 

[yasmeen_q8]

وانتوا الصاجين ماكو راحه + ماكو نوم وماكو وقتللاهتمام بالنفس والله احياناً اقول بسوي وبسوي وانسى
صج قمت انسى حتن عمري
وهمن انا ولدي تعود عالشيل ما يبي يقعد بالفراش وانا اخاف احطه يمي عالفراش اغفى ولا تثقل نومتي

 

[دانة الاحرار]

تبطي مو جنه وايد تحميلة صبح وتحميلة بالليل ؟؟
انا قالوا لي حطي وحدة او ٢ اذا تحتاجين

 

[الفراااااشة]

الله يعينكم خخخخخخخخخخخ تحملوا ع ماقيل هذي الامومه

 

[تبطي عظم!]

دانه والله ماادري جذي كلام الصيدلي وتأكدت من صيدلي ثاني بعد نفس كلاامه

 

[انجبر قلبي]

صح آنا بعد احس وايد وحدة الصبح ووحدة بالليل

تحميله بالليل مدة اسبوع تسوي شغل

تبطي آنا رديت شقتي حسبالي الوضع أهون تخيلي من بنتي حتى سبوح بالزور وان تسبحت ماعندي وقت اسشور شعري و اضبط شكلي حتى الأكل ناسيته ما ايي في بالي كاسر خاطري زوجي مسكين لول

كل هذا لأن بنتي تفحط بجي اذا مو بالحضن فما أقدر اسوي ولا ولا ولا شي

 

[ضحكت حبيبي]

الفرااشه انتي ولدتي؟؟

بعدين الناس تعبانه وانتي تضحكين عليهم يعني


ياييج الدور ماماتي

 

[yasmeen_q8]

اي والله اخخخخ من الدوور كلنا كنا نقول للي ولدوا حنيتوا والحين تتحلطمون ووصلنا لدرجة التحلطم وتحلطمنا نفسهم

 

[yasmeen_q8]

فوفو شخبارها يا ترا اهي وايون وزوجه

 

[ذهــب]

صبااااح الخير عقب غياااب طويل

جبووور
لازم نشتري الحماله اللي تشيل البيبي عالظهر او البطن لوووووول ونفتر ونتمشى ونسوي اشغالنا كلها ونتكلم بالتلفون ونتدهن ونفرش اسنانا ووووووالخ واهم ساكتين وعويناتهم طايره لووووول


سكوووره
ادري قديمه ومغبره بس توني اقرا كل الردود لهيت بجسمي هالايام قمت اسوي خلطات واتدهن وشغل ماله نهايه لووول
المهم عالرضاعات تقولين شنو اللي ينظفها في بسنتر بوينت اقراص فواره تحطينها بالرضاعه فيها ماي وتفور وتنظفه لج بس وكتيه وغسليه بالماي والفرشاة ينظف عدل حتى يخلي القزازه تلمع لوووول

بنااات ماسوي دعايه بس صج انصحكم بلصقات كرست رووووعة هذا خامس يوم لي حتى اختي خرعتني تقولي شمسويه باسنانج عباللي فيهم شي موزين لووووول صج صج بيضهم هذا وانا توني خامس يوم اجل شلون لو عشرين يوم لأنهم عشرين لصقه حق علبة بروفشنال لأنهم انواع...
عجييييبه اللي بتطلع من نفاسها اسنانها تلمع وبيضه عاااد الله عالحمره الحمرررررره <<< اصلح اسوي دعايات لوووول
بس حبيت افيدكم لأنكم مثل خوااتي وحبيت الشي الزين لكم...

 

[ذهــب]

بطبط و عقود
يوم سويت لي الخلطة الصابونية وتسبحت فيها شنو طلع وصاخة من سري مع انه تقولين شكله نظيف بس سواد،،، طلع وصخ وصار مثل لما تمسحين بالمساحة عالدفتر لونه اسود صج صج وفتح سرتي حيييييل
الخلطة سهله بس شكلكم مو فاضين تسوونها مع البيبيااات اغلبها صوابين من الحواج انا سويتها آخر الليل مع نومة لعبتي <<< اهلي يسألوني دايما وين لعبتج هههه من شكلها نتيفة ووجها جنه لعبة لووول..تبووونها ؟؟؟ اقولكم ؟؟*

 

[ذهــب]

استغفر الله باجر بخلص نفاسي وتوني افكر بجيب رداده الحمدلله والشكر لووووول شرايكم اجيب وودي اسوي كاسات هوا حيل محتاجه..

احس بعوار الدورة من زمان من اسبوع وماجاني شي ؟؟؟

يسوووومه
حلو الجهاز اللي قلتي عنه يدفي رضاعة البيبي عاااد صدفة انا شريت جهاز يدفي رضاعة البيبي تصلح بعد بالسيارة معاها يو اس بي للسيارة صج احتجتها لأنه وقت الشتا و حبيبتي تشرب وتوقف والحليب يبرد حييييل وهذا مو زين يجيب اسهال وغازات فأحتجتها عشان ادفيها طبعا الحليب ماينشرب بعد ساعتين اكته ومعاه توقيت يحسب متى سويت الرضاعة ودرجة الحرارة اتحكم فيها ويسوى الصراحة ب١٢ ونص خذيتها من شركة توصيل متجرهم بالنت تلقينه...

 

[ذهــب]

ترااا البيبي في الحالات اللي ماتعرفين ليه يبجي وسويتيله كل شي يمكن في شي يعوره وهو مثل المزع اذا تعرفونه حتى الدكاترة يعرفونها لأن البيبي عظامه لينه ومفاصله تتفجج بسهوله المزع يعور البيبي تكونين حركتي ايده او رجوله حييييييل او شلتيه من ايدينه بروحها او عند الاباط او رجوله اهني تشوفينه يبجي كل يوم لأنج ماتدرين شيعوره الحل تدهنين مكان العوار بزيت زيتون دافي وتمهدين البيبي وشدي المهاد شوي بس لا تخنقينه بس لما تحسينه ثابت وخليه اكبر وقت ممكن باليوم يعني خليه اغلب المرات امهد ليما يصير ثلاث ايام وان شالله يتحسن حاله وبعد لبسيه حفاظتين اذا كان بالرجول ،، هذا من امي علمتني لأن بنتي كنت اغيرلها حفاظتها وشديت رجولها برا عاليمين حيل جان تصرخ حبيبتي وتبجي علمت امي وهاوشتي قالت يمكن مزعتيها ولاحظتها من يوم هالحركة صايره تبجي بدون سبب والله المسكينة كله مني حاسه بالذنب وقمت ادهنها بزيت الزيتون وامهدها عدل...

وبعد البجي يمكن من الغازات او امساك ازعجته او اذا كان مريض حراره نشله وغيرها ومثل بنت جبوور بعد الله يشافيها كان فيها شرخ كانت تبجي لين اخر شي عرفت انه من الشرخ واكيد كلهم لهم علاج ...

وبعض المرات اذا البيبي يبجي يمكن يبي الشيل لأنه تعود عليه مثل ما امي قالتلي اذا البيبي تعود على شي خلاص مايخليه يبجي يبيه مثل الشيل والنومة معاج والهز و لما تدهينه كلهم اذا عودتوهم عالحركات وكثرتوها وكل مايبجي سويتوها راح يبجون يبونها قلت لامي انزين شسوي لأني عودتها لما تبجي احطها بحظني وأدهّا اللحين اذتني وانا نايمه تبجي واقوم واسويلها الحركةو لماارجعها لسريرها ترجع تبجي واعيد نفس الحركة وهذا انا نوم مافي ..

قالتلي اذا بجت سويلها كل شي محتاجته اذا كانت حفاظه او حليب او حتى تبي النوم تبجي او حيل متضايقه من ثوبها اذا فيه ماي يعني نظفوهم تنظيف وشبعوهم ومن جذي وحطيها بسريرها وصكري اللمبات واذا في اي صوت صكريه او سكتيهم وتكلمي علخفيف بس..طبعا هذا غير اذا في شي يعورها هذا خلوه على صوب هذا الكلام حق الشي اللي متعود عليه بس..
واذا كمل البجي وطول ادهه دقيقه واكيد يسكت واخليه ليما ينام واذا رجع سوي نفس الطريقة ....

كلام امي صح حتى اذكر في برنامج كان يطلع علـ ام بي سي 4 اسمه سوبر ناني اذا تذكرونه المربية اللي تربي الجهال كانت تسوي نفس الطريقه اذا بتنومين البيبي ... هالمربية رهيبه لوووول كانت تسكت الجهال اذا يبجون مشالله عليها و حتى اذا في جاهل عصبي ومشاغب وكل الشطانه فيه تخليه ملاك بريئ وكل السكون فيه لوووول

 

[ضحكت حبيبي]

صباح النور ذهووب

أيوااا يا سوبر ناني يا ذهووب

طبعاا انتي كتبتي ردوود طلعتي اللي بقلبج كله

أنا مع امج بكلامها بس عندي نقطه

أنا اطفي بس الليت اللي فوق راس بنتي بس اخلي ليت واحد مفتوح بالدار

وعادي اسولف يمها تدرين ليش

لانه اذا الياهل تعود ينام بالظلمه والهدوء راح تاذين بالطلعه

اختي وبنت خالتي معودين عيالهم انه ماينامون الا بالهدوء

لاتشوفينهم بالزوارة بس يصير وقت نومهم يحنون ويبجوون لازم يردونهم البيت عشان ماينامون بالازعاج

أنا بنت الكبيرة ماعلمتها عل الهدووء اسم الله عليها احطها بالعربانه بالسوق او حتى بالزوارة اذا بتنام اقولها انسدحي عل قنفه ونامي بدون بجي او حنه وما اضطر اطلع مبجر مثلهم

اقعد لي 11.30 بالليل عشان 12 اوصل البيت سندريلا
اذا. دخلت 12. وخمس دقايق احصلي زفه لووووول. واروووح أنام عادي <<< متعوده ارد متاخر

والسؤال اللي مايتغير والمشكلة كل مره نفس الاجابه

ليش متاخره؟؟

طالبين عشا وتاخر ويدتي مارضت اطلع وانا مومتعشيه <<< بس ترى أنا ماجذب لو على قص رقبتي

يالله بروووح أنام قبل لا يقعدووون