0000 تجمع اللى يعالجون عند الفريق البلجيكي000

[اا جود الحزن اا]

محاولاتي اللي فشلوا كانوا عند العرف وعاليه الفضلي
مع انهم شطار بس كل شي بيد الله

 

[*SUPER~COoL*]

السلام عليكم
شلونكم بنات عسى ربي يرزقكم بالذريه الصالحه ,و الحامل الله يثبت حملها و تولد بالسلامه :yaaaaaarb:
بنات بغيت اسألكم , أنا خالتي تعالج عند الفريق البلجيكي وعند الدكتور الفاطمي بس ابي اعرف سويتو السونار الداخلي الي يطلبه بالاسبوع السادس ولا نطرتو ليما يبين بالسونار الخارجي ..؟

بنات نسيت لا اكتب انها حامل الحمدالله .. فا أنا قصدي السونار الداخلي الي يسويه الدكتور بالاسبوع السادس من الحمل

 

[om al-galy]

اي حبيبتي لان الحامل باطفال انابيب لازم يسوون لها السونار الداخلي عشان يتاكدون اكثر من كل شي وانا سويته والحمدلله مايضر ان شااالله

 

[kitty eyes]

بنات نسيت لا اكتب انها حامل الحمدالله .. فا أنا قصدي السونار الداخلي الي يسويه الدكتور بالاسبوع السادس من الحمل

اي حبيبتي لازم يسوي سونار داخلي

علشان يتأكد من الاجنة وانهم داخل مو برة

عسى الله يتمم عليها ان شاء الله وتفرح بشوفهم

 

[امانه22]

السلام عليكم بنات شخباررررررركم
توني جياه من العمره ودعيت لكم لكل
وبغيت اسال البنات اللي احملوووو الله يثبت حملهم واللي ماحملو الله يرزقهم ولا يخيب تعبهم اللهم امييييين
الكورس العلاج اللي بايام الدوره والابره لازم اعطيهم لنفسي بصراحه انا ماعندي الاجراءه اني اقزهم
بنات ابي تجربكم من قزهم بالمستوصف انا سمعت انهم مايعرفون لهااا صج ولا شنو
واللي قزت ابره بمكان متخصص تقالووووااااا وشكرااااااااا

 

[kitty eyes]

والله شوفي

بعلاجاتي الاولية كنت اقزهم بالمستوصف بس بشرط تروحين بالوقت نفسه كل يوم

بس بعلاجي هذا الاخير واللي قبله انا كنت اقزهم بنفسي اريح واضبط للوقت

ترى المسألة هينه ما يبيلها شي

والله يرزقج ان شاء الله

وتقبل الله طاعتج

 

[اا جود الحزن اا]

بناااااااات زوجي يبيني اسوي العمليه عند عاليه الفضلي مره ثانيه
وانا خاطري اجرب الدكتور فاطمي او حفصه .. حسيت من كلامكم ان تعاملهم راقي
والشي نفسي صراااااحه

ومتفائله فيهم
نفسي اصير ام .. ابي احد اهتم فيه ويقولي ماما

شسوي؟!!!
شرايكم؟!!!

 

[om al-galy]

جود الله يرزقج ياحبيبتي تفائلي بالخير صدقيني بيرزقنا ربي كلنا انا حملت في بنتي عقب علاج سنين طويله والحين بكرر نفس الشي عشان الله يرزقني باخوان لها وربي كريم ورحيم يبي منا الطاعه والاجتهاد بالدعاء له واسالي الله الخيره في كل شي

 

[اا جود الحزن اا]

جود الله يرزقج ياحبيبتي تفائلي بالخير صدقيني بيرزقنا ربي كلنا انا حملت في بنتي عقب علاج سنين طويله والحين بكرر نفس الشي عشان الله يرزقني باخوان لها وربي كريم ورحيم يبي منا الطاعه والاجتهاد بالدعاء له واسالي الله الخيره في كل شي

جزاچ الله خير .. أم الغالي ..
شرايج بعاليه الفضلي؟!!

 

[kitty eyes]

وينكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[منال66]

اي و الله وينهم

 

[حلمي الأمومة]

وينكم ؟

الفرييق البلجيكي زحمه عندهم وينهم ليش مايتفاعلون

 

[روعة البراءة]

قوة بنات شخباركم ان شالله طبيات

بنات عندي كم سؤال كيتي والبنات الي سووا العمليه خصوصا عمليه السحب عند فاطمي شنوا حسيتوا بعد العمليه انا صراحه سويتها مرتين ماحسيت بشي بس يوم الثلاثه لمن سويتها قعدت عقبها يومين الام مو طبيعيه عند ارحامي وظهري لدرجه قمت ابجي بجي حتى بناتي شافوني تخرعوا لمن رحت الطوارئ قالولي تضخم بالمبايض الحين احس الحمدلله احسن بس في شوية نغزات صوب المبيض اليسار الله يستر احد صارله نفسي ؟؟؟؟


وسؤال ثاني متى رجعوا الاجنه بعد السحب انا اليوم رابع يوم من السحب

واللهيرزقني ويرزقكم جميعا

 

[روعة البراءة]

وينكم بنات ابي تطمنوني بسرعه

 

[@الليدي لين@]

الله يرزقكم ياااارب

 

[شيخه و طيبه]

روعة البراءه الله يسهل عليج و يرزقج يارب ,, أنا للحين ما بلشت بشيئ
حايشتني حالة بروود انا زوجي مو طبيعيه م أنه كل الدكاتره قالولي استعجل بالعلاج من شهر 3 بلغوني مخزون التبويض عندي ضعيف و يارب لك الحمد


بنات عفيه ثاني مره أسأل أنا الشهر الياي أبسوي حقن مجهري أبعرف جم تكلفته ؟؟ اللي سوت ترد علي

 

[روعة البراءة]

شيخه وطيبه التكلفه عند الفريق البلجيكي من 2300 الى 2400 تقريبا شامله العلاج والعمليات والسونارات والادويه باستثناء اذا تبين تجمدين اجنه او زوجج يجمد حيوانات منويه هذي برا الحسبه
واذا كنتي مسويه عندهم من قبل تقل التكلفه انا كلفتني الحين 1890 دينار طبعا غير التجميد بس المرة الاولى كلفتني اكثر من 2000 دينار
الله لايخسر تعبنا ومالنا وان شالله نلقى النتيجه الي تبرد قلوبنا وترزقنا الذريه الصالحه يااااااارب
الله يوفقج

 

[Living_for_love]

مسااالخير على احلى قرووب والله هذي اول مشاركة لي في المنتدى حبيت بالاول ابارك حق الحوامل وانشا الله تقومون بالسلامة وتشوفون ذريتكم بحضنكم يارب وحق اللي الله ماكتبلهم يرزقنا معاهم يارب الخلف الصالح في الدنيا والاخرة يارب. انا ولله الحمد صارلي متزوجة 6سنين الله مارزقنا فيهم عيال.اناسليمة الحمد الله بس زوجي عنده الحيوانات المنوية ضعيفة وااايد لدرجة الصفر وبالتحليل الدقيق للمني يالله يلقون ثلاث او اربع *حيوانات منوية وبعضها تكون مشوهة نتيجة خلل بالكروموسومات. والحمد لله. انا جربت طفل الانابيب 6 مرات ، 3 في امريكا في عند دكتور شليقل (احسن دكتور حق مشاكل عقم الرجال في امريكا) بس الله ماقسم في كل مرة كانو يدقون علينا ثاني يوم يقولون انه الاجنة ماكملت انقسام ونرجع الكويت ايد ورا وايد جدااام هم الحمد الله على كل حال. اول مرة سووا عملية تفتيش دقيقة حق زوجي ولقوا والحمد الله المرات اللي بعد لقوا شوية في المني فقال له الدكتور ماله داعي عملية. وبيني وبينكم ترى الغربة بروحه تخرب النفسية بدون علاج فشلون مع هذي الادوية... المهم سمعنا عن مركز جديد في رويال حياه طاقم بلجيكي كامل حق علاج العقم وبالفعل راجعنا عند الدكتور فاطمي والدكتور ماشا الله عليه شهادتي فيه مجروحة وااايد زين ومعلوماته سابقة حتى اللي في امريكا في هذا المجال. سويته عنده 3 مرات والله ماقسم لان حاله زوجي واايد صعبة وبس الحيوانات المنوية اللي مافيها مشكلة بالكوموسومات اهيه اللي تلقح البويضة وتكمل حتى 3أو5 يوم والحمدالله كانوا يردونهم في كل مرة بس لمن يجي يوم التحليل يطلع ماكو حمل وانا توني مخلصة اخر عملية من جم يوم طلعت النتيجة بالسالب. بس حبيت اقولكم بنااات لا تياسوون من رحمة الله سوووها مرة وثنتين وعشر لمن الله يرزقكم كلكم وهذا كله في ميزان حسناتكم يارب واذا انشا الله اذا الله كاتب راح يصير بس الله يبينه نصبر ونسعى وانشاالله يعطي كل محرومة يااارب الضنا وسلامتكم ادري طولت عليكم واي وحدة عنها اي استفسار او سؤال انا بالشوفة*[/b]

 

[kitty eyes]

قوة بنات شخباركم ان شالله طبيات

بنات عندي كم سؤال كيتي والبنات الي سووا العمليه خصوصا عمليه السحب عند فاطمي شنوا حسيتوا بعد العمليه انا صراحه سويتها مرتين ماحسيت بشي بس يوم الثلاثه لمن سويتها قعدت عقبها يومين الام مو طبيعيه عند ارحامي وظهري لدرجه قمت ابجي بجي حتى بناتي شافوني تخرعوا لمن رحت الطوارئ قالولي تضخم بالمبايض الحين احس الحمدلله احسن بس في شوية نغزات صوب المبيض اليسار الله يستر احد صارله نفسي ؟؟؟؟


وسؤال ثاني متى رجعوا الاجنه بعد السحب انا اليوم رابع يوم من السحب

واللهيرزقني ويرزقكم جميعا

هلا والله حبيبتي

الله يتمم عليج ان شاء الله

بالنسبة للعوار انا صار معاي عوار بس يوم السحب لانه بدون بنج وقعد معاي العوار لي ثاني يوم بالليل خف

وفي وحدة معانا اسمها غزل بنات صار معاها نفسج وراحت الملاحظة وقالولها فرط زايد وماي اظن

والحين هي حامل الله يتمم عليها

لا تحاتين

بالنسبة للترجيع انا دقو علي خامس يوم وقالولي بكرة الترجيع

يعني السحب كان 14/2 والترجيع صار 19/2

كل ما طولو احسن

الله يكمل فرحتج ان شاء الله

والله يرزق كل البنات

 

[رووح حبيبي]

ربي لا تذرني فردا وانت خير الوارثين