اطفال اكتوبر 2011 ياحلوهم 

[Janna-q8]

بنات شلووونكم

من زمان عنكم بقرا مشاركاتكم و ارد عليكم

بعد 3 ايام باذن الله مسافره عشان جذي كنت لويه و ما قدرت اتابعكم

جنوووي الله يحفظها بخليها عند امي شسوي بعد ريلي ما رضى ناخذها قال تتغربل و نأذيها حرام خليها هني مرتاحه احسن لها و انتي مخليتها عند ناس ثقه ليش تخافين عليها

عاد قمت اوكلها الظهر خضرة مطبوخه و مهروسه و العصر بسكوت بحليب و المغرب سيريلات ارز و باقي اليوم حليب

و قمت احط لها بسكوت بالمميه لما اعطيها مرات صناعي

 

[انثى الكويت]

نور شكلج بتلحقين المكسيكيه

تدلل انا بعد ريلي قاعده مع امي واختي وكنا زعلانه منه
جان يقولي وينح وانا بنفسيه بالبيت خخخخخ
جان يدش ومعاه ورد عطا امي بوكيه ورد صغيرون
وعطا اختي بكويه ورد صغيرون
وانا عطاني واحد عووود قالي عشان انتي صرتي ام وناسه استحيت

عاد قاعده ببحامه ولويه صج ام خخخخخ

ام فهادي حبيبتي حياج الله بينا
بلشي مع بنتج حليب والبسكوت ربع بسكوت كحينها ولا كسريها وتذوب بسرعه لا تحاتين وعطيها يوميا بكل رضعه عشان خلاص تتعود

وبعدها باسبوع بلشي بالعيش البودر ولا الفواكه البودر الغراش لااااا كلها مواد حاظفه وسكريات تاذي الياهل

وبعدها باسبوع ولا عشر ايام بلشي بالخضار كوسا بطاط جزر قرع مع بعض فوحيهم هرسيهم
وذره ملح وعيها عالغدا
والعشا تفاح مبشور ناعم ونص موزه مهروسه وعصيري برتقال فرش عليهم وقفشه سيريلاك

ووكلها مع بين جم قفشه من الاكل عطيها ماي
واذا الفواكهه سبب لها امساك سوي لها رقمين عصير بًرتقال فرش ونوعي
الخضار كل يوم المغرب مره فواكهه فرش مره بودر العيش مره بودر الفواكه سيريلاك

وباجر تناشبكم عالبايه واللحم خخخخخ


جنى صاج ريلج خليها بالكويت تاذيج وروحي استانسي وتردين بالسلامه

 

[Janna-q8]

ام فهادي حياج الله بينا
هذا مو ولدج الاول صح؟؟ لان مكتوب مسجله من 2006 و مسويه نكج ام فهادي فمعناته من زمان
الززززززززززززززبده.... نبي نعرف اسم بيبيج اللي بيشارك معانا التجمع ^^ لانه اكيد مو فهادي لوووول
سويت فيها تحقيق وين خوتا عني

انثى
و الله مادري شقولج يمكن ماكو غيرج خايف على بيت اهله و يبيج تساعدينه
بس صج اكيد مو سهله و انتي ريلج تعورج

ريرز
بركب واتساب قريبا حجزولي مكااان

خوتا
شلونج حبيبتي

مكسيكيه
شلون فجوري و البيبي اللي ببطنج؟؟

ام حسووووون
واااااااااااي ياحلاته يقول لا لا كيووووووووووت يحفظه ربي

نحنوح
ها شلون المهلبيه سويتيها حق هشووومي؟؟

ام عزوز
شوي شوي عل الصبي بروحه يغار من منمن

بويزن
شلونج مات تشاركين وايد

معبوج
بين كل الف مشاركه و مشاركه بالموضوع نشوفلج مشاركه وحده بس
ناااطرينج :****

 

[*دنــيـQ8 ــا الوله*]

سلام بنات شلونكم شخباركم .... لهيت عنكم مادري اشكثر صارلي غايبه خخخخ كان عرس حماي واسبوع بنت حماي وهم استقبال خخخخ حده لويه

نور الدنيا ..... لوووول انتي كل جم شهر مخرعتنا بهالسالفه خخخخخ انا عن نفسي هالشهر ماكلت حبوب ... نفسيا هالجم شهر اللي اكلتهم حيل تعبت متوتره ومتضايقه وكله معصبه ..... عاااااد هالشهر ماخذتهم ومخليه السالفه براس ريلي خخخخ عاد انتو فهمو استحي اقول خخخخخ

وعيد الام محد عبرني فيه بورده بهديه بكلمه عالاقل ماااااكو بحححح ... بس الخميس زوارة اهلي احتفلنا بهاليوم مع امي الله يخليها لنا ... اختي شرت بوفيه وكل منا قدم لها هديه ... انا عطيتها فلوس لاني احترت شنو اشتري ... مواعين صواني صحون جدوره جمع جدر خخخخخ عندها دهن عود بخور عطور ماتحب امي فيها حساسيه ... ملافع دراريع بسهاااا خخخخخ الفلوس احسن شي تشتري اللي بخاطرها

وااااااي متي يكبر خلودي ويعايدني بهاليوم فديته

 

[انثى الكويت]

مادري شنو مكتوب هلى ويه الام الاواني المطبخ خخخخخخخ
كل سنه جدر صحن طقم استكانات

انا امي ماتحب جذي بعد زهقت مهما كان الذهب يترس العين والخواتم والساعات والجناط يحبون جذي

او عباه غاليه يستاهلون

 

[ملامح سما]

قوه بنات شخباركم

شٓـٓنٓـ؟ـٓوٓ مسوين قروب ..؟

المهم

حمود يسلم عليكم ويقول ماما خلاص مٍـٍْْـْْا عادت

تمهدني خخخخخخ والله صج ولدي حده مستانس

اني خلاص مٍـٍْْـْْا قمت امهده

وتصدقون مٍـٍْْـْْا وكلته كلللش بًٍسًٍ الحسه

والباقي ۶ــلٰـى صدري مٍـٍْْـْْا يرضع صناعي مًٍـًٍـًٍنْ ولدته

وامي تقول مًٍـًٍوًٍ لازم الاكل صدرج يغنيه

وزنه ٧ كيلوا اسم الله عليه تبارك الرحمن ويقول الدكتور طبيعي

/

انتوا شخبار بيبياتكم

فاقدتكم والله لهيت مع خلووودي وعمليته


/

 

[om_3azoz]

مرحبااااا

انا توني راده البيت شويه وبطبخ عيزانه ,, قاعده اكل بنك

وناااااسه نازله كيلوين ,, باقيلي 6 كيلوات يارب انزل بسرعه

 

[noo7a]

سلام
سوري ماقدر ارد على مشاركاتكم
بس بلييييييييز ادعولي عندي مدتيرم اليوم
الله يستر مو دارسه عدل هشوم حده تعبان
تخيلو كل نص ساعه يفز يبجي
نومتي قطاعيه نص ساعه اقعد نص ساعه انام و هذي حالتي
كلش ماحب النومه القطاعيه احس راسي قاعد يووووون
لو مواصله و مونايمه كلش احسن
بلييييز امتحاني الساعه ٦ونص لا تنسوني بدعواتكم

 

[sweeta77]

هلا يا بنات
طبعا ولدي صار حقل تجارب مع الأكل
بدئت اعطيه خضره بس كل يومين نوع واحد علشان أشوف اذا تحسس منه
واذا خلصت التجارب بخلطهم وتصير وجبه غدا

البسكويت ماي صير لانه ماصار ست شهور
وناويه اسبوع او كله الخضرا وبعدين اسويله وجبه فواكهه

ابي يسمن لانه عصقول

 

[sweeta77]

نوحا
الله يوفقك ذكرتني يوم عندي بنتي وانا بالجامعة حد اللويه

 

[om_3azoz]

الله يوفقج ياقلبي نوحا

 

[نور الدنيا 88]

انثى و دنيا شكله هالمرة صج
للحين مانزلت

 

[تدلل حبيبي]

نوحا
الله يوفقج حبيبتي بشري انشالله هشومي احسن؟؟

نور
مبروووووووك 
ترا اذا فكرتي فيها وايد تتاخر تعاند
تعالي داومتي والا بعد ؟ وشسويتي علا ساعات الرضاعه؟؟

اليوم فطومي حبيبتي وانتو بكرامه سوت بطنها لون زيييييتييي 
عشان جذي امس كانت متعسره ومانامت عدل حياتي الظاهر يعورها

بنات ياسمين وييييينهااا
توها يت علا بالي لما تذكرت الدوام لانها اهيا بعد تربيه

 

[om_3azoz]

انا بنتي امس خروحها زيتي وبليل تبجي وتحن من بطنها


اي ياسمين انا من امس على بالي ومساع كنت بسال بس نسيت

 

[نور الدنيا 88]

تدلل يوم الثلاثا اداوم

ماسألت عن ساعات الرضاعه

 

[انثى الكويت]

واي الله يعينج نور تحاتين هااا
حتى انا باخذ ساعات ارضاع
بنات قالو لي اليوم على ركبي يبيلها عمليه لان طلع الغضروف الطولي والعرضي مقطوعين مادري منشرخين
بس ماراح استعيل باجر بروح الرازي والله كريم ادعولي يلقون حل غير العمليه

 

[noo7a]

ام عزوز
مبروك النزول
الفال للباجي

تدلل
الحمدلله راحت الحراره
بس احس البلغم لي الحين معلق ماطلع كله
و عشان جذي الكحه معلقه معاه اليوم عنده مراجعه


انثى
حبيبتي انشالله الوضع ما يحتاج عمليه
سئلي اكثر بس اهم حاولي تسئلين بسرعه
عشان تلحقين و لا يصير وضع ركبج اسوا

 

[Poison_Girl]

سلام عليكم شلونكم
واي يا حلوه البيبيات واهمه ياكلون..سوري ما لاحقت على مواضيعكم..
انا امسويه جدوال اكل حق خدامتي علشان اتسوي حق علاوي.. انا الحين وقفت الفواكه لان كلما اعطي يصير في اسهال.. واي وعيز مسكين واهوه يفرك ابلثته..
انا خذيت ساعتين رضاعه الحمدلله.. بس علاوي صاير حبيبي دلوووووع ما يبي صوت لمن ينام حتن تلفوني لازم صامت عشتو ولازم الدار ظلمه لووول لا ويبينه كله شايلينه ونفتر في..

بنات ولدي شعلره موراضي يطول من اول ما انولد وهذا شعره ما تغير.. قالولي حطيله زيت الزيتون مسكين كاسر خاطري :\

 

[انثى الكويت]

نوحا الله يوفقج حبي

نور سويتها وانا اختج خخخخخخ

بوزن حبيبتي شلونج يهبلون اليهال لما يتشرطون خخخ

انا بنتي اول ما ولدتها شعرها كثيف ووايد اسمله عليها بلش يطيح وطيتها الحلاق يقصص شعرها اطرافه بس
لا مكينه ولا يخففه والمكينه عشان يعدل قفاها خخخخ تهبل بس وماشاء الله ترس شعرها

فانتي ودي علاوي يحلقون له اطرافه يقصصونه كل ٣ اسابيع لا تقولين ما طال بس بيكثر صدقيني

انا بعد بودي بنتي يحلقون لها

 

[تدلل حبيبي]

نوحا الحمدلله علا سلامة هشومي

انثا
مافهمت يعني احلقها بالمكينه ؟
والا بس الاطراف بالمقص؟