November BaBies 2011 .... أحلى بيبيز

[انجبر قلبي]

سكره كريمات الشد ما تضغط ع الجرح ولا تحسين بضغط كلش ليش خايفه تيتخدمينهم


آنا رحت لدكتورتي كان لي 28 سألتها عادي ألببس كورسيه الحين قالت لي اي عادي

 

[yasmeen_q8]

انا من قبل لا اولد ساءله عن الكورسيه وقالي لبسيه بعد ١٠ ايام

 

[سكرة هانم]

جبور انا وايد خوافه :/ دكتورتج مثل كلام دكتورتي تقريبا


تمارين كيجل واااايد زينه 3مرات باليوم ..مشكله كله انساهم

 

[yasmeen_q8]

بنات امس حماتي دقت على رداده قالتلها باليوم الثامن والتاسع والعاشر المفروض تيي وانا لي الحين ١٥ يوم بتييلي اليوم انا حيييل خايفه من سوالف اللي تقلب الرحم ومادري شنو !! نصحوني

وشي ثاني الحراره راحت الحمدلله وبلاعيمي ما تعورني بس قاعده اكحكح اقدر الحين اشيل ولدي والملم فيه ولهانه علييه ؟!

 

[Katkota_46]

صباح الخير
شخباركم ،، ولهت على التجمع بس شسوي ما عندي وقت أسولف معاكم

أنا سميت بنتي ميار. وحليبها سميلأك ! والحفاظات ليبرو ممتازين
وكريم الحفاظ سودو كريم ،

اللي ولدوا قيصريه متى نقدر نلبس الحزام أو الكورسيه!!!!

 

[Violetta]

لبى روحي راجعي عند دكتورتج

 

[Violetta]

سؤال للقيصريات انتو ليش ماسالتو دكاترتكم هالاسئله ؟

 

[Katkota_46]

فيولت للحين ما رحت مراجعتي
قلت أسأل قبل لا أروح. موعدي

 

[yasmeen_q8]

كتكوته انتي قيصري ؟!!!

 

[سكرة هانم]

وايد قيصري بالتجمع ما هقيت شنو السبب كانت ولادتكم قيصري ؟؟

انا نزل علي الماي وانطرو ٢٤ ساعه والرحم مافتح والياهل تعب فضطرو قيصري والحمدلله

قالولي السبب من المستشفى عشان الفلوس بس الظليمه شينه ..



فيوليت انا ساله دكتورتي بس ودي اشوف الدكاتره الثانين شقولون ما احب اجازف


كتكوته

دكتورتي قالت بعد شهر تقدرين تسوين رياضه وتشتركين بنادي وتلبسين كورسيه وقبل الشهر كل هذا ممنوع

 

[Katkota_46]

أي ياسمين أنا ولدت قيصري على آخر لحظة.
عقب ما زاد الطلق رحت الطوارئ.فحصتني الدكتوره سمر طلعت مفتوحه 6 سم
ووني الولاده قمت ابجي هههه خفت جان اطلب إبره الظهر. الحمدلله ما عطوني طلق صناعي. هالحجي كان الساعه 12 لين 6 الصبح وصلت 9 سم جان تصعد البيبي فوق ! وتكرمين نزل مع البول دم خافؤا يصير تسمم. وحولوني قيصريه ولدتني دكتوره فيجايا. ودكتور احمد عبدالعليم
والحمدلله يبت ميورة

هذي أحداث ولادتي

سكره الكرش مو صج هههه بدت تخف حدي مستعيله على الحزام والضعف

 

[yasmeen_q8]

فيجايا شلونها وشنو انطباعج عن الولادة؟!
شالفرق بينها وبين عمرو

 

[تبطي عظم!]

سكووره بالعكس مو واجد قيصيري

انتي وكتكوتا وانجر قلبي وعقد لولو وكيتي ايز وزوجه مقهوره يعني ٦ بس

والكرش اغلب القيصيريات قالولهم بعد شهر تقدر تسوي رياضه وتلبس حزام

انا طبيعي ودكتوري قالي البس حزام من الحين عادي واسوي تمارين بس مالي خلق ع التمارين لوووول

والحزام ما البسه بعد ذبحني يضغط على بطني هم مالبسته ما ادري شسوي

 

[Katkota_46]

فيجايا شلونها وشنو انطباعج عن الولادة؟!
شالفرق بينها وبين عمرو

أخلاقها تهبل. وأيد مريحه أهي كبيره بالعمر. حتى دكتور عمرو قالي أهي وأيد صبرت عليج. لأنه حالتي لازم علطول قيصري
أنا جربتها بالقيصريه ياسمين مادري شلونها بالولادة الطبيعيه

بس. عمرو وأيد مدحها

 

[انجبر قلبي]

الظاهر القيصري موضه المستشفيات هالايام

آنا كلش ماتوقعت قيصري لي آخر لحظة .. البيبي طلعوها خلال 7 دقايق قبل هالدقايق انا كنت اطلق وحتطة في بالي طبيعي سبحان ألله انشالله خيرة

 

[ام نجـــلاء]

مرحبا بنات

ودي ارد علي كل وحده بس شابكه من ايفون وصعب علي

انا غيرت حليب ولدي لنان بس نفس ابشي سوا له اسهال بس مب وايد

بخليه هاسبوع علي حليبه وعقب اشوف وضعه

انا للحين مافكرت بالمانع ماابي الحبوب لان مع الرضاعه ماتصلح لي الا سيزرات وانا مجربتها قبل لعوزتني خلت نفسيتي زفت واقطعت عني الدورة

بروح لدكتوره اذا كملت 35واشوف شتقولي

 

[زوجة مقهورة]

يا المهات العزيزت بليز بليز بليز ساعدوني اعيالي الثلاث مرضى كحه مو طبيعية و نشله و حرارة. انا همي الحين الصغيرونة حرام ٢٥ يوم وكحتها نفس كحت الشياب وحرارتها ٤٠ وديتها المستشفى طيبة عطونا مضاد حقهم الثلاث بس كاسرة خاطري الصغيرة توهل ومضاد حيوي حرااااااااااام وغير هذا قال اذا ضلت الكحة لي باجر راح ينومونها بالمستشفى بليز قولولي شسوي من اعشاب او شي اي شي عشان اساعدهم يتنفسون وخاصه الصغيرة قامت ترجه من خشمها الحليب وانا بروحي للحين زوجي مسافر بلييييييييييز ساعدوني قاعدين يقطعون قلبي اكلمكم وانا ابجي هذي حالتي من ٢ الفير ماهمني النوم والاكل بس الحين ابي شي يساعدهم

 

[yasmeen_q8]

انا استخدم بامبرز بس صاجين يسرب واايد انا كل يوم اشيل فرشة الفراش عشان تغسلها بس توني ادري انه من البامبرز
حليب اشفطله ولما يخلص حليب صدري اعطيه حليب سيميلاك انا اخففله المكيال احط بدال قفشتين قفشه وربع
استخدم كريمات ماذركير وجونسون يايبه ال٢ بصراحه مالوت ماذركير احلى هم ريحتهم احلى ويرطبون اكثر
وكريم الحساسيه الرمادي

 

[yasmeen_q8]

زوجة الظاهر الحرارة والكحه موسم
انا بعد كان فيني وخذيت ابره خفت على ولدي
وامس ما قربتله كلش الا وانا حاطه كمام
اليوم قربتله الله يستر
عالعموم الله يشافي عيالج يا رب والصغيره
وان شاء الله البنات يفيدونج حبيبتي

 

[Katkota_46]

زوجه. مقهورة

الله يشافي عيالج يارب

اللي أعرفه البابونج وأيد زين حق الكحه. واذا كحتهم فيها بلغم الكزبرة اطلع البلغم كله بس تحملي ترجيعهم عقب الكزبرة

ما يشوفون شر