Feminine Hygiene - العنايه الشخصيه للمتزوجات فقط

[Dancing^Queen]

عدنا


بنات اانا حاليا اللي عندي وقاعده استخدمه من الديودرانت هالنوع

وعندي من الوايبس اللي عند رفرف
واستخدم كغسول بيبي جونسون
وبعد الدوره استخدم المسك الابيض الحجر
كمطهر
غير عندي تشاشي عاد مادري شتسمونه اللي تحطون فيه الخلطات وترشونهم مذوبه فيه مسك وماي واستخدمه كتعطير



اذا حسيت بحكه بسبه الفوط الصحيه استخدم كريم بيبانثين ، او في الحالات المستعصيه كريم باناديرم ([س فيه نسبه كرتزون) ويكون الاستخدام خارجي

 

[الاسطورية]

اي جولي مثلج اي ام ام الي حطيتيه

فيكتوريا سيكرات ماحطها للمنطقه الحساسه احطها حق جسمي اقصد
بس هم استخدم الرش حق المنطقه الي فوق تحت السره بس فهمتي

 

[bnt q8 in usa]

انا استخدم هالدديورانت واهو علي بودر ليكويد وفي انواع يديده نازله
انا استخدم الي راسه مقضض وعلي ريحة بودرة جونسون شي جذي


وهذا نوع منهم:Secret Platinum & Olay Conditioners Anti-Perspirant/Deodorant Soft Solid

طبعا ماركة سيكريت

 

[كويتية عسل]

انا كير فري ومسك عقب الدوره
بس شكلي بجرب سيتال
اهوا استعمال يومي |؟؟؟

 

[نطوووعه]

بنات سيتيال كل يوم وشلون على طريقه المسك ابي اجرب بليز شرحووووووووووولي

 

[Dancing^Queen]

نطوعه
المسك الابيض اللي نقصه الحجر وليس الطيب
الطيب ممكن يسبب التهابات

والطريقه انج تتطهرين فيه تتبعين اثر الدم اعزج الله لي طهرتي من الدوره

 

[Brounzi_girlly]

استخدم سيبا ميد
مع التحية..........

 

[الاسطورية]

بنات اذكر مره رحت القرشي قالي مخلص مسك العروس من زمان لليلحين تشتريونه منه؟

 

[جاردينيا_2000]

موضوع صج مهم ..صراحه اغلب الغسولات جربتها وكلها احبها وانا احب التغيير.بس عن المناديل المبلله ليش تستخدمونها ومتى ، انا استخدم تحاميل للتنظيف بعد الدوره ، اشلون استخدم المسك الحجري اهوى مثل الطباشير؟ وله اشلون صاير مافي منه سائل القاه بالصيدلية وله بس عند القرشي ؟

 

[makeup story]

في ديودرانت للمناطق الحساسه !!!!!! اول مرةادري

انا استخدم سيتال

 

[ملاف الريم]

عفيه بنات الغسولات الي تكلمتو عنها حق شنو يعني للي ينزل معاها ماي او افرازات او بس تعطير وتعقيم حق المنطقه لان انا ما استخدم من هالاشيا شي ماعرف عفيه علموني ونورني الله ينور عليكم
لاني بعد الدوره ايلس يومين جذي معاي افرازات وبعدين لا عادي فاذا فيه غسول حق هالشي قولولي
معليش غثيتكم بنات بس مايخالف تحملوني
شكرررررررررررا

 

[Dancing^Queen]

اسطوريه مسك العروس غير والمسك اللي نتكلم عنه غير
مسك العروس طيب خلطه
اما المسك اللي نتكلم عنه يصير حجر المسك ايي شكله مكعب جنه صابونه بس صغير



جاردينيا
اهو نفس الطبشيره
والله اظمن القرشي احسن من حواي
والصيديليات ماعندهم جذي

زقرتيه
في وفي انواع

 

[Dancing^Queen]

ملاف الريم
الافرازت اللي عقب الدوره عاديه لاتخافين الا اذا كانت لها ريحه كريهه او لونها كدر
وتحسين بحكه او حرقان


والغسول ضد البكتيريا والفطريات يعني نظافه شخصيه

 

[امون حبيبة زوجها]

انا مااستغنى عن سيتال استخدمه ثلاث مرات بلاسبوع

وعقب الدوره انقع بمااي حاار وملح خشن أو احط ببريج ماي حار وملح خشن واغسل فيه عدل

واستخدم مسك الفودري انصحكم فيه يابنات جربت كذا مسك كلهم يجيبون التهابات وحكه الا مسك الفودري عجيييب لانه اصلي

وطبعا اشيل المنطقه بشيره


يااابنات يااااسبوج لاتستخدمون مسك العروس حق هالمنطقه خطر كله عطور اكتفو بمسك الطهور مال الفودري صافي ونظيف ويجنن

 

[امون حبيبة زوجها]

بناات ترى سيتال مو حق كل يوم لاااا موزين يسبب جفاااف فضيع دكتورتي قالتلي

 

[بنوته ادرايه]

اشوه انج قلتيلي انا استخدم غسول سيتيال كل يوم

 

[سعبولة نحله]

يعطيج العافيه على هالموضوع الحلو ياقلبي


استخدم هالغسول

وطبعا مسك الحجر
وخلطه مسويتها بدل الديودرنت
اممممممممممممم وبس
بصراحه الاحظ انكم حاطين مناديل مبلله بس انا ولا مره استخدمتهم
يعني اكتفي بالغسول وتجفيف وبصراحه هالغسول بروحه ريحته تهببببببببل

 

[الاسطورية]

امون حطيلنا شكله ووين صاير الفودري هذا بليز

الغسول انا مالي يومي
ويطهر المنطقه ويقتل البكتيريا

 

[انا كويتية]

يابنات لا تستعملوم سيتيال كغسول يومي هذا بس للي مسوين عمليات من تحت ..... او التهابات او فطريات لأن يقتل البكتريا الضارة والمفيدة ... وهذا على كلام اكثر من دكتور

 

[Brounzi_girlly]

الأخت إلي ذكرت مسك طهور من الفودري أول شي وين صاير الفودري؟ثاني شغلة شلون تستخدمين مسك طهور؟
مع التحية.......