اطفال اكتوبر 2011 ياحلوهم 

[نور الدنيا 88]

اهلين ام عزوز شخبارج
اي زين ماشاءالله


انا طالعه مع امي و خواتي

 

[انثى الكويت]

صح نوحا لازم كامل الدسم بس ليش اول شي نص دسم
بس عشان يتعودون لان النص دسم ثقيل عليهم وشوي شوي تعطينهم كامل دسم
من كل شي

بعدين يبدون ياكلون من نفس اكلنا واظن اكلنا دبل دسم لووووووووووووووووول

لا تحاتين بس بلشي في هشوم شوي شوي لين تتعود معدته


انا طبعا تعبانه الفونزا بنات جان اخذ شوق واوديها عند امي لان تعبانه اخاف اعيدها بس جم يوم بس اطيب
وقاعده اخذ حبوب وادويه عشان اطيب وارد اخذها قلبي يعورني

احبها ولهت عليها ما ودي كنت اوديها عند امي بس خفت تمرض حبيبتي

 

[ReRez]

السلام عليكم بنات

انا شكلي شريت نفنوف العيد الوطني عالفاضي

توني راده من المستشفى بعد قلبي ردت امرضت وقالي اجلي تطعيمها اسبوع بعد وارد يشوفها

يالله ميخالف المهم صحتها ربي يشافيها

 

[نور الدنيا 88]

ز ماتشو شر البنوته بعد قلبي
توها تكمل لربع شهور
انا حسون بعد يومين يكمل خمس شهور بإذن الله
بينهم شهر ؟توني ادري
الحمدلله هالشهر بريك ماكو تطعيم
الشهر الياي اكون دوام الله يعين

 

[نور الدنيا 88]

بنات اشتقت حق الايام مال تجمع الحمل كان حده وناسه
يحليلنا
اشتقت احمل مرة ثانيه بس اكيد البجر غير
صج كانت تجربه حيل حلوة تحسفت ليش كنت اتناجر وبا ريلي على اشياء سخيفه
بس تجربه حلوة و نتيجتها عسل فديته الخايس

 

[تدلل حبيبي]

ريريز
حياااتي ماتشوف شر
ليش ماتقرين عليها اخاف صايبتها فزة قلب!!
وماعليه النفنوف لبسيها باول يمعه تكون طايبه
وصوريها للذكرا

نور
اي الحمل تجربه حلوه حمدلله
بس العنايه بالبيبي وايد صعب ماتوقعت جذي
لا انا ما افكر احمل الحين ابداااا
الحمدلله عالنعمه عندي فطومي تارسه علي يومي مشالله
انشالله اذا كبرت واعتمدت علا نفسها تاالي افكر
يعني من تدش المتوسطه ههههه لا اتغشمر

 

[Janna-q8]

ريريز سلامتها حبوبتي نور الله يشافيها ماعليه لبسيها و وديها مصور فوتوكينا او اي واحد تحبينه و خليها تسوي لقطات و احتفظي بالصور وزعيهم على الاهل جنه ما طافج شي

بنات انا للدكتور قاللي ابدي اكل لما تصير خمس شهور و جنوي الله يحفظها توها كملت اربعه فمو مستعيله عليها

نور سلامتج ماتشوفين شر

 

[انثى الكويت]

واي ريرز نفس حظي شوق ما لبستها ولا شي
حدي تعبانه قات بلبسها بعد ما يخلص العيد الوطني واروح اصورها لو ٣ لقطات
عن خاطر وباخذ لي لقطتين معاها

اي جنى على ٥ شهور تبلش تاكل فانتي بلشي خطي نع الخليب سيريلاك ولا ربع بسكوته مع كل رضعه
مره جذي ومره جذاك

 

[om_3azoz]

السلام عليكم

انا بنتي من امس بجي لي الصبح بجي وماتقدر تنام تنام خمس دقايق وتقوم تبجي ,, عاد الصبح الساعه 7ونص وديتها الطبيب

قالت لي فيها حساسيه بصدرها ,, عاد عطتني دوى الشعب الهوائيه ودولى بدال الكمام وماي ملح قالت لي قبل الرضعه رشيلها ونوميها على بطنها دقيقتين تالي شربيها حليب


عاد وانا راده البيت نامت بالسياره الحمدالله قعدت عطيتها دواها ورت نامت لانها تعبانه حبيبتي ارتاحت شويه واشوه شربت حليب جان زين عدل بعد بس رقمين ,,


يارب الله يشافي بيبياتنا من المرض الجوو متغير عليهم ,,

 

[Janna-q8]

اليوم رحنا كشته بالبر

طووول الوقت جنوي نايمه الله يحفظها و لا حست انها طالعه و مغيره جو

انا الحين اكلمكم الساعه بتصير 2 بليل و الاخت مصحصححححححه لووووول من طول النومه بالنهار الحين عاد تعالي يا امها و ابتلشي.. بو الشباب راح كبر المخده و حط راسه و نااام و انا بالصاله وياها لوووووول

 

[دنيا أبوها]

امبيييه بنات ولهت عليكم حيل بس الظرووووووووف ربي يسهلها من عنده ...

صارلي فترة ما فتحت التجمع 

شخباركم .. شلون الدنيا معاكم ...يبيلي ارجع عالصفحات اللي طافتني عشان اعرف اخباركم ..

انا قررت أحلق شعر بنتي عالصفر .. امبيه بنات شعرها خفييييييييييف و مفرق
يمكن يفيدها ... شرايكم ؟؟؟


بنتي عمرها خمس شهور بس خااااااايفة أعطيها اكل .. ما أدري مو قادرة بنطر لمن يصير عمرها ٦شهور وابدي معاها بإذن الله ...

 

[Janna-q8]

فاقده دكتور جنوي برويال حياه قال عادي من 5 اشهر

 

[نور الدنيا 88]

هلووو
دنيا ابوها فاقدينج من زمان
لا تحلقينها انا اخاف يصير خشن و عالأكل عادي ابدي شوي شوي

ام عزوز ماتشوف شر مناتي
انا حسون صاير مايشرب الا بين فترة طويله و لا رقمين بس
بس مأحس ان فيه شي و تعبان


جنا انا حسون امس قاعد لي ساعه ثلاث و نص و لا منومته غصب بعد

 

[ReRez]

وييي عاااااادي انا اليوم مانامت الا ٤ الفير و كالعاده تقومني ٨ مرات ياتبجي من غير سبب او تبي ترضع الله يعيني
---

دنيا ابوها انا بنتي شعرها خفيييف واماكن في شعر واماكن قرعه بس مابي اقرعها لان اختي قرعوها صار يبر مو نفس اول ناعم
وهم عشان مابي انطر شعرها يطلع تعقدت ههههه

وعالاكل انا بالخامس وللحين ماوكلتها كلش لانها مريضه و الاكل اول شي سهال مكرمه ويمغص البطن لان شي يديد ف خل تطيب ولاحقه عليها

 

[نور الدنيا 88]

انا حسوني اليوم دش بالست اشهر حبيبي

 

[تدلل حبيبي]

سلاااام بنات تجمعي العزيز
شخباركم

الحال من بعضه يابنات
مادري شفيها فطوم هالفتره
ردت مثل قبل كل ساعتين بالظببببط تقووووم
تشرب واهي تشرب تسولف مادري شتقول وتشرق بالحليب
وتزوع والحاله حاله وبعدين اقمطها وانومها
وهاذي حالتي طووول الليل وااي بعد ظهري فوق صوب الرقبه احس جنه في خشبه من كثر مايعور
يااارب عطنا الصحه والقوه نكبرهم ونرعاهم ياالله

واليوم لازم اروح عزا مكانين لانهم من معارفنا واهلنا ووجبوني لما عرست وولدت
طبعا بشنقل فطومي معاي حبيبتي

بسالكم بنات بشنو تطحنون الاكل حق عيالكم شسم الجهاز ومن وين
اذا في صوره بعد اكون شاكرتلكم ههههههه طمااعه انا

اي واللي بتقرع بنتها
لااااا ماانصحج اول شي الشعر بهالعمر طبيعي يكون خفيف انا بنتي اللي يشوفها يقول توها مولوده لان شعرها وااايد خفيييف بس صوب الجبهه شوي اكثر
فوديتها السيف عند الدكتور قال طبيعي لي عمر سنه يبدي يكثف
وفي اطفال ماعندهم ولا شعرهزقرعاااان وبعدين يصير كثيف مشالله

واااي تخيلي بنتج شعرها عالزيرو حرام يخرب جمالها
وبعدين لاحقه الشعر الطويل والكثيف العمر جدامها انشالله

 

[تدلل حبيبي]

اليوم حدي مكتأبه
ريلي بالغصب اقتنع اني اسوق فبيصلح البطاريه
ومااشتغلت السياره قامو فحصو المكينه والا المكينه مصديه !!!
لانه السياره مو متحركه ٥ اشهر
وااااي بتنبط جبدي والله
تخيلو تصليحها ٤٠٠ دينار
وانا الحين معاشي نص لان امومه
والشهر الياي لازم اداوم
يعني من وين بدفعلها
وليش خلا السياره توصل لي هالمرحله 
لو سيارته ما يخليها يومين واقفه لان اهوا شاريها خايف عليها
اما سيارتي بالطقاق مال عمك مايهمك
اوووووفففف

 

[noo7a]

تدلل
هونيها و تهون
كان المفروض كل اسبوع اسبوعين عالاقل تشغلونها
وتاخذون فيها فره بالفريج
يلا ماعليه



عالشعر
حتى انا هشوم شعره مرقع لول
صوب فيه و صوب مافيه
ابوه شكثر يحن ان احلقه بس انا مابي
خو ياهل طبيعي شعره يكون جذي
عندي رفيجتي
بنتها من اول مايابتها
اسم الله عليها لا اله الا الله تبارك الرحمن شعرها كثييييف
بصراحه مو حلو لان ويها نتفه و الشعر مغطيه
تحسون شي مو طبيعي لان احنا متعودين على عيالنا ببيت اهلي قرعان لوول

 

[noo7a]

عالحضانه
قلت حق امي اني بدخله
طبعا امي رفضت و عصبت و و و
لووول
قالت ييبيه عندي انا شلت عيال اخوانج و لي الحين اشيلهم
مو عيزانه على هشوم عاد كلش ولا هشوم خل ريلج يطلع قبلها بربع ساعه يقطه عندي
ولا ان تحطون قطعه لحمه لا تتكلم ولا تشكي بيد ناس غرب ماتدري شنو يسوون
عاد صج راح يستانسون فيه يسويلهم جو من الصبح و هم هشوم راح يستانس لان ولد اخوي الي قده يكون هناك الصبح

عاد قلبي عورني صج و قلت حق ريلي خلاص توديه عند امي
كيفه دام امه عيزانه عن شيله ولدي الله يخليلي امي ولا يحرمني منها الله يطول بعمرها ولا يخليني بعوزه احد
اهو يوديه الصبح يطلع من الساعه ٦ لووول محد قاله خل امك تكون لعينه لول
لا حرام ريلي خوش واحد لوووول

 

[om_3azoz]

السلام عليكم

على الشعر عزوز كان في مكان شعر ومكان مافيه قالولي قرعيه قتلهم مستحيل والحين ماشاءالله شعره ناعم وطويل
حتى مناتي الحين جذي نفس عزوز طلع لها شعر شويه عن اول مانولدت بس مافكر احلقها الحين الا يمكن ١٠شهور او سنه نفس عزوز يالله اعدل اطرافه بس



انا بنتي ليلحين تعبانه بس الحمدالله نامت فرق عن اول امس عاد الحين صايرلها سبوع ماسبحتها مادري عادي اسبحها واهيا مريضه ولا تمرض زياده