0000 تجمع اللى يعالجون عند الفريق البلجيكي000

[kitty eyes]

مرحبا

شلونكم بنات

وينكم مختفين ؟؟؟؟؟

 

[توتــــه21]

السلام عليكم
حبيت انظم معاكم بالتجمع
انا متزوجه صارلي 3 سنوات اول ما تزوجت ما حملت 3 شهور رحت عند الدكتوره وسوتلي تحليل حقي وحق ريلي والنتيجه تحاليل ريلي سلييييمه100% وتحاليلي طلع عندي ضعففي التبويض عطتني شهرين كلوميد مانفع والشهر الثالث عطتني كلوميد وابر وحمدالله حملت عليهم واللحين صارلي 10 شهور احاول أحمل ما يصير حمال :eh_s(11): رحت انا وريلي سوينا تحاليل من يد ويديد والنتيجه تحليلي عندي ضعف بسيط بالتبويض والصدمه العوده ان ريلي طلع كل شي زين الا الحركه بطيييءه بنسبة15% والطبيعي 40% مسكييييييييين حيل منصدم ويحاتي شلون صار جذي اهو قبل ما كان فيه شي منو ريلها عنده بطئ بالحركه وحملت ؟؟؟؟؟؟
عندي ولد واحد وأبيله سند خوان وخوات يعور قلبي لمن اشوفه يلعب مع عيال خواتي واهلي يقولي ماماتي يبيلي بيبي نفسهم:eh_s(2):
وشرايكم بدكتور فاطمي تنصحوني أروحله ولمن أروحله شنو يطلب منا أول مره مني ومن ريلي ؟؟
وبجم فتح الملف ووالاستشاره ؟؟؟؟؟؟؟
ويارب الله يرزقني ويرزقكم:bbbiu:

 

[منال66]

اب اب

 

[حلمي الأمومة]

توته الله يرزقج اكييد روحي وانتي مغمضة للفريق البلجيكي

 

[سيدة الذوق]

بنات منو احسن دكتور بالفريق

وبالنسبه للحقن المجهري يعور ولالا

امبيه خايفه انا

 

[منال66]

اختي سيد الذوق احسن دكتور فاطمي

 

[روعة البراءة]

اب اب اب اب

 

[حلمي الأمومة]

وينكم

 

[شيخه و طيبه]

أنا موجوده بس غطيت شوي النفسيه تعبانه و مراحل العلاج بطيئه بالنسبه لي و بعد شهر موعد زوجي بيشوفون الحركه تحسنت بعد كورس العلاج و الا لأ و بنشوف بعدها شنو خطة العلاج المناسبه
و الدكتوره كتبت لي حبوب هرمونات تعويضيه عشان جسمي كله و عظامي بالذات لأنه فيني روماتيزم بالمفاصل و قلبي ضعيف و أنا عندي سن يأس مبكر و قالت هذا أكثر شي اقدر أعطيج اياه

والله كريم يرحمنا برحمته

 

[شيخه و طيبه]

و صج نسيت أقولكم سويت أشعة صبغه و الحمدلله الأنابيب سليمه بس عندي تقعر بسيط بالرحم بس لا تسألوني شنو يعني لأني ما سألت الدكتوره مالي خلق صدمات و وساوس

بس والله يا بنات يا أني ذاك اليوم روحي بغت تطلع صج أنه الأشعه كلها ماخذت دقيقتين حاسبتهم من كثر ما كنت أحس روحي بتطلع و بعد ما خلصت طحت عند باب المستشفى من العوار و تميت اصيح ثلاث ساعات ماهديت لين كليت بونساتن و تم العوار يومين بس غريبه ما طلع من دم و من سويتها للحين معاي افرازات شبه خضره و مالي خلق اروح المستشفى مليت من المراجعات ....>> حايشتني حالة احباط

 

[حبي زوجي فديته]

شيحه وطيبه لازم تراجعين افرازات خضرا يعني التهاب

 

[حبي زوجي فديته]

بنات بنضم معاكم الشهر الياي شرايكم ابي دكتور شااااااااااااطر منو ترشحون لي؟؟؟؟

 

[حلمي الأمومة]

تعوذي من ابليس اختي شيخة وتعالجي وابذلي الاسباب وتوكلي على ربج واحمدي الله على نعمه الكثيرة والله ما حرمنا الا باذنه تعالى بيرزقنا رزقييين رزق الصبر واهو الحسنات والاجر ورزق الذريه الصالححة بس انتي لا تتحبطين ولا تياسين

حبي زوجي اهما دكتورين حفصة وفاطمي وكلهم زينين انا عند حفصة لاني ما احب اراجع عند دكتور والله يرزقنا

 

[حلمي الأمومة]

روعه لايطوفكم

http://www.4shared.com/video/tbHiGsJH/______-__.htm

 

[خمريه حلوه]

مشكوره حبيبتي على الموضوع الحلوو وجيت علي الجرح انا صارلي يومين ادور وحده مجربه مستشفى رويال حياه والدكاتره اللي فيه حفصه بوعركي وفاطمي لاني بسوي عندهم ولاول مره حقن مجهري وبعرف شرايكم فيهم وبالطاقم واذا بقيت تكون العمليه بنج موضعي يعطوني عاادي ولا وشلون طريقتهم انا اعالج علي حساب الدوله عرفتووو واللي عندهااا تجريه لا تبخل علي محتاجه نصايحكم ضروري لاني يمكن اسويهاا هالاسبوعين والله واللي تفيدني راح ادعليهاا بكل صلاه فجر والله بنات ودي احضنلي يهال صارلي 6 سنوات مليت من الوحده

 

[خمريه حلوه]

فدعوسه حبيبتي مشكوره علي الموضووع الحلوو وتصدقين جيتي علي الجرح انا صارلي يومين ادور اي احد مجرب مستشفى رويال حياه والدكاتره اللي فيه حفصه بوعركي والفاطمي لاني انا بسوي عمليه حقن مجهري هالاسبوعين علي حساب الدوله بس خاايفه حيل لاني اول مره اسويهاا وماعرف شي عنهااا وخصوصا اني مليت صارلي 6 سنوات ماصار عندي حمل ومليت من الوحد ودي احضنلي يهال يقولي ماما تكفون بنات اللي عندهاا تجربه لا تبخل علي وصج اقدر اسويالعمليه عندهم بنج موضعي لاني انا واايد اخااف من العااام شلون طريقتهم عفيه وشنو رايكم فيهم قولولي ولها دعوه بكل صلاه فجر انشالله والله يجزاكم خير انشالله

 

[kitty eyes]

مرحبا اختي خمرية

اول شي يا رب يرزقج فيهم ويترسون عليج البيت

اللهم امين

بخصوص الفريق البلجيكي روحي وانتي مرتاحة واذا حصلج الدكتور فاطمي خلج عنده احسن

وبالنسبة للسحب الدكتور يفضل البنج الموضعي وانا سويتها ببنج موضعي والحمد الله

والترجيع راح يكون بدون بنج لانه ما راح تحسين بشي

توكلي على الله وهم هناك راح يشرحون لج الطريقة بالتفصيل

والله يرزقج ان شاء الله من اول محاولة

 

[شيخه و طيبه]

السلام عليكم

شلونكم بنات فردا فردا ؟؟

اللي ما حملو ان شاء الله يارب الله يرزقكم بالذريه الصالحه

و اللي حملوا عسى ربي يثبت حمالهم و يسهل ولادتهم

بنات اللي مسوين حقن مجهري برويال حياة بغيت اسألكم جم كلفتكم العمليه مع كل شي ؟؟ ضروري ابعرف عشان نيمع و نقتصد من ألحين جزاكم الله خير

و عفيه بنات أدعولي أحمل بتوائم و ارتاح تعباااااااااااااااااااااااانه أبيع هدومي و أشم ريحة ضنى نفسيتي وايد تعبانه يارب رحمتك يارحيم

 

[*SUPER~COoL*]

السلام عليكم
شلونكم بنات عسى ربي يرزقكم بالذريه الصالحه ,و الحامل الله يثبت حملها و تولد بالسلامه :yaaaaaarb:
بنات بغيت اسألكم , أنا خالتي تعالج عند الفريق البلجيكي وعند الدكتور الفاطمي بس ابي اعرف سويتو السونار الداخلي الي يطلبه بالاسبوع السادس ولا نطرتو ليما يبين بالسونار الخارجي ..؟

 

[اا جود الحزن اا]

الله يرزق الجميع .. بصراحة قلبتوا المواجع 
وبنفس الوقت حمستوني اعيد المحاوله
انا سويت الى الان ٣ عمليات طفل انابيب وكلهم فشلوا
اللهم لا اعتراض
وشجعتوني اروح لرويال حياة 
والله يكتب اللي فيه الخير