اطفال اكتوبر 2011 ياحلوهم 

[Khota8]

انثى
حمدالله على سلامتج وماتشوفين شر

 

[Janna-q8]

انثى حياتي سلااامتج ما تشوفين شر و الله يقومج بالسلامه

ام عزوز مالت المشغل من اللي ينزلون معارض فما تفصل حق احد,, بس حقي عشان معرفه و قالتلي لا تقولين حق احد
و انا بنتي عيل القلبه ليحين ما ضبطتها.. تخيلي تحاول تقلب و تدز بريلها بس تتوهق باييدها لوووول ما تعرف شلون تلفها عشان تقلب.. لا تخليها مفروشه و تبي تقلب عليها فتتوهق و تقعد تبجي ليما اقلبها انا على ظهرها لووووووووووول

 

[om_3azoz]

انثى
الحمدالله على السلامه حبيبتي وماتشوفين شر ,,

ام جنى
اي المهم افتكيتي ,, ادور لي مكان يفصل سمعت بلوكات فوق الخيايط بس مادري انا ولا مره مجربه

 

[Janna-q8]

لا ام عزوز

هذا الحجي قبل الحين صاروا ما يفصلون عشتوووو بس تفصلين موديلات من عندهم اللي اهم عارضينهم

 

[دنيا أبوها]

الحمدلله عالسلامة أنثى وما تشوفين شر ...

 

[انثى الكويت]

الله يسلمكم بنات ما قصرتو


في وايدتاجرات يفصلون للقرقيعان والبلوكات يفصلون اي موديل عادي مو الا من عندهم

 

[Janna-q8]

انثى خبرج بالبلوكات من متى؟؟ لاني الاسبوع اللي طاف حست عليهم مارضوا ياخذون مني موديل و اللي يرضى يصلخج بسعر... لا و نفس شينه بعد

 

[*دنــيـQ8 ــا الوله*]

صح كلامج انا بعد من اسبوعين رايحه وكنت ابي افصل موديل كلشششش بسيط ومحد راضي يفصل لي .... وتوبه والله اطب البلوكات مره ثانيه لوعة جبد مكانهم


انثي الكويت الف الحمدلله ع السلامه

باجر الاربعا بمر على الصالونات بالجابريه ... بشوف لي صالون حق استقبال حماتي مكياج وشعر والله يعين علي اللي بشوفه ... بنات شنو تنصحوني بصالون ... من زمان عن صالونات الجابريه

كلاسيكال ... مبروك والله يثبته انشالله *

 

[om MaRyooM]

شخباركم بناااات





دنيا الوله

شوفي انا ماعندي خبرة بهالسوالف لأني ماروح
بس رفيجتي كانت عندها مناسبة حدي استخفيت على لوكها والميكب كان ناعم وشيك اذا تحبين الناعم
قالتلي سوته عند صالون سلفانا بالجابرية
صاير عقب البنك الوطني وجمعية الجابرية الرئيسية
هناك هالصوب ... صوب الخباز

عاد انشالله فهمتي شرحي هههه

 

[om MaRyooM]

اي ام مريوم انا بعد بجهز كل شي قبل رمضان لان مالي خلق افتر برمضان

حق العيد مادري من وين اشتري العيد اللي طاف كنت حامل خذيت من لحظه من فضلك نفنوف طويل على الجتف لي الجم كله شك مورد لبسته مرتين وكاهو محطوط بالكبت هههه هل مره مادري من وين اشتري مالي خلق صايره احوس بالسوق حق عيد وجذي مخي واقف وانا نوعي لازم افتر كذا مكان واذا عجبني شي ماخذه افتر اخاف احصل شي احلى واتحسف هههه فسنه يبيلي وغير عزوز وبنتي صج عيزانه من الفراره

ام عزوز حياتي شخبارج وشلون بيبياتج

شوفي حق اليهال انا حق المناسبات يا اطلب من النت او وحدة من التاجرات
او جيمبوري من مارينا وفكي عمرج


وحقي يا من المعارض او وحدة تفصل
ماااحب الفرارة بالسوق
خو سوقنا حدث ولاحرج @@@ ان لبستي شي الكل عرف من وين

 

[om_3azoz]

ام مريوم

انا بخير واليهال زينين انتي شلونج وشلون بنوتاتج



اي انا قلت بروح الافنيوز افتر شويه اشوف اذا عجبني شي ,, وحقي انا على قولتج اذا شريتي شي الكل يعرف من وين

 

[نور الدنيا 88]

كلاسيكال ألف مبروك

انثى ألف الحمدلله على سلامتج

بنات شلونكم و شخباركم شمسوين
ابالتجنيد
نا حسون للحين ماسنن بس يزحف جنه

 

[كلاسيكال]

يبارك فيكم حبايبي ، فديتكم

 

[om_3azoz]

بنات رحت سنتربويت نفانيف البنات اللي على 5 صارو 1ونص ,, واشياء حلوه حق البنات

وفي نفوف حلو مال سنيتن مع نفوف لعبه العروسه يونس بس ماخذيته كان كبير سنيتن لو سنه جان خذيت

وفي نفانيف على دينار ,, بس للاسف انا مفلسه رحت اشوف بس هههههه التنزيلات لي 18-7 يعني في مجال وايد

 

[om MaRyooM]

ام عزوز
خوش خبر لوول . . عاد بناتي يبيلهم ماجلة هدوم اسمالله عليهم



بناات ريمووه الكسولة باجر بتكمل ال8اشهر يعني داشة عال9 للحين ماسننت
تاخرت مسكينة هههه




وسؤااال
تهقون بالتراث الهندي احصل نفانيف قرقيعان ؟
مابي خبة وشي غالي

 

[om_3azoz]

هههه اي لازم ماجلة ملابس ,, انا ناطره المعاش اروح اشتري حق مناتي وعزوز

التراث الهندي تلاقين اشياء حلوه لروحي شوفي ..

 

[Janna-q8]

ام مريوم
انا فهمت وصفج حق الصالون .. بس اللي محيرني البنك الوطني مو صووووب الخباز !! لووول

تصدقون بنات مستانسه ان بنتي تقعد الله يحفظها ..بس مو مستعيله على مشيتها و حبايها... احس ليش تمشي مبجر بعدين تصير لويه كل ساع نلحقها و خطره .. الحين احسن شي لول حطيها تقعد و خلاص تردين تلقينها بمكانها لوووول

 

[om_3azoz]

ههههه ام جنى صج اذا حبو او مشو لويه وقصه ههههه ,,

انا على عزوز كان عمره 10 شهور مشى عاد كنت بشقه اقعد بالصاله بروحي انا وياه ونصكر الباب انا انسدح واهو يحوس الصاله فاضيه اللهم تلفزون فيها وقعده ارضيه كنت مرتاحه هههه

 

[انثى الكويت]

بنات شلونكم
انا مو قادره اتعامل مع بنتي كاسره خاطري
بسبب ماقدر اشيلها ولا اي شي اسويه من سبب ريولي

الحين وقفت الخضار لان تسهل وايد الدكتور يقول من اسنانها والخضار يزيده عاد بس حليب وسيريلاك وروب الفواكه احلى شي
المراعي بس فيه داخله قطع عاد اشيلهم واشتري لها المراعي يكون الفواكه مهروس بس تحت نوعين

ولا سننت مادري وجنه اعيال تجمعنا مفهيين

 

[انثى الكويت]

وينكم يا بنات