November BaBies 2011 .... أحلى بيبيز

[careless 5]

طلبت الكورس من ام خالد و ان شاء الله يكون شي نظيف

 

[careless 5]

واااو السبا و هالسوالف اتينن اترد الرووووووح

باجر ولدي عنده موعد اول موعد له فديته






بنات بخصوص الطهور عند منو احسن شي و متى و ليش و شلون لوووووول
ترى مو عارفه للموضوع كلش و هل يعور و يظل مده ؟ ولا شنو

 

[ضحكت حبيبي]

كيرلس

أنا مطهره ولدي بالليزر عند اشرف كابش بالسلام

ماطول علما طاب وماتنطرين شي يطيح

ليش يطهرون والله نظافه و الاسلام بحثنا على النظافه << شرايج فيني

تصبحين على خير

 

[عقد لولو ~]

جبور

يختي بنتي وآيد ترجع لين مرآت تشرب آللّھ يحفظهآ ولا يهمهآ عقب ترجع فآخليهآ 3 ولو شفتها تبي زيآده آسوي لهآ


آكلي رهش مآشآء آللّھ وآيد زآد حليبي



بنات رحت فيلاجيو أول أمس تخيلوا مآشآء الله تبارك الرحمن قايست فستان أنا مقاسي قبل لا أحمل 10 ويوم حملت صار 14 عاد أنا قلت بكرامتي أخذ مقاس 12 واجرب جربت @@ فديته يتفرفر عليّ جآن آستآنس مووووت هههههههه آلحمدلله يعني جسمي مآتغير بس كرشتي @@ مآشآء آللّھ

خذت لي ميك أب خفيف حجزت قص وصبغه وبأقي أحجز لي حنا وحف ومناكير وبوديكير وتشقير حواجب وشواربي ياي مأسآه آحس جيه بصير شي ثاني ههههههههه بكره بخلص أغراضي مآلت التجهيز

بنتي مريضه تكحكح ومزكمه تتنفس بس من حلجها والظاهر فيها احتقان يآربي تكسر الخاطر أمس صاحت وزوارة الأهل كانت في بيتنا صاحت صياح هي تصيح ؤآنآ آسوي روحي قويه قدامهم وفيني الصيحه عورت قلبي

 

[yasmeen_q8]

لوووول تصدقون توني اكتشف اني امس قريت وما رديت لوووول
انا امس شريت نفانيف وسوالف جذي حق طلعات وحق حفلات
وعندي اخر ايام حمالي هم منت شارية من ريفر ايلاند اذكر اشوفهم وخاطري البس يقولي ريلي اخذي اقوله لا حرام وين البس مع هالكرش فيابهم لي حق عقب الولاده
بالنسبه للبنات اللي يرضعون صناعي عشان لا تصير تجهيز المميه صعبه عليكم في هذي المطاره الحديد تحفظ الماي حار
وااايد مريحه قبل لا تنامين عبي ٣ مميات ماي بيبي واغليهم قبل لا تنامين وسكريها
تقومين بالليل الماي حاار او داافي ما يحتاج تقعدين وتسخنين المميه ولا تقعدين تغلين الماي وتبرديت المميه للياهل على طول حطي وخضي
وبعد وقت النهار لما تسوين مميته لا تغلين الماي كله انا مثلاً لو بسويله ٦٠ مل اغلي ٣٠ مل احط الحليب واخضه بعدين احط فوقه ٣٠ مل ماي بارد تصير دافيه ويشربها على طول ما انطره
ضحوك
انا بالنسبه لي الرضاعه الطبيعيه كانت جداًصعبه لان ما عندي حلمه حتن مع الشفط ما تطلع والياهل مسكين ما يعرف يمسك لان ماكو شي بارزله حتن رحت لدكتورة طوارئ لان عمرو عصام كان مسافر شافت وقالتلي انتي نوعهم فلات لازم تشفطين لان صعب يمسكهم فلما كنت احاول اطلعله اياهم وارضعه يصاررخ حييل وانا اتدوده فكل ما بجى كنت اقعد اشفط واعطيه لما صدري قام يذبحني عوار خاصه صوب الحلمه فاضطريت افطمه لان باجر لما اروح الجامعه ماراح يكون عندي وقت اشفطله كل شوي
بتقولين شفطي وخليله
المشكله صدري ما يعبي اكثر من مميه فكنت اعصره عصاار اول ايام كان يعبي ٣ مميات كنت احط واخشله بس مع الوقت ماقام يطلع اكثر من مميه

اتذكر خالتي يوم ولدها كبر شوي شلون كان يغاار على صدر امه يصير بخاطري ولدي يكون جذي بس ما راح يصير

 

[yasmeen_q8]

عقود ما تشوف شر بنتج
الله يشافيهم يا رب عيالنا الجو جو امرااض

 

[ضحكت حبيبي]

ياسمين
حبيبتي أنا باول بيبي كنت نفسح
ماكو حلمه
بس كنت اشفط مميه صغيره وأخليها
والثانيه صناعي

 

[تبطي عظم!]

قووه بناات


اليووم ماكو احد وينكم .....؟

 

[ضحكت حبيبي]

نحن هنا

 

[انجبر قلبي]

انا رحت اليوم حق دكتور الاطفال محمد سعيد وايد شاطر

و سألته عن الحليب قلت له انا ملاحظة حليبي قل ضحك و قال الحليب ما يقل !!

قلتله بس انا كنت اشفط يطلع وايد الحين لمه اشفط ماكو الا شوي ؟؟ قال اي من عذر لان الشفط ينشف الحليب!! انا كنت اقرا عن هالشي بس عبالي معلومه خاطئة و قاللي احنا اللي يبون ينشفون.حليبهم ننصحهم اصلا بالشفط.. وقاللي لا تشفطين كلش الا للضرورة القصوى

 

[Katkota_46]

السلاااااام

شخباركم ماعندي وقت اشبك

اليوم يبت رداده وناسسسسه ريحت ظهري كان مفجج وسويت كاسات هوا بعد . الله يالهوا اللي بظهري

 

[careless 5]

السلام عليكم


شلوووونكم بنات شخباركم ولهت عليكم


كتكوته عليييييج بالعافية
انتي قيصرية ؟

 

[ضحكت حبيبي]

كتكوته

اي رداده يبتي

سولفلنا عنها

لازم اي يوم تيي

أنا بخلص النفاس وليلحين اسأل عن الرداده

عندي سؤال

لمه اييب رداده لازم أكون. حافه جسمي؟؟

لانه ودي احف حق طلعه النفاس

 

[ام نجـــلاء]

مرحبا

شخبااركم

اخر اخباري

امس رحت سويت حمام مغربي افركتني فرك الفلبنيه حسيت اني بانشق ههههه

والصبح رحت اصبغ

بس باقي احف واشقر حواجبي وبديكير ومنكير واتحنى بخلصهم الثلاثاء والاربعاء

واليوم شريت حبوب الرضاعه بس الصيدلي قالي لازم تنزل عليج الدورة وعقب استخدميها بس انا قربت اطلع اربعين وللحين ماياتني دورة

 

[Katkota_46]

كيرلس

اي حبيبتي انا قيصريه

ضحوك
انا عطوني رقمها ولما سالت قالت صالون برستيج بالجابريه
وقالت لي اللي والده طبيعي بعد 10 ايام من الولاده اتردد اما القيصريه بعد 20 يوم

سوت كل جسمي وراسي بس بطني ما جاسته
وطلبت منها تسويلي كاسات هوا
يعني من اول جلسه ارتحت
سعر الجلسه 10 وكاسات الهوا 3 دنانير

 

[ضحكت حبيبي]

ام نجلا

عليج بالعافيه

 

[ام نجـــلاء]

يعافيج ياقلبي


والله حنا نضبط بس الله يستر من عيالنا شنو بيسون فينا ذيج الليله

 

[تبطي عظم!]

بنات اخت النفاس تجي الحين عادي!!


انا طهرت من يوم ٢٥ وبلشت بالتحاميل البيتادين لمن صارلي ٣٠

قبل شوي رحت الحمام كرمكم الله ولمن مسحت بكلينكس لقيت نقط دم !!!

معقوله اخت النفاس ولا هذا من التحاميل قاعده تنظف الرحم !!!


واذا هذي اخت النفاس اوقف التحاميل ولا اكملهم عادي

تكفوون ردو لحد يطنش لان ماعرف وامي سألتها وماتعرف*

 

[yasmeen_q8]

ضحوك الرداده يوم يتلي حطيت كمبل عالارض ونمت فوقه
تبطي مادري للحين ما جربت
بنات بغيت اسألكم
انا الحين صارلي تقريباً شهر بسأل انتوا نفسي تحسون بشد من تحت
خاصه بالشيسمونه ووقت لما ادش الحمام
ولما امشي
احس كأن في ضغط او شد عضلي مادري شلون اشرح العوار
ما اعرف اعبر

ومتى يروح بنات حي احاتي باقيلي بو ١٣ يوم واكلع من نفاسي اخاف اتألم ولا يصير شي وقت الشسمه مع ريلي عقب ال٤٠ انا بروحي لي قبل الولاده بيوم لما نسوي اتعصر واشد جسمي انا خوافه لدرجه فضيعه اخاف من العوار

 

[yasmeen_q8]

اي بنات همن لما امشي احس كأن الفوطه الصحيه تعور مكان الحياط للعلم جيكت مع الدكتور قالي ان الجرح التأم بس قالي استمري على الميبو عشان يقشر الطبقه اللي فوق ويكون جلد يديد