اطفال اكتوبر 2011 ياحلوهم 

[ملامح سما]

ملامح
الحمدالله على سلامته ياقلبي
شلون عرفتو انه الخصيه مونازله ؟؟

لما كان عمره ثلاث شهور وديته للدكتور

قام يفحصه بايده جان يقول آنـّـّّـّّّـّّـّاََ مًٍـًٍوًٍ حاس بالخصيه

وسووا له سونار وبيّنت معاهم انها بالبطن

 

[noo7a]

دنيا
الله يقوم امج بالسلامه و يشافيها يارب


ملامح
اخيه عورت قلبي الصوره
انشالله تنزل بروحها ولا تحتاج عمليه بعد 6 اشهر
حبيبي الله يقونه بالسلامه

 

[ملامح سما]

ٱللَـھٓ يجزاج خير يَ الغاليه

/

واخبار بيبياتكم




كوتا شـ اخبار ولدج ...؟

طمنينا عنه فديته

 

[om_3azoz]

دنيا
ماتشوف شر امج يارب والله يقومها بالسلامه يارب


انا الصبح قعدت عشان اروح الدوام قاعده ابدل ولا خدامتي تناديني مدام مدام وقاعده تبجي اخوها توفى اليوم الصبح كان مريض صايره شهر بالمستشففى الله يرحمه
كسرت خاطري ياربي امها داقه عليها اسمع امها تبجي واهيا تبجي قطعت قلبي
عاد مارحت الدوام لانها قاعده تبجي مسكينه اكيد مالها خلق تمسك مناتي

 

[Khota8]

دنيا
الله يشفي امج ويردها لكم بالسلامه يارب

سمااا
واااي الصوره بجتني يارب لايحط احد بالمكان هذا حبيبي الله يشفيه ان شاءالله وحماده احسن اليوم الكحه ماتخليه ينام ولايرضع بس جنها احسن صايره تطول بين الكحتين الله كريم الجو انتكس اليوم الله يستر

ام عزوز
عظم الله اجركم بس الله يستر لاتقول بتروح للعزا وتخليكم
بيني لها انج متاأثره علشان ماتحقد عليج وخليها هاليومين مرتاحه واهي راح تقوم تشتغل بروحها علشان تنسى همها
*

 

[noo7a]

ام عزوز
الله يرحم اخوها
عاد انتي سايريها عشان لا تقول انها بتروح لهم



يلا بنات نزلو البرنامج الي قلت لكم عنه
والله وناسه يشوق
خنسوي قروب
الحين انا و تدلل منو الثالثه

 

[ReRez]

انا دشيت معاكم بعد بس مو حلو حده بطيئ ومعقد هههه ماكو عالوتس اب
---

خوتا ياقلبي سلامته الف مره العسل ربي يشفيه ان شاءالله
---

ملامح سما الحمدلله على سلامة خلودي ياقلبي مايشوف شر و غلط ماعودتي ولدج عالمميه كان المفروض تشفطيله من صدرج لو مره باليوم يشرب بالمميه رضعة الليل مثلا
حماتي داومت وتوهقت مارضى كلش يشرب بالمميه
و انا بنت خالتي عودت ولدها يشرب رضعة وحده بالمميه وتكون شافطتها تحسبا للظروف لان في مرات تطلع وماتقدر ترضعه فتكون شافطتله
---

وي ام عزوز مسكينه خدامتج لازم ترتاح هاليومين والله يعينج حبيبتي ويعينها بعد مسكينه

 

[om_3azoz]

اجرنا واجركم
اي انا خليتها ومارحت الدوام ,, والغدا من امس مسويه ورق عنب اول مره بحياتي لفيته بروحي عاد الصبح طبخته وريلي غداه من بيت عمي خالتي مطرشتله

عاد اهيا بروحها حق الغدا قامت ,, حطت صفره وجذي الله يعينهم يارب

واسيتها جان ابجي معاها

 

[om_3azoz]

عاد باجر زواره قالت لي انا مابي اروح عاد بخليها بالبيت ,, بس افكر شلون اروح ومناتي كرسي السياره مال عزوز بيت ابوي نسيت اخذه ,,
احتمال ماروح ,,

 

[Janna-q8]

قوه بنات شلونكم احس من زمان عنكم

جنوووووي قامت تبجبج من غير سبب و تحن حنه الله يحفظها

يتراوالي بسبه التسنين.. عاد شريت لها من مذركير العضاضه الخضرا اللي على ريول مكرمين هههههههههه

 

[المكسيكيه]

جمعه مباركه بنات
شلونكم شخباركم
جنوي الله يعينا عليهم هل الفتره سالفة هل التسنين حنه وبجي واسهال انا ما خذت لها شكظثر عضاضات كل تشوحهم ماتبيهم

 

[المكسيكيه]

سبحان الله

 

[المكسيكيه]

اسنغفر الله

 

[انثى الكويت]

هاي بنات شلونكم
رديت من السفر والله وشريت حق شوق ملابس تهبل
من محلات مميزه.

والله بالعيد يمكن اروح اشتري حقي وحقها من اهناك ونرد
وشريت لها من المعرض الباكستاني حق القرقيعان يهبل

بحاول اصور اغراضها واحط لكم ياها

 

[Khota8]

حمدالله على سلامتج وين سافرتي
وناطرين الصور
ريرز
بعد عمري مشكوره
ومكسيكيه
شلونج وشلون فجوره
نوحااا
والله مشتاقتلكم بنزل البرنامج
ام جنوي
الله يشفيهاا ويارب تطلع اسنانهم حيل ماذيتهم الاسنان.

دنيااا
شلون امج وصاار عليها

نو الدنياا
وينج وينج والله اعلم عليج ام جنوي

 

[sweeta77]

بنات قصدي أمهات
ليش الدكاتره ما يرضون نعطي عيالنا فارليز لما يصيرون ست شهور
هل عطيتو عيالكم؟

 

[om_3azoz]

الحمدالله على السلامه انثى
وين سافرتي ,, ويالله ورينا الصور

سويتا
لان يكون فيه قمح والقمح يسبب حساسيه حق البيبي


انا وكلت بنتي قبل جم يوم قفشين فارلز ماتبي توخر ماقمت اعطيها الحين ,,



اقولكم شي ياربي صايره مالي خلق يهال استغفر الله ,, ريلي يقول على عزوز كل شي تسوين له والحين مالج خلق شي
عزوز كنت معتمده على نفسي وماكان عندي خدامه وكل شي انا اسوي الحين عندي خدامه ولاني اداوم ,,

الصبح دوام اقعد من النوم اعطيها الخدامه اروح الدوام ارد امسكها اتغدى ادوخ بنام انومها بدار عزوز عندها سريرها الكبير هناك واقول حق خدامتي اذا بجت عطيها المصاصه ترد اتنام واذا كانت شبعانه خلاص شيليها

انام لي ساعتين طبعا هل ساعتين كل ربع ساعه انا فازه بسبت عزوز كل شويه يقعدني
اقوم امسكها لي بليل الساعه 10 ونص انومها وانام وهذي حالتي بس

عزوز ليلحين مايحب الخدامه

بس انا ملاحظه خدامتي تقولي لمن انتي تروحين الدوام الصبح يقعد من النوم تغسله وتبدله وماتلبسه بامبرز وكل ساعه توديه الحمام يروح بس من ارد البيت تقوله تعال اوديك الحمام مايبي يبجي ويتفل عليها

تقولي مره قالي انا اتفل عليج بس جدام ماما بس انا احبج هههههه ولمن انا دوام ماياذي اخته كلش تكون تطالع براعم واهو يلعب بايباده يمها ماياذيها بس انا موجوده يطقها ويلعن خيرها

 

[om_3azoz]

بنات محد يعرف اذا اقدر اخذ استثناء من وزاره التربيه عشان ادخل عزوز الروضه هل سنه يصير ولا لا ؟؟

انا كنت بدخله كمبرج بس قالولي توقعين على تعهد انه مايطلع من المدرسه واذا طلع تودينه حكومه ينزل سنه

انا اصلا بدخله لي اولى ابتدائي وبنقله حكومه ,, لان كمبرج غاليه اذا اولى روضه1260 لا وكل سنه يزيدون السعر


فقلت اللي تعرف احد جذي سوه استثناء من الوزاره او شي تقولي ,, لان عزوز مواليد شهر 4 _2009 متاخر شهر بس حرام يقعد بالبيت سنه كامله

 

[Janna-q8]

ام عزوز

حرام لا تدخلينه صغير حتى لو على شهر

احسن لا دخل السنه اليايه يكون مخه وايد زين مستواه مع مستوى الدراسه

اما الحين يكون مخه اصغر واحد بينهم لانه اصغر منهم و ترى يأثر على المستوى الدراسي

 

[Janna-q8]

نوحا

انتي الخرااااااااب هههههههههههههه

كله منج تيمعين البنات بالبرنامج هذا اللي قلتي عنه و بعدين تسولفون هناك و مالكم خلق تسولفون هني!!!


دنيا
خدامتج تررررفع الضغط

ام عزوز

شلون خدامتج؟؟ بشري عسى بتقعد ؟؟؟