اطفال اكتوبر 2011 ياحلوهم 

[*دنــيـQ8 ــا الوله*]

ام مريوم ... انا رحت للصالون بسسسس ماسويت عندها مكياجي لانها مضغوطه علي قولتها ... المهم رحت صالون وردة الجابريه وحطيت عند وحده ايرانيه اسمها سميحه .... بصراحه اول مره احب نفسي بعد المكياج ... وايد كان حلو ... كل مره احط مكياج احس كاني لابسه قناع واحس بثقل ... بسس هالمره خفيف وبصراحه انصحكم فيه ...

بنات اختي مسوين مكياجهم بصالون بالرقعي ... المكياج مع رموش وكريم جسم بعشره بسسسسسس عجيب والله علي هالرخص خخخخ بس عيبه الزحمه

 

[*دنــيـQ8 ــا الوله*]

جني ... في خبازين بالجابريه خخخخ اول واحد صوب المطاعم هارديز جنه وباسكن ... والثاني مناك خخخخ بالصوب الثاني ... انا مشيت علي وصف ام مريوم ودليته

 

[*دنــيـQ8 ــا الوله*]

بنات منو تعرف مكتب خدم عنده خدم نظام ساعات .... لانه بصراحه لاعت جبدي من حوسة شقتي ... ارتب وانظف شي يطلع لي شي ثاني... والغساله كل يوم تشتغل غير الكوي ... تعبت ... وغير مجابل خلودي واذا نومته ابي ارتاح شوي ابي ادلع روحي شوي ماكو شغل شغل ... فقلت اييب لي خدامه تشتغل جم ساعه واكون فوق راسها وتالي تروح *

 

[*دنــيـQ8 ــا الوله*]

شريت هذا مادري شسمه نسيت خخخخ فاضي وانا تارسته ماي ... شكله حلو عجبتي

حجمه صغير كبر بطل ماي ابراج خخخخ

 

[om_3azoz]

دنيا اي شخباري وردة الجابريه ههههه

في صالون بالجابريه اسمه بيادر مكياج وشعر 10 بنت خالتي حاطه منه وتقول حلو بس على حسب طلبج ناس تطلب ثقيل ,,


انا عندي ملجه اول 6 ومادري وين اروح احط مكياج انا ماحب المكياج اللي بالصالون يلوع جبدي وماحب السبريه هههههههههه
اتنرفز ,, عاد قلت بحط مكياج خفيف وبسوي شعري استشوار لان اساسا شعري قصير قصيته من بعد ماكان لي اخر ظهري مينونه ادري ههههه

وان شاءالله حق العرس بسوي تسريحه لأول مره بحياتي ههه طبعا سويت تسريحه يوم حفلتي بس فقط لاغير

 

[om MaRyooM]

بنات شلونكم
انا مو قادره اتعامل مع بنتي كاسره خاطري
بسبب ماقدر اشيلها ولا اي شي اسويه من سبب ريولي

الحين وقفت الخضار لان تسهل وايد الدكتور يقول من اسنانها والخضار يزيده عاد بس حليب وسيريلاك وروب الفواكه احلى شي
المراعي بس فيه داخله قطع عاد اشيلهم واشتري لها المراعي يكون الفواكه مهروس بس تحت نوعين

ولا سننت مادري وجنه اعيال تجمعنا مفهيين

هههه من ناحية مفهين مفهين عدل
مادري ليش

بنتي تخيلي الحين دشت 9 اشهر وللحين ماتحبي ولا سننت !!

عاد جم مرة قارية ان الاجبان تساعد لأن وايد فيها كالسيوم
قمت اعطيها كل يوم جبنة كيري لووول


والله يعينج علا ريولج حبيبتي ماتشوفين شر يارب:eh_s(17):
:eh_s(17):

 

[om MaRyooM]

باجي البنات شلووونكم



بدا الصيييييف والحرررررر والقتة

الله يعين الموظفاات

 

[om MaRyooM]

دنيا الوله


امبي يظحك شكل البطل
اول صورة مبين جنه كبيييير

ههههه

 

[om_3azoz]

مرحبا ياحلوين وينكم صخه

ام مريوم على الحر الحمدالله انا ماطلع الصبح ولا الظهر ماعندي دوام ,, الله يعين اللي يداومون والله

مره رحت بيت ابوي غدا بنركب السياره بالغصب عزوز قام يصرخ حار حار ههههه يقول ماقدر اقعد يحرقني

 

[om MaRyooM]

ام عزوز


ههههههههه حلاته عزوز مومتحمل الحر
قوليله انطر ماما للحين مايه شهر 7 و8 و9
امبيييييييييي الله يعينا جد جد

 

[انثى الكويت]

اي والله اعيالنا فيهم شي وتجمعنا خمر فجاه خخخخخخخ

شفيكم سكتو

دنيا خبيلتي ورده الجابريه مكياجهم حلو حطيت فيه حق ملجتي كان وايد حلو

بس البيادر جربت مال خيطان صراحه وييييع ماعجبني يمكن العماله الي بالجابريه غير


والرقعي مستحيل اروووح بعيد علي


في كذا صالون مكياجهم حلوووو بالجابريه

عند صالون الي احبه بكل شي برونزاج روحي حق صاحبه الصالون مصريه مدام سوسن عجيب مكياجها
كل الفنانات عندها

اهو بشارع الي فيه بنك الخليج بالعماره المشمشيه
وعندج
رتاج باول شارع بنك الخليج
والي تحته بعد حلو ارامتكس حلو مكياجهم

انا حابه هالمره اتاعمل مع البنات الي بالنت نفس حنان النجاده والطاف الخلف
ببيوتهم يحطون بس روعه المكياج

 

[انثى الكويت]

دنيا بطل الماي اختي عندها واحد مثله شرته من تروفاليو انتي من وين شرتيه

لان مالي خلق اروح الري



بنات يعت وودي بسيريلاك بنتي القمح خخخخخخخ



ابي صالون يصبغ شعر عدل

بصبغ اسود بخصل بنفسجيه. خربتهاااا خخخخخ

بس ودي اصبغ لون باذنجاني

 

[om MaRyooM]

انثى


عاد خااطري اسوي ميكب على يوم عند حنان النجادة
ماتدرين بجم تسويه ؟؟


وديري بااااااااااالج لاتاكلين سيريلاك وايد يتفخ
لووول

وبالنسبة لصبغ ماعندي فكرة والله لأني مااصبغ شعري الا من قرن لي قرن ههههه

 

[حمرة الورد]

انثى واللي بيبياتهم يسهلون لازم توقفين حليبها وعطيها تركيبه نصيحه بيوقف الاسهال قبل لا تضعف


انا ولدي سنن هههه ويبي يحبي بس تو الناس علي الحبي العدل اسم الله عليه


صج ماسلمت عليكم السلام شلونكم بنات لووول

 

[حمرة الورد]

اكثر وحده تأكل السيريلاك بس ياحسره مايزيد وزني كلش

 

[noo7a]

هااااي
شلونكم و شخباركم و شالدنيا فيكم

انا لاهيه بالامتحانات
هالاسبوع مدتيرمات
والي بعده فاينل
والي بعدهم صيفي
واااي ماكو راحه كلش


وهشوم لا سنن ولا يحبي لووول
يحاول بس اخر شي يفقد الامل و يقط روحه عالارض
لووول


هابه هاليومين بالانستغرام حده عجيب
المومتزوجات كله يحطون صور اكل
و المتزوجات يحطون صور بيبياتهم
لوول
انا كنت حدي محتاره احط صور هشوم ولا لا
بس يوم سجلت و ضفت حمواتي و بنات اخواني
طلعو العموم كلهم يحطون صوره لوول هشوم مشهور بالانستغرام وانا اخر من يعلم
خخخ




انثى شصار على ريلج انشالله احسن ؟!

 

[noo7a]

ام عزوز
الله يعين اليهال على هالجو
احنا الكبار مو مستحملين فمابالج اهو
واليوم بعد موطبيعي و مع رطوبه بويلي
انا دوامي بالصيفي من الساعه ١٢ لي ٣ يعني بعز الخيسه
الله يعين هشوم عالمشوار بهالجو
بس يلا الحمدلله على الي احنا فيه
حر ولا اسم الله عينا فيضانات و اعاصير

 

[om_3azoz]

اي والله الله يعينهم على الحر ,,

والله يوفقج يارب وتخلصين وتتخرجين ,,

 

[انثى الكويت]

هلا نوحا شلونج
لا والله للحين ما امشي عليها
وانا توني اهب بالانستغرام
بس سويته برايفت عن الفضايح خخخخخ

لان ماحب الناس الي ماعرفهم يشوفون كل شي. عني

 

[om MaRyooM]

هلا بنات شلووونكم

بخصوص الانستغرام سمعت عنه بس للحين مانزلته ولا اكو وقت حق شي استغفرالله



نوحا
الله يوفقج بالامتحاناااات حبيبتي شدي حيلج وبشرينا بالنتايج




انثى

شلون ريلج انشالله احسن




الباجين الكسولين وينهم

كلاسيكال
المكسيكية
دنيا الوله
تدلل
بخارى
ام جنى