November BaBies 2011 .... أحلى بيبيز

[Violetta]

تبطي وايد امبجر ٢١ اول مره اسمع العاده يا بيوم ٣٠ او ٣٥

 

[انجبر قلبي]

ثانكس كيرليس


ياسمين ما تشوفين شر حبيبتي


أم نجول خذتي أبتاميل أي نوع لأن اهو أنواع كل نوع غير اذكر وحدة جذي قالت لي أبتاميل نسيت اي نوع سوا حق ولدها امساك بس انا استخدم أبتاميل كومفورت بالعكس حالتها تحسنت عن يوم كنت اعطيها سيميلاك وانا عموما ما اعطيها صناعي وايد لمه اضطر بس


ضحوك
وعليه البنوته للحينها في قائمة الانتظار انزين اسم الجود حلو أو الحور أو اسم زينه نعومي ... شرايج ب ملك ؟ أريج .. لين .. فطومه لول.. انتي تحبين الاسامي الصغيره والا الغريبة قوليلنا ل نقترح نساعدج


أم الحوراء آنا قيصري الاسبوع اللي طاف جرحي كان يعورني بس الحين لا الحمدالله أحسه طاب مع اني اطلع السوق و اسوي تمارين واتحرك وايد .. توني يايه من السوق احس العوار اختفى.. الاسبوع اللي طاف حتى لمه اضحك يعورني .. الحمدالله.. و باقيلي 4 ايام ع طلعتي

 

[انجبر قلبي]

تبطي 21 مبجرررر بس انا مو دكتورة سمعي كلام دكتورتج أحسن يمكن حبوبج لازم تاخذينهم مبجر عشان مفعولهم بطيء ما يندرى

 

[انجبر قلبي]

آنا دكتورتي قالت لي آخذ حبوبي بيوم 39 أو 40

بس انا بطلع باليوم 39 فراح آخذهم 38 احتياط



ىوني شريت بجامتين من وومن سيكرت و بجامتين من لاسنزا و ستايينهم حلوين احس بس راح أوقف لبس الشقة مع اني ما شريت وايد بس عشان أوفر حق باجي البلاوي اللي بقت

من قبل كنت شارية قمصان نوم بيبي دول و عادي من أنور و عندي قبل لا أحمل ما انلبسوا

 

[انجبر قلبي]

بنات آللي يستخدمون تحاميل بيتادين


صارلي يومين احط تحميله قبل لا انام ما لاحظت ان طلع وصخ ماكوووو شي على وصفكم تخيلت بتطلع بلاوي بس اللهم حسيت بماي نزل بعد ما حطيتها بدقيقة ف قولولي اخاف قاعدة احطها غلط أو.انها ما ذابت يمه الله يستر :/

 

[ضحكت حبيبي]

جبور

احب اسامي صغيره بس حلوه مو خرابيط هالايام

 

[انجبر قلبي]

هيا

 

[Violetta]

انجبر معناته رحمج نظيف عادي
و يقولون البجر رحمها انظف من الي ثاني ولاده انا لاحظت بهالولاده نزلت مني بلاوي تخرع يمكن لانه كان توام و واحد مانكتب له عمر و الحمدالله علي كل حال اهم شي رزقني ببنوته الله يحفظها

 

[Violetta]

مزن مذكور بالقران
دلال حلو
نيره. الياء عليها شده
ميار ضوء القمر
حتى اسم قمر حلو

 

[انجبر قلبي]

الحمدالله فيوليت الله يخليها لج يا رب

طمنتيني .. يعني اذا نظيف اكمل التحاميل لي اليوم الخامس والا أوقف مادري

بس أشوة ما حرقتني التحميله كنت خايفة تحرق

 

[ضحكت حبيبي]

فيولت

حتى أمي تقولي سميها قمر

 

[3awaasha]

الله ضحووووووك
قموووره يهبل فديتها والله ربي يحفظها

 

[ضحكت حبيبي]

اي عواااشه تدلعين جنتج

وبعدين تراوينها نجوم القايله لوووووول

 

[لبى خشتك]

هاي امهات نوفمبريات
والله لكم وحشششششه
بس الخياط ذابحني صارلي 12 يوم ولي اللحين ماطاح ويعور
كل وحدة تكتب عنايتها بطفلها
انا ببدا
الحفاضات. دارلنقز
الحليب. سيميلاك
للجسم. بيبي اويل وكريم سيباميد
واذا ذكرت شي بكتبه

 

[قلبوا انا]

ياربي يابنات حايشني اكتئاب
والله واصله حدي وفوق كذا
قاهرني زوجي صارلنا اسبوع مانتكلم مع بعض
بدال مايوقف معي بنفاسي
صاير مرره عصبي مااقدر اتكلم معه من ولدت وجلست عند اهلي

 

[انجبر قلبي]

أهلين لبى
آنا مثلج حبيت حفاظات دارلينق.. و ليبرو بعد زينين
بامبرز وايد اتسرب
و الحليب قلت من قبل ابتاميل كومفورت


قلبو
الله يعينج بصراحة زوجج مو وقته يعصب .. يمكن فاقدج او متغير عليه الوضع بدونج

بنات بنتي بلغمها وايد تكسر الخاطر مسكينه شكلها ايعور القلب و اهي تحاول اتطلعه شسوي
واصلني بالواتساب علاج البلغم للاطفال قفشة من زيت السمسم لمدة 3 ايام يطلع البلغم بالحفاظة بس اخاف اجرب ع بنتي
رفيجتي مجربه الطريقة ع ولدها تقول صج يطلع انتو شرايكم خايفة اجازف بس وعليه تكود عليها وايد مو راضي يطلع

 

[Violetta]

دكتورتج اشقالت لج سوي الي قالت لج عليه
انا قالت لي 3 تحاميل اخر 3 ايام

 

[Violetta]

انجبر لا تجازفين فيها اذا هذا تسالين صيدلي او دكتور احسن

 

[قلبوا انا]

مشكوره جبوره
بس انتبهي واسالي الصيدلي لان البيبي مو اي شي يتحمله

 

[انجبر قلبي]

فيوليت انا التحاميل ما وصفتهم لي دكتورتي

بس بخلص الاربعين وللحين تنزل الافرازات ما كنت متشجعه عالتحاميل

بس أبي انظف كل شوي اتفاجأ