اطفال اكتوبر 2011 ياحلوهم 

[noo7a]

ويييييييييييييييييييييييينكم
يلا تعالو

 

[noo7a]

تدلل
اليوم رفيجتي دازتلي صوره اكاونتج بالانستغرام
سالتني تعرفينها قلت لها ايي رفيجتي
قالت لي من وين تعرفينها بالجامعه ؟ سويت روحي ما انتبهت للسؤال خخخخخخخخ
جان تقولي هذي بنت رفيجه خالتي من عمر
قوليلها عني مرت فلان الفلاني تعرفني
خخخخخخخخخخخخ

والله الكويت نتفه

 

[Janna-q8]

نوحا و الله كسرتي خاطري على سالفتج مع عماتج

صح انتوا شنو ذنبكم استغفر الله

لا تدلل الله يرد العلاقه ان شاء الله و لا تذوق فطوم شي يضايقها بحياتها

 

[تدلل حبيبي]

نوحا

والله بالقلب غصصصه شقول وشخلي
انا دست علا قلبي وشلت بنتي كنت توني طالعه من الاربعين ورحت مع ريلي بيت يدته
بس والله ثم والله عاملتني بقلة اددددب
اول ماشافتني عند باب الصاله جان تقول
هااااااذيييييي
يعني باستهزاء ان اللي طق الباب انتييييي انا انصدمت حيل احس عرقت فجاه وبيدي بنتي بالمهاد
ريلي قالي دشي
دخلت وريلي حط بنتي بحظنها
قالتله ردها حق امها
واااي شهالقلب القاااااسييي
انا خانقتني العبره بس ماقدر اسوي شي
جان تقوم تييب حق ريلي ماي وسوري عالكلمه بنات
بس انتو مثل خواتي
( طمبزت بويهي )
انا حييييل تضايقت وبس صعدنا السياره انهررررررت بجي
بعدها ريلي هداني
بعد جم يوم قالي انزين دقي علا امي طيبي خاطرها مهما يكون هاذي يدت بنتج
دقييييييت وفشلتني بالتلفون واشوه كان ريلي يمي وسمع كلللللشيييي
من يوووومها بعد مايابلي طاريهم موليه

والله يانوحا اني مسامحتهم ومابي منهم شي
بس عالاقل ابي محاوله وحده منهم وانا ماعندي مانع ارجع العلاقه


ايييي رفيجتج طلعت مرت ولد رفيجة امييي من عمر
سبحان الله الكويت صغيره اذا شفتيها قوليلها اييي عرفتج وهل يخفا القمر


*

 

[تدلل حبيبي]

جنا
امييين الله يسمع منج والله شكثر دعيت بليالي القدر ان الله يحل المشكله


نوحا
علا طاري عماتج
وايد غلط ان العيال يقطعون اهلهم بسبة خلافات عائليه من الكبار
احنا من اهلنا في جذي ماينبلعووون ويكرهووون امي بس بعد شنسوي الله امرنا بصلة ال حم
وانا اللي علي اسلم واسال عنهم واهما ذنبعم علا جنبهم الله بيحاسبهم مو انا



بنات فطوم يايبيلها من ولادتها نفنوف كروشيه طقم مع الباند والجوتي والجنطه
حق قياس سنه شغل ايد ووايد راقي
شرايكم البسها حق العيد والا فشله حياكه جنه شتوي
اهوا النفنوف حفر بس مرتبط ابالي ان حياكه يعني شتوي لووووول

 

[noo7a]

تدلل
اي حتى انا احس الكروشيه شتوي لووول
مع ان موديلاتهم جابنيز و لا حفر لوول
مادري انتي شايفه الموديل بعينج و تقدرين تحكمين اذا ينفع للعيد ولا لا
و بعدين فطومه حياتي اهي الي تحلي اللبس حتى لو لبست شي عادي
جد جد مو ملاحظه هالشغله خخخخخخخخخخ مرات لمن اشوف شغله حق هشوم عاديه حدها بس لمن البسه اياها تطلع واو خخخخ

 

[*دنــيـQ8 ــا الوله*]

بنات شلونكم ... قاعده اتابع اخباركم من الكواليس

بنات عندي لكم خبر حلو ... خبر فيه لوعة جبد ونساة ودوخه ومحاتاة وولاده خخخخخ بقولكم اني من اسبوعين حللت وطلعت حامل

وماظن لكم خلق تسمعوني اتحلطم علشان ماذكركم بالذي مضي خخخخ بشوف لي تجمع يديد انشالله بيكون تجمع شهر ابريل عااااااااد ادعولي الله يتمم حملي ويكون بنت علشاااان بس اخذ بريك لاني قيصيريه

 

[*دنــيـQ8 ــا الوله*]

خلودي حلقنا له من قبل اسبوع عن الزحمه وطبعا سواا لنا فيلم بالبجي ... وكنت شاريتله من فتره بدلات وبجايم وكلشي يديد حق العيد غير صوغة خالته وعمته من لندن ... بسسسس باجي لي روحة صالون ونعيد خخخخ ومن العايدين والفايزين انشالله

حجزنا حق اول يوم العيد مسرحيه مثلث برمودا عاااااد انا ماحب المسلم احس دمه ثقيل خخخخ لايسمعني الحين بسسس بنغير جو وبنستانس شوي ... ماشالله غصب لقينا حجز

 

[تدلل حبيبي]

حبيبتي دنيا اللللف مبروك والله يتمم عليج علا خيير وتييبيين البنت السليمه الكامله بالخَلق والخُلق
ونعييماا للمعرس خلودي عقبال تحلوقة عرسه ياااارب

زين سويتي خلصتي شغلج مبجر حق العيد
انا ولااااشييي شاااريه امبييه انشالله يمدي
تعطلت بسبة سيارتي المليقة اختربت عاد علا ماصلحووها واشوه اليوم خلصت انشالله ماباجر ابدي اسوي شغلي


بنات انا اعاني من نوم فطوم مققققطع لي الحين 
شسوييي
تقوم من النوم وتقعد بالسرير او توقف وتبجي واهي نايمه مسكره عينها
ولللااازم اطبطب عليها عشان ترد تنام
هاذا غير كل ياعتين تبي حليب 
امبي متا تتعدل نومتها
ريلي يقول بس تكمل سنه حملي
شلون احمل وانا مارتحت استغفر الله ماحب جذي شنو مكينه والا انسانه 


بنات شتوكلون عيالكم بين الوجبات
انا مره اكل مره حليب وبالنص ساعات اعطيها بسكوت او اهرسلها نص موزه او بفك

 

[noo7a]

دنيا الف الف مبروك
والله يرزقج بالبنوته ياااارب
خلج معانا نبيييييج
دشي تجمع الحوامل بس هم لا تقاطعينا



تدلل
انا بين الوجبات واغلب شي المغربيه سوالف محلبيه و كسترد و روب فواكهه يحب الاشياء البارده

 

[انثى الكويت]

دنيا الوله خونتي فيني وسويتها خخخخخخخخ

الله يتمم عليج بس زعلت بتخلينا وتروحين تجمع ابريل يهون عليج يعني عشره العمر

وانا معاكم نوطد العلاقه
ومانخلي بعض بتاتا خخخخخخخخخخخخخخخخخخخ

بدعتوا



واذا الخلافات الاسريه عندي وعندكم خير اعيال عمتي من العمات ما ندري عنهم حسودين وملق

واهل ريلي كانت بينا مشاكل وانطرت خالتي قالت لي طلعي بررره وسكتت وبعدين لما طريت فيها سرطان وبالمستشفى رحت لها المستشفى وطاح الحطب




عادي ياما بنشوف بلاوي


نوحا على عيد ميلاد نصيحه لا تنسوين خبه خليها عاديه وملمومه

وحتى سنتين صغير ويخاف هم خليها عادي بعدين سوي لما يصير ٣ سنوات يستانس اكثر




وخلكم مني على طول

 

[تدلل حبيبي]

سلام شلونكم بناتوو

ابشركم خلصت ملابس العيد ملوت فطوم الحمدلله
اخذتلها من ريڤا اطفال ثلث نفانيف ايننوووون
واسعارهم حلوه مو مبالغ فيها
وخذيتلها كلبسات شعر وفنايل علاق ودلاغات كشكش وبجامتين حق الغدا عشان لا تتوصخ نفانيفها
من سنتر بوينت البيرق واااي زحممممه يمكن انا بس واقفه نص ساعه عشان احاسب
وانا خذيتلي بدلتين من ريڤا بعد ناعميييين حييييل بس باقيلي شيلات وجواتي وجنطه يبوووووي

بنات سوال شتعطون عيالكم بالسوق اذا ياعو
انا لي الحين ارضعها من صدري الحمدلله بس مااقدر كل شوي احصل مكان عشان ارضعها
فاذا ياعت اعطيها بفك ماي ككاو خرابيط
مايشبعا وعليه تبي وجبه مثلا سيريلاك وهالسوالف بس شلون اعطيها بالسوق مو عملي كللش

 

[noo7a]



 

[كلاسيكال]

السلام عليكم شلونكم

شخباركم

والله لكم وحشه

 

[انثى الكويت]

زين خلصتي تدلل


نوحا شفيج


كلاسيكال شخبارج

 

[noo7a]

انثى
لول مافيني شي
الجهاز الف بروحه

تدلل
انا قبل لا اطلع اكون موكلته او اذا كلش كلش ما مدا اعطيه اكل بالسياره اشربه حليبه
فيكون شبعان واحنا نفتر و اصلا يطالع الاوادم فينسى موضوع الاكل
واذا قعدنا بمطعم بنتعشى بعد الفراره نطلب و على ما يوصل طلبنا
اوكله سيريلاك


حتى انا شطبت على لبس و تجهيز العيد
بنسافر اسبوع انشالله دبي تاريخ 31/8
بس كل ما دقينا على مكتب سفريات ماكو حجوزات حق بعد العيد حاليا
بعد العيد يفتحون
او ان نحصل على الكويتيه بس لا يحوووشك الكويتيه لول
فوهقونا جذي اذا حجزنا حده حده لازم اجهز اغراض السفر
يلا منو تيي معاي دبي بعد العيد خنسوي لنا قروب 

 

[انثى الكويت]

تدلل انا اعطيها بس حليب بالسوق

بس وانا بالبيت كله اوكلها من اكلنا سيريلاك خضار جذي



انا بروووح نوحا

 

[*دنــيـQ8 ــا الوله*]

بنات اناااا من ساعتين طحت علي ظهري زلقت بالمطبخ واحس ارتض جسمي حيل بالارض ... وجسمي يعورني وغصب اتحرك والله ... طبعا حاطه ايدي ع قلبي لاني حامل ... وكل شوي اشوف اذا نزل علي دم ولا لا والحمد لله للحين ماكو شي .... بسسسسس استغفر الله مادري اذا تعورت ينزل دم علطول ولا بعد فتره ... لاني كل شوي اتوهم ان بطني يمغصني ... خايفه وايد طمنوني

 

[noo7a]

انثى
يلا فوقه


دنيا
انتبهي على نفسج و انشالله ماكو الا العافيه
استغفر الله مادري ليش تتسلط الطيحات حزه الحمال

 

[تدلل حبيبي]

سلام
عيدكم مبارك حبيباتي
وكل عام وانتو بخير يارب

دنيا طمنينا عنج انشالله البيبي اوكي

فطومي تعبانه مسكينه
عطيتها محلبيه عيش المغرب
وبليل سيريلاك عادي نفس كل مره
نامت والصبح احسها متاذيه كل شوي تتحرك
قمت بحطلها المصاصه والا نااافووووره ترجيييييع وانتو بكرامه
عاد زخيتها وميلتها عشان تطلعه كله
ولي اليوم احس معدتها تعبانه كل ما اعطيها شي تلوع جبدها
حبيبتي عساه فيني ولا فيج يانظر عيني
ادعولها بنات