اطفال اكتوبر 2011 ياحلوهم 

[noo7a]

جنى
المكسيكيه
اميبن يارب بس والله مو بيدي


خوتا
حبيبتي والله
ماتقصرين و يشافيج ياربي



معبوجه
اكيد ماني ناطره قلبي قام ياكلني
شكثر دكاتره جلديه اعرف بس حزه الي ابي مخي فضا نسيتهم كلهم
قالولي عن دكتور الحداد عيادته ببنيد القار
بس هم ابي اسال عنه اكثر قبل لا اروح
مابيهم يلعبون فيه و كل واحد يشخص على كيفه و يحرقون اعصابنا

 

[ReRez]

السلام عليكم اشلونكم بنات ادري قطعت من زمان بس شسوي نور صايره حناااااااانه تبارك الرحمن ماتخليني ولا دقيقه وبس تبي حضن من بدت تسنن صارت جذي،، اشلونكم شخبارك شاليديد منو اولدت منو احملت منو تزوجت ?؟!
---

نوحا حبيبتي ربي يصبرج و ان شاءالله مافي الا العافيه يارب خلي ايمانج بربج كبير انا اكثر وحده فاهمتج لان بنتي انولدت وفيها شي ماقلته لكم و اول جم شهر نفسيتي بالارض ومابي احد يكلمني لان بسرعه ابجي وللحين مأثر فيني هالشي بس الدعاء على طول علساني ،، و ربج كبير ماينسى احد انتي كله قولي الحمدلله و روحي تطمني وطمنينا ويارب يارب يارب مايكون اللي ببالج وتكون صبغه وتروح فجأه نفس مايت فجأه

 

[*دنــيـQ8 ــا الوله*]

نوحاااااا

الله يطمن قلبج عن قريب بسسس انتي خلي ايمانج واتكالج ع الله وانشالله مايكون فيه الا العافيه .... انا ولد اختي جذي من انولد علي يبهته بقعه بيضا وصوب الشعر حتي صاير مثل الخصله شقرااا ... كلشش والله ماهتمينا فيها والحين بسم الله عليه عمره قريب ٦ سنين فديته البقعه تقريبا راحت وشعره خفيف مو مبين للي مايدري عن مكانه ومافيه الا العافيه

 

[ma3boocha]

هااااا نوووووحااااا


بشري
رحتي طبيب ثاني ؟؟؟



ريييرييييز
حبيبتي الله يعييينج
كلنا قاعدين نمر بفترة التسنين هذي
و عساره خياااااااال

 

[حمرة الورد]

نوحا طمنينا عليه ترا انا هم ولدي الكبير نفس الشي بس انا من ولدته شفتها وعادي كآهو ماشا الله عليه ريال وطلعت نساه ذكري ربج وان شا الله ماعليه الا العافيه



بنات أبشركم اختي ولدت ويابت بنوته ماشا الله واختي الثانيه هم هاليومين ولادتها ادعولها

وأخوي واختي تزوجو والحمدلله كل شي عدا علي خير

 

[Khota8]

نوحا طمنينا والله احاتي هشووم ربي يشفيه ويشفي جميع المسلمين

ام نيرمانا
مبروك البنوته والله يسهل على اختج يارب ويكثر العاريس لي وليدج
ومبروك لاخوج واختج والله يكتب لهم حياة سعيده مطوقه بالايمان وبحفظ الرحمن

ريريز
عسى ماشر بنوته الله يشفيها وشدعوه احنا اهني نفظفظ ولاتحطين بقلبج اهني محد يعرف احد واذا ماودج لاتقولين وربي يشافي مرضى المسلمين ويشافيني من بينهم

 

[ReRez]

حياتي خوتا بعد قلبي مشكوره عالسؤال ماقصرتي ،، اي انا كنت بحاله نفسية الله عالم فيها يعني تخيلي بروحها النفاس نفسيتها من ولا شي بالحضيض ف اشلون لو بيبيج كان في شي غريب اسم الله على عيالكم

انا بنتي انولدت سبحان الله جنها لابسه هيلاهوب اسود يعني من آخر البطن لي القدم كله اسود
و لليوم ما اطلعها من غير هيلاهوب و كله ستايلها بالصيف ليقن و دلاغ بعد قلبي هالبنت

٣ ارباع ملابس التجهيز تنانير شورتات نفانيف ٣ ارباعهم والله للحين بالليبل وما لبستها اياهم

دكتورها مال الجلديه استشاري وطمني انها طفرة نادره تاخذ لها ٣-٤ سنين كحد اقصى وكله يختفي وان شاءالله مع الدعاء ربي مايقصر الحمدلله يارب

 

[ReRez]

بس املي بربي كبير وان شاءالله قبل لا تفطن وتروح الروضه يكون كله مختفي اللهم آمين ان شاءالله
قالي اذا ماراح انسوي جلسات ليزر بعد ال٣ سنين بس يارب يروح بروحه

 

[Khota8]

امين ربي يشفيها حبيبتي ياهل متستاهل ويطمن قلبج عليها بسم الله الواحد قام يسمع اشياء مايعرفها من قبل، الله يحمينا والحين اللي فيني البقع بجسمي كله ماعدا ويهي وراحة ايدي شفتي النمر شلون منقط انا نفسه ومافي علاج انزين شنو هالامراض وقبل مانسمع عن شي يحوش الجلد جذي لازم مسببات بس على قولتج ايمانا بالله قوي والله ان شاءالله يشفينا ويشفي جميع عباده يارب

 

[*دنــيـQ8 ــا الوله*]

بنات ... اعيالنا لاكملوا السنه انشالله بيكون عندهم تطعيم لاتنسون ... تنشغلون بالكيكه وعيد الميلاد وتنسون التطعيم خخخخخخ

 

[noo7a]

والله يا خوتا يوم شفت البقعه بهشوم اول وحده طرت ببالي انتي


انا وديته عند دكتوره من اهلنا يوم شافته قالت هذي طبيعيه لا تشغلين بالج فيها وراح تروح
و صادف الاسبوع الي طاف وديته الطبيب عشان توقع لي على ورقته مالت الحضانه و سالتها عن البقعه قالت لي طبيعيه انا ما اشوف فيها اي شي قلت لها اكييد دكتوره قالت والله و قعدت تحلف لي و قال شوفي انا ما احلف على اي شي

بس هم بيني و بينكم ما ارتحت ابي طبيب جلديه

و صادف هالاسبوع وديته المستوصف عشان تطعيم السنه
و الدكتوره الي موجوده دكتوره اطفال من ايام ما انا كنت صغيره كانت هذي بمستوصفنا يعني خبرتها توب مشالله
المهم سالتها و قلت لها ان معطيني كريم و يوم سويت سيرج طلع للبرص على طول قالت لي انتي موديته خاص صح
قالت خلي عنج الكريم هالاكريم دامه للمرض هذا يعني قوي على طفل بسنه و اهو اصلا ما فيه شي
يابنتي الخاص بس يبون يسحبون فلوس تعالي الصبح عشان نحولج للجديه عندنا و شوفي دكتورنا شيقول

مشكله الحكومه لازم الصبح و لازم مواعيد وانا الصبح ماقدر نهائيا
بس دام الحمدلله خذيت حجي من اكثر من دكتور ان مو هالمرض الف الحمدلله و الشكر


بس هم ما راح يرتاح بالي 100% الا لمن بتروح


----
بما اني البجريه بالقسم خل اقولكم عن تطعيم السنه
اهي ابره وحده عالايد اليسار و نقط بالفم
ما تحتاج كمادات
وماراح يسخن مباشره الا بعد اسبوع او 10 ايام

-----
و بالنسبه للي تعطي بيبيها حليب نان
انا الي اعرفه يتغير الحليب لي رقم 3 لمن البيبي يكمل سنه
وانا راهيه بعد ما سالت
الدكتوره يوم رحت لها و سالتني عن حليبه قالت لي ان نااااان يتغير لي رقم 3 من عمر ال11 شهر
انتبهو يا امهات النان

 

[noo7a]

ام نيرمانا
مبروك الزواج
و مبروك المولوده اليديده و عقبالج يارب تييبين بنوته
انا لا البقعه طلعت توه مو من ولادته
لو من ولادته جان عادي لان تكون وحمه ,, حماي الصغير هم في بقعه بريله من ولادته و مشالله الحين ريال بالثنويه مافيه الا العافيه

 

[noo7a]

ريريز
يارب يشافيها و يعافيها و يروح السواد منها
لا حول ولا قوه الا يالله
على قوله خوتا قمنا نسمع بامراض و سوالف غريبه و عجيبه ما كانت من قبل
والله كله من اكلنا و جونا كل شي صار ملوث الصحه كل مالها و بالحضيض
هذي غير عيون الناس الي ما ترحم
الواحد لا يقدر يطلع و لا يسولف ولا يقول الي يفرحه والله قمنا نحاسب روحنا الف مره قبل لا تطلع الكلمه و هم على نياتنا نتكلم عبالنا الناس كلها نفسنا قلوبها نظيفه
يالله الحمدلله على كل حال


اي صح تذكرت
انا يوم وديته للمستوصف عند الدكتوره الي قلت لكم عنها كنت ملبسه هشوم شورت
جان تقولي لبسيه طويل احسن

 

[noo7a]

ريريز
منو دكتور بنتج مال الجلديه
عند منو موديتها ؟

 

[Anestazya]

الله يشافي جميع المسلمين يارب والواحد فرصه يتقرب لربه

نوحا حبيبتي انا بس شفتج تحاتين سويت سيرج بقوقل قريت ان البرص يبدا يطلع من 3 سنين اعتقد عادي الشامه لما تطلع موشرط من الولاده تطمني حبيبتي وشربي ماي مقري عليه وسلامته

وحبيبتي ريريز عسى الله يارب يشفى بنتج من كل شر ارقيها كل يوم وهم دهني المكان بزيت مقري عليها وان شالله دام الدكتور طمنج الحين الحمدالله الطب مطور جدا يما شفنا بنت بالتلفزيون شامه فيها شعر بجسمها كله وسوولها ليزر وراحت الحمدالله يارب ودعوة الام مستجابه ادعي بكل وقت

 

[كلاسيكال]

اهلين ياحلوات شلونكم


اخبااااركم لكم وحشه


مبروك دنيا الوله والفال للي تبي الحمال


ومايشوف شر هشووومي وان شالله مافيه الا العافيه

حياتي ريري ماتشوف شر نوووري

واخبااركم

 

[ReRez]

مشكورين بنات كلاس و انستازيا و خوتا و نوحا ماقصرتو حبايبي


خوتا تسلمين عالدعوه حبيبتي وربي يشافيج ويعافيج من كل شر ماجربتي تروحين عند شيوخ تره هذي عين او عمل لا سمح الله
سلامتج حبيبتي ماتستاهلين والله
---

نوحا مشكوره عالدعوه حبيبتي شفتي اشلون قلبج عورج على هشومي ربي يحفظه و يشافيه،، انا الكل عباله انا خلاص تعودت
بس والله كل ما اشوفها ابوس ريولها وادعيلها وقلبي يعورني
لبس البنات حيل يشوق وانا ما لبستها شي في حركات لازم ليقن ودلاغ او هيلاهوب حياتي نوري بعد قلبي
بالعيد ابو الوهقه زهقت ريلي من كثر ما اتحلطم بالسوق مو عارفه شاخذ فديتها الله يشافيها

دكتورها اسمه مصطفى ابو زيد رئيس قسم الجلديه بدار الشفا

 

[Khota8]

ريرز
لا والله مارحت ولا مره للمطاوعه مااحب الروحه هناك اخاف اطيح بدجال
والله كريم

 

[Khota8]

السلام عليكم
شدعوه بنات ليش جذي هجرتو التجمع اعيالنا بيكملون السنه
يالله تعالوا
وكل عام للي كملو السنه

هشوم الجميل <<<<كل عام وانت بالف خير وربي يحفظك

فطومه المزيونه <<<<<<كل عام وانتي بالف خير وربي يحفظج

اتوقع منو بعد

ريومه >>>>>>>>>>كل عام وانتي بالف خير وربي يحفظج

منو بعد

?
?
?

 

[نور الدنيا 88]

هلو شلونكم شخباركم


خوتا نسيتي حسوني
مابي زعلت