اطفال اكتوبر 2011 ياحلوهم 

[om_3azoz]

السلام عليكم شخباركم ياحلوين شلون البيبات

انا بنتي ذيج المره حطيتها بيت خالتي على كرسي هزاز صغير موصاكينها كنت قاعده عندها جان تقلب مره وحده ,,

ولمن انقزها تشد ريلها وترخيها ,,



ليش جويهل ونبيل بيخربون الديره ؟؟ الظاهر اهما اللي بيعدلونها هههههه


نوحا
الظاهر جذي بروح اشتري لهم بس خل اشوف متى ..

 

[noo7a]

جويهل
اسلوبه بالطرح غلط
بس كلامه صح
حتى الفضل

الي بيخربون ديرتنا الي اقتحمو المجلس
قضاياهم و مطالبهم لاغراض شخصيه و قبليه
و اهم الي افتعلو الفتن بين الكويتيين
حسبي الله عليهم

 

[Khota8]

السلام عليكم شلونكم بنات
وي فكونا من سوالف مجلس الامه
خلونا على بيبياتنا احسن>>>>>>ههههههههه

 

[Janna-q8]

مشاعر
يحليلها بنتج اكبر من بنتي بيوم بس ^^

بنات انا اتفق مع معظم, اذ مو كل ,كلامكم بس خلونا نبعد عن الكلام بالسياسه..لان السياسه تياسه لووول

 

[Janna-q8]

وااااااااااي فديتها خوتا قبل لا اكتب هالرد ما كنتي كاتبته ليحين و لما حطيت بووست لقيتج كاتبه نفسي هههههههه نفس التفكير لول

 

[تدلل حبيبي]

الجويهل والفضل بيخربون الديره؟
والله ماتوقع لان ماكانو بالمجلس اللي طاف وكا الديره حالها مايسر
انا متامله بهالاثنين خير
احسهم بيبردون جبدي هههههه
امبي الوتسب كاه برودكاستات عن النتخابات
مشالله الناس كلهم دارسين علوم سياسيه لووووول

ام عزوز
وي حبيبتي اسملله عليها ديري بالج ربطيها حتا لو انتي يمها ماتدرين بلمح البصر تطيح

خوتا وجنا
انشالله بعد خلاص مانييب طاري السياسه
جنه مضخناها


اليوم فطومي متغير عليها المكان مانامت عدل كله مقطع
لان كنت قاعده بيت ابوي اسبوعين ريلي بالبر
الحين رديت شقتي ومتغير عليها المكان الظاهر *

 

[ReRez]

تفكيرهم صح؟ قاعدين يسببون بالناس و يزرعون الفتن وبيحللون الخمر بالديره؟ لابارك الله فيهم
ربي يرد كيدهم ان شاءالله

واحد قذر والسانه وصخ قطع

والثاني ( قليل ادب ) و مسيّر شفت له فيديو قاعدين يلقنونه الحجي قول جذي وسب جذي و اغلط على جذي واهو بس يردد ( ان شاءالله وحاضر )
شنرتجي من واحد جذي

ربي يكافينا شرهم و يستر على ديرتنا
---

مابي ادش بالسياسه اكثر بس بدعي بهالفير ربي يكافينا شرهم وشر كل شخص بيخرب هالديره

 

[انثى الكويت]

والله اهم شلون فازو مادري

بس بنشوف شنو بيسون لان المجلس الطاف ما استفدنا منهم

يمكن هالمره نستفيد جان زين احتا غلط واهم صح بس عشان ديرتنا والشعب

يارب تهديهم وتخلي قلوبهم عالديره واهلها



بنات انا المفروض ماغير هالتجمع لووووول


بس لي تجمع بالمكياج فلست وربي منهم

صرت اشتري مكياج بروفشنال بسببهم


محد بيفهمني غير جنى وام مريوم
الحقوووووني

 

[Khota8]

صباح الرايحين للجميع
ام جنووي
انا اللي فديتج شكلي كنت مسويه اقتران وياج>>>>بقت الحجي منج>>هههههههه

اسم الله على بيبياتكم لاتحطونهم بمكان مرتفع بدون رقابه ولاتحطونهم بالكراسي بدون ربط

انثى

هذي مشكله الاعلبميه>>>يعني مو خبره
اول الايام بتتعبين بالتشري وعقب لا تعرفين اللي لازمج وفي اشياء تقعد عندج مثل الشدوات والحمر والقلوسات ماتخترب بس تصرين تتجدين بالكونديشن والماسكرا اهما اللي يخلصون وجذي راح توفرين فلوسج
وعلى فكره مو كل شي يمدحونه تيبينه لان بشرتج غير عن بشرة اللي مدحت الشي
والله يوفقج ان شاءالله


ام نيرمانا
طمنينا على ولدج

سما
اختفيتي وينج وشلون حمود وخلووودي

بنت ابوهاااا
وانتي بعد وينج

معبوجا وبتبوتا ومكسيكيه وكويتنا اممممممم مادري بعد منو
*

 

[المكسيكيه]

صباح الخير

 

[المكسيكيه]

بنات تطعيم الشهر الرابع جم ابره

 

[حمرة الورد]

مشكورين بنات علي الدعاوي الحلوه لولدي خوتا حبيبه التجمع الحمدلله اهو احسن بس كله يحن ويبجي ومايرضع فيدوني بنات عقبه وخاصه ريري الله يعينج علي بنتج ويشافيها صج تعب اذا الياهل تعب وخاصه الصدر وكل البنات اللي عيالهم ياخذون الكمام شلون رضعتهم والكمام مايبيه كلش الله يهديه

اما عن الفضل والوسمي والجويهل الله يستر منهم ويعدي المجلس علي خير

 

[حمرة الورد]

هلا مكسيكو اثنين ونقط جنه بعد بالحلج

 

[حمرة الورد]

مكسيكو شلونج وسارت بنتج بشرينا عنها وتفضلي الجدول التطعيمات

http://www.e.gov.kw/sites/kgoArabic...idences/Health/BasicVaccinationsInKuwait.aspx

 

[مشاعر أمرأه]

جنى الظاهر كنا بنفس المستشفى واحنا ماندري انا كنت بالشفا

 

[حمرة الورد]

مشاعر الدرن الشهر الثالث حبيبتي

 

[المكسيكيه]

مكسيكو شلونج وسارت بنتج بشرينا عنها وتفضلي الجدول التطعيمات

http://www.e.gov.kw/sites/kgoArabic...idences/Health/BasicVaccinationsInKuwait.aspx

هلا حبي بنتي الحمدلله بخير الحين بس شوي صدرها
ومشكوره ياقلبي على جدول التطعيمات:eh_s(7):

 

[ReRez]

اهلين مكسيكيو اشلون فجوري والله انها تذكرني بنونا بنتي ربي يحفظهم ان شاءالله
----

بنااااااااااات امس اووول مره اطلع نونا معاي مكان عام بالعاده يا مستشفى يازوارات ومره رحت معاها سنتر بوينت وبس

اما امس كلنا انا وريلي وخالتي وحماتي واختي واعيالهم رحنا نتغدا بالافنيوز وجازفت وخذيتها ولبستها تريننق فديتها،، ماشاءالله واحنا نتغدا نايمه بعدها رحنا انودي اليهال بروي عشان يلعبون جان تقوم وقعدنا رضعتها بعدها شالها ابوها بس وييها على الناس تحسون مصدومه اول شي متنحه مستغربه بعدين قامت تحرك ايدها وريولها و تسولف حيااتي حسيتها مستانسه اول مره تشوف الدنيا هههه

طبعا ماطليت على بامبرزها واحنا طالعين بس يوم ردينا البيت كانت موصخه وغيرتها  اشوه ماحب اغسلها الا بالبيت

بس الطلعه كانت تجربه ناحجه ولله الحمد ،،

 

[Poison_Girl]

سلام شلونكم وشلون البيبيات
حبيبي علاوي عيونه اتعوره في رمد وأي كاسر خاطري ادعوله الشفاء العاجل صارله ٣ اسابيع
وقصب ينام حمدلله على كل حال... عنده تطعيم ٤ شهر بس قالي الدكتور لازم ااجله سبوع عادي؟

 

[كويتيه فدعاا]

قوه بنات شخباركم ؟
متى نبدا نعطي عيالنا
اكل غير الحليب مثل البسكوت اللي ينحط
ويا الرضعه الحين ولدي اسم الله عليه
كمل الاربع شهور وليما الحين بس حليب
ومايرضع الا ٣ ارقام بالرضاعه
ياليت تردون علي مدري شسوي