اطفال اكتوبر 2011 ياحلوهم 

[تدلل حبيبي]

نوحا
اي زين تسوين ودي عند امج دامها راضيه
والله يخليها ويطول بعمرها وماتحتاجين احد انشالله

ام عزوز
جان سالتي الدكتور
انا يوم مرضت سالت الدكتوره قالتلي عادي وسبحتها والحمدلله ماصارلها شي بس بجت وايد وقت السباحه يمكن عشان مريضه مالها خلق لوووووول

بنات شلون اعلم فطومي تقعد ماعرف!
احط وراها كوشيه بس تطيح عليها هههههه
شنو في طريقه او لعبه تعلم القعده ؟

اي وماقلتولي اي خلاط اشتري حق اكلها؟

 

[om_3azoz]

اي قلت باجر اسبحها لان خاست هههه اهيا كله تعرق

الخلاط مادري انا شفت بسنتربونت وحده صغيره بس حق الاكل ب 8.500 وفي وحده مادري شنو معاها ب 24وشي اتوقع مادري ايهي اخذ

 

[om_3azoz]

في احد منكم راحت ارض المعارض ودي ارووح اليوم بس مالي خلق عزوز عيزانه اخذه معاي


ليلحين ماشريت حق مناتي عربانه مادري متى بعد ههههه


تدلل
في لعبه بسنتر بونت تكون محشيه شي جذي الجوانب عشان تقدر تقعد اعتقد لمن اتقعدينها
انا بنتي اقعدها على الغنفه وراها كوشيه تقعد شويه واطيح هههه

 

[sweeta77]

هلا يا بنات
حبيبي ولدي مريض هالنتفه وينه وين المرض
واهم شي لن عاداني وياتني قويه
اذكر يدتي تقول اقوى المرض تاخذينه من الياهل

 

[noo7a]

تدلل
انا كنت ناويه اخذ الاله الي بمذركير
تطبخ عالبخار بعدين تخلط الاكل

اختي قالت مايسوى كللللللش
لان لمن بتطبخين عالبخار راح تحتاجين ماي للخلط فماي الفوح تستفيدين منه
وماله داعي لا خلاط ولا شي استخدمي خلاط عادي
بس اشتري واحد مخصوص حق اكل هشوم بروحه


والله يشافي بيبياتكم يارب

سويتا
اي والله انا مره هشوم مرض حبيبي
طيحنا انا و ابوه وراه
فدوه حبيبي


تدلل
انا حاليا احط له كوشيات بس احس فنفتنا مو مريحه حقه
لان صوب الظهر مدعوسه شوي
مره شفت في مركز التعليم المبكر شغله تساعد البيبي عالقعده بروح اشوفها اقعد هشوم فيها
اذا اوكي باخذها

 

[دنيا أبوها]

امبيه بنات انا كل اللي حولي .. خالاتي وبناتهم يقولون حلقيها عالصفر يطلع أكثف و ما ادري شنو...

انا ما احتفلت بالعيد الوطني لاني مو بالكويت

واهلي يدزون لي صور جمعتهم و أطباقهم وملابسهم ....عشان أعيش الجو،....... لووووول


بس جد عيدي يا كويت .. يا كويت يا أحلى بلد ...


واااااي مشتااااااقة للكويت و لجمعة الاهل ...مشتاااااااقة لأسواقنا و شوارعنا و جمعياتنا و بيوتنا ..


ربي استودعناك الكويت و أهلها المخلصين لها .. ربي احفظها من كل شر و فتنة ...

 

[om_3azoz]

اي نوحا
ماله داعي بخار ومادري شنو قصه

انا بشتري هذي خلاطه صغيره بس حق اكلها بروحه احسن بس مادري متى اخذها

 

[om_3azoz]

دنيا انتي وينج اي دوله ومتى بتردين
الله يعنيج على الغربه حياتي


لاتحلقينه والله الحين كبر راح يطلع فلافل ههههه خليه جذي راح يطلع شعره صدقيني

 

[يا كويتنا]

بنات مشتااااقتلكم حيييل

فديتكم والله



بالنسبه لشعر البيبي


حلقيه عالخفيف رقم واااحد نصييييحه ايتساوي ويطلع بسرعه

او عالاقل قصوا الاطراف نصيحه

ولاحقين عالشعر


ولدي اسم الله كبر وجسمه كبر وهالخصيه المعلقه ما نزلت

يارب احفظه يارب العالمين


كل يوم اقول لابوه خنوديه للسلام عند الجراح اللي طهره لانه اهو قالي بعد اربع شهور جيبيه

والاخ مو راضي يقول خنصبر اشوي


وااي انا اخاف باجر يعافر وايتعور ومن هالحجي

بنات اللي تعرف احد مسويها لان اللي سمعته انها منظاار وبسرعه يمكن اينام او ماينام بعد بالمستشفى




حدي خايفه

الله يستر

 

[انثى الكويت]

قوووووه
شلونكم بنات


شكلها شوق منتشله وانا بطعمها باجر

تهقون اذا وديتها قبل الطكتور راح يعرف اذا منتشله ولا لاء

اول شي بدخلها عالدكتور بشوف بيطعمونها ولا لاء
مو متاكده اذا منتشله ولا لاء ماكو خرير سناسين لووووووول
بس انا مريضه فاخاف عاديتها


انتو شرايكم

 

[انثى الكويت]

لا تقرعون نصيحه يطلع خشن ولويه
بس قصصو اطراف شعرهم ولا بالمكينه رقم ٤ مو وايد

 

[دنيا أبوها]

كويتنا الله يشافي ولدج و يفرحج فيه .. لا تهملينه و ما له شر بإذن الله ...

 

[نور الدنيا 88]

انا عندي خلاط مال البيت يديد و لا مرة استخدمته بكرتونة و اليوم راح اجرب حق حسون مع خالتي
ان شاءالله يارب يآكل و ما يأذيني
و اذا تعود على هالأكله اسبوع و راح اعطيه سيريلاك




انثى النشله مالها علاقه بالتطعيم الا اذا كان البيبي مسخن و فيه حرارة

 

[انثى الكويت]

صح كلامج نور طلع ماله شغل طعمت شوق واهيا منتشله
حبيبتي خشمها مصكر بس عطوني قطره ما تسوي شي
رحت الصيدليه شريت لها بخاخ ودوا شراب حق خشمها يدوخ شوي وتنام


والحين الحليب ماتشربه كامل حرام تكسر الخاطر حبيبتي


نوحا لما طلعتي الجواز حق هشوم شكثر طول جم يوم قالو لكم

 

[noo7a]

كويتنا
الله يشافيلج اياه يارب تنزل بروحها



انثى
يومين بس ودا اوراقه الاحد و الثلاثه استلمنا الجواز
لان ريلي وداه اداره الجنسيه و الجوازات بالضجيج
بس لو تروحون خدمه المواطن يطول اسبوع

 

[المكسيكيه]

هلوووو بنات
شخباركم ان شاء الله طيبين
وحشتوني وايد
وجوجو تسلم عليكم وعلى عيالكم

 

[المكسيكيه]

انثى حبيبتي
انا طلعت جواز حق جوجو نفس اليوم خلص

 

[نور الدنيا 88]

اهلين المكسيكيه شلونج و شخبار فجورة وينج مختفيه

انثى زين طعمتيها هذا مال اربع شهور؟
و حتى انا ولدي بدون شي مايشرب الا رقمين
و ما تشوف شر شواقه

 

[نور الدنيا 88]

والله يبيله جواز حق حسون شكلي بسافر بالعطله

 

[om_3azoz]

مرحبا شلونكم

انا عزوز طلعتله جواز بنفس اليوم خلص
الحين ناطره بنتي تكبر شويه واصورها حق الجواز