Feminine Hygiene - العنايه الشخصيه للمتزوجات فقط

[Dancing^Queen]

السلام عليكم ورحمه الله وبركاته
خواتي المتزوجات عضوات كويتيات
ازيكم؟
شخباركم؟
من زمان ماشفتكم ولاسولفنا جاي ماي قهوه عصير (عيب تدشون ايدكم فاضيه:eh_s(13): )<<<< يعني مو انا بييب
موضوعنا اليوم حبيباتي عن العنايه الخاصه بالمتزوجه من ناحيه المنتجات المستخدممه للنظافه الشخصيه
البنت بليز بره <<<لاتستخدمين شي في ناس يكون عندهم حساسيه باجر تاخذين واحد من هالمنتجات ويصير فيج التهاب واحنا نبتلش نستلم دعاوي من جميع الجهات محنا ناقصين رجاءا المنتدا متروس اقسام تفضلي عزيزتي اي مكان الا هني



المهم
نرجع محور حديثنا
اختي المتزوجه
شنو المستحضرات اللي ماتستغنين عنها بحمامج اعزكم الله للعنايه والنظافه الشخصيه؟؟؟
هدفنا من الموضوع تبادل الخبرات وطرح راقي واستفاده للجميع ودمتم سالمين


انا راح ابتدي بعمري
بحطلكم شنو الشغلات اللي استخدمها

استخدم السبراي هذا

والوايبس هذول

وانشاءالله باجر انكمل الموضوع

 

[سبائك]

خوش موضوع كوين



بالنسبه لي استخدم غسول abc ممتاز

وبعد الدوره اغسل بمسك العروس من القرشي ما استغني عنه

وسلامتج

 

[أم ^ علي]

يعطيكم العافيه بنات وين الباجي نبي نستفيد

 

[لوكريسيا]

هلاااااااا كوين .. موضوعج رووووعة .. ينطيج العافية قلب
الصراحة ما استغني عن Cyteal ..

و بعد الدورة تكرمون أستخدم مسك العروس .. و نكمل معاج باجر ان شاء الله

 

[ii DareeN ii]

:eh_s(13): اهو صج حاطه انتي فقط كوين بس بحط الي استخدمه بعد حتى الي مو متزوجات يغسلون

وعقب الدوره مسك الحجر من القرشي

 

[هـــــاء]

خوش موضوع كوين



بالنسبه لي استخدم غسول abc ممتاز

وبعد الدوره اغسل بمسك العروس من القرشي ما استغني عنه

وسلامتج

انا بعد ممتاااااااااااز هالغسول و ريحته حلووه بس ما تستخدمينه يوميا ..

 

[شمس الوفا]

انا استخدم سيوتل بس مو دايم

بسألج كوين البخاخ شنو استعماله.؟؟؟؟؟؟

 

[رفرف]

انا استخدم غسول intimate ترى زين حتى للي فيها التهابات ...

والوايبس بعد intimate

وعندي غسول داخلي دكتورتي وصفته لي تقول زين حق بعد الدورة او اذا في افرازات وجذي بس ليلحين ماجربته ما احتجت ....
اعطيكم اسمه باجر انشالله (مالي خلق اصعد اييبه) ....

 

[المقروده]

ماي وملح
سيتيل
وبالدوره: تحاميل البوثيل
وبعد الدوره مسك مع ماي

 

[الاسطورية]

انا استخدم غسول وايد حلو
بالعسل والحليب وعشبه
هذي صوره لنفس الماركه بس علبتي غير

وكريمات وولوشنات فكتوريا سيكرت

 

[malak_alroo7]

و عليكم السلام
مشكوووره موضوع حلو و مفيد
انا استخدم المسك (من القرشى) بعد الدوره

 

[زيـنـه]

كويــــــــــــــــــــــــن

خوش موضوع

انا استخدم مثل اللي عند سبائك ايه بي سي بس ريحته قويه و حرني .. و مثل رفرف انتيميت ريحته هاديه و زوين للاتهابات و الحوامل .. و احيانا غسول كير فري .. بس مو كل يوم .
و يوميا محارم كير فري .
و انشف المنطقه زين بعد الغسيل و التشطيف .

 

[jolie_q8]

استخدم sebamed تقريبا يومي

وCyteal على فترات كل شهر .. واذ الامر احتاج

وجربت AMM .. وايد زين عموما هالماركه حلوه

وجربت intimate

بس ما ارتحت له وايد

وميرسي لإلك :eh_s(17):

 

[نيرة الذهب]

سلاااااااااام عليكم حبيباتي
انا استخدم سبياميد للغسول وعقبها انشف المنطقة عدل
بس بغيت اسال عن شغلة
انا شريت مسك العروس من القرشي
حبيت اعرف اشلون استخدامه؟؟

 

[bnt_kwt]

انا هذا اللي ارتحت عليه واستخدمت كير فري وسيباميد بعد بس اكثر شي ارتحت عليه سيتال ودكتوري اللي وصفه لي

 

[bnt q8 in usa]

انا بس استخدم حجر مسك بعد الدوره ويوميا امسح هالمنطقه بودره حجر مسك والبس كير فري.............................طبعا بعد ماتتنظف هالمنطقه بكلنس المرطب بالماي

 

[Dancing^Queen]

مشكورين مشكورين يابنات علي تفاعلكم وعلي مشاركاتكم
الاراء اجمعت علي اتباع السنه والمسك الابيض

سبائك وهاء وزينه

شلون تستخدمون الغسول؟ اهو صج طبي وزين ووايد ريكومندد ، بس حق بنتي دكتوره عفافا لرومي حيل مدحته يوم بنتي فيها تسلخات استخدمته لها
بس ريحته فضيييييييييييييييييحه شاي اخضر وين مانروح تفوح الريحه !!!وريحه جااااااااي اخضضضضضضضضضضضضضضضضضضضضضر مميزه
كل من يسالني يايين من الطبيب؟؟؟؟


لوكريسيا ، دارين ، شمس الوفا ، المقروده ، بنت الكويت ، جولي
هالغسول حيل يمدحونه دكاتره امراض النسا يرشحونه كخيار اول

النيره وجولي
سيباميد

الاسطوريه
الماركه هذي استخدم منها مرطب للويه وايد حلوه
وسؤال تستخدمين بخاخات فكتوريا حق المنطقه الحساسه؟؟؟؟

ابله رفرف
حاليا اللي عندي واستخدمه انتمت ووايد مرتاحه منه اقصد الوايبس


انا ماستخدم غسول خاص ، اغسل ببيبي جونسون احسه امن شي <<< مدام ماياذي اليهال مايضرني



الحين اجابه الاخت شمس الوفا
البخاخ ديودرانت للمنطقه الحساسه




الحين بحطلكم مزيد من الصور لاشياء عندي حاليا

 

[الالماس واللولو]

هلاااااااا كوين .. موضوعج رووووعة .. ينطيج العافية قلب
الصراحة ما استغني عن Cyteal ..

و بعد الدورة تكرمون أستخدم مسك العروس .. و نكمل معاج باجر ان شاء الله

نفسي انا ما استغنى عنهم:eh_s(17):

 

[سبائك]

شلون تستخدمون الغسول؟ اهو صج طبي وزين ووايد ريكومندد ، بس حق بنتي دكتوره عفافا لرومي حيل مدحته يوم بنتي فيها تسلخات استخدمته لها
بس ريحته فضيييييييييييييييييحه شاي اخضر وين مانروح تفوح الريحه !!!وريحه جااااااااي اخضضضضضضضضضضضضضضضضضضضضضر مميزه
كل من يسالني يايين من الطبيب؟؟؟؟

لا ما تبين الريحه......صار لي 4 سنين استخدمه ما قط بينت​

 

[رشيقه]

ناطرينج كوين

انا كنت استخدم Cyteal
بعدين استخدمت AMM بس ما عجبني حسيت ان يخلي المنطقه رطبه على دهنيه
واقعد مده اغسل فيه يالله يروح
و حاليا استخدم كيرفري