اطفال اكتوبر 2011 ياحلوهم 

[Janna-q8]

ثى قفشه سيريلاك مع 4 ارقام حلاب ؟

ام عزوز اي والله ملل

جنا ماشفت بيبي بي كنبل وردي مغطيها و الام حاطه ميك اب و لابيه بدله و كعب
ين

هههههه نور لا مو انا حسافه ...كنت لابسه فلات ليش وااايد كنت متأخرة عالموعد و قلت مووو وقته هاي هيلز الحين

 

[نور الدنيا 88]

لحظه جنه ماكان كعب بس ماكنت حاطة ميك اب

 

[تدلل حبيبي]

هاااااي
شلونكم مع الاعياد الوطنيه
اليوم بيت ابوي متيمعين سويتلهم سلطة علم الكويت سههههلللللله
حطيتلكم صورتها

http://i.imgur.com/9gZEb.jpg

 

[تدلل حبيبي]

ونتر

اي انا عمتي بعد علمتني احط بخشمها زيت زيتون بقطن الاذون
ووايد نفع معاي


نور
روب عادي مال كبار
بس قليل او خالي الدسم عشان خفيف حق الياهل
يقولون اليهال اكثر شي يحبونه الروب

 

[تدلل حبيبي]

بنات بسالكم
متا بيبياتنا يقدرون يشوبون من القلاص
اليوم عطيتها بالقلاص ماتعرف تمص حافة القلاص ههههه
وانصب الماي كله علا ملابسها العيد الوطني لوووول
اشوه شريتلها واحد عملي قطن قلت حق الغدا والنفنوف الكشخه حق الزواره والتصوير

عاد سويتلها صوره بالنفنوف ببرواز وكتبت عيدي ياكويت يا احلا بلد وقلت باجر بدز حق الاهل ورفيجاتي صورتها
واااي كربون بنتي والله صايره تشبهني 

 

[om_3azoz]

مرحبا

ها شكلكم طالعين مودين عيالكم المسيره


أنا متملله قاعده بالبيت

 

[om_3azoz]

بالعافيه تدلل الصراحه السلطه وايد صعبه


انا امس كنت بيت ابوي مسوين شوي ,, بس ماكنت ملبستهم

اليوم طلعت عزوز لبسته تيشيرت وجذي بس ورديت البيت قعدت لبست بنتي تيشيرت وهيلهوب لان التيشيرت صاير لها نفنوف هههه لانها نتفه فديتها

المهم ,, قلت البسها ونروح بيت عمي يعني ولا نتهاش انا وبو العيال ههه يقولي شكو يعني ملبستهم وين بتروحين لايكون عبالج بوديكم مسيره هههه شكو حمدالله وشكر

 

[Janna-q8]

لحظه جنه ماكان كعب بس ماكنت حاطة ميك اب

خفيف مووايد

لا بس نور ماكنت لافه بنتي بكمبل و ماكان وردي فنو واي ^^ يمكن المرة اليايه لول:d

 

[Janna-q8]

اليوم عطيتها بالقلاص ماتعرف تمص حافة القلاص ههههه


لووووووووووووووووووووووووول كيوووت حبيبتي .. اي صح هاذي حركاتهم كل شي يمصونه.. مرات ابوها يجندس عليها تمص خشمه :rerrerek:

و تسلم ايدج عالسلطه ..شايفه وحده من التاجرات تبيع مثلها بقتي منها سر المهنه لووول



ام عزوز
اهم شي بو العيال شدعوه عاد... يالله, الله يهديه الرياييل لازم لهم فصلات


احنا اليوم رحنا يمعتنا و متروسه يهال بس بنتي طلعت اكشخ وحده لبست بدلتين بدال وحده لووول ووزعت صورها اللي سويتهم بفوتوكينا حقها تشووووق

 

[انثى الكويت]

هلا نور

انا احط حق بنتي ٥ قفاش حليب مال العلبه وبنفس القفشه سيريلاك.
ومجهزتهم بالعلبه المقسمه عشان مالي خلق كل شوي مبطله الحليب ولا السيريلاك
والبسكوت قصيها نص وبعدين قص النص نص لغز لوووووول يعني اخذي ربع البسكوته
وانا مره احط بسكوت مره سيريلاك

واذا عالروب فنص دسم افضل شي لا خالي ولا كامل واخذي قفشه روب على بطاطه مهروسه صغيره وذره ملح مو وايد
لازم الروب معنه ماحبه انا بس بعود بنتي عليه وايد مفيد
ومره كوسا
ومره قرع

ومره تفاح مبشور وموز وعليهم عصره من عصير برتقال طازج

ولا تقولون تو الناس امهاتنا من عمر ٤ شهور يعطونا مالي شغل بالدكاتره

بس اكل الغراش مممنوووووووع مو زين مو على بو سهالات لا وين الافيد اسويه حق بنتي
وغير السريلاك والبودر العيش
حتى في قفشه تنفقص تطلع الاكل اهيا بلعبه اذا شريتها اوريج ياها

 

[نور الدنيا 88]

اهلين انثى انا ولدي يشرب اربع ارقام و احطله قفشهتين حليب
و القفشه اللي قاتي عليها اعرفها موجودة بالجمعيه خذيتله منها
ناطرته يكمل الخمس شهور و ابدي معاه اكل مهروس
و صويتله التفاح ة الموز و البرتقال و كله بالخلاط بس سويت شويه

عطيته عصير برتقال خففته بماي لما خلصاه لاعت جبده معنه رقم و نص بس

اليوم احتفلنا بالعبد الوطني و حسون حده استانس قاعد ميت ضحك و اهما يغنون و يرقصون
لبسه حلو كان

اليوم نقلت اغراضي الشقه اليديدة اوف تعبت حيل و الشقه عفسه مالي خلق ارتب واااي

 

[نور الدنيا 88]

تدلل تسلم ايدج ع السلطه و عوافي
جربي حطيلها ماي بغطى الممه حسون يشرب بس يشرق اقوله بسم الله بطريقه اني خايفه عليه يضحك ة بنسى الشرقه

 

[نور الدنيا 88]

مثلا بيوي حق ولدي بطاط مهروس افوح البطاط ة بعدها احطه بالخلاط م شويه من ماي الفوح ؟

 

[انثى الكويت]

اي فوحيها وخفيفها بماي الفوح وعليها قفشه روب وكليها حق حسون

 

[*دنــيـQ8 ــا الوله*]

وي غبرااااا خخخخ

كتبت رد شطوله مادري وين راح مالي خلق اكتبه مره ثانيه خخخخ

 

[انثى الكويت]

اي حتى انا مرات اكتب رد شطوله وينمسح عاد انقهر

وماكتب شي موليه

وبعض المرات اضطر اكتب رد مختصر خخخخخخخخ

لزوم القرقه

 

[noo7a]

بنات
بالنسبه للاكل
مره سمعت ببرنامج ذا دوكتور
ان الاطفال تحت ال٤ سنوات
كل شي تعطينهم كامل الدسم
لان جسمهم مختاج يبني

 

[noo7a]

تدلل
انا سويت نفس الحركه
حق هشوم
لوول
صورته و كتبت اسمه و اي لوف كويت
الي توصل لها صوره ولد يهبل وقمر و عليها اسم هاشم
ترى هذا هشوم لووول

 

[نور الدنيا 88]

نوحا وناسه
انا اليوم بودي حسون اصوره

 

[om_3azoz]

السلام عليكم شخباركم


انا من تكمل 4 شهور بعد جم يوم ببدي معاها اكل باجر بروح اشتري خلاط الاكل من سنتربوينت