✔✔تجمــ؏ لحوامــل التــوأأأم✔✔

[Om 7mody7]

اااااااااااااااااااااف مليون مبروك سمو. الحمد لله على سلامتج مبروك ماجبتي. الله يحفظهم ويجعلهم من الصالحين. ارتاحي وعليج بالكمون ممتاز للغازات ولا تشربين حليب او بقوليات.

 

[HOT^CHOCOLAT]

كللللووووش ألف ألف مبروك حبيبتي الحمدلله على سلامتج ويتربون بعزكم انشالله حبيبتي وناسه ننطر التفاصيل ربي يقومج بسلامه

 

[احساس السعوديه]

السلام عليكم ورحمة الله وبركاته
كيفكم اخبااااركم
انقطع المنتدى كم يوم واخيرا رجع

كيف اموركم وكيف البيبياات معكم


سمو وشيطونه لاتقطعونا لا ارتحتوا قولوا لنا عن ولادتكم وكيف الحلوين معكم

عطونا من خبرررتكم حبيباتي الحمد الله ربي بلغكم بشوفتهم ربي يحفظهم

 

[بنفسجيه_Q8]

روزماري /حللت مافي حمل اليوم لي ١٥ من الدوره
وتحليل الهرموني يوم الجمعه سويته
١ ونص الهرمون
ومن يوم الجمعه ماسويت
تحليل
والله المستعان




بنات ابي احسن دكتور لتؤام

 

[بنفسجيه_Q8]

الله يتمم عليكم ويسهل ولاداتكم وتفرحون بشوف بيبياتكم

 

[ام جنه]

حبيبتي انصحج بدكتور خالد حمود بدار الفؤاد كلينك شهادتي فيه مجروحه والحمدلله كل اللي اعرفهم يراجعون عنده حوامل بتوأم والله يرزقج يارب بالقريب العاجل وعليج بالاستغفار احسن عﻻج سبحانه

 

[moony77]

حمدلله على ااسلامه سمو ويتربون بعزج جم كان وزنهم واحتاجوا شيشه اسمله عليهم ولا لا

انا خايفه الدكتور بيولدني احتمال 7/11 يعني 34 اسبوع ويومين لان خايف على قيصرياني اللي قبل
تتبطل بَـᏰᎯᎦـسْ بيعطيني مره ثانيه ابرة الرئة عشان البيبيات انا ماخذتها مِــ♡ــنْ اول بَـᏰᎯᎦـسْ قالي احتياط

طمنيني والله يا ايت بعد شيطونه تعلمنا عن صحتها وصحة البيبي لانها ما كملت للتاسع

 

[shayto0oNa]

السلام عليكم*


شلونكم شخباركم اشتقت لكم وايييييد وايييييييد*


بس والله توني فضيت ادخل النت


اللي معاي بالانستقرام تدري اني ولدت الحمدالله على كل حال*


قصة ولادتي*

صارلي ثلاث ايام عوار بظهري ومغص ايي تالي الليل واللي قرا اخر رد لي راح يعرف المهم*

يوم الاحد تاريخ ٢٣/٦ نمنا انا وريلي ساعه خمس الفير مافيني الا الععافيه قعدت ساعه ٦ الصبح عالعوار ولا يقولي ريلي امشي نروح المستشفى وانا بعيني النوم مالي خلق قلت ماله داعي الحين مايسون لي شي عطني بندول وبس*

ريلي لزم الا نروح قمت لبست وصلنا السلام سولي سونار كل شي اوكي قالت بفحصج رفضت قالت يمكن ولاده قلت مستحيل ولا تقولي خلاص بسويلج تخطيط اذا في طلق بفحصج وسويت تخطيط طلع فيني طلق وسط !!!! هني خقيت قالت حالا تروحين الصباح او العدان لان انتي بالسابع وافضل لج الحكومه لان شيشتهم متطوره اكثر من الخاص ودكاترة الاطفال افضل طبعا انا رافضا نهائيا اولد بحكومه. واطير المواساه وطردوني نفس الحجي واروح رويال حياة ونفس الشي قلت خل اروح العدان اشوف شسالفه اصلا مافيني شي !!
رحت العدان وسولي تخطيط ولا طلقي حااامي وقال لازم فحص ورفضت وقعدت ابجي واختي طبعا ييت وقعدت تهديني ليش مارضيت يفحصوني ولا فاتح ٢ سانتي ولايقول يلا ولاااااده حالا حالا وانا انقز والبس ملابسي واركض نفس اليهال طلعت برا المستشفى لان ماتعرفون شكثر اكره العدان ولاتخيلت بيوم بدخله شلون اولد فيه بعد !!!!!! واقعد عالرصيف لاتسالون ليش ههههههه واقعد وابجي واصارخ على ريلي واختي ودووووني البيت والله ما ادخل عالوصخين هههههه وظلينا على هالحال لمدة ساعتين ونص واحنا عالرصيف وخليتهم فرجه للناس هههه وريلي ماخلى واسطه مايابها بس عشان تدخل معاي اختي للولاده وللاسف ماكو فايده

وعلى ساعه ١٢ الظهر وانا عالرصيف ولا نزل علي الماااي يممما ويشيلني ريلي ودخلوني الولاده وانا مجلبه بريلي ويسحبوني سويت فلم خخخخ طبعا مايحتاج اقولكم عناية العدان وطريقة معاملتهم للمريض !!!!! تخيلو اول ماحطوني على سرير الولاده ولا النيرس تقولي يلا قوم تحليل بول واهي معصبه ولايعه جبدها ! سكت وقمت حافيه بدون نعل تكرمون بدخل الحمام ولاتكرمون الارض كلها بووول والمرحاض مكسور والشفاط يخر ! قلت لها ابي شوز تقول مافي ! قلت بلى كاهو تحت الطاوله تقول لا هذا مال نيرس ثاني ماعطيج !!! قمت اصارخ الا يابولي ويع ويع غير ان كل مابي اقوم اقول للنيرسات عطوني ايدكم امسكها ماقدر اقوم تعرفون حامل وثقل وتعبانه تقول النيرس يلا يلا قومي لاتسوين دلع !! المهم ابي اروح الحمام قلت لها ولا تقول لا انا يجيب صحن سوي على فراش يابت هالصحن ولا يابنات وصصصخخخخ وصخ وصخ وبلعتها وبعد ماخلصت انادي انادي ابي احد يشيله من تحتي ويمسحني ماكو احد يرد علي تخيلو والله البول تكرمون وصل لي ظهري ولا احد ياني !!!! الا بعد ربع ساعه ييت وشالته من تحتي جان اقولها غسليني مسحيني اي شي ؟ ولا اتييب كلنكسه وحده قطتها علي !!! قلت ماكو بعد ولا تقول لا مافي قعدت ابجي وادعي حسبي الله عليكم حسبي الله عليكم **
وكل شوي الدكاتره ياين ويفحصون يما ذبحوني دفشين ولا ٢٠ مره فحصوني مت ابجي اصارخ صرخة تهز المكان كله وانا على هالحال لين ١٠ بالليل هني. من كثر البجي والقهر ارتفع ضغطي ودقات قلبي صارت بطيئه وحرارتي ارتفعت ويخقون عمليه عمليه ويركضون فيني وطقوني ابرة ظهر وانا قاعده وهم طلعو اول بيبي عزوز حياتي ويبجي واقعد ابجي يممما شعور ماينوصف ويطلعونه ويركضون فيه اشوفه حبيبي ازززززرق ومسوي سبايكي هههه شعره واقف وباجي البيبي الثاني الدكتور يتل ببطني جنه بيطلع قلبي يماااا ويطلع علي فديت روحه هني مادريت عن الدنيا رحت بسابع نووووومه*

وبس الحمدالله قمت بالسلامه والبيبيات بالحضانه لمدة شهر عزوز وزنه كيلو و٢٠٠ وعلي وزنه كيلو ٥٠٠ *وصحتهم زينه الحمدالله صج اني للحين مامسكتهم بس فديتهم احس ص ارو اغلى من روحي*


كل يوم اروح اشوفهم واعطيهم حليب*


انا هذي قصتي باحلى واغلى بيبيات وعقبالكم تقومووون بالسلامه والله يهون عليكم يارب*

 

[shayto0oNa]

ولدت باسبوع 29

الحمدالله على كل حال

 

[shayto0oNa]

طبعا بنات اللي تولد قبل اسبوع ال32 الخاص مايستقبلها فتروح حكومه سيييدا

 

[shayto0oNa]

سمووو حييياتي الف الف مبروووووووك يتربون بعزكم ان شاء الله وحمدالله على سلامتج

 

[moony77]

كسرت خاطري شيطونه صج العدان كلاب جان رحتي الصباح يمدحونه
العدان الكل مِــ♡ــنْ اصغرهم لي اكبرهم اذا ما عندج واسطه يعاملونج ولا شي
الحين عيالج بالحضانه مالت العدان انا خايفه رلادتي ٧/١١ راح اكون ٣٤ ويومين
خايفه انه عيالي يحتاجون حضانه إِنْ شٰاءَاللهْ ما يحتاجون بَـᏰᎯᎦـسْ يقولون انه
الاطفال اذا اقل مِــ♡ــنْ ٢ كيلو يحطونهم انا عيالي باقيلهم تقريبا واحد باقيله ٣٠٠ جرام
والثاني ٢٠٠ جرام مادري اخاف باسبوع ما يوصلون للكيلوين
حضانة العدان زينه لان انا قريبه منها ولا اوديهم الصباح لو لا سمح الله احتاجوا ؟

 

[shayto0oNa]

موني انا ماخليت واسطه ماوصتهم علي عندي ٤ من دكاتره من جماعتي وصو علي وشكثر اداريين بالعدان نعرفهم وصو علي بس هم جلاب ماينفع معاهم لا وتسطه ولا بطيخ


اما حضانة البيبيات ماشاء الله حيل زينه ودكاتره خبره وشطار وعنايه ممتازه بالبيبي بس العيب الوحيد ان محد يدخل للبيبي الا الام يعني ريلي للحين ماشاف عياله لووول شوفي اهي شي حلو بنفس الوقت لان يخافون من الجراثيم والامراض فعشان مصلحة البيبي محد يدخل عليهم الا الامهات

 

[shayto0oNa]

موني راح يحطونهم شي اكيد لاتخافين هذي عشان مصلحة البيبي يكتمل شوي ويربرب هههه لاتحاتين سهالات الشيشه

 

[HOT^CHOCOLAT]

مساء الخير اشتقتلكم أخيرا بطل المنتدى معلق لوع جبدي
ألف ألف الحمدلله على سلامتج شيطونه هذا العدان شنسوي عشان عيالنا ومصلحتهن أنا بطقاق لأنه مجربته بنتي ولدتها اخر السادس شهرين اعتنو فيها فديتها ريلي يخليلج الحلوين وبلغج فيهم انشالله
الله يهون عليج موني حياتي لاتحاتين ادعي ربي يهون عليج بدال لصراخ كنت بس ادغي ربي سهل علي ربي سهل علي هذا كنت اقوله لأنه الدعوه مستجابه
شوقونيي اولد ؛)
بنفسجيه ربي يرزقج يارب جربي ناهض حماديه بالمواساه وايد شاطر

 

[طيوبه1122]

الحمدالله علي السلامه شيطونه والف مبروووك اهم شي البيبيات بخير وانتي بخير كله يهون وربي يطلعهم لج بالسلامه وتشوفينهم وتشيلينهم بحظنج نبي عاد قصتج معاهم بالبيت شلون تربية التوائم صعبه وله عادي الله يحفظهم ويخليج لهم

 

[HOT^CHOCOLAT]

شلونج طيوبه شخبارج عساج بخير
نبي بالبيت شلون الوضع سمو وشيطونه وباجي الامهات التوام

 

[طيوبه1122]

شلونج طيوبه شخبارج عساج بخير
نبي بالبيت شلون الوضع سمو وشيطونه وباجي الامهات التوام

بخير ماشي حالي مع تعب الحمال وياريت سمو تدخل تقولنا عن ولادتها :bbbiu: بانتظارها تطمنا عليها كانت شايله التجمع فقدناها وايد

 

[روزماري]

شيطونه

الحمدلله على السلامه يا ام عزوز
و مبروك المعاريس يتربون بعزكم
خلاص نناديج ام عزوز احسن من شيطونه راحت ايام الدلع لووووول
طبعا ولادتج أكششن انا قاعده اقرأ و اضحك هههههههههههههه
ماالومج بصراحه بلاوي الحكومه شفتها بعيني يلا الحمدلله التعب منسي اهم شي سلامتكم
و ان شاء الله يطلعون بيبياتج بالسلامه
و ترى وزنهم ما شاء الله زين ماراح يطولون يمكن أسبوعين و يطلعون بإذن الله و قولي روز ما قالت

 

[روزماري]

موني
لا تحاتين انشاء الله تكملين لي الاسبوع 36
و موشرط اقل من كيلوبن يحتاجون شيشه
اذا البيبي صحته زينه و تنفسه زين ما يحتاج
و اذكر وحده كانت معانا بالتجمع ولدت مبجر و قعدو بالشيشه عيالها و طلعوهم اقل من كيلوين

وكلي امرج لربج و لا تفكرين و ان شاء الله خير