اطفال اكتوبر 2011 ياحلوهم 

[انثى الكويت]

هلا خوتا صباح النور شلونج

امس يابولي ورد باقه كبيره لاني ام ماذر خخخخخخخخ

شرايكم صرت عيوزه

 

[noo7a]

انثى
صدتج بموضوع بقسم الحياة الزوجيه
لووول
طلع ريلج زميل ريلي بس انا دوامه صباحي

 

[نور الدنيا 88]

هلو شلونكم بنات شخباركم

ولدي صاير مايرضا يشرب حليب يسوي براسه لا لا

 

[sweeta77]

هلو شلونكم بنات شخباركم

ولدي صاير مايرضا يشرب حليب يسوي براسه لا لا

يا حلات اللي يسوي لا لا
انا ولدي جذي بس الحل اني انومه واشربه وهو نايم

 

[sweeta77]

انثى حبيبتي ماني قادره الاقي موضوع زعلك رديت في الصفحات القديمه ماكو

بس انت توك وهذا اول بيبي لك لاتكونين عصبيه وحاده في قراراتك
يمكن البيبي والازعاج و المسئوليه زايده من توترك
اهدي شوي وفكري بشكل عقلاني

 

[نور الدنيا 88]

سويتا كنت اشربه اشربه و اهو نايم اللحين مايرضا ئ

 

[تدلل حبيبي]

انثا
هونيها وتهون

نور
يوعييه بيشرب غصبن عليه
كربون حسوني مسوي اطراب عن الحليب
اخاف يبي كادر لووووول

 

[تدلل حبيبي]

وااي هالاسبوع عندي الف شغله
لازم اسويهم قبل الدوام
وعيد زواجي مابقاله شي لي الحين مااااجهزتله
وبشتري ملابس حق الدوام لان قطيت كل القديم
وبشتري مميات وعدة الحليب حق فطوم لان بدخلها صناعي
وبروح الصالون اسوي غسيل وتشحييييم لان بس زهقت
بسوي كل شي كلشيييييي
بقص شعري وحمام مغربي وشيره وحف وبدكير منيكير وبروح لافندر بسوي مسااااج
وبشتري هدية حق ريلي وبحجز مطعم حق نحتفل فيه عطوني اقتراحات ؟؟؟

وااي احس راسي ثقيييل من حنة فطومي اسملله عليها
حننننه من تبطل عينها
يارب تهديها وتهدي كل عيال التجمع وعيال المسلميين
اللهم اميييين 

 

[انثى الكويت]

سويتا حبي مشكور عالنصحيه الاختلاف كان على النومه ببيت اهله وانا جني حارس
بس نروح نحرسه عالفاضي مو جذي لعانه مني بس لان ريولي واركبي ملتهبه حيل وامشي عالعكاز
فا قلت ماقدر وصارت الهوشه


نور يهبل يقول لا لا مادري تخيلت شكله البطوط يهبلون اليهال

تدلل حبيبي يارب تستجاب دعوتج لان انا على وشك الجنون

اليوم بنتي اسمله عليها تاكل خضار بعد ما شبعت وترست البطن جان تتليعن معاي وتبجي
بطت جبدي يعني موكلتج سكتي خوووو لوووووووووووووووول

بالله شسوي مع العصفوره

 

[sweeta77]

انثى
يعني البيت ما فيه احد وانتو تحرسونه
شكووووو

 

[المكسيكيه]

السلام عليكم
شلونكم بنات وشلون اطفالكم الصغار

 

[المكسيكيه]

بووو

 

[المكسيكيه]

اين انتم

 

[انثى الكويت]

اي سويتا فيه اخوه جنه عمره 15 واخته 23 جنه والخدامه

بعد لي بيت وكيان ماقدر اهد بيتي كل شوي ما قصرت من قبل

والله مو لعانه مني بس فعلا ماقدر اهد بيتي بدوام الاسبوع الياي

 

[om_3azoz]

السلام عليكم شخباركم كلكم


انثى هونيها وتهون وربي يفرجها عليج يارب ,,

 

[نور الدنيا 88]

هلووو
تدللاي يوعته و شرب
جربت معاه خضار صارلييومين حبه بس شكلي اليوم ماراح اسويله

انثثى ايي اينن يسوي لا لا هههه

بنات الدورة تأخرة الله يستر

 

[تدلل حبيبي]

سلااام شلونكم امهات
وناسا كل مارحت يمعات اهلي بالويك اند يقولولي كل عام وانتي بخييييير
عشان اول سنه عيد الام وانا ام
لوووووول
وريلي يابلي هديه واحنا قاعدين نجتفل ببيت ابوي عيد الام وكيكه وهدايا ولويه
والا يقول بصوت عالي اييي عندنا ام يديده هالسنه
جان ايي يقعد يمي ويعطيني جيس
انا جذي
امبي حدي استحيت والله
قالي هاذي من فطومي وابوها وسامحيني عالتاخير
واااي يبجي الموقف

 

[Khota8]

السلام عليكم بنات شلونكم
تدلل
مبروك وحلوه الحركه
وتدلل شلون اقنع ولدي بالصناعي مو راضي يبجي لما يرجع يكره راس المميه اووف

بنات عندي عرس وبسوي تسريحه نعومه برفع كل شعري ابي صور بليز

 

[تدلل حبيبي]

خوتا
حبيبتي الله يبارك فيج
جوفي لو انا مكانج شسوي دام انه كاره الحلمه موكاره الحليب نفسه
احببه بالمميه
اشتريله المميات اللي عليهم رسومات والعاب
وخليه طول الوقت يلعب فيها
وشغله ثانيه خحطيله داخلها عصير او ماي وسكر نبات
عشان يرتبط بمخه ان المميه حلوه وفيها شي حلووو
وبعد فتره شوي شوي حطيله الحليب
يعني اولشي درجه
بعدين درجه ونص وهكذا

واهمممم شييي انج تدعين ان الله يحببه بالمميه
وانشالله يرتاح عليها لان وراج دوااام ولازم يتعود عليها عشان لاتقعدين علا اعصابج بالدوام حررام.

*

 

[ام فهادى]

السلام عليكم حبيت اشارك معاكم فى هذا التجمع المفيد ولدى الله يحفظه عمره 5 شهور ومانى عارفه شنو ابدى معاه اكل شتنصحونى فيه