اطفال اكتوبر 2011 ياحلوهم 

[Khota8]

الله يوفقج بالحضانه السنعه يارب ويحفظ هشوم من كل مكروه يارب

 

[noo7a]

نور
شبتسوين الحين
لازم تقررين الحين عشان لا تتوهقين
حده حده مثلي


خوتا
امين ياربي

 

[نور الدنيا 88]

ريلي يقول يصير خير وقتها

 

[noo7a]

نور
واي من هالرياييل قلبهم بارد

 

[Winter Q8]

شلونكم بنات شخباركم.. اشتقت حق سوالفكم .. بس عذروني الفترة اللي طافت صار لي سوالف خلتني افقد المتعه بكل شي منهااشتد المرض على عمي و عقبها توفى و العزا الله يرحمه و يغمد روحه الجنة .. و مشاكل بالبيت الله يعـــين تفرج ان شاءالله ..

المهم آخر أخباري علاوي اسم الله قام يقلب و يقعد اسم الله عليه .. و توني بديت اوكله ان شاءالله الاسبوع الياي يكمل 6 شهور .. فعطيته موز مهروس / عيش ميلوبا / قرع .. بس حسيت صوب حلجه صار احمر من عقب القرع فبنطر شوي و برد اعطيه اذا رد معناته يتحسس منه ..

و ايي الاسبوع الياي ارد الدوام فمن اسبوعين رحت ادور حضانة حقه بعد تدرون بظروفي ماعندي احد يمسك ولدي (( نوحه وضعي نفس وضعج خصوصا بالوعود اللي وعدوج اياها فلا يضيق خلقج مو بروحج اللي تعانين )) .. المهم رحت شفت حضانتين ماحبيت اشتت روحي وايد اعرف نفسي ..
اول وحده كانت زوينه بس مو هالكثر بالنظافة لان اليهال بعمر عيالنا شنو يبون اكثر من نظافة و رعاية .. و الثانية حضانة مستشفى مبارك واااي اتعب و اقول اللي ماسكه قسم الرضع نظيفة و لا وسواس نظافه و رعاية .. و الحمدلله شفت اليهال مستانسينو يلعبون و من يشوفوني يضحكون و شفت ياهل بعمر ولدي تغني له ( تك تك تك ) و اهو يرقص و يهز راسه كربونوو الله يحفظه لاهله ..

طبعا كل يوم يفحصون درجة الحرارة بمقياس الكتروني و يسجلون حرارته و اذا مرتفعه يعطونه ادول طبعا بعد ما يبلغونج ..
يراقبون النموو للياهل و اذا شافوا تأخير يبلغونج علشان تعرضنيه على دكتور مختص ..
الشراشف و الأغطية تغير من مجرد ما يقوم عنها الياهل يعني مو ياهل على ياهل ..
طبعاً مميات من عندج ما يغسلون شي عندهم علشان تاكدين من نظافتها و يشيلون مسؤوليتهم .. حتى ما رضوا ياخذون مميه كنت مسويتها قبل .. و نفس الشي حق الصحون و القفاش .. و المصصاصة قالت لي حطي له الغطا .. و لازم مرايل تقول لان الياهل بدا يسعبل و هدومه كلها سعابيل و بعدين مع الهوا البارد يتأذى صدره .. ماشاءالله عليها احرص مني
ممنوع تدخلين لداخل الغرفه حدج عند عتبة الباب ليش يقولون يمكن حاطه عطر و لا ناس تدخن فيأذون صدور اليهال و اهم معقمين و منظفين الأرضيات .. طبعا التنظيف و التعقيم يتبع الصحه الوقائية بالمستشفى ..و طبعا القلفز ما يطيح من ايد المساعدات و من تغير للياهل تفصخه و تلبس يديد ..
و في بالحضانة اخصائتين اجتماعيتين ..
فالحمدلله من شفتها وايد تطمنت لانهم ناس امينين و ثقة و من عقبها باشرت اجراءات الرجوع من اجازة .. و ياخذون 80 بالشهر لاني ما اتبع وزارة الصحه ..

صج قلبي يعورني عليه لاني وايد متعلقه فيه و 6 شهور يجابلني ليل نهار بس الدوام شي لابد منه اذا مو اليوم السنه اليايه و راح يصير الموضوع اصعب لان تعقلت زيادة .. و اشوف الحضانة وايد أأمن من الخدامة اللي مادري شراح تسوي فيه بغيابي ..

 

[نور الدنيا 88]

ونتر اعجبتني الحضانه شكلها زينه
انزين بسألج اللحبن اللي تآخذ امومة تداوم لما ولدإا بكمل 6 اشهر و الا لما لما يدش

 

[Winter Q8]

اي لما يكمل ست شهور بالضبط .. انا اجازتي الوضع و الامومة من 25/8 - 25/2

 

[noo7a]

وونتر
عجبتني مالت مبارك
خاصه انها تابع لجهه رسميه
بس مو بطريجنا
بس هم بروح اشوفها
عشان اذا كلش كلش اوديه
انا مابي الحضانات الي ببيوت و حاطين خدامتين يجابلون اليهال

 

[Winter Q8]

وونتر
عجبتني مالت مبارك
خاصه انها تابع لجهه رسميه
بس مو بطريجنا
بس هم بروح اشوفها
عشان اذا كلش كلش اوديه
انا مابي الحضانات الي ببيوت و حاطين خدامتين يجابلون اليهال

ايي يتبعون جمعية إعانة المرضى ,, و فروعهم بمستشفى العدان و الجهرا و مبارك و الحين بيفتحون بالصباح
زين مو دوامج بالخالدية شوفي حضانات حواليج خالدية العديلية الروضه كيفان شامية .. سامعه حضاناتهم زينين .. على الاقل اذا صار عندج بريك يكون يمج تشوفينه و تتطمنين عليه

 

[Winter Q8]

و هذي وحده تمدح حضانة بروي ستار يمكم بعبدالله مبارك
http://www.q8yat.com/t1021249.html
هم روحي شوفيها

 

[noo7a]

وونتر
اي جيكت على موضوعها
سالتها عن العنوان
في وحده بالخالديه بابها جدام باب كليتي بالضبطططط
بروح اشوفها بس بمر عليهم مع ريلي
مو كل الحضانات ياخذون رضع
و هم في مشكله انا اخلص محاضراتي ٣ وربع مادري اهم لي ساعه جم يقعدون الحضانات

 

[Winter Q8]

انتي شوفي و سألي و دقي عليهم قبل لا تروحين ..
و ترا بالغالب الحضانات تستقبل لساعه 2 الظهر و اتفقي مع الحضانة ان يبدلونه و يرضعونه قبل الثنين بشوي و ايي ابوه ياخذه و طبيعي راح ينام بالسيارة فعلى ماتوصلين البيت الا توه قاعد من النوم و يبي يرضع .. لا تحاتين

 

[noo7a]

وونتر
انتو ساعه جم تخلصون دواماتكم

انا محاضراتي لي ٣ وربع
و ريلي ٢ وربع
و حسبي زحمه الطريج الظهر

وااااي احس مخي ملخبط
حسبي الله ونعم الوكيل

قاعده حاليا بالمحاضره و احوس بقوقل و اسال عن الحضانات
مخي مو معاي

 

[Winter Q8]

حبيبتي .. الله يلوم اللي يلومج اكيد بتفكرين و تحاتين ..
احنا دواماتنا تخلص ساعه وحد ه و نص بس ريلي ممكن يخلص قبلي ود\وامه الاقرب له فخليت المهمة عليه .. و اذا تأخر انا موجودة و حطينا اسم يده او يدته اذا صارت ظروف اهم يستلمونه ..
و دوام الحضانة يخلص ساعه 2 و قالو لنا تقدرون تتاخرون بس مو وايد ..

انا متاكدة في حضانات لي ساعه 3 و 4 حق الامهات اللي بالقطاع الخاص وايد شفت ..

 

[تدلل حبيبي]

سلام
هلا نور الدنيا
الحمدلله انا وفطوم زينين
شخبارج وشلون حسون بديتي توكلينه؟

خوتا
الحمدلله فطومي احسن بس حبيبتي من بعد السهاااال الحين صايرلها امسااااك
واي تتعذب مسكينه
ماكو وسط يا ابيض يااسود
الحمدلله علا كل حال

نوحا
الله يعينج حبيبتي
حمدي ربج ان في حظانات تغنينا عن منت الننااااس
وبعدين عالاقل اهما متخصصين بتربية ورعاية الاطفال
مو وحده مالها خلق
بس اللي عليج انج اتدورين المكان الزين
واذا علا الماده اللي الساعه 3 اذا تقدرين سحبيها واذا مايصير بعد مالج الا تطرشين ريلج ياخذه
الله يسهل امورج

انا اليوم رحت السوق اخذتلي بجايم يدد مليت من اللي عندي
وخذيت نفنوف حق فطومي للعيد الوطني
لبستها وصورتها واااي تهبل صارت مشالله تباوك الرحمن
وهاذي صورتها قلدت ريريز قصيت الويه ههههههه

http://i.imgur.com/wYtxO.jpg

 

[نور الدنيا 88]

نوحا الله يعينج صراحه استغفر الله
ليش ما تودينه بيت امج اضمن مكان صراحه
يستسوين بعد طلعي مبجر و قطيه
انا مأحب العوز ياهل و اطلعه الصبح ماحب اشيله من فراشه و اهو نايم

تدلل فديت البنات اسم الله وايهر تقريبا من اول ماكمل 4 شهور احطله بسكوت بالحليب مرة باليوم
اعطيه فواكه اذوقه مز تفاح برتقال
اليوم خلطتهم بالخلاط ثلاثتهم بس سويتله شويه جم قفشه ن شاء الله تشوفينها لابسه نفنوف العرس
و انا و حسون تمام بخير
ص
ارلي شه

 

[نور الدنيا 88]

واي على هالتلفون

 

[نور الدنيا 88]

المهم اقولج احطله بسكوت بالحليب مال 4 اشهر و اللحين مابقا شي و يدس 6 اشهر
شريتله فارليز
راح اغير النوع

و راح ابتدي بالخضروات راح ابدي بالجزر
بس مادري افوحه بروحه بدون شي ؟
طبعا همن اول شي راح يكون ذويقه جم قفشه بس

و بعدها بطاط
و بعدها كوسا
و بعدها راح اخلطهم كلهم مع شويه عيش و طماط و راح ابلش اذوقه سيريلاك
راح يكون داش السادس
انا احبه السيريلاك من زمان مجهزته خخخخخخ


واي حبيبي ان شاءالله ما يأذيني و يآكل
راح اطول بالي عليه و اضحك وياه عشان يآكل غير المسليات الالعاب

راح ابدي بوجبه وحدة باليوم
طبعا مو وجبه ذويقه بالبدايه
اليوم اللي سويته الفاكهة ماشبعاه مسويه شويه حيل يمكن 5 قفشات شاي
المو كل مرة ازيد الكميه الله يسهل


و عندي نقل عفش بعد
بنرجع بيت اهل ريلي خلال هاليومين ناطرين الشقه تجهز واي الله يسهل

 

[نور الدنيا 88]

طبعا بس ببالشهر السادس اهرس الاكل بعدها لا بس افوحه و انا اذوبه اخليه صلب شويه عشان يتعلم
واي حبيبي ولدي

 

[نور الدنيا 88]

وييي ما قلت لكم شي مهم
قمت اعطي حسون مصاصه
اول ماكان يبيها يدزها
بس قمت اعطيه وصار هادي الحمدلله يارب
اول بس يصارخ و طول اليوم حنه
و صارلي يومين انومه بدون مهاد