اطفال اكتوبر 2011 ياحلوهم 

[ReRez]

خوتا الله يشافي حماده يارب حبيبي جنه نونتي
--

تدلل الموضوع تافه واهم كبروه لو انا مكانج اسوي مثلج وما اكلمهم بس بنتي مالها ذنب ابسط شي اخلي ابوها ياخذها بيت امه مع الخدامه وساعه ويردها عالاقل يشوفونها مايصير تقطعين رحمها حتى لو اهم اقطعوكم
--

ملامح سما الله يطلع وليدج بالسلامه يارب ومايشوف شر ان شاءالله
سويتا نفس حالة ولدج اذا سويتي العمليه طمنيها اهي وايد تحاتي

 

[Janna-q8]

خوتا
الله يشافيه قلبي و حياتي ما يشوف شر

ملامح
وينج ولهنا عليج
سلامته حبيبي ما يشوف شر وولدج ذكي الله يبارك فيه يدري حليبج احسن ههههههه

ريرز و تدلل
الله يهديهم و اهنيكم على سنعكم

 

[المكسيكيه]

قوه بنات شلونكم وشلون عيالكم
الجو كلش ما يساعد وفجوره صدرها شوي تعبان حبيبتي

 

[المكسيكيه]

ملامح سما
شخبارج ان شاء الله طيبه
الله يقوم ولدج بالسلامه حبيبة قلبي

 

[om_3azoz]

خوتا
مايشوف شر ولدج يارب ربي يشافيه

ملامح سما
الله يسها عملية ولدج يارب ويقومه بالسلامه يارب

 

[sweeta77]

خوتا
مايشوف شر حبيبي وانشالله هذاا كله يزيده صحه

ملامح سما
الله يهون عليه ويقومه بالسلامه
وترى هذي عمليه بسيطه وايد يسوونها
طمنينا عليه

 

[sweeta77]

حبيبي ولدي صاير من احاول اشربه يبجي
ويشرب كلش قليل وبالغصب
ويرجع
حبيبي ويهه صاير نتفه عاد اهو بروحه عصل
ضايق خلقي عليه
شوروا علي شسوي؟

 

[*دنــيـQ8 ــا الوله*]

بنات شلونكم ... تذكرون سالفتي مع خدامتي الاثيوبيه ... كنت ناويه ارجعها المكتب آخر مره ... بسسس لما سالنا المكتب قال لنا اذا طافت 3 اشهر تكون علي كفالتكم ... يعني اذا بتسافر تسافر علي حسابكم الا اذا لقيتو لها كفيل ثاني ... فانا قلت خل تكمل سنه عندنا نستحملها وتالي نكنسل اقامتها لاننا حاطين لها سنتين ... وتالي نسفرها لانه مايسوي دافعين 300 وتشتغل 6 اشهر عندنا وتالي نسفرها ... خل نطول بالنا معاها بالطول وبالعرض وتالي يصير خير

بسسسس الاخت اليوم طنقرت علينا ... تخصرت لي وقالت لي انا بشتريلي تلفون واذا ماتخليني اشتري وديني المكتب ...قلت لها امشي اوديج لايكون انا ميته عليج ... وطبعا الاخت طولت لسانها علي ... تبي فلوس الجم يوم اللي اشتغلت فيهم ... وتقول ابيهم الحين قبل لاتوديني المكتب ... وتقولي انا ساكته عنج انتي ماتشترين لي شامبو ولا كريمات ... وتقولي انتي تخانقيني اذا كلمت بابا ... وسوالف وااايد ... طلعت الاخت حاطه بقلبها علي وساكته خخخخ بسسس شنو طلع عليها لسان طويل وعناد ... اشوف اذا كلمتها عن الشغل وافهمها تقلب راسها جنها ماتفهم كلامي ... ولما بغت تروح تراددني وتتحجي عربي عدل

اقولها خلصيني بوديج المكتب ... المشكله المكتب بيسكر 9 ونص ... وهي معانده بالدار تبي فلوسها وقاعده تصفط بهدومها ببرود... بطت جبدي ...

اقول حق امي خدامتي تخصرت لي تبي تلفون ولا تقول وديني المكتب ... يعني اذا هالمره شريت لها تلفون ... المره اليايه جذي تتخصرلي تقولي ابي ريل خخخخخ

المهم دقينا عالمكتب قبل لايسكرون وقلنا لهم السالفه ... انا كل خوفي يسكر المكتب وتالي شنو نسوي فيها ... مانردها البيت ... لانها بصراخها قلبته فوق حدر ببيت خالتي ... انا قلت اذا ماخذوها المكتب نوديها المخفر مانأمن نردها معانا ... ولا اذا كلشش كلششش احطها بالدار واقفل عليها ... استغفر الله

بسسس اشوه المكتب لحقنا عليه بالسالميه وتالي قالو نوديها للسكن بالمنقف ... يعني بالطريج والله وبسرعه بسرعه خفت لايصير فينا حادث ولاشي مايسوي علشان هاللي ماتسوي

انا ماظلمتها والله هي اللي رفست نعمتها
تتشرط تبي الشامبو والكريم اللي بكيفها ... واذا شريتي لها شي ولاعطيتيها لاتنطرين تقول لج مشكوره ... لان هذا حقها وانتي غصبا عليج تعطينها ... يعني هذا واجبج مو كرم منج
اذا كلمتها ترد علي بكلمتين وتطنشني وتمشي
تكوي الملابس ونصهم تحرقهم ... وتكسر لان ايدها قويه عالاشياء واقولها وتعصب
شايفه نفسها مادري علي شنو ... تقولي باثيوبيا عندنا كلشي ... عيل هاده اهلج ويايه تخدمين شكوو

*

 

[*دنــيـQ8 ــا الوله*]

خوتا ... شلون حماده خفت حرارته انشالله
وملامح سما ... شلون عملية ولدج

سويت ... من شنو ولدج مايشرب وايد ويبجي ... وديه الطبيب يجيك عليه ويشوف وزنه ...

*

 

[ملامح سما]

ريريز وجنا والمكسيكيه وام عزوز
سويتا ودنيا الوله تسلمون فديتكم

ولدي سوينا له العمليه امس الصبح فٰـِٰـٰيْ مستشفى ابن سينا

بًٍسًٍ مٍـٍْْـْْا نزلوا الخصيه لان شريان الخصيه قصير

شسوا عاد ...؟ قصوا الشريان وربطوه عشان يطول ويوصل

الى كيس الصفن ... وفديته تعب حياتي ودايخ

ثلاث فتحات ببطنه وغرز وحده بسره ووحده يمين ويسار السر

يقولون بعض الاطفال يكون طول الشريان زين وما يحتاج لهم انهم يطولونه

بًٍسًٍ ولدي. لًا قالوا ربطناه وبعد ٦ شهور لي تم السنتين جيبيه ننزلها له بعمليه ثانيه

والحمدلله ۶ــلٰـى كل حال

//


كوتا شاخبار وليدج ..?

 

[om_3azoz]

ملامح
الحمدالله على سلامته ياقلبي
شلون عرفتو انه الخصيه مونازله ؟؟

 

[noo7a]

خوتا
طمنينا عنج و عن حماده


ملامح
مايشوف شر ياعمري والله يعينه عالعمليه
وانشالله يارب تنزل طبيعي ولا تحتاج عمليه ثانيه



بنات شرايكم نسوي قروب بالماسنجر
انا ماشبك وايد من الاب توب بالماسنجر
بس اذا سوينا قروب راح ادخل عشانكم
او اذا عندكم برنامج بالاي فون يكون نظامه مثل خدمه البي بي ام يعني بدون ارقام تلفون يكون بنك او اي بي جذي

 

[noo7a]

حصلت هذا
نفس البي بي ام
يتعامل يالبن

Pmessenger


يلا نزلوه خل اعطيكم بني

 

[Khota8]

السلام عليكم
مشكورين خواتي وحبيباتي اللي دعوا لحماده واسألوا عنه صج انكم بينتوا محبتكم لي ولحماده والله يزاكم خير <<<<مهما اقول شويه بحقكم
يارب لك الحمد اربع ايام مااعرف النوم يكح لما يزرق ويه وبعدين يطلع صووت مثل التنهيده بس مع النفس مستمره ومايشرب حليب نزل وزنه بشكل ملحوظ
اول رحت المستوصف عطوني مذيب بلغم وعقب رحت السلام بعد يومين عطاني بخاخ ودوا شراب فيه نسبة كرتزون والبخاخ لما قريته مكتوب لايعطى اقل من سنتين وقالي حرصي عليه بس بخه وحده بكل انف وثلاث ايام وقطيه والشراب نفسه ثلاث ايام بس
لان حايشه فايرس من الجو وقاعد بصدره وقالي اذا تازمت حالته وصار ويهه ازرق غامق دقي على الاسعاف لاتنطرين احد يوديج علشان يعطونه مادري شنو مثل المهدئ
وللحين قاعده اراقبه والله يشفيه مسكين موقادر يشرب حليبته يبجي من اليوع وبنفس الوقت مايقدر يتنفس
الله يشفيه ان شاءالله

نوحااا
انا معاج اوكي

ملامح سما
الف الحمدالله على سلامة خلودي والله كان في بالي ويارب تنزل بروحها مدام طولوهاا والله يبري جرحه ويشفيه ويرد احسن من اول ويخلي حمود وخلود لج يارب

دنيا الوله
اقلوعوهاا هالخدامه ولاتعشين برعب وعن شغل البيت سهالات ان شالله كا انا طول عمري بدون خدمه وكان عندي اثنين اعيالي بس صارلها سنه عندي واتوقع لو بتسافر ماراح ايب ثانيه جبح يقطعون حتى البركه من البيت ونفسهم بكل شي عندج
الله يستر عليكم ويحفظكم

سويتا
عسى ماشر شفيه حبيبي اذا انتي حاسه كل شي اوكي روحي للطبيب وسوي تحليل او خليه يكشف عليه وقوليه مادري شنو فيه راح يهتم ويتفحصه عدل
الله يشفيه ويحفظه من كل مروه يارب

وباجي البنات شخباركم وثاني مره مشكورين على السؤال *

 

[تدلل حبيبي]

نوحا
انا عندي هالبرنامج
ظيفيني البن مالي

2d35141d
بنات اي وحده بتضيفني حياها الله
بس قولولي منو انتو عشان لا اضييع 


بديت ادخل اكل حق فطومي
امس شوي بطاط
اليوم قفشتين بطاط مع نص قفشة جزر
وجذي عشان تتعود شوي شوي

خوتا الحمدلله علا سلامة استاز حماده سكر زياده

 

[noo7a]

خوتا
ياعمري على حماده
الله يشافيه حبيبي
والله معور قلبي

أسأل الله العظيم رب العرش العظيم أن يشفيه

أسأل الله العظيم رب العرش العظيم أن يشفيه

أسأل الله العظيم رب العرش العظيم أن يشفيه

أسأل الله العظيم رب العرش العظيم أن يشفيه

أسأل الله العظيم رب العرش العظيم أن يشفيه

أسأل الله العظيم رب العرش العظيم أن يشفيه

أسأل الله العظيم رب العرش العظيم أن يشفيه

أسأل الله العظيم رب العرش العظيم أن يشفيه

 

[noo7a]

تدلل
ضفتج مادري عدل ولا لأ
لووول ماعرف له
اذا ما وصلت لج الاضافه قوليلي خل ادز لج بني

 

[*دنــيـQ8 ــا الوله*]

بنات ادعوا حق امي بالمستشفي تعبانه ... مسوين لها اشعه مقطعيه علي راسها يقولون احتمال جلطه مادري شنو ... انشالله مايكون فيها الا العافيه لانها استغفر الله مو ناقصه كلشي من قلب وسكر وضغط وامراض ثانيه حتي الاطبه مو عارفين شنو هي ....

الله يشافي ويعافي ويخلي لي اميمتي

 

[ملامح سما]

ٱللَـھٓ يشافي امج دنيا ويحفظها ويرزقها الصحه والعافيه يَ رب

//

الحمدلله ولدي خلود بخير وراح نطلع الصبح للبيت

وبعد ٦ شهور نسوي العمليه الثانيه عشان ينزلون هالخصيه ونفتك ان شاء الله

 

[ملامح سما]

وحموووووووود للحين مجّلب بصدري مٍـٍْْـْْا يبي صناعي

تلعوزت لما نوموني بالمستشفى مع خلود

يابته لي خالتي عشان ارضعه اقول لـَـّيَـٌ؟ـٰشٰ يبتيه للمستشفى مًٍـًٍوًٍ زين

تقول بًٍسًٍ يفرط يبجي حراام وخليته معاي العنييييد